教育王國

標題: 升小一，中文識字問題 [打印本頁]

作者: LilianTse 時間: 18-7-9 22:09 標題: 升小一，中文識字問題

小女讀開心幼兒園，一向認中文字唔多好！又唔多識中文字。

好擔心上小一，不能理文字題，閱讀理解，想趁呢個暑假去催一下啲中文字！

想請問大家知吾知邊度有中文認字班或者點樣可以幫到小朋友。

作者: Rubycocoruby 時間: 18-7-9 22:40 標題: 回覆樓主

即刻開始伴讀啦。

你一早已知開心幼稚園，現在才擔心，是否一早無想到？

或者可以選些出名小功課的小學

作者: Yanamami 時間: 18-7-9 22:44

語文要浸，一个暑假唔会脱胎換骨｡幼稚園就算係番happy school, 亦应－早想到小－課程是不会遷就你的，早些开始伴讀，用拆字和部手方法教佢多認字啦……

作者: tantanmama 時間: 18-7-10 15:42

唔洗太擔心住, 你攞本小一中文補充練習俾佢, 如果佢睇得明題目就已經OK.

作者: Elenalan 時間: 18-7-10 18:20 標題: 回覆樓主:

我覺得認到幾多字，同是否讀Happy School 無關。
讀開心幼兒園都可以培養閱讀興趣和習慣，我女都係讀開心幼兒園，學校都有閱讀計劃，外借中英課外圖書，每個月至少6-8本(一年都有幾十本，只計學校借果d，3年都睇過百本!)，如果家長肯花時間認真伴讀，孩子可享受閱讀樂趣，亦已經學到唔少中英文字和句式。

如果一直冇閱讀習慣，唯有快D開始，一年半載好快見效。

作者: little_yolky 時間: 18-7-10 19:16

Elenalan 發表於 18-7-10 18:20
我覺得認到幾多字，同是否讀Happy School 無關。
讀開心幼兒園都可以培養閱讀興趣和習慣，我女都係讀開心幼 ...

得罪講句, 其實讀開心幼稚園, 家長先有更多空間培養小朋友閱讀興趣, 唔駛溫默書, 趕功課。

作者: MrBeast 時間: 18-7-10 19:26

little_yolky 發表於 18-7-10 19:16
得罪講句, 其實讀開心幼稚園, 家長先有更多空間培養小朋友閱讀興趣, 唔駛溫默書, 趕功課。 ...

kg happy or not, 返半日nap 埋都有時間看書，讀兩間先會冇時間

作者: Elenalan 時間: 18-7-10 20:17

MrBeast 發表於 18-7-10 19:26
kg happy or not, 返半日nap 埋都有時間看書，讀兩間先會冇時間

我女讀長全日幼兒園加延展，都有時間睇書，每星期至少睇4-5本，仲有兒童雜誌。所以睇唔睇書應該同讀咩kg無關，視乎家長有冇付出心機去培養小朋友閱讀興趣。

作者: IloveJJ 時間: 18-7-10 20:45

提示: 作者被禁止或刪除內容自動屏蔽

作者: Mrs.Luckycat 時間: 18-7-10 23:17 標題: 回覆樓主

你小朋友平時鐘意看書嗎？當年我仔都係讀一間不重學術、超happy 嘅幼稚園，上年佢kg畢業，我無催谷佢，無補習。不過佢鐘意睇書嘅。
So far佢順利應付到小一中文考試。
趁今個暑假，大量閲讀，打好基礎。等小一過了頭二、三個月看看他的進度再作打算。

作者: wongtw 時間: 18-7-11 02:41

我仔愛看youtube多過看書,小一,二中文理解認字都無問題，只是經常忘記個字怎寫，愛看老夫子和福爾摩斯，認寫能力進步中。

作者: PY-Sing 時間: 18-7-12 15:57

因為JM 講小學中文同幼稚園好有距離, 所以小兒K2-K3 睇完晒基礎漢字500, 有時會睇我會讀. 而一買了小學中文書, 就係暑假預讀晒課文, 咁就唔洗係開學時追得咁辛苦.

作者: stellaluilui001 時間: 18-7-18 13:08

其實我又覺得唔洗太過於緊張，或者話睇下媽咪你期望小朋友要什麼成績吧。我女幼稚園都是Happy School，而且是超細女，認字能力都比較慢，無睇書習慣，我更加無陪讀，小一剛開始時，系會見到有d分別，始終認字是一個難關，但經過一年后，我又發覺我女認字好左好多，過渡小一也不是說太難，當然我女不是什麼名牌小學，但讀得開心

作者: twlo 時間: 18-7-19 11:15

其實是否太緊張呢？
返學是學習知識，溝通及自理。大家未入讀小一前，就話要學會怎麼、識得怎麼，這樣就不用返學，自己教或者出街補習已足夠。
以及，睇書是一種興趣，副產品才是識多些字和課外知識，大家不要本末倒置，強逼小孩一個暑假要睇多少本和與他人比較。

作者: Herobear 時間: 18-7-19 21:45

小朋友適應力強
唔駛擔心
我女k2先學寫中文
K3要寫句子，但都跟到
有時間玩多d對小朋友發展仲好

作者: fishinlove 時間: 18-7-22 02:07

我覺得建立學習興趣很重要，我仔讀學卷happy school,約八個月大開始伴讀，平日出街亦同佢生活學習睇餐牌、站名等等，現在所識的中文字也不少，當啟動到佢果份求知慾，其實不用特登上興趣班，生活上已有很多可以學習既教材
用有趣味性的方法去吸引小朋友學習，相信會學得最快、印象最深

歡迎光臨教育王國 (/)