教育王國
標題: 轉校疑惑 [打印本頁]
作者: fafapoodle 時間: 18-7-5 09:50 標題: 轉校疑惑
呀仔黎緊九月升小二，總括今年成績只係處於中游位置，佢亦只係讀d普通小學，係本區較受歡迎學校，其實程度唔深，考試題目亦好直接！家姐之前亦係呢間小學畢業，當年同家姐温習係無難度，而佢亦可名列前茅！但係，真係資質嘅分別，呀仔好難攪，中文科一開始已唔合格，到我開盡turbo督導佢，佢亦只係得七十幾分！常識亦因為多中文字當然都係得八十幾分！至於數學，佢亦都好差！有d好易嘅都要解好耐佢都好似唔太明咁！唯獨是英文科，佢真係好好！而我亦發現佢每逢有d去禮堂聽嘅talk佢亦特別好記性，可以返黎講返俾我聽！
結論係，我覺得傳統嘅小學未必太適合佢，雖然佢嘅成績又未係最差，但响度令佢無乜自信！
最麻煩係仲有個細佬，九月先K1，如果呀哥轉校佢就會斷龍！
其實一定會俾呀哥讀埋二年級睇下有無改善，只係煩緊如果都係要轉，究竟有d咩學校比較啱佢，考到後細佬又點呢？
Ps 呀哥係十月尾都屬於細仔
作者: noverzero 時間: 18-7-5 10:24
回覆 fafapoodle 的帖子
我覺得你認為轉校對哥哥好既, 就試下先
細既有家姐畢業既10分,其實都機會高過好多人
其實仲有成年, 慢慢諗啦, 而且唔係你想轉, 就轉到
而且我又唔覺得佢成績真係咁差, 試下比多D中文書佢睇先啦
數學, 要平時日常生活用多D, 玩多D 遊戲
有套7 ATE 9 既卡GAME, 可以玩下
作者: Felix223 時間: 18-7-5 10:46
fafapoodle 發表於 18-7-5 09:50 
呀仔黎緊九月升小二，總括今年成績只係處於中游位置，佢亦只係讀d普通小學，係本區較受歡迎學校，其實程度 ...
本帖最後由 Felix223 於 18-7-5 10:47 編輯
其實我唔覺得你個仔差喎！邊有咁嚴重有轉校需要。
仔好多時喺咁，會比D女仔冇咁醒，唔可以攞家姐同佢比較㗎！中游又不是墊底，佢仲會有進步空間，多d鼓勵佢，真的覺得無問題，我反而覺得你過份憂慮。
作者: Mrs.Luckycat 時間: 18-7-5 11:31
fafapoodle 發表於 18-7-5 09:50
呀仔黎緊九月升小二，總括今年成績只係處於中游位置，佢亦只係讀d普通小學，係本區較受歡迎學校，其實程度 ...
如果轉校的目的是為了逃避中文，將來考DSE時候怎麼辦？中文—趁這個暑假多閱讀趣味圖書。數學—-從日常生活著手：買嘢時叫佢計數、俾錢、找錢，睇電視時問佢幾點做、幾點完、即係睇咗幾多分鍾、小時。
作者: fafapoodle 時間: 18-7-5 12:35
依家，我主力响圖書館借中文圖書俾佢睇，其實，佢考試前已開始同佢做閱讀理解，真係做左好多篇！份中文卷有三篇閱讀理解，佢d分就係响呢度俾人扣晒！份卷嘅其他部份其實佢係啱晒嘅！同佢温習真係好令人洩氣！有時佢講極唔明我真係忍唔住鬧佢，咁佢就好可憐咁喊，令我覺得自己好差！因為佢真係好認真溫習，只係能力唔夠！
依家每星期一次上d英基嘅英文班，睇得出佢好enjoy, 亦好勇於表達自己意見，亦能夠經常做team leader, 同佢依家响小學有截然不同嘅表現，所以忍唔住有d咁嘅想法！
作者: hkpapa852 時間: 18-7-5 13:01
fafapoodle 發表於 18-7-5 09:50
呀仔黎緊九月升小二，總括今年成績只係處於中游位置，佢亦只係讀d普通小學，係本區較受歡迎學校，其實程度 ...
我相信呢個係家長重英輕中既結果。
如果真係要逃避中文，只有走去國際學校，仲要唔係攪IB既先得
增加小朋友睇中文書既興趣，先有希望
作者: fafapoodle 時間: 18-7-5 13:19
回覆 hkpapa852 的帖子
其實回顧呢一年，佢d中文係有好大嘅進步，只係其他同學嘅進步比佢更多！我係覺得依家學校嘅傳統教學方法未必最適合佢，佢可能較適合一d活動教學模式。
中文，我都覺得好緊要，所以我响圖書方面入手，我會借d故事有趣d嘅俾佢睇！但係，佢一定要我讀，唔肯自己睇！
作者: hkpapa852 時間: 18-7-5 13:39
fafapoodle 發表於 18-7-5 13:19
回覆 hkpapa852 的帖子
其實回顧呢一年，佢d中文係有好大嘅進步，只係其他同學嘅進步比佢更多！我係覺得依 ...
成語故事, 老夫子, 三國演義, 福爾摩斯等
作者: sunnygirl 時間: 18-7-5 13:44 標題: 回覆樓主:
我覺得最大問題係中文，佢係自細接觸英文較多？其實你轉校都只係逃避，但避去邊都要讀中文呢科，除非你讀國際學校啦
作者: MrBeast 時間: 18-7-5 13:50
本帖最後由 MrBeast 於 18-7-5 13:53 編輯
fafapoodle 發表於 18-7-5 13:19
回覆 hkpapa852 的帖子
其實回顧呢一年，佢d中文係有好大嘅進步，只係其他同學嘅進步比佢更多！我係覺得依 ...
伴讀有乜問題？中文閱讀個learning curve v steep，要有一定的詞彙才可自己睇，比d耐性，況且是細仔，學校有三張閱解程度不淺吧，會不會你自己要求都有d太高？
作者: brother4 時間: 18-7-5 13:51
fafapoodle 發表於 18-7-5 13:19
回覆 hkpapa852 的帖子
其實回顧呢一年，佢d中文係有好大嘅進步，只係其他同學嘅進步比佢更多！我係覺得依 ...
讀書冇得比較，一虎生三子，其中－定是豹的道理，自己考試全满缸红及留班＋踢出校，所以對孩子要求超低，升班就開心 
另小二可能中文字認有限，考慮看漫畫如老夫子（便利店有售）
作者: Felix223 時間: 18-7-5 14:25
fafapoodle 發表於 18-7-5 13:19
回覆 hkpapa852 的帖子
其實回顧呢一年，佢d中文係有好大嘅進步，只係其他同學嘅進步比佢更多！我係覺得依 ...
好正常，我個仔都唔肯自己看。其實而家d小朋友已經好叻，咁細個開始看書，慢慢來，就算要你伴讀，唔緊要啦！最緊要佢肯看圖書，終有一天佢自己會看和讀，比d耐性。
作者: Mrs.Luckycat 時間: 18-7-5 14:34
fafapoodle 發表於 18-7-5 13:19
回覆 hkpapa852 的帖子
其實回顧呢一年，佢d中文係有好大嘅進步，只係其他同學嘅進步比佢更多！我係覺得依 ...
咁看起來，你仔嘅中文唔係好差，只係你嫌佢唔夠top。如果佢只係閱讀理解比較弱，書局大把閲讀理解嘅練習，挑選一些程度淺一些，佢做完做你要細心分析佢點解錯，否則佢十本都無用。
作者: rulerL 時間: 18-7-5 16:06
fafapoodle 發表於 18-7-5 09:50
呀仔黎緊九月升小二，總括今年成績只係處於中游位置，佢亦只係讀d普通小學，係本區較受歡迎學校，其實程度 ...
可能最主要係你用家姐同佢比較，喺呢度我睇到人人都講喺小學階段，女仔因比男仔早熟，讀書成績係會比男仔好，比較之下你自然覺得仔表現好似好差。其實你都話佢成績中游，即係唔係差啦。
我細仔都係細B（12月），都係讀普通津小，幼稚園係happy school，到升讀小一時學習進度好慢，其中一次考試英文唔合格添，其他科亦只是合格多少少，最叻一科常識科亦不過是80頭。小一考試名次是13x/160同14x/160。
升上二年級後開始見到進步，各科有7x至8x，一路有進，英文試過有91，名次亦介乎101～7x，三年級至現在四年級趨於平穩，只是有點飄忽，最叻4x名，最差8x, 相比起讀小一時，已經係好好多了。
作者: rulerL 時間: 18-7-5 16:17
fafapoodle 發表於 18-7-5 09:50
呀仔黎緊九月升小二，總括今年成績只係處於中游位置，佢亦只係讀d普通小學，係本區較受歡迎學校，其實程度 ...
我想講小朋友進步空間好大，唔好急於睇一時，依家都唔差，睇多年先再考慮係咪需要轉校都未遲。
作者: little_yolky 時間: 18-7-5 18:10
fafapoodle 發表於 18-7-5 09:50
呀仔黎緊九月升小二，總括今年成績只係處於中游位置，佢亦只係讀d普通小學，係本區較受歡迎學校，其實程度 ...
初小唔應該太看重分數, 你基本知佢問題响邊, 其實已經好好搞, 中文慢慢浸, 一定要睇, 日日睇, 陪佢睇。佢中文好返, 中、數、常自然會上返去。而且, 佢無自信唔關間學校事, 係關你事, 因為你成日覺得佢差過家姐好多。我兩個小朋友, 一個B1, 一個B3(希望係暫時), B3果個都不知幾有自信, 自我感覺相當良好。小朋友, 你覺得佢掂, 佢就掂。初小都係集中培養學習自律好D。
作者: Jane1983 時間: 18-7-5 18:40
hkpapa852 發表於 18-7-5 13:01
我相信呢個係家長重英輕中既結果。
如果真係要逃避中文，只有走去國際學校，仲要唔係攪IB既先得
你講得對，中文係無得避，除非你把心一横去唔重視中文的IS，仲修外語將中文變為第三語言。
中文好在好多好書可以睇，初小有心搞，可以建立閱讀興趣。睇得多書，慢慢就漸入佳境。
作者: MrBeast 時間: 18-7-5 19:05
little_yolky 發表於 18-7-5 18:10
佢係細B, 仲要係男仔, 我覺得無乜問題。
初小唔應該太看重分數, 你基本知佢問題响邊, 其實已經好好搞, 中 ...
作者: fafapoodle 時間: 18-7-5 19:21
我都希望佢越黎越進步！自己諗返，其實3個裏面，由於呀仔性格最和善，心地好加上佢係無咁醒目果個，所以我確實特別偏愛佢，亦由於家姐比較敏感，佢亦好早感受到我嘅偏心，之後我努力改善，但係家姐間唔中會針對呀仔，會話佢好蠢，自己幾多年班已攞到d乜獎物獎，所以令到呀仔好唔開心！家姐現處於青春期，有時叫佢唔好咁話細佬佢只會話多佢幾句，真係好煩！
作者: 964000 時間: 18-7-5 20:20
fafapoodle 發表於 18-7-5 19:21
我都希望佢越黎越進步！自己諗返，其實3個裏面，由於呀仔性格最和善，心地好加上佢係無咁醒目果個，所以我 ...
咁係家姐問題，但青春期的女仔好難攪的
作者: Saboc 時間: 18-9-21 12:29
樓主本身有3個小孩，容易有比較。似小孩並非好差。会否家長嘅期望過高？
作者: b3410 時間: 18-9-21 23:53
fafapoodle 發表於 18-7-5 19:21
我都希望佢越黎越進步！自己諗返，其實3個裏面，由於呀仔性格最和善，心地好加上佢係無咁醒目果個，所以我 ...
不過我仔已經5年級，經歷過初小的混沌，終於開始漸入佳境。尤其是暑假用了很多時間加強中文，開學後第一份中文工作紙終於有A。
作者: 964000 時間: 18-9-22 07:39
fafapoodle 發表於 18-7-5 12:35
依家，我主力响圖書館借中文圖書俾佢睇，其實，佢考試前已開始同佢做閱讀理解，真係做左好多篇！份中文卷有 ...
本帖最後由 964000 於 19-5-27 19:05 編輯
......
作者: hued 時間: 18-9-23 23:56
fafapoodle 發表於 18-7-5 09:50
呀仔黎緊九月升小二，總括今年成績只係處於中游位置，佢亦只係讀d普通小學，係本區較受歡迎學校，其實程度 ...
男仔細仔, 普遍進度係慢. 如果父母接受到,係ok嘅。 但係學習 生活入面 ，孩子如重分數，可能會 自信心低， 父母要幫忙調節 ,當然 大女的行為（ 話細佬蠢 ）都要 控制。
父母可以做嘅， 逐少逐少（ 能掌握範圍 ）可以鼓勵佢做得好， 比起上次嘅自己有進步。
又或者係細仔， 重讀一年 能力感會好好多， 父母在跟進功課也輕鬆 很多；但係因為已經小一， 原校重讀心理也不好。 就算轉校重讀 也要好好堅定孩子的心。
身邊有不少例子， 細b小一小二 跟得比較吃力（ 也不敢隨便轉做大仔）。 而細仔選擇做 遲一年大仔， 能力好咗，自信大（ 他們 都是在幼稚園階段已做遲一年的大仔）。
| 歡迎光臨 教育王國 (/) |
Powered by Discuz! X1.5 |