教育王國

標題: 阿仔今年九月升小五了，各科成績都唔好 [打印本頁]

作者: kiko123 時間: 18-7-3 12:14 標題: 阿仔今年九月升小五了，各科成績都唔好

本帖最後由 kiko123 於 18-7-3 12:16 編輯

中數常合格邊緣，但是英文系重來無合格過，宜家都唔知點樣補了，他有點抗拒去補習社，之前補左一年半的英文，阿仔話一D都聽唔明，

有無好的補習社介紹啊
我住屯門大興

作者: 紫翹 時間: 18-7-3 13:34

kiko123 發表於 18-7-3 12:14
中數常合格邊緣，但是英文系重來無合格過，宜家都唔知點樣補了，他有點抗拒去補習社，之前補左一年半的英文 ...

不如搵AGENT上門單對單補, 睇下佢衰D咩, 再响暑假加強

作者: rulerL 時間: 18-7-3 13:54

kiko123 發表於 18-7-3 12:14
中數常合格邊緣，但是英文系重來無合格過，宜家都唔知點樣補了，他有點抗拒去補習社，之前補左一年半的英文 ...

照咁睇佢根本就無學習動機、熱情，又或者佢曾經有鬥志，但奈何一路墮後他人太多之下無法一追再追，你想想辦法去提高佢嘅動力，多啲鼓勵佢不要放棄，最重要給予佢支持，等佢感受到你與他同在。

作者: 王家爸爸 時間: 18-7-3 14:29

rulerL 發表於 18-7-3 13:54
照咁睇佢根本就無學習動機、熱情，又或者佢曾經有鬥志，但奈何一路墮後他人太多之下無法一追再追，你想想 ...

講得啱，睇落去應該係「根本就無學習動機、熱情」，所以解決咗學習動機、學習熱情先係解決問題既正確方法。

作者: 王家爸爸 時間: 18-7-3 14:32

kiko123 發表於 18-7-3 12:14
中數常合格邊緣，但是英文系重來無合格過，宜家都唔知點樣補了，他有點抗拒去補習社，之前補左一年半的英文 ...

老實講，如果唔係針對問題解決，搵任何形式既補習社，唔會有效過祈禱、拜神或者搵文昌位。

作者: 紫翹 時間: 18-7-3 14:35

王家爸爸發表於 18-7-3 14:32
老實講，如果唔係針對問題解決，搵任何形式既補習社，唔會有效過祈禱、拜神或者搵文昌位。

...

你講既當然啱, 但可以點做呢, 想請教下

作者: 1998Ruby1998 時間: 18-7-3 14:47

解決左學習動機呢個先啦！冇動力學習上進，有幾叻嘅老師都冇用。

我之前教個細佬，唔肯畀我教，軟硬兼施都唔肯，唔肯做練習，學校上堂又唔專心，結果分數徘徊合格。今年突然有動力有鬥志，主動要求畀我教，同我即日做曬所有練習，能力明顯提升。

作者: 王家爸爸 時間: 18-7-3 14:58

紫翹發表於 18-7-3 14:35
你講既當然啱, 但可以點做呢, 想請教下

首先無心讀既原因係嘜？呢樣只有家長自己知道。
然後針對問題解決，例如覺得傳統方法唔啱佢，可以試下睇電影、電視劇學英文。

作者: 紫翹 時間: 18-7-3 15:01

王家爸爸發表於 18-7-3 14:58
首先無心讀既原因係嘜？呢樣只有家長自己知道。
然後針對問題解決，例如覺得傳統方法唔啱佢，可以試下睇電 ...

咁我又想借位向你請教下. 我仔學習動機都夠既, 英數常都會主動溫同叫我搵補習. 但中文差D動力, 中文通常都係7X分, 錯子多, 閱讀同作文都一般, 有咩方法改善?

作者: greenlover 時間: 18-7-3 15:12

1998Ruby1998 發表於 18-7-3 14:47
解決左學習動機呢個先啦！冇動力學習上進，有幾叻嘅老師都冇用。

我之前教個細佬，唔肯畀我教，軟硬兼施都 ...

有乜嘢事情令佢突然有動力有鬥志?

作者: gracelam 時間: 18-7-3 15:20

kiko123 發表於 18-7-3 12:14
中數常合格邊緣，但是英文系重來無合格過，宜家都唔知點樣補了，他有點抗拒去補習社，之前補左一年半的英文 ...

其實咁嘅成績, 可唔可以要求學校留班, 留一年打好個底上小五會好D喎!!

作者: 王家爸爸 時間: 18-7-3 15:21

紫翹發表於 18-7-3 15:01
咁我又想借位向你請教下. 我仔學習動機都夠既, 英數常都會主動溫同叫我搵補習. 但中文差D動力, 中文通常 ...

如果主動溫，即係學習動機無大問題。反而需要諗下，點解佢叫你搵補習？係佢唔明老師上堂講嘜？定係其他原因？
至於中文唔主動溫，係嘜原因？會唔會中文底子差？如果係多啲睇書係最有效既方法。

作者: kiko123 時間: 18-7-3 15:24

greenlover 發表於 18-7-3 15:12
有乜嘢事情令佢突然有動力有鬥志?

我都想知啊(emoji)

作者: 王家爸爸 時間: 18-7-3 15:25

gracelam 發表於 18-7-3 15:20
其實咁嘅成績, 可唔可以要求學校留班, 留一年打好個底上小五會好D喎!!

底子唔好，留班都係好辦法，但係需要先同小朋友傾，因為留班又會面對其他心理問題，小朋友未必處理到。

作者: 1998Ruby1998 時間: 18-7-3 15:30

回覆 greenlover 的帖子

我都唔知，我問佢媽媽到底細佬受咩咁大刺激脫胎換骨，佢都唔知。上一堂仲勸個家姐：「我果日做曬所有練習同溫書先玩架，你掛住偷懶同玩。」成個人完全唔同曬，我都嚇親。佢前一年畀工人姐姐拖拉佢出黎上堂，又喊又扭，今年數十聲即刻關電視、收拾玩具，埋位做野。

作者: 王家爸爸 時間: 18-7-3 15:32

1998Ruby1998 發表於 18-7-3 14:47
解決左學習動機呢個先啦！冇動力學習上進，有幾叻嘅老師都冇用。

我之前教個細佬，唔肯畀我教，軟硬兼施都 ...

個細路既家長可能好似我咁，小四之前完全無谷小朋友，只係參加語言、音樂既課外活動，睇啲課外知識、質素好既中英文電視劇。然後，到咗小四下學期開始谷佢（因為小五有精英班）。
如果個細路既家長都係咁做，喺老師睇來，就好似突然有動力、有鬥志、主動學習，同能力明顯提升。

作者: 紫翹 時間: 18-7-3 15:34

王家爸爸發表於 18-7-3 15:21
如果主動溫，即係學習動機無大問題。反而需要諗下，點解佢叫你搵補習？係佢唔明老師上堂講嘜？定係其他原因 ...

佢想補習因为佢D同学都補，佢覺得補左会好D同埋会学多D同快D

中文有了解過，佢閱讀理解唔想抄，試图用自己文字表達，有时意思表達不完全又有錯字咁law

作者: 王家爸爸 時間: 18-7-3 15:41

紫翹發表於 18-7-3 15:34
佢想補習因为佢D同学都補，佢覺得補左会好D同埋会学多D同快D

中文有了解過，佢閱讀理解唔想抄，試图用自 ...

你需要諗既係：其他同學點解需要補習？係啲嘜人會去補習？如果係一齊補，同係學校上有嘜差別？反而大家柴哇哇，補習班隨時變失敗者俱樂部。

作者: 1998Ruby1998 時間: 18-7-3 15:42 標題: 回覆樓主:

細佬唔睇“質數好電視”，睇廣東話卡通片，唔睇書，只玩陀螺。有補中文，但係練習全部都係唔識做，直接問家姐答案。我俾填色、選擇題練習，一題都唔做，所以上年我都幾乎束手無策。

學校二年級分精英班，可能見到家姐入精英班，自己冇份，想追返同家姐一樣掛。

作者: 紫翹 時間: 18-7-3 16:04

王家爸爸發表於 18-7-3 15:41
你需要諗既係：其他同學點解需要補習？係啲嘜人會去補習？如果係一齊補，同係學校上有嘜差別？反而大家柴哇 ...

多謝你提醒先. 佢地果度, 係真係考得前果D補習多, 中間果D都唔會補. 同埋我仔補係單對單的, 唔係同同學一齊補. 況且, 同學都未必會話我地知佢地响邊到補. 我諗佢係見人識左老師未教果D野, 覺得人地另, 所以想係咁

作者: WinnieCatCat 時間: 18-7-3 21:20

kiko123 發表於 18-7-3 12:14
中數常合格邊緣，但是英文系重來無合格過，宜家都唔知點樣補了，他有點抗拒去補習社，之前補左一年半的英文 ...

我細佬小四前懶到出汁成績勁差，後來我媽搵左個哥哥幫佢補習，個哥哥好似當時是中四。個哥哥會補習後同我細佬捉棋，咁我細佬鍾意捉棋屋企又冇對手嘛，咪補習時好努力等補完習有棋捉囉。佢小五開始成績大躍進，當正哥哥是目標仲想入哥哥間中學，最後佢竟然入到間比哥哥那間更好的b1，我媽之前諗都未諗過以為佢讀硬b5咖。所以我覺得男仔有個role model好緊要，等佢有得跟。樓主有沒有親戚朋友兒子四四正正的？或識唔識升左上中學的師兄？補習哥哥本身唔一定要好叻，最緊要乖仔，同阿仔夾到，呢樣真係試過先知。

作者: Yanamami 時間: 18-7-3 23:20

本帖最後由 Yanamami 於 18-7-3 23:21 編輯

補左—年半先話完全听唔明……浪費时间同錢啊~楼主無跟進進度？

作者: kiko123 時間: 18-7-4 01:13

WinnieCatCat 發表於 18-7-3 21:20
我細佬小四前懶到出汁成績勁差，後來我媽搵左個哥哥幫佢補習，個哥哥好似當時是中四。個哥哥會補習後同我 ...

無啊

作者: little_yolky 時間: 18-7-4 11:36

王家爸爸發表於 18-7-3 14:32
老實講，如果唔係針對問題解決，搵任何形式既補習社，唔會有效過祈禱、拜神或者搵文昌位。

...

你唔好咁講嘢喎, 祈禱從來係最有效既解決方法嚟！

作者: little_yolky 時間: 18-7-4 11:42

紫翹發表於 18-7-3 15:01
咁我又想借位向你請教下. 我仔學習動機都夠既, 英數常都會主動溫同叫我搵補習. 但中文差D動力, 中文通常 ...

我哋校長之前講過一個例子, 如果你小朋友仲未係高小, 可能可以搏一下。

佢話教過一個學生都係咁, 仲無你個咁好, 差中文一科, 佢講果個係無科掂。阿媽就緊係搞最唔掂果科, 日日家嘈屋閉。但天生我才, 唔掂之中實有一科無咁唔掂, 有D科係最憎。校長就叫家長唔好理唔掂果科, 先搞好掂果科。咁佢提升咗掂果科, 越搞越掂, 最後佢見自己只係差最憎果科, 佢就自己主動發奮搞埋唔掂果科, 等佢無咁唔掂了。

始終, 小朋友自己努力, 係事半功倍的。

作者: 紫翹 時間: 18-7-4 11:52

little_yolky 發表於 18-7-4 11:42
我哋校長之前講過一個例子, 如果你小朋友仲未係高小, 可能可以搏一下。

佢話教過一個學生都係咁, 仲無你個 ...

r哇, 呢招係置之死地而後生喎. 升小五, 唔得喇. 其實安排左暑假每星期有兩小時補習, 去預備小五課程. 佢自己都知自己字唔夠, 我安排左每日要寫生字, 串字, 增加字庫, 睇下書, 作下文咁囉
暫時最好係英文, 第二係常識, 第三係數, 最後係中文. 數學會加操, 其實都係要寫多D字

作者: little_yolky 時間: 18-7-4 11:58

紫翹發表於 18-7-4 11:52
r哇, 呢招係置之死地而後生喎. 升小五, 唔得喇. 其實安排左暑假每星期有兩小時補習, 去預備小五課程. 佢 ...

其實, 男仔你俾D時間佢, 既然佢有動力, 就從旁鼓勵下好了。阿大有個男同學, 名不見經傳, 點知到P5呈分先嚟突圍, 爬過阿大頭, 科科多兩三分, 激死我。

作者: 紫翹 時間: 18-7-4 12:00

little_yolky 發表於 18-7-4 11:58
其實, 男仔你俾D時間佢, 既然佢有動力, 就從旁鼓勵下好了。阿大有個男同學, 名不見經傳, 點知到P5呈分先嚟 ...

我一向都教個仔唔好同人比較, 所以我都唔太知佢D同學仔成績, 叻果兩三個男同學係知既, 其他D完全無概念.

作者: little_yolky 時間: 18-7-4 12:07

紫翹發表於 18-7-4 12:00
我一向都教個仔唔好同人比較, 所以我都唔太知佢D同學仔成績, 叻果兩三個男同學係知既, 其他D完全無概念. ...

對同學成績無概念, 如果加埋學校資訊唔透明, 你到時就會非常後悔。因為你乜都要靠估。

升中, 就係一個同人比較既遊戲。除非你係級一, 唔駛同人比。求學不是求分數, 是求名次！

作者: 紫翹 時間: 18-7-4 12:11

little_yolky 發表於 18-7-4 12:07
對同學成績無概念, 如果加埋學校資訊唔透明, 你到時就會非常後悔。因為你乜都要靠估。

我仔一向都係級二十至三十左右, 真係無特別留意同學成績, 大家又唔會問大家, 所以真係無概念

作者: IloveJJ 時間: 18-7-4 12:21

提示: 作者被禁止或刪除內容自動屏蔽

作者: little_yolky 時間: 18-7-4 12:39

紫翹發表於 18-7-4 12:11
我仔一向都係級二十至三十左右, 真係無特別留意同學成績, 大家又唔會問大家, 所以真係無概念 ...

果個名不見經傳既男仔, 平時都係咁上下咋！氣死我。

作者: little_yolky 時間: 18-7-4 12:41

IloveJJ 發表於 18-7-4 12:21
個男同學係未呈分所以一向無認真?定咩原因呢？

點知人哋呢, 氣死我。居然中文超過最多！加加埋埋, 5科總共超咗53分！視藝、音樂點都補唔返。中英數三科俾人超咗兩科。

作者: IloveJJ 時間: 18-7-4 13:58

提示: 作者被禁止或刪除內容自動屏蔽

作者: little_yolky 時間: 18-7-4 14:19

IloveJJ 發表於 18-7-4 13:58
我仔小四上學期111，今年小五上學期係28

唔好呈分先殺出嚟一個措手不及丫嘛。

作者: IloveJJ 時間: 18-7-4 14:22

提示: 作者被禁止或刪除內容自動屏蔽

作者: little_yolky 時間: 18-7-4 14:25

IloveJJ 發表於 18-7-4 14:22
好多人係咁架!
我仔啲同學，好多都話呈分先讀喎!不過我仔就唔係。

咁, 其實佢哋呈分先嚟讀, 但自行/直資好多睇埋小四成績, 佢哋有無諗過呢?

作者: 王家爸爸 時間: 18-7-4 15:24

little_yolky 發表於 18-7-4 11:36
你唔好咁講嘢喎, 祈禱從來係最有效既解決方法嚟！

祈禱、拜神或者搵文昌位都係唔同信仰既人增加信心既方法，但係首先需要有實力，增加信心先至有用。

作者: IloveJJ 時間: 18-7-4 19:21

提示: 作者被禁止或刪除內容自動屏蔽

作者: little_yolky 時間: 18-7-5 09:24

IloveJJ 發表於 18-7-4 19:21
咁佢哋梗係唔考直資先會咁啦！

我target間自行, 都要報P4成績喎。

作者: IloveJJ 時間: 18-7-5 10:34

提示: 作者被禁止或刪除內容自動屏蔽

作者: little_yolky 時間: 18-7-5 10:38

IloveJJ 發表於 18-7-5 10:34
我哋津校，有啲同學真係唔會好進取，只打算大抽獎，仲話想讀無咁谷既學校架!我有個幾熟既，佢仔已小四，都 ...

咁樣嗎?

P4去參觀中學, 撞口撞面好多同學仔...........

不過, 我諗大部份都係P5至參觀學校, 因為阿大去玩攤位時, 個個英文唔識讀, 人哋哥哥問佢幾多年班, 佢話P4, 哥哥話你咁早嚟參觀既?

作者: IloveJJ 時間: 18-7-5 12:51

提示: 作者被禁止或刪除內容自動屏蔽

歡迎光臨教育王國 (/)