教育王國

標題: 明愛升大學尚欠2億 [打印本頁]

作者: elbar 時間: 18-6-30 13:45 標題: 明愛升大學尚欠2億

【明報專訊】明愛專上學院部署升格大學，仲連校名都諗埋，叫「聖方濟各大學」，預計需10億元資金。噚日校長麥建華透露已籌到8億元左右，如果學校收生穩定、課程同師資通過審核，話唔定可以喺5年後升格。

廖太生日加碼慧賢慈善捐8000萬

慧賢慈善基金捐出8000萬元畀學院，噚日仲有支票轉贈典禮。基金創辦人、紀惠集團主席廖湯慧靄提到自己係天主教徒，所以好希望見到香港有第一間天主教大學，又大讚明愛係出色嘅專上學院。適逢廖太噚日生日，校方特登準備蛋糕兼全場合唱生日歌，廖太胞弟、紀惠集團CEO湯文亮等一眾家族成員都有撐場。

湯文亮話本來打算捐6000萬，但問廖太想要咩生日禮物，廖太答想捐款加碼，於是變咗捐8000萬。做過明愛總裁嘅天主教香港教區主教楊鳴章都有現身，佢話希望學院可成為職業導向型大學，方便年輕人就業。

作者: JustAParent 時間: 18-7-3 12:35 標題: 回覆樓主:

原來升格做大學，只係需要錢

作者: kakaball 時間: 18-7-4 21:48

提示: 作者被禁止或刪除內容自動屏蔽

歡迎光臨教育王國 (/)