教育王國
標題: 我係中學數學老師 [打印本頁]
作者: poonmiss 時間: 18-6-29 13:02 標題: 我係中學數學老師
本帖最後由 poonmiss 於 18-6-29 18:39 編輯
***我不會pm回覆,如收到pm會在這兒回覆。
**另外我不方便pm校名,亦不會私下提供校內試卷,希望各位體諒明白。
大家好。我是一個兩歲小孩的媽媽,同時是位於一間有百多年歷史的英文中學任教數學。
中一至中六及數學延展部分(M2)都有教過吖。
今年教中一、中五及中六。
計埋今年,我教咗八年書,唔算經驗好多,只可以作分享。
其實有關學習上嘅問題最好都係教返科任老師,不過宏觀上嘅意見都可以問吓,大家一齊討論吓!

作者: poonmiss 時間: 18-6-29 13:11 標題: 回覆樓主
係另一版見到有人問我,係呢道答返先:
「我仔來緊升中4,佢科Maths有哋問題,原因係 Quiz經常高分(90-100),但一到測考就跌落來80左右,佢本身係冇咩理科天份(不係叻仔),但又唔屬于講極唔明果類人,暫時冇補過習(今個暑假會去補習)。
咁情況下,佢點改善成績呢?謝謝」
如果仔仔學校校卷唔係特別淺,我覺得補習對由80分升90-100唔太有用。反而係佢自己有冇小心睇題目同check答案,做得夠唔夠快(平時有冇諗吓點樣用計數機快啲,運算有冇易啲嘅方法等)。
如果本身學校卷都算深,考到80-90分都好理想,可以考慮中大嘅課程:
http://epymt.math.cuhk.edu.hk/course/2018summer.html

作者: IloveJJ 時間: 18-6-29 13:16
提示: 作者被禁止或刪除 內容自動屏蔽
作者: S1Parents2017 時間: 18-6-29 14:14
非常開心在這裡看到您的帖子,馬上請教,多謝!
我女小學階段數學系靠家長反復出與學校工作紙類似的題目給她做,尤其是做錯的題目,才能保住8字頭的成績(單就數學而言估計在小學算中等偏上小小).
現在升中後學校沒有工作紙,只能買出面的練習給她做,每週有個補習姐姐來家裡1個半小時,但似乎對提升興趣和成績都沒有什麼明顯的幫助。
再加上中學家長沒有再跟她的功課或溫書,很擔心她一知半解,累積到高中都大獲。她的弱點是怕麻煩,不喜歡主動提問,沒有尋根究底的動力。
請問這種情況下,做為家長還有什麼能幫到她呢?她自身哪方面最需要改進才能提升數學興趣進而提升成績呢?非常感謝!
作者: October. 時間: 18-6-29 14:56
本帖最後由 October. 於 18-6-29 15:17 編輯
poonmiss 發表於 18-6-29 13:11 
係另一版見到有人問我,係呢道答返先:
「我仔來緊升中4,佢科Maths有哋問題,原因係 Quiz經常高分(90-100 ...
老師,我仔讀緊普通BAND1B (參考EK評論),唔知佢地份卷程度係點?見到數叻既同學9X分,當然我知人地有天份。
我仔小六試過100分,但升中后,大既測考未上過90分,係學校科數屬于中上成績,今次大考係難左既,叻同學有啲退左3、2分,而我仔就退左5分,的确同人有距離,佢有講過唔夠時間做,應該係諗題既時間長左,又唔夠時間check答案。
我想佢補下習可以進步几分,睇下DSE可唔可以摘到*.
作者: October. 時間: 18-6-29 14:59
本帖最後由 October. 於 18-6-29 15:13 編輯
仲想請問我仔咁,數80分左右,讀M2得嗎?(M2唔需要讀得好Top), 我仔話佢想讀,不過,未知學校俾唔俾佢take?
作者: poonmiss 時間: 18-6-29 18:11
October. 發表於 18-6-29 14:59 
仲想請問我仔咁,數80分左右,讀M2得嗎?(M2唔需要讀得好Top), 我仔話佢想讀,不過,未知學校俾唔俾佢take ...
如果揀M2, 而阿仔係band 1學校嘅數學成績最少中上,就要睇吓佢有冇興趣自己操練數學,同埋見到難嘅題目會唔會好想研究到答案。
除非諗住入神科,或者大學想讀物理、數學或工程,否則冇必要讀八科。
大家讀書其中一個目標都係入大學,理性咁睇最好要考到level 5。而M2因為課程設計問題,教學時數比較少(今年中二果屆到佢哋讀嘅M2就會cut咗半個integration,教學時數上會好好多),好多時要靠學生自發做數同操練先得吖!

作者: poonmiss 時間: 18-6-29 18:24
S1Parents2017 發表於 18-6-29 14:14 
非常開心在這裡看到您的帖子,馬上請教,多謝!
我女小學階段數學系靠家長反復出與學校工作紙類似的題目給 ...
請問阿女中幾?而家數學成績點?
其實我覺得如果學生唔係聽唔明老師講嘢,補習對拎高分未必太大幫助。咁反而會令學生更唔願主動去問,乜都等補習老師話佢知要做啲乜。個腦諗少咗,又點學得更好?
我估問題唔至係數學,而係整體學習?
會唔會同阿女討論一個幫助佢學習嘅方法,例如每日有一個鐘係關手機,係研習時間,有功課做功課,冇功課就溫書。
另外,每次測驗/功課可唔可以重新做過啲題目?本身高分就睇吓自己可唔可以滿分,本身唔高分就目標8成分數。隔日重做直至做到目標分數為止<——我個人覺得有用。

作者: S1Parents2017 時間: 18-6-29 20:27
poonmiss 發表於 18-6-29 18:24 
請問阿女中幾?而家數學成績點?
其實我覺得如果學生唔係聽唔明老師講嘢,補習對拎高分未必太大幫助。咁反 ...
多謝回复!阿女中一,來緊升中二。中學數學分數頗低,但高過平均分,其中試屬於B Grade. 其末還未出,我擔心佢跌落C.所以想在暑假想想辦法,已經買了1B Original Maths for able students和 Form 1 Intensive Mathematics Supplementary Exercises.唔知您對兩本練習是否了解呢?
我成日都提醒佢唔明就問,多時佢都話明,但考試時卻沒有十分把握。我都明白系中一階段放松咗操練的少,但因為我自己冇能力跟佢數學,亦冇能力出題目俾佢做。只能做一些買返來的練習好象沒有幫助。所以自己有點心虛,所以想聽您的專業意見。感謝!
另外,阿女中英文底子都不錯,升中呈分試屬Band1A的成績。
作者: bhamcy 時間: 18-6-29 23:47 標題: 回覆樓主:
poonmiss,你好,我也想請教-下.
我囡現F1,數學成績唔錯,但比較飄忽,當問題刁鑽時,就無心機研究,易氣餒.上學期考試,成績唔錯,有A,但下學期好似差咗少少.
嚟緊暑假,有無需要找-些難的F1題目去訓練她的解難能力呢?還是叫佢預習—吓F2的書?

作者: poonmiss 時間: 18-6-30 00:10 標題: 回覆樓主
有家長問:
「你好 我想問下 我仔仔現在兩歲四個月 智力發展好像沒什麼太大問題 但係認數字方面係好差,2 3都分唔到 而且無咩興趣,同他講動物花花草草都有興趣 一話過來認下數字英文字母就跑走。請問這樣正常嗎?我自己本身數感麻麻,應該要早些啟蒙?Or等小朋友自己有興趣之後再慢慢教?多謝」
首先,我冇講過幼兒教育,所以我嘅答案只可以係個人見解。
我仔仔20months. 都係數唔到數,但係我又冇特登迫佢數,只係行樓梯果陣會一步步咁數吓行咗幾多級,都係我自己數,佢有時會跟住。
我見德國教育唔建議5歲前背誦/寫字,有研究話好易追得返,但好奇心就追唔到. 所以重探究比較重要.

作者: poonmiss 時間: 18-6-30 00:15 標題: 回覆樓主
同工問:
「妳好, 我在初中教育版面看到妳的Post實屬驚喜。本人已大學畢業近十年, 中學數理補習亦有十六年, 唯自己中學年代高階數學僅到A.Maths 及Maths & Stat程度, 預科選讀Bio Group 故未能好好運用數理知識自學一些更具理論性的數學, 如Fourier Transform 及某些物理數學, 有感未能為自己的補習學生帶到更高階的數理層次。 欲請教此背景下, 我可參考哪本Pure Maths/ 初級大學書本自修? 謝謝」
可以去舊書店搵吓在有冇pure書,應該得一個出版社。大學書可以去hku co-op睇吓,唔使學生證都買得,所有教授指定嘅參考書都係co-op買到。我讀果陣有本”charter zero”, 紅色,細細本好似初中英文fiction咁上下厚. i like it

作者: poonmiss 時間: 18-6-30 00:24
S1Parents2017 發表於 18-6-29 20:27 
多謝回复!阿女中一,來緊升中二。中學數學分數頗低,但高過平均分,其中試屬於B Grade. 其末還未出,我擔 ...
唔好意思,我自己冇特別留意坊間嘅練習,因為我有儲起足夠多嘅題形俾練習學生做。
做多啲練習有個好處,就係見多啲題目,覺得得深因為未見過要即時諗,見過就冇咁深。
但係如果學校已經好多功課,就要重覆做「錯嘅題目」。之前回覆已提過,唔重覆。

作者: poonmiss 時間: 18-6-30 00:31
bhamcy 發表於 18-6-29 23:47 
poonmiss,你好,我也想請教-下.
我囡現F1,數學成績唔錯,但比較飄忽,當問題刁鑽時,就無心機研究,易氣餒.上 ...
或者會唔會重覆做佢之前覺得難嘅題目先(其實同一條數唔改數字都可以),自己係冇人幫助下識咗先再做相同深度。
我問過好多考得好出色嘅學生,會預習嘅人少於一半。反而溫習先係必要。我自己教學覺得唔預習問題不大,但係每堂教嘅數,落堂前一定要明曬!

作者: abc.fion 時間: 18-6-30 03:35
poonmiss 發表於 18-6-29 13:02 
***我不會pm回覆,如收到pm會在這兒回覆。
**另外我不方便pm校名,亦不會私下提供校內試卷,希望各位體諒明 ...
老師請問M2課程是否好深?上課時數好像同基礎數 一堂夾住上會否令學生兩頭唔到岸一堂時間學兩種數好急、有咩意見比想修讀M2學生兩者都可兼顧得好?謝回覆

作者: October. 時間: 18-6-30 10:15
本帖最後由 October. 於 18-6-30 10:26 編輯
poonmiss 發表於 18-6-29 18:11 
除非諗住入神科,或者大學想讀物理、數學或工程,否則冇必要讀八科。
大家讀書其中一個目標都係入大學,理性咁睇最好要考到level 5。...
好有同感,最緊要都係保住4C + 2X 考到L5,老師俾既意見貼地,非常感激。
我仔依家面臨選科,真係左右為難,分數上文商科(有幾科9X分)好過理科,但阿仔依家又話想讀純理科(想法變左幾次了),阿仔話佢有興趣也認為可以讀得到,三科理科成績就70-95分都試過,比較飄忽,冇文科咁穩定。請教下,讀純理DSE取 L5,需要天份嗎?將勤補拙,是否亦有機會?
謝謝!
作者: planetearth 時間: 18-6-30 17:35
October. 發表於 18-6-30 10:15 
好有同感,最緊要都係保住4C + 2X 考到L5,老師俾既意見貼地,非常感激。
我仔依家面臨選科,真係左右為 ...
本帖最後由 planetearth 於 18-6-30 17:35 編輯
對學科有興趣的話,先有動力去挑戰難題。最好比佢揀自己興趣。有興趣佢會好快追返。而且分數低未必代表佢差。可能全部人在某些科平均都低分。

作者: A-Mum 時間: 18-6-30 21:40
Miss Poon, M1 /M2 有無建議點揀好?阿仔數學幾好,不過有師兄嚇佢F3數學成績好,一樣會死M2,所以佢揀左M1。不過佢d老師間中就問佢改唔改M2,覺得佢無理由唔讀M2咁。除左睇下F4書硏究下M1/M2分別學咩,仲有無咩貼士唔好揀錯?佢大學想讀嘅科,唔駛點用數的。
作者: 1234ats 時間: 18-7-1 08:15
本帖最後由 1234ats 於 18-7-1 08:18 編輯
回覆 poonmiss 的帖子
我見德國教育唔建議5歲前背誦/寫字,有研究話好易追得返,但好奇心就追唔到. 所以重探究比較重要.
-------------------------------------------------------------------------------------------------
poonmiss
我對小孩執筆寫字有些研究. 我是讚成孩子5歲才開始執筆寫字, 手指協調發展較快的小朋友4歲開始也可以.
小孩過早學執筆寫字其實有很多問題, 容易讓孩子討厭做功課, 很多家長與老師有所忽略.
幼童開始學寫字先要學執筆, 只寫簡單的棟與畫, 直至姿勢正確, 筆畫能控制好位置長短與節奏力度相對穩定之後, 才寫撇點鉤折等其他直線筆畫, 掌握好之後才寫部首, 建立好空間感之後, 最後才開始寫字. 根據孩子自己的進度練習, 按部就班就可以. 只要孩子自己覺得執筆寫字不困難自然不抗拒寫字, 才會提高學習效率.
小孩未學好執筆前可以多用食指在檯面或沙上寫字, 這樣孩子不需花精力控制筆桿, 更容易專注認字.
至於背誦, 我是有不同看法. 幼兒學習是從模仿記憶開始, 學ABC是背誦, 數123是背誦, 唱歌是背誦, 背誦時不用明白其中意思, 到稍為年長才了解內容, 所以背誦是幼兒有效學習方法之一. 幼兒階段是背誦記憶的黃金時間, 只要孩子沒有壓力, 背誦也可以是樂趣, 適量的背誦不會讓孩子抗拒學習, 而且與發展好奇心和探究精神不應有衝突.
中文字是單音節,最適合背誦. 西方語言都是多音節字, 背誦相對困難, 所以很抗拒背誦.
以上是我個人看法, 僅供參考.
作者: 顏值高 時間: 18-7-1 09:12
poonmiss 發表於 18-6-29 13:02 
***我不會pm回覆,如收到pm會在這兒回覆。
**另外我不方便pm校名,亦不會私下提供校內試卷,希望各位體諒明 ...


作者: talknwrite 時間: 18-7-1 17:12
唱歌都係背誦一種方式, 有何不可?
作者: poonmiss 時間: 18-7-1 18:24
1234ats 發表於 18-7-1 08:15 
回覆 poonmiss 的帖子
我見德國教育唔建議5歲前背誦/寫字,有研究話好易追得返,但好奇心就追唔到. 所以重 ...
謝謝分享!對於幼兒教育我也是研究中。
聽你分享完我都覺適當嘅背誦都幾重要。
不過我哋仔女只有兩歲,剛剛先學識講嘢,我唔會特登逼佢背到數字,我只係會行樓梯果陣數吓有幾多級,佢自己鍾意就跟住數,唔想數果陣我都冇逼佢。
唐詩同平時講嘢好唔同,應該好難記,會唔會等4-5歲先開始背,起碼佢可以清楚用完整句子表達自己意願先。

作者: poonmiss 時間: 18-7-1 18:26
talknwrite 發表於 18-7-1 17:12 
唱歌都係背誦一種方式, 有何不可?
可以吖,我只係覺得咁細個唔需要要求佢哋必須要背到。只要俾個環境佢哋,學到幾多冇所謂,我覺得幼稚唔需要操練去背。

作者: poonmiss 時間: 18-7-1 18:48
abc.fion 發表於 18-6-30 03:35 
老師請問M2課程是否好深?上課時數好像同基礎數 一堂夾住上會否令學生兩頭唔到岸一堂時間學兩種數好急、有 ...
M2好似我哋年代嘅additional maths. 我哋會考年代都係maths & additional maths一齊學,所以兩頭唔到岸應該唔會。
正如我上面講,因為M2暫時課時只有半科嘅時數,但係就讀一科咁多嘢,所以真係要自己放學操數。我相信好多數學叻嘅同學係初中淨係做功課,唔使特別再做多啲,但係M2真係要自己做多啲!

作者: poonmiss 時間: 18-7-1 19:12
October. 發表於 18-6-30 10:15 
好有同感,最緊要都係保住4C + 2X 考到L5,老師俾既意見貼地,非常感激。
我仔依家面臨選科,真係左右為 ...
如果本身數學唔太好,根據我自己讀書經驗,讀phy,chem及econ會有難度。不過問返科任老師會比較好。

作者: poonmiss 時間: 18-7-1 19:52
A-Mum 發表於 18-6-30 21:40 
Miss Poon, M1 /M2 有無建議點揀好?阿仔數學幾好,不過有師兄嚇佢F3數學成績好,一樣會死M2,所以佢揀左M1 ...
睇吓佢自己讀M1/M2原因係乜啦。
如果佢好鍾意做”proof” 同埋algebra做得得好,應該揀M2.
如果佢閱讀能力好,做數又小心,讀M1會「著數啲」。M1啲題目好長,好似故仔咁,如果佢明白個故仔背後嘅數學概念,答案其實好短就完成。Satistics就要運算好小心。
「著數」嘅意思係因為數學比較叻嘅都揀M2,,而dse拎星星係計拎到5嘅學生嘅10%. 所以要係M2拎5**要同最勁嘅人爭,相對比較難。不過,男仔可能又冇女仔閱讀能力咁好同嘢咁細心,咁樣讀M1又冇咁著數啦。

作者: 1234ats 時間: 18-7-1 22:18
poonmiss 發表於 18-7-1 18:24 
謝謝分享!對於幼兒教育我也是研究中。
聽你分享完我都覺適當嘅背誦都幾重要。
幼兒階段其實只需要唸口簧,就如唱歌一樣,多搞些花款,只要孩子覺得開心便可,不需要讓他有背誦壓力,按他自身喜好與能力,唸多唸少都無所謂。
小兒小時候我經常與他散步一起唸口簧做動作,對他來說是玩耍時間。
有時唸幾句唐詩,有時唱歌,有時背三五七句乘數表,或者從卡通片裡與他一起選出三幾句有趣的句子,粵普英都有,與他一起模仿聲調與發音甚至動作,主要是讓他有exposure,提升學習興趣,在不知不覺中學習。幼兒年紀小,很容易記得有趣的事物,對沒興趣的很容易分心。通常每天他都能記下一點點東西。如果記不到也無所謂,玩過另外的東西。
我不是考慮是否贏在起跑線,所以不需要他完全了解內容,主要是讓他覺得喜歡學習及有好奇心,到長大後再學習背後意義也未遲。
作者: October. 時間: 18-7-1 23:46
poonmiss 發表於 18-7-1 19:12 
如果本身數學唔太好,根據我自己讀書經驗,讀phy,chem及econ會有難度。不過問返科任老師會比較好。
...
明白,唔該晒。
作者: S1Parents2017 時間: 18-7-2 12:46
poonmiss 發表於 18-6-30 00:24 
唔好意思,我自己冇特別留意坊間嘅練習,因為我有儲起足夠多嘅題形俾練習學生做。
做多啲練習有個好處, ...
多謝回复🙏🙏!
作者: IloveJJ 時間: 18-7-2 21:36
提示: 作者被禁止或刪除 內容自動屏蔽
作者: omg012 時間: 18-7-4 23:11
本帖最後由 omg012 於 18-7-4 23:13 編輯
Deleted
作者: omg012 時間: 18-7-4 23:14
本帖最後由 omg012 於 18-7-4 23:16 編輯
poonmiss 發表於 18-6-30 00:15 
同工問:
「妳好, 我在初中教育版面看到妳的Post實屬驚喜。本人已大學畢業近十年, 中學數理補習亦有十六年, ...
你可以看 Erwin Kreyszig Advanced Engineering Mathematics
如果只想知 concept 可以睇 YouTube 找尋 1 blue3brown fourier
作者: velma 時間: 18-7-6 23:10 標題: 回覆樓主:
今次大考後我發現我囡有以下問題:
平日quiz好高分, 因為獨立考一個chapter 嘅內容, 但係考試時學校會集合多個chapter 嘅内容喺一題入面, 就花好多時間做。
例如要prove angle, 一題入面會有
pythagoras therom, trigonometric ratio, ratio, 三角形有部份比circle圍住, 即係會有circle嘅element要考慮埋
請問市面上有冇呢類題型嘅練習推介呢?
希望佢見多d做多d, 會做得快d.
謝謝!

作者: jollyma 時間: 18-7-7 08:23
poonmiss 發表於 18-7-1 19:12 
如果本身數學唔太好,根據我自己讀書經驗,讀phy,chem及econ會有難度。不過問返科任老師會比較好。
...
你好!你提到如果數學唔好,讀Phy,Chem, Econ會比較困難,可否具體講講原因?

作者: twhkleung 時間: 18-7-8 08:27
poonmiss 發表於 18-6-29 13:02 
***我不會pm回覆,如收到pm會在這兒回覆。
**另外我不方便pm校名,亦不會私下提供校內試卷,希望各位體諒明 ...
老師, 想请教如果个学生做数时 careless mistakes 不正常的多(真实科科都有類似惰况), 除了要他交卷前double check, triable check, 重有冇方法可改善? 见过佢一份数学卷, 每一条都有careless mistakes, 估计如沒careless mistake, 应可95分, 但最后只扣剩60几分.... 唔知点帮佢, 又唔係唔识, 所以相信请補習应也沒有太大用, 这想法对吗?
小朋友讀直资, 这里ranking 为2a-1c, 中学成average. 所以估计如能減少 careless mistakes, 成绩应可改善多些.
除了重復叫他double/trible check, 都想不出其它方法帮佢了

作者: poonmiss 時間: 18-7-10 14:19
jollyma 發表於 18-7-7 08:23 
你好!你提到如果數學唔好,讀Phy,Chem, Econ會比較困難,可否具體講講原因?
...
phy好明顯有很多數要計。
chem計mole比重都唔少
econ係教econ的同工說數學不好,新高中的econ會難應付。

作者: poonmiss 時間: 18-7-10 14:42
twhkleung 發表於 18-7-8 08:27 
老師, 想请教如果个学生做数时 careless mistakes 不正常的多(真实科科都有類似惰况), 除了要他交卷前doubl ...
首先,check數唔係重新做多次條數。而係要望返個題目,然後望返最後個答案,睇吓有冇咩奇怪地方。equation 果啲就sub返落original equation check 吓等。咁應該比較易搵到careless mistakes.

作者: STH920 時間: 18-7-13 13:55
poonmiss 發表於 18-7-10 14:19 
phy好明顯有很多數要計。
chem計mole比重都唔少
econ係教econ的同工說數學不好,新高中的econ會難應付。
老師, 你好!
我仔既數學中四開始開竅, 現在中五全班考第二, 但chem的成績仍然好差, 全班排尾二. 佢話佢已經有溫書. 唔知會係mud原因? 能否幫忙分析下? 麻煩你。
歡迎光臨 教育王國 (/) |
Powered by Discuz! X1.5 |