教育王國

標題: 請教有關初小作文離題的解決方法 [打印本頁]

作者: worldcat 時間: 18-6-26 11:47 標題: 請教有關初小作文離題的解決方法

大仔小一，中文算做比較強。之前測考係無乜幫佢溫書下都有8x 9x，但今次二考作文只有7x。最大扣分處係天馬行空式離題，然後係寫錯字嘅點/撇/捺(因為邊諗邊寫又要快)。

請教過老師，老師話暫時無乜特別方法幫佢，因為好多初小仔都係咁。

阿囝約一星期睇一兩本圖書，中文字基本都識。會叫佢再留意下，希望可以改善。
但天馬行空式離題，現階段可以點改善？題目係清潔日(有圖)，但寫寫下就話射左垃圾上太空，所以有好多太空垃圾。定真係等多一兩年會自己慢慢改？

因為係數學英文上，已經俾緊啲壓力佢。如果呢個問題真係常見同會自己改善，我哋唔太想係中文科再加練習俾佢。

作者: MNIF 時間: 18-6-26 12:53

提示: 作者被禁止或刪除內容自動屏蔽

作者: little_yolky 時間: 18-6-26 13:01

worldcat 發表於 18-6-26 11:47
大仔小一，中文算做比較強。之前測考係無乜幫佢溫書下都有8x 9x，但今次二考作文只有7x。最大扣分處係天馬 ...

咁你要取捨了, 你想佢跟課程作好文章, 而扼殺咗佢既創意, 抑或現階段低分, 未來多一個科學尖子。我阿細作文題目係故事續寫, 話獨留响屋企, 肚餓打開雪櫃有個盒, 繼續寫。佢作到好似玩歷奇咁, 最後响屋企地板掀開有個暗格, 發現個盒入面有佢最鐘意部手機都得, 老師緊係叉你啦, 咁超現實, 不過我讚佢寫得好有趣。

寫錯字係咁的, 我小朋友都成日寫錯字, 提一提佢就好。不過, 佢睇書認真少喎。

作者: HaYi 時間: 18-6-26 13:25

worldcat 發表於 18-6-26 11:47
大仔小一，中文算做比較強。之前測考係無乜幫佢溫書下都有8x 9x，但今次二考作文只有7x。最大扣分處係天馬 ...

樓主個只是小一, 我會好欣賞佢寫得出這,

但為左分, 如是傳統小學同傳統老師, 最好令佢明白作文只要不過不失就唔會失分. 創意留番工作紙先啦.

作者: worldcat 時間: 18-6-26 13:46

MNIF 發表於 18-6-26 12:53
會不會是看兒童科學之類圖書太多？

咁按比例，一定係科學/偵探類書籍佔大份。

作者: worldcat 時間: 18-6-26 13:57

little_yolky 發表於 18-6-26 13:01
咁你要取捨了, 你想佢跟課程作好文章, 而扼殺咗佢既創意, 抑或現階段低分, 未來多一個科學尖子。我阿細作文 ...

中文科老師都話唔洗理佢住，正常高小會有改善。因為係思維問題，大個啲再學多啲日常知識同寫作技巧就會自己進步。
我哋都唔想係寫作上有太多規限俾阿囝(理想)，但考試離題就唔係太好(現實)。

所以想請教下其他家長有無類似情況，同有無改善方法可以參考下。搵唔到方法，暫時我哋都由佢算，等小三四再睇情況。

作者: little_yolky 時間: 18-6-26 14:01

worldcat 發表於 18-6-26 13:57
中文科老師都話唔洗理佢住，正常高小會有改善。因為係思維問題，大個啲再學多啲日常知識同寫作技巧就會自 ...

首先研究下學校作文佔幾多分, 我哋只佔考試10%, 呈分佔20%, 所以呈分前都唔會多干涉。不過, 有學校佔40%就麻煩D。另外, 作文上到高小小年級分兩部份, 一part應用文, 一part寫作, 咁就算寫作離題, 仲有應用文一part好難離題(不過我阿細剛剛都離題, 佢P3), 所以點都有D渣拿, 唔合格離題點都有50分, 作文最多8X-90, 計落只係差幾分, 唔需太介懷。

作者: worldcat 時間: 18-6-26 14:05

HaYi 發表於 18-6-26 13:25
樓主個只是小一, 我會好欣賞佢寫得出這,

但為左分, 如是傳統小學同傳統老師, 最好令佢明白作文只要不過不 ...

唯有提下佢，等佢嘗試分開創作同描術嘅分別。
宜家中文老師都好好，佢都係偏向鼓勵阿仔寫作。
只係身為家長見到啲分數唔開心，想搵下啲方法幫助下。

作者: worldcat 時間: 18-6-26 14:08

little_yolky 發表於 18-6-26 14:01
首先研究下學校作文佔幾多分, 我哋只佔考試10%, 呈分佔20%, 所以呈分前都唔會多干涉。不過, 有學校佔40%就 ...

Thanks!等小三左右先再睇情況對正下葯。

作者: Yanamami 時間: 18-6-26 14:16

本帖最後由 Yanamami 於 18-6-26 14:17 編輯

楼主实在係过份紧張！

作者: MNIF 時間: 18-6-26 15:17

提示: 作者被禁止或刪除內容自動屏蔽

作者: dativebond 時間: 18-6-26 15:27

worldcat 發表於 18-6-26 11:47
大仔小一，中文算做比較強。之前測考係無乜幫佢溫書下都有8x 9x，但今次二考作文只有7x。最大扣分處係天馬 ...

我覺得樓主個仔寫得好正，我會鼓勵佢繼續，仲會鑲起佢等佢係屋企貼堂，始終而家既成績無壞重要，令佢喜愛學習才是最重要，太多規範其實好鬼悶。

清潔日唔一定要普通人間既清潔日嘛，你問下個仔咁而家太多垃圾係太空，有乜後果？如果要清理可以點做？由普通的清潔日變為未來世界既太空清潔日，合題又好睇！

作者: IloveJJ 時間: 18-6-26 15:40

提示: 作者被禁止或刪除內容自動屏蔽

作者: worldcat 時間: 18-6-26 21:48

Thanks all!
見大家意見都係唔洗理佢，之後都係誘導佢測考唔好飛咁遠就好。

作者: little_kid 時間: 18-6-26 23:28

worldcat 發表於 18-6-26 11:47
大仔小一，中文算做比較強。之前測考係無乜幫佢溫書下都有8x 9x，但今次二考作文只有7x。最大扣分處係天馬 ...

我哋學校最初教作文係以一些問題作引導，將答案串連起來便是一篇短文。

歡迎光臨教育王國 (/)