教育王國

標題: 幼稚園結業禮請假 [打印本頁]

作者: ap9394 時間: 18-6-8 12:01 標題: 幼稚園結業禮請假

本帖最後由 ap9394 於 18-6-8 12:02 編輯

我小朋友K2 結業禮撞正去旅行, 因為係家族旅行, 好早就訂晒機票個D, 前兩年都仲係最尾番學2日前結業禮, 今年疊左去旅行, 原先諗住小朋友結業又唔係畢業好閒, 但而家估計我小朋友可能有機會上台拎獎.
雖然可能唔同幼稚園唔同情況, 但都想問一問

想問有冇試過幼稚園結業禮缺席, 明明有獎狀都因為你缺席而更改得獎名單? 我地問過老師, 佢地話唔講得有冇獎住的, 變左我而家進退兩難, 最壞打算係我同我小朋友買過張機票遲一日飛.

最快都要7月頭見家長見老師時先會被知會是否得獎, EG 好學生獎, 成績優異獎.

不喜勿插

唔知有冇JM明白, 呢個年頭係好需要D獎狀去報小學, 我認衰女, 冇預計呢方面的準備.

作者: melolo317 時間: 18-6-8 18:57

ap9394 發表於 18-6-8 12:01
我小朋友K2 結業禮撞正去旅行, 因為係家族旅行, 好早就訂晒機票個D, 前兩年都仲係最尾番學2日前結業禮, 今 ...

下...唔會咁衰卦? 因為唔出席而取消原本有的獎項
我嗰間幼稚園唔會，照舊補返獎比我
不如開心見誠問下老師，出席與否會否影響得獎結果啦

作者: AJBabies 時間: 18-6-9 20:15 標題: 回覆樓主

如果我係你，我情願蝕d改遲一日出發，即使唔會因請假而唔比獎你，而因為有獎攞已經好難得，小朋友又可上台領獎，唔係個個都有機會，又可令小朋友加強自信，確實又好威威，點解一生人咁難得嘅機會都要錯過呢？同家族旅行都係遲一兩日，況且去旅行機會尚有，但攞獎又未必（當然希望你小朋友長攞長有啦）所以不如問清楚遲出發改機票要額外補返幾多，計過條數ok就梗係留底領完獎先開開心心去旅行好好慶祝啦！

作者: hahaha1231 時間: 18-6-14 15:41 標題: 回覆樓主:

有d幼稚園真係會
但你又唔預知小朋友有獎

作者: BABA124 時間: 18-6-17 10:59 標題: 回覆樓主:

你邊間? 我估間間做法不同, 有系統嘅學校我覺得唔會, 咁都會有機會病嘛！

作者: 小平媽媽 時間: 18-6-17 19:30 標題: 回覆樓主:

其實好多豬肉狀係無咩用，因為而家多左好多俾錢參與就有狀嘅比賽，好多小學都唔睇啦！

歡迎光臨教育王國 (/)