教育王國

標題: 小學的學校管理與教育質素都是一樣嗎? [打印本頁]

作者: Vanadium 時間: 18-6-5 19:28 標題: 小學的學校管理與教育質素都是一樣嗎?

本帖最後由 Vanadium 於 18-6-5 19:31 編輯

很明顯這答案是"否"。香港學校交由辧學團體完全管理，只要學校做到基本行政要求，政府其實是難以插手或監管學校運作。然而，不同辦學團體，其辦學態度與專業性，明顯有差異，坊間亦因此會留意到某些辦學團體的學校較受歡迎，質素較有保證，但某一些，往往其成績、辦學質素、受歡迎程度等在區域中都處於下游。

但香港小學派位，卻先假設不同學校的質素差不多，然後隨機派位。某學生未來6年接受怎樣的教育，結果是看天意，由上天安排。

若然政府認為隨機派位是最公平的方法，那就應該保證不同學校的差異是極細(除教育外亦包括校舍和資源)，若不然，現幼稚園、中學、大學都可選取學生，為甚麼小學卻不可以?

小學可選學生，其實也有不少優點，不知道缺點是否真是那樣大，而令政府行這一套似是公平、但實際卻看不到很公平的做法。

作者: shadeslayer 時間: 18-6-5 22:30

Vanadium 發表於 18-6-5 19:28
很明顯這答案是"否"。香港學校交由辧學團體完全管理，只要學校做到基本行政要求，政府其實是難以插手或監管 ...

本帖最後由 shadeslayer 於 18-6-5 22:41 編輯

香港係計完分，才抽獎。

TSA都唔比考，外評又話有壓力，又話手袋黨威迫，咁政府點知學校水平，靠EK口啤？

作者: Vanadium 時間: 18-6-5 23:34

本帖最後由 Vanadium 於 18-6-5 23:36 編輯

shadeslayer 發表於 18-6-5 22:30
本帖最後由 shadeslayer 於 18-6-5 22:41 編輯

香港係計完分，才抽獎。

第一輪計分，基本上都係抽為主，只有父母舊生等先有著數，但父母舊生就代表同間學校夾? 跟本唔應該係咁。

我唔係完全反對TSA，只係好反對淨TSA，結果比人扭曲晒，包括比學校自己扭曲晒，而忽略其他方面表現。

若然評核學校表現，可考慮好似國際評核機構評核大學咁，定各種指標，如學術、課外活動、其他學術表現、音樂、體藝等比賽成績、升中成績等，然後計分。分項可有不同分數，供家長參考邊間係最適合自己小朋友，若學校可選學生，亦可選最適合自己果批，如運動或音樂型，結果完美配對，各小朋友有所發展，學校亦真正可建立自己特色。若然一間學校可由兩間機構客觀評分，咁準確性更高。

作者: Vanadium 時間: 18-6-5 23:39

其實調查下教育局高級官員，或政府高官，有幾多人會比自己小朋友大抽獎，然後抽到就執笠既火柴盒學校，都仍比自己仔女去讀，就知呢個行政決定係幾荒謬。

作者: shadeslayer 時間: 18-6-6 00:25

Vanadium 發表於 18-6-5 23:34
第一輪計分，基本上都係抽為主，只有父母舊生等先有著數，但父母舊生就代表同間學校夾? 跟本唔應該係咁。

...

你第一遍文全無提計分。舊生分，只係其一樣分，重有好多樣分。但舊生分，行使多年，辦學團體從未投訴，你為何投訴？

大學排名也是非多多，你以為無事？重有，所有評估學校的事，我相信學校會反對。

作者: shadeslayer 時間: 18-6-6 00:26

Vanadium 發表於 18-6-5 23:39
其實調查下教育局高級官員，或政府高官，有幾多人會比自己小朋友大抽獎，然後抽到就執笠既火柴盒學校，都仍 ...

呢個係個人選擇，不代表制度荒謬，不合大眾。

作者: 1314625 時間: 18-6-15 16:27 標題: 回覆樓主

小六升中學生揀學校的優先次序排名是計小學召分

咁幼稚園生應該點排名？又是召分？咪令家長更早要谷小朋友

其實現時的制度不可叫最公平，但家長揀了學校，對學校同幼兒來說都是靠運氣

作者: ABC-DAD 時間: 18-6-16 03:58

＃若然政府認為隨機派位是最公平的方法，那就『應該保證』不同學校的差異是極細(除教育外亦包括校舍和資源)，若不然，現幼稚園、中學、大學都可選取學生，為甚麼小學卻不可以? ＃

如何做得到？事實上《幼稚園、中學、大學不同學校的差異＾並不是＾極細(除教育外亦包括校舍和資源)》
——————————————————————————
小學可選學生，其實也有不少優點，不知道缺點是否真是那樣大，而令政府行這一套似是公平、但實際卻看不到很公平的做法。
。。。。。。。。。。。。。。。。。。。。。。。。
好一個似是而非的偽命題。

作者: skkeung 時間: 18-6-18 17:01

Vanadium 發表於 18-6-5 19:28
很明顯這答案是"否"。香港學校交由辧學團體完全管理，只要學校做到基本行政要求，政府其實是難以插手或監管 ...

家庭教育才是本！

作者: shadeslayer 時間: 18-6-18 17:21

skkeung 發表於 18-6-18 17:01
家庭教育才是本！

又係喎，各國政府使鬼大力投資教育？

作者: Vanadium 時間: 18-6-20 01:08

本帖最後由 Vanadium 於 18-6-20 01:32 編輯

因朋友派小一，留意到小一派學校真係有啲混亂。

抽籤派位應先假設每所學校都一樣，但若唔係，抽籤係好大機會產生錯配。

如我係好想學校多功課，但就抽左去少功課學校，但想少功課果個，又抽左去多功課學校，結果嘈餐死。

如我係伊斯蘭教，又派左我去基督教學校，但明明基督徒，又派去伊斯蘭教學校.......

又或好勤力好用功既學生，就派左去一間勁hea教、辧學團體無心無力搞好教育既學校，但一個勁hea既學生，又會派到去要求好高、好認真既學校，結果去到咩功課都唔交唔做等考包尾........

抽籤只係制造混亂既公平方法，混亂係源於每所學校都可自己決定方針、活動和教學方法，每個辦學團體做教育既效能同能力又唔同，但收既學生就唔配合咁亂派入黎。

作者: Cheeselover 時間: 18-6-20 08:05 標題: 回覆樓主

教局當希望各小學大同小異，但對某些百年老店或強力團體，亦不敢(更無力)插手太多，直資私校實反映辦學團體對教局不滿。現在小一入學制度問題不大，但需稍作調整需，第一輪計分制，在校父母和兄弟姐妹優先是方便照顧，首名子女與宗教分也合理，但父母畢業分確有點＂騎呢＂；至於統一派位方面，無謂再説獲派首三志願百份比或滿意度，第二和第三根本不是志願，只強作策略替補選擇，再後的是含涙結果；至於叩門才是大家希望所在，在第一輪計分和在大抽獎獲首名志願者應不允參與，難道兩者先前獲得結果不是志願？叩門不過是貪婪之故，教局好應趁機教育教育，如此，制度更公平。

作者: skkeung 時間: 18-6-20 08:17

shadeslayer 發表於 18-6-18 17:21
又係喎，各國政府使鬼大力投資教育？

香港投入教育夠多，幾多人爭住去外國讀？

作者: skkeung 時間: 18-6-20 08:43

Cheeselover 發表於 18-6-20 08:05
教局當希望各小學大同小異，但對某些百年老店或強力團體，亦不敢(更無力)插手太多，直資私校實反映辦學團體 ...

Band 1 數量有限才是問題根源！

作者: shadeslayer 時間: 18-6-20 08:59

skkeung 發表於 18-6-20 08:43
Band 1 數量有限才是問題根源！

香港經濟問題一樣道理，有錢人太少。

作者: skkeung 時間: 18-6-20 11:07

shadeslayer 發表於 18-6-20 08:59
香港經濟問題一樣道理，有錢人太少。

有錢無錢只是比較問題，拿公屋拿公援有免費醫療，教育，三糧……，香港差不多最窮困,同李嘉誠比當然窮，但同非洲，印尼……比，他們已屬生活富貴！

作者: Cheeselover 時間: 18-6-20 17:35

skkeung 發表於 18-6-20 08:43
Band 1 數量有限才是問題根源！

分級制度在社會上任何範疇均普遍存在，誰都接受有競爭才有優劣丶有進步存在，若人人＂佛系＂心態處事，如此社會是一個怎麼模樣，問題是如何避免小朋友太早接受太多競賽。band 1太少！幾多才算足夠？三份之一都是又是否人人快樂？

作者: skkeung 時間: 18-6-20 17:40

Cheeselover 發表於 18-6-20 17:35
分級制度在社會上任何範疇均普遍存在，誰都接受有競爭才有優劣丶有進步存在，若人人＂佛系＂心態處事，如 ...

無論怎分，入不到就不滿！

歡迎光臨教育王國 (/)