教育王國
標題: 有咩方法短時間谷到數學？ [打印本頁]
作者: camperkc 時間: 18-5-31 14:50 標題: 有咩方法短時間谷到數學？
提示: 作者被禁止或刪除 內容自動屏蔽
作者: Yanamami 時間: 18-5-31 14:57
就考試就神仙难救啦！时间再短都要有番半年吧……
作者: Jane1983 時間: 18-5-31 15:46 標題: 回覆樓主：
本帖最後由 Jane1983 於 18-5-31 17:07 編輯
睇番佢今年的習作、測驗和期中考卷，搵出佢究竟咩錯，問題係邊。運算錯？唔識解題？唔明？唔小心？
教識佢唔明的地方，比題目佢做，make sure佢真係識。然後模擬學校出卷方式，整幾份比佢練習。數學你要次次100分，多少講天資。你求合格，努力加適合的方法，唔難。不過你又真係遲咗d，5月底先黎問 
作者: haihaimom 時間: 18-5-31 17:02
camperkc 發表於 18-5-31 14:50 
就考試請高人指較一下
本帖最後由 haihaimom 於 18-5-31 17:03 編輯
1.執分既地方要操熟啲，要盡執，例如嗰啲統計圖表之類
2.真係教極唔明嗰啲就放棄，暑假再教
3.集中喺啲短答運算題，如果文字題唔得既話。
不過我唔係高人............
作者: little_yolky 時間: 18-5-31 17:10
Yanamami 發表於 18-5-31 14:57
就考試就神仙难救啦！时间再短都要有番半年吧……
作者: IloveJJ 時間: 18-5-31 17:16
提示: 作者被禁止或刪除 內容自動屏蔽
作者: IloveJJ 時間: 18-5-31 17:17
提示: 作者被禁止或刪除 內容自動屏蔽
作者: PY-Sing 時間: 18-5-31 17:25
camperkc 發表於 18-5-31 14:50
就考試請高人指較一下
都唔算谷到, 只係可以話係盡吓人事.
暑假時, 再做番學校D 數學工作紙 , 同背乘數.
作者: IloveJJ 時間: 18-5-31 17:26
提示: 作者被禁止或刪除 內容自動屏蔽
作者: Jane1983 時間: 18-5-31 18:12
IloveJJ 發表於 18-5-31 17:26
不會只求合格吧？合格無用喎！
樓主係求合格，可以升班。
求高分都無問題，暑假可以繼續努力。
作者: siden 時間: 18-5-31 18:13
IloveJJ 發表於 18-5-31 17:26
不會只求合格吧？合格無用喎！
好明顯你仔天資聰穎或十分正常
唔明有啲女仔科數可以點教都係合格邊緣
我正好是其中一個苦主
作者: little_yolky 時間: 18-5-31 18:21
本帖最後由 little_yolky 於 18-5-31 18:29 編輯
IloveJJ 發表於 18-5-31 17:16
本帖最後由 IloveJJ 於 18-5-31 17:16 編輯
有無咁誇張?個半月就可以起死回生?
阿妹靠科數食糊架。
之前小一升小二試過, 9月補到1月大考, 中間10月中定10月尾一次統測, 兩次都係9X, 之前P1下學期係6X。唔駛起死回生, 都起碼唔好70頭丫。數研老師都話阿妹係七不思議事件, 佢次次練習都9X, 一份攞返屋企模擬試卷得返60, 但去到centre做另一份模擬試卷又上返9X。佢做數有時好發神經, 唔知佢諗乜。
BTW, 家姐P5一開學就補, 都一直由第一次測驗開始穩定地keep住89/90喎, 係最穩定既一科嚟。佢比以前多咗10分, 第一次測驗時都係補咗1個半月咋。
作者: shadeslayer 時間: 18-5-31 19:10
IloveJJ 發表於 18-5-31 17:26
不會只求合格吧？合格無用喎！
合格無用？ 如果唔只係合格，咁80分/90分可以有乜用途？
作者: tutik 時間: 18-5-31 19:34 標題: 回覆樓主:
我又搭訕下，記得之前请教呀仔老師，作為家長可以點幫，佢只簡單講「冇架，睇住佢做囉！」到兩年後今日，回想更覺老師精明，真係冇捷徑，補習都係搵人睇住佢做数。我通常要呀仔留算草，我會睇下佢錯乜，慢慢更了解佢乃有把握點幫，係咪連乘数表都錯，係就馬上要佢背番十幾卄次，再抽問。
我仔現階段(高小)已經唔比我坐隔離昅住佢，且佢成日跳step, 我唔夠佢轉得快，所以呀仔會繼續外補。
作者: IloveJJ 時間: 18-5-31 20:07
提示: 作者被禁止或刪除 內容自動屏蔽
作者: IloveJJ 時間: 18-5-31 20:07
提示: 作者被禁止或刪除 內容自動屏蔽
作者: Jane1983 時間: 18-5-31 20:24
IloveJJ 發表於 18-5-31 20:07
咦？你點知架?我睇個題目係話「點谷數學」喳喎！
佢一次開2個post嘛，另一個問留班定轉校ga
作者: camperkc 時間: 18-5-31 20:35
提示: 作者被禁止或刪除 內容自動屏蔽
作者: camperkc 時間: 18-5-31 20:36
提示: 作者被禁止或刪除 內容自動屏蔽
作者: skkeung 時間: 18-5-31 20:47
camperkc 發表於 18-5-31 14:50
就考試請高人指較一下
拔苗助長
作者: Jane1983 時間: 18-5-31 21:18
camperkc 發表於 18-5-31 20:36
係呀。。我要求好低咋。。。
下年要求可以高ga，暑假努力追番 :ahmeowhappy:
作者: IloveJJ 時間: 18-5-31 21:29
提示: 作者被禁止或刪除 內容自動屏蔽
作者: haihaimom 時間: 18-5-31 21:35
IloveJJ 發表於 18-5-31 17:17
我有時覺得短答運算題仲難過文字應用題
短答題一般直接啲，如果文字題好啲就調轉操囉。
作者: IloveJJ 時間: 18-5-31 22:07
提示: 作者被禁止或刪除 內容自動屏蔽
作者: IloveJJ 時間: 18-5-31 22:12
提示: 作者被禁止或刪除 內容自動屏蔽
作者: gracelam 時間: 18-5-31 22:38
camperkc 發表於 18-5-31 14:50
就考試請高人指較一下
小三主要係加減乘除, 時鐘, 日曆, 棒形圖, 立體錐體嗰D。
文字題唔明定基本功(乘數及除數)唔得? 針對弱項, 做多D相關題目。
作者: Ocean419 時間: 18-6-1 04:32 標題: 回覆樓主
我見佢邊part 弱就每日出10條題比佢，坐隔離望實佢點解錯，然後再針對經常出錯的步驟再出題，先由基本運算操起至基本運算幾乎全對就開始出相關的文字題，一直到完全掌握到個概念和運算都準確冇誤
作者: retriever 時間: 18-6-1 08:08
Yanamami 發表於 18-5-31 14:57
就考試就神仙难救啦！时间再短都要有番半年吧……
本帖最後由 retriever 於 18-6-1 08:08 編輯
唔係喎。淨考試，減失誤，操題係上算，相信唔駛半年。
作者: Yanamami 時間: 18-6-1 08:31
本帖最後由 Yanamami 於 18-6-1 08:32 編輯
retriever 發表於 18-6-1 08:08
本帖最後由 retriever 於 18-6-1 08:08 編輯
唔係喎。淨考試，減失誤，操題係上算，相信唔駛半年。
操－两个礼拜可以5**我話你叻~本身底好梗係同本身弱既唔同操法啦……
作者: retriever 時間: 18-6-1 09:51
Yanamami 發表於 18-6-1 08:31
操－两个礼拜可以5**我話你叻~本身底好梗係同本身弱既唔同操法啦……
係咪睇錯左?
什麼5**? 呢度係小學版, 有版友仲講係小三.
我唔BUY 小學數操題. 但為考試短時間提昇(分數)係有效架!
作者: LeeCC 時間: 18-6-1 09:55
本帖最後由 LeeCC 於 18-6-1 09:55 編輯
睇返小朋友過往的卷和功課，幫佢排強項和次強項和弱項的題目課題，計下強項和次強項的幾課的題目是否足以合格，如果夠夠合格，專攻強項和次強項的幾個topics，保底先
計下弱項topic約佔幾多分?再在弱項topics中再揀比較得分的題型操下，希望可以再爭取多些分，補貼強項因大意失的分數，希望保住合格
最弱項，放棄吧，不要在此有限時間浪費光陰，留待暑假努力追吧
加油
作者: LeeCC 時間: 18-6-1 10:02
本帖最後由 LeeCC 於 18-6-1 10:04 編輯
我明白樓主的情況，我在小朋友小三或以前，我係完全放棄四則的文字題，專攻佢強項 ，四則文字題豪曬俾佢，都系20分左右，我努力做好其他題目，點都有80分左右，小朋友見到自己80分，都叫做8字頭，信心返曬來，這樣暑假才有動力去操弱項
如果專攻弱項，未必有成效，但時間又浪費左，無時間去操比較有信心做的題目，結果分數就低
作者: Yanamami 時間: 18-6-1 10:09
本帖最後由 Yanamami 於 18-6-1 10:13 編輯
retriever 發表於 18-6-1 09:51
係咪睇錯左?
什麼5**? 呢度係小學版, 有版友仲講係小三.
打个誇張比喻啫~
(梗係無睇错)
其实唔知楼主講谷数，係由差谷到好吖，定係由好谷到更好~我細女小学时都係考前两周开始做補充練习，而家S2, 都係考前－两日操下練习｡不过如果係大女呢~底差就唔可以好似妺禁既做法，要恒常慢慢keep住做｡楼主話問題係大意呀……陋习好难幾日改到丫~係咪神仙难夠呢？
作者: camperkc 時間: 18-6-1 14:35
提示: 作者被禁止或刪除 內容自動屏蔽
作者: camperkc 時間: 18-6-1 14:36
提示: 作者被禁止或刪除 內容自動屏蔽
作者: angieip 時間: 18-6-8 13:09
提示: 作者被禁止或刪除 內容自動屏蔽
作者: nlc775s 時間: 18-6-9 11:25
little_yolky 發表於 18-5-31 18:21
阿妹靠科數食糊架。
之前小一升小二試過, 9月補到1月大考, 中間10月中定10月尾一次統測, 兩次都係9X, 之 ...
我估你小朋友6x分嗰次係衰心不在焉，佢地係識既，只係唔專心，做數最忌唔靜心專注去做，咁就易賴野，呢啲年紀多數錯careless mistake, 唔專心容易careless lor。
作者: Bingb 時間: 18-6-9 14:29
提示: 作者被禁止或刪除 內容自動屏蔽
作者: thvicny 時間: 18-6-9 14:50
練習、練習再練習，每日做90题數一定得。
作者: October. 時間: 18-6-9 20:14
thvicny 發表於 18-6-9 14:50
練習、練習再練習，每日做90题數一定得。
作者: lovebb2 時間: 18-6-9 20:20
October. 發表於 18-6-9 20:14
日做90題？小心多得滯，個腦有機會塞，諗唔到野。
1分鐘做1題, 每天要1.5小時;
2分鐘做1題, 每天要3小時
堅辛苦 
作者: thvicny 時間: 18-6-9 21:20
本帖最後由 thvicny 於 18-6-9 21:22 編輯
好多年前在某間小學學能測驗前就是這樣每天九十题。好奇現代重有冇學校係咁的。
作者: 洋蔥頭媽咪 時間: 18-6-10 00:31
本帖最後由 洋蔥頭媽咪 於 18-6-10 00:40 編輯
thvicny 發表於 18-6-9 21:20
好多年前在某間小學學能測驗前就是這樣每天九十题。好奇現代重有冇學校係咁的。 ...
現今正常都唔會，否則應該比家長投訴左九世啦 
不過我仔S1果年都遇過個老師傻左，一晚比左70題數學功課，仲要題題列式，我仔本身數學屬強項都只做到2/3做唔晒，第2日全班其他同學冇人做到超過一半，老師唯有比多一日時間佢地做。
作者: hkspiderman 時間: 18-6-10 01:29
補習中/英/數，最好都係搵私補+專科好d, 我以前個女小學都係搵私補補數，攪好個底，依家f2 無補數，仍未試過90以下。 之後朋友向我求助，話佢個女d數唔得，長期6尾7頭，私補左3個月升到8字頭，半年後 穩拿a,依家補左1年多，上次92，剛剛p4 考試突破到96. 衰左2題係最 簡單的四則運算。因為佢個女 對自己 充滿信心， “心紅”地心算唔做筆算，好大膽用心算做四則運算十題，最後加錯2題。但鬼咁難的文字題都攪掂，阿媽都唔知鑽佢叻定蠢好！ anyway搵啱一個私補真係可以改變好大。
作者: thvicny 時間: 18-6-10 10:34
小心廣告，太流太明顯了。
作者: Feimum 時間: 18-6-10 18:00
lovebb2 發表於 18-6-9 20:20
1分鐘做1題, 每天要1.5小時;
2分鐘做1題, 每天要3小時
其實是看甚麼題型的題目，若簡單計算題，學公文式每天也做大約150-200題（所需時間也是大約15mins)
作者: little_yolky 時間: 18-6-11 08:45
Bingb 發表於 18-6-9 14:29
我細囡又係咁，神經刀，臨場表現失準。係咪要去操卷班訓練下！
咁去數研補數，之後仲有冇再比math練習佢 ...
作者: little_yolky 時間: 18-6-11 09:14
nlc775s 發表於 18-6-9 11:25
我估你小朋友6x分嗰次係衰心不在焉，佢地係識既，只係唔專心，做數最忌唔靜心專注去做，咁就易賴野，呢啲 ...
就算升咗高年班, 佢平時評估單考一樣嘢, 係好高分的, 但一到測驗考試佢就唔掂, 一撈埋大堆嘢佢就發顛。數研老師稱佢做「七不思議事件」。
作者: hkspiderman 時間: 18-6-11 12:14
thvicny 發表於 18-6-10 10:34
小心廣告，太流太明顯了。
何需小人之心度君子之腹! 我收到唔少查詢中文及數學補習，但我一個都無回覆（你可以search 下d詢問者），因為我唔係賣廣告，亦唔係咩打手。
個人認為小朋友在校唔明白，除左唔專心課堂，多數係出於老師教法不太適合小朋，成績低左就缺乏信心，慢慢就怕左果課。想改善成績走去做大量練習，成績可能好左，除乏味外對將來成績亦唔多會改善，因老師教法不會改。無論結果如何，過程多數都係痛苦居多。 搵私補要搵啱，唔啱要轉人，合適的補習多會用有別於學校一套去教小朋友。我過往試過數位私補，最後能留下的不是有經驗而又收$3xx 的學校老師，而是唔洗二百透過有趣的方式去教導的私補。小朋友覺得有趣就會專心 聆聽，明白就有信心去做好，成績亦會上。最重要係過程唔痛苦無需每日大量練習。 就好似大量閱讀比大量練習更能提升能力一樣。
作者: bananaGi 時間: 18-6-12 09:50
little_yolky 發表於 18-5-31 17:10
我响考試前個半月終於等到數研位俾阿妹, 我傾盡家財俾佢一個禮拜補兩日, 依家睇下成效。 ...
作者: bananaGi 時間: 18-6-12 10:00
camperkc 發表於 18-5-31 20:35
謝謝謝你的意見，我都係呢幾日先開始坐隔離督住佢做，原來呢方法係有用，但可惜開始得太遲，仲有幾日就考 ...
"最大問題係大意，唔係唔曉做"
呢個似乎係好多家長都咁形容.....
作者: little_yolky 時間: 18-6-12 10:46
bananaGi 發表於 18-6-12 09:50
傾盡家財...... 哈哈哈~ 派卷未?
作者: bananaGi 時間: 18-6-12 10:59
little_yolky 發表於 18-6-12 10:46
仲未考, 聽日開波。
作者: camperkc 時間: 18-6-22 10:24
提示: 作者被禁止或刪除 內容自動屏蔽
作者: Jane1983 時間: 18-6-22 18:45
camperkc 發表於 18-6-22 10:24
好多謝大家之前俾我的意見呀。
小朋友終於由沿崖邊爬番上黎啦
恭喜晒，係咪順利升班 
？
作者: brother4 時間: 18-6-22 18:45
camperkc 發表於 18-6-22 10:24
好多謝大家之前俾我的意見呀。
小朋友終於由沿崖邊爬番上黎啦
咁用什麼方法？拔苗定－分－题定私補定其它？
| 歡迎光臨 教育王國 (/) |
Powered by Discuz! X1.5 |