教育王國

標題: 請教40校網vs32校網，女孩那個升中好點？ [打印本頁]

作者: Ella☘ 時間: 18-5-31 00:24 標題: 請教40校網vs32校網，女孩那個升中好點？

我囡囡返9月小一，自行入左深水埗寶血會嘉，靈，現在搬左去太子住，想在太子扣門，請各位發表下寶貴意見！謝謝

作者: twlo 時間: 18-5-31 11:45

女仔在深水埗區學校就讀，不太差。
因為有兩間B1 中學選擇，比男仔好一點。
另外，嘉靈有精英班，如果入到，又谷到，很大機會入到B1中學。

作者: worldcat 時間: 18-6-1 13:12

如果囡囡係學術方面出式，可以考慮32網。b1 較多位，但b1入唔到就好易落b3.
40就少b1, 但計埋女校就唔大分別。另外有幾間b2無咁易落b3.

第一，要叩一間比嘉靈好嘅小學唔易，特別今年人數。
第二，住太子32讀40, 升中時先揀升中網都得。

作者: Felix223 時間: 18-6-1 13:33 標題: 回覆樓主：

本帖最後由 Felix223 於 18-6-1 13:34 編輯

看返過去EK討論，40網升中網相對地對女生來說一定比較有利。
32網是屬於油尖旺升中網只是對男生有利。

作者: tkinwong 時間: 18-6-1 16:29

worldcat 發表於 18-6-1 13:12
如果囡囡係學術方面出式，可以考慮32網。b1 較多位，但b1入唔到就好易落b3.
40就少b1, 但計埋女校就唔大分 ...

我都係女仔讀緊油尖旺網，第一當然是油真，跟住就是競爭擊烈的伊利沙伯和循道了。乙一入唔到的話，擔心風險很高。

作者: 1998Ruby1998 時間: 18-6-1 17:30

40 網，入 Band 1 中學機會率高好多，起碼有兩間全女校收。就算係 Band 2 頭，德雅都係個好選擇，佢成績都唔錯。油尖旺果兩間 Band 2 成績都唔及德雅，而且都係男女校，機會少一半。

油尖旺區 Band 1 位唔夠分畀女仔，Band 2 更加唔夠，除非你去叩 St Mary's／女女學術非常出色，否則油尖旺網對你唔會有好大好處。

不過你搬去 32 網，到時候升中再揀跟邊個網都未遲。不過深水埗學生去油尖旺網好容易跌 Band。

作者: Ella☘ 時間: 18-6-1 23:55

非常感謝各位的寶貴意見，分析得很詳細，謝謝啦

作者: 淘寶 時間: 18-6-2 00:50

1998Ruby1998 發表於 18-6-1 17:30
40 網，入 Band 1 中學機會率高好多，起碼有兩間全女校收。就算係 Band 2 頭，德雅都係個好選擇，佢成績都 ...

請問40校網，有邊間中學係B1呢？

作者: 1998Ruby1998 時間: 18-6-2 01:04

回覆淘寶的帖子

上智、聖母玫瑰兩間全女，聖母玫瑰冇點公佈 DSE 成績，但估計都仲係 Band 1 水平。男女校有銘賢、黃棣珊。男仔得間長天。瑪神同德雅應該差唔多，卡在 Band 1C－2A。

作者: 淘寶 時間: 18-6-2 01:06

1998Ruby1998 發表於 18-6-2 01:04
回覆淘寶的帖子

上智、聖母玫瑰兩間全女，聖母玫瑰冇點公佈 DSE 成績，但估計都仲係 Band 1 水平。男女 ...

明白晒，唔該晒你呀

另我想請問，40網，聖多馬，瑪神，基福，邊一間會好啲呢？我兩個女，大女今年度先K1，但都想搵定啲資料。

作者: 1998Ruby1998 時間: 18-6-2 01:42

回覆淘寶的帖子

基福印象中比聖多馬更注重學術（雖然學術程度未必及其他一線，但係家長分享過話睇得出學校係有心想谷），但係聖多馬位少難爭。基福多位，亦大班，自行 15 分有點機會，聖多馬要 20 分。
基福有寫升中情況，列埋人數，可以睇下 d 「未來」中學是否合意。聖多馬都就冇列人數，得校名，但係睇落聖多馬冇咁多人去入到「名校」。基福頭 30% （即 50 名內）可入比瑪神 DSE 成績更好嘅中學。

我親戚讀瑪神，SEN 支援做得唔錯，相比其他一線學校，程度正常，冇教深。頭 20 名可入上智、聖母玫瑰、銘賢等。如果接受瑪神中學就冇問題。瑪神好神秘，不過睇返過往紀錄同家長分享，都係 20 個學生左右去其他英中。

如果小朋友谷得，咁入基福會適合。

歡迎光臨教育王國 (/)