教育王國

標題: 英國，澳州，加拿大，讀中學，點揀？ [打印本頁]

作者: STEM330 時間: 18-5-28 19:29 標題: 英國，澳州，加拿大，讀中學，點揀？

其實除咗學費，其如有幾大分別？

作者: brother4 時間: 18-5-28 21:06 標題: 回覆樓主:

看有冇人幫手如親戚等，做監護人或提供住宿，附近有冇好學校介绍等

作者: gogogo333 時間: 18-5-28 21:42 標題: 回覆樓主

我囡有澳籍，有親戚亦在澳洲，但選擇去英國讀寄宿。雖然貴咗好多，但比較適合我囡囡，因為：
1. 英國A level 只需要讀三科，佢本身只對數理有興趣，其他科都讀得唔係咁好
2. 我囡囡之前冇乜紀律心散，寄宿比較有規律。如果去澳洲，本身唔多寄宿選擇，好嘅學校同香港一樣，要全科都有番咁上下成績，如果住親友屋企，怕佢日夜打機冇心機讀書。加拿大同美國其實同澳洲亦差不多，但平好多。

所以去邊留學比較好，要睇囝囡本身性格，同小心選擇合適佢地嘅學校。當然澳洲就天氣好，而且讀完大學後可留低做嘢機會亦比英國高啦。而家冇英藉要留英非常難，澳洲會比一年visa大學畢業生搵工

作者: qwerty0000 時間: 18-5-29 02:03 標題: 回覆樓主:

你首先要了解佢哋每個國家主要考啲乜嘢公開試

邊種公開試啱你小朋友讀。

作者: STEM330 時間: 18-5-29 19:33

qwerty0000 發表於 18-5-29 02:03
你首先要了解佢哋每個國家主要考啲乜嘢公開試

邊種公開試啱你小朋友讀。

咁在澳洲和加拿大升大學要考什麼公開試呢？

作者: STEM330 時間: 18-5-29 19:34

gogogo333 發表於 18-5-28 21:42
我囡有澳籍，有親戚亦在澳洲，但選擇去英國讀寄宿。雖然貴咗好多，但比較適合我囡囡，因為：
1. 英國A leve ...

住寄宿除咗夠鐘要熄燈瞓覺外其他時間係咪都可以一樣打機呢？

作者: STEM330 時間: 18-5-29 19:35

STEM330 發表於 18-5-29 19:33
咁在澳洲和加拿大升大學要考什麼公開試呢？

澳洲和加拿大升大學係咪容易啲呢？

作者: gogogo333 時間: 18-5-29 22:20 標題: 回覆樓主

我囡嘅寄宿每日放學後，晚餐前有大概兩小時prep time, 學生要留在課室溫書，有老師睇住。每星期六早上有測驗，所以可以keep到每日溫習。當然晚歺後到十一時學校關wifi前，都可以打機，但學校network慢，就算自己用電話data 都收得差，所以自自然然就打少咗機，會睇下其他課外書，佢好快就習慣，亦冇投訴不人道(emoji) 。少咗打機，亦多咗時間運動。
所以揀學校都好重要，當然唔係每個小朋友都可以接受呢種生活，要囝囡自己參與選學校，如果係自己揀嘅，接受程度會大好多，亦會讀得開心D。

作者: gogogo333 時間: 18-5-29 22:36

STEM330 發表於 18-5-29 19:35
澳洲和加拿大升大學係咪容易啲呢？

如果你未有打算，可以找幾家升學Agent 問吓了解吓，反正Agent係不收費的，費用係最後收咗你嘅學校比。英國既大小Agent 非常多，澳洲就可問IDP. Sorry美加我就不太清楚

作者: STEM330 時間: 18-5-30 10:58

gogogo333 發表於 18-5-29 22:20
我囡嘅寄宿每日放學後，晚餐前有大概兩小時prep time, 學生要留在課室溫書，有老師睇住。每星期六早上有測 ...

多謝你的回覆，有朋友話我聽其實加拿大的data plan好貴同得好少data，所以好快玩完，打唔到幾多機。唔知澳洲有冇呢個情況

作者: gogogo333 時間: 18-5-30 11:34

STEM330 發表於 18-5-30 10:58
多謝你的回覆，有朋友話我聽其實加拿大的data plan好貴同得好少data，所以好快玩完，打唔到幾多機。唔 ...

如果去澳洲，美加，呢個就唔係重點，亦唔應該係你考慮因素。因為美加澳寄宿學校少，多數住home stay 或親友家中，就一定會有wifi 。建議先行第一步，根據小朋友喜好及成績，找兩三間Agent問下不同地方考試制度，學費及學校選擇，然後家中做下資料蒐集，睇下邊類學校適合你小朋友，比佢參與選擇，篩選之後再搵返個Agent攞多啲詳細資料。其他嘅細節，先不用考慮

歡迎光臨教育王國 (/)