教育王國
標題: 老師應否以垃圾來責駡學生? [打印本頁]
作者: charlieyeung811 時間: 18-5-25 17:30 標題: 老師應否以垃圾來責駡學生?
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知大家的睇法? 我應該怎樣做?
作者: lucyplus 時間: 18-5-25 17:44
charlieyeung811 發表於 18-5-25 17:30 
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知 ...
不可以，完全唔專業
作者: egg.plant 時間: 18-5-25 17:50 標題: 回覆樓主
數學作業改正改錯左，要逐個逐個出去老師枱當住老師面前改正，個個都嚇到震！改完老師將本作業擲向牆角，叫佢地自己執！
我仔係受害者，所以轉左校！
作者: charlieyeung811 時間: 18-5-25 17:52
回覆 egg.plant 的帖子
我個仔六年級喇... 仲有個幾月就畢業, 不過無預計到喺呢個時候發生啲咁既事
作者: 貝珠 時間: 18-5-25 18:07
charlieyeung811 發表於 18-5-25 17:52
回覆 egg.plant 的帖子
我個仔六年級喇... 仲有個幾月就畢業, 不過無預計到喺呢個時候發生啲咁既事 ...
要心平氣和向校方反映
作者: Jane1983 時間: 18-5-25 18:14 標題: 回覆樓主:
就畢業就頂埋去。咁樣鬧，老師係唔對。
在安慰小朋友之餘，可以同佢傾吓，叫佢想吓自己有無做錯咗乜嘢，去令人咁樣鬧佢。你唔比機會人地，佢就無機會侮辱你。
作者: 1998Ruby1998 時間: 18-5-25 18:16
試過有，不過係中學生，同埋係補習老師。
不過我覺得呢 d 不論係乜年紀乜情況，都唔應該用呢個言詞去鬧人。
作者: mimi222shi 時間: 18-5-25 18:22
我有聽過唔少呢類投訴(好多係津校)，再過份的也有。
我自己一定頂唔順！
作者: mrs.so 時間: 18-5-25 19:09 標題: 回覆樓主:
小六畢業捱過去
待七月派發成績表後再向校長投訴
只係投訴講完就算叫做講咗
作者: ar_mak 時間: 18-5-25 19:44
提示: 作者被禁止或刪除 內容自動屏蔽
作者: haihaimom 時間: 18-5-25 20:13
ar_mak 發表於 18-5-25 19:44
情況分成兩部份，一部份係設毒計去對付個老師，另一部份係點同小朋友一齊面對。
先講小朋友呢部份。其實佢 ...
令我諗起以前有個同事，俾老細話完都唔會唔開心，心理質素好好，佢認為老細係話件事做得唔夠好啫，唔係話佢唔好，真係學到嘢
作者: haihaimom 時間: 18-5-25 20:25
mrs.so 發表於 18-5-25 19:09
小六畢業捱過去
待七月派發成績表後再向校長投訴
只係投訴講完就算叫做講咗
見到校長講一聲，但係話，嗱，其實我唔想講係邊個男/女老師，因為佢仲教緊六年班XX科既，唔想影響到教學。唔知噤講得唔得
作者: GreenMaDad 時間: 18-5-25 20:28
其實這些是"老師欺凌".....小朋友聽到真係會好吾開心...成績差都吾應該受這些欺凌，我會同小朋友講：個老師有問題，老師講既野照聽, 不過無理的說話和行動要抺左佢. 同意畢左業先同校長講.
作者: jumphigh 時間: 18-5-25 20:30
提示: 作者被禁止或刪除 內容自動屏蔽
作者: 仔仔錫錫你 時間: 18-5-25 20:43
個心經驗同校長口講作用不大，要寫信，寫比校長， 校監，cc比教育局，如學校有宗教背景，寫比負責教育部的工作人員，好快會有人跟進。記住，除左教育局同教區，只要係學校人士都叫他們書面交代，如果唔係都係得個講字，採你都傻
作者: mimi222shi 時間: 18-5-25 20:59
jumphigh 發表於 18-5-25 20:30
强调#(好多係津校)#有乜意義？
作者: Vanadium 時間: 18-5-25 21:07
本帖最後由 Vanadium 於 18-5-25 21:10 編輯
原來到今時今日仲有老師鬧人垃圾，相信果批老師都係上一代就黎退休果批。
鬧人垃圾既老師無論點都係唔啱，比我會主動問個老師發生咩事，因好多時仔女返到屋企，只會講件事對自己有利既一面，更有機會將事情誇大，以保障自己，為証明老師講既係事實，亦可從同學方面查問。若明顯老師有錯，可再向學校校長查詢。
(點解要直接問老師? 因若真係自己仔女作左少少野，結果又寫信去教育局、校監、校長，查明仔女誇大左後，相信對仔女負面後果仲衰。)
但另一角度亦要積極少少，教子女面對呢類說話，亦可分析老師同佢自己錯既地方(如真係無認真去對待功課、可能唔合格但仍態度輕蔑)，當然若然真覺得自己子女已盡力無咩錯處，亦可教導子女如何看待不合理批評，因子女成長過程，總有面對各種人及各式負評機會，有時都要學習如何處理。
作者: Ocean419 時間: 18-5-25 21:29 標題: 回覆樓主
睇黎我係另類家長，d字亂寫、簡單改正錯完又錯，我會鬧佢交d垃圾比老師係不負責任的行為。如果佢認為冇所謂，咁我都會對佢做d不負責任的行為如唔煮飯、特登煮佢唔食的、學校旅行課外活動好玩的通吿唔簽
作者: Jane1983 時間: 18-5-25 21:49
Ocean419 發表於 18-5-25 21:29
睇黎我係另類家長，d字亂寫、簡單改正錯完又錯，我會鬧佢交d垃圾比老師係不負責任的行為。如果佢認為冇所謂 ...
交d垃圾比老師，和鬧個學生係垃圾，好似層次上有d唔同。
其實出來社會，講嘢mean爆的人大把，如果做嘢唔認真，聽難聽說話的機會好大。現實係殘酷，自己唔尊重自己就容易招來人地唔尊重你。不過小六仲未係大人，咁講嘢，係課堂，仲係老師，就唔係咁好。
作者: little_kid 時間: 18-5-25 22:15
charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知 ...
本帖最後由 little_kid 於 18-5-25 22:17 編輯
我會安撫阿仔情緒先，相信佢有能力做得好好。再鼓勵佢認真做功課，努力温默書，用行動證明俾老師睇佢唔係垃圾。
作者: Vanadium 時間: 18-5-25 22:31
本帖最後由 Vanadium 於 18-5-25 22:34 編輯
Ocean419 發表於 18-5-25 21:29
睇黎我係另類家長，d字亂寫、簡單改正錯完又錯，我會鬧佢交d垃圾比老師係不負責任的行為。如果佢認為冇所謂 ...
老實講，我都會咁做，不過唔係個個家長咁諗。
若然仔女真係做事咁求其，默書又唔認真溫，老師話句垃圾，我反而覺得係幫我忙，我真係會回應仔女"你交垃圾人地當然話你係垃圾，你唔想人地話你垃圾，你就應認真D做野"。
老師話佢好過我自己話佢，傷佢同老師感情，好過傷我同佢感情。
試過同仔女搭地鐵，佢地頑皮玩到嘈到人，點知有人大聲鬧佢地，我當時心裡講: Thank you，然後同仔女講，你地過份左嘈到人，人地唔鐘意就有機會鬧你，做事要為他人著想。
作者: shadeslayer 時間: 18-5-25 22:46
Jane1983 發表於 18-5-25 21:49
交d垃圾比老師，和鬧個學生係垃圾，好似層次上有d唔同。
其實出來社會，講嘢mean爆的人大把，如果做嘢唔 ...
出來做野，做得如何，也可以有人鬧，只好練下EQ，再頂唔順就轉工。學校可能也一樣。
作者: jumphigh 時間: 18-5-25 22:47
提示: 作者被禁止或刪除 內容自動屏蔽
作者: shadeslayer 時間: 18-5-25 22:52
Vanadium 發表於 18-5-25 22:31
老實講，我都會咁做，不過唔係個個家長咁諗。
若然仔女真係做事咁求其，默書又唔認真溫，老師話句垃圾， ...
同一句說話，有人話欺凌，有人話教精你，言論自由世界，甚麽是過份，不是易判斷。
作者: Jane1983 時間: 18-5-25 23:44
shadeslayer 發表於 18-5-25 22:46
出來做野，做得如何，也可以有人鬧，只好練下EQ，再頂唔順就轉工。學校可能也一樣。
...
EQ和AQ都要訓練，但唔係咁容易練。
作者: supermom1 時間: 18-5-25 23:58 標題: 回覆樓主
為人師表，完全不能接受！
作者: rulerL 時間: 18-5-26 00:06 標題: 回覆樓主
如果老師話個小朋友係垃圾，我絕對唔會接受，更加唔會忍受。但如果老師話個小朋友啲功課做得好差好垃圾，唔係話個人嘅我會算數唔追究，只係教返自己小朋友要認真做好功課。
作者: Doray 時間: 18-5-26 00:36
本帖最後由 Doray 於 18-5-26 00:38 編輯
我覺得鬧仔女你真係無用，同老師鬧同學垃圾在仔女心中其實都咁難聽，但有不少父母教小朋友教到火起都會衝口而出……
作者: rulerL 時間: 18-5-26 02:11
Doray 發表於 18-5-26 00:36
我覺得鬧仔女你真係無用，同老師鬧同學垃圾在仔女心中其實都咁難聽，但有不少父母教小朋友教到火起都會衝口 ...
老師作為有識之士、為人師表者，無論遇上幾大壓力，心中有多不滿也好，也不應侮辱一個小學生係垃圾，咁做除了突顯個老師素養欠佳外，更有以大欺小之嫌，係弱者嘅表現。
作者: assado 時間: 18-5-26 05:08
charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知 ...
本帖最後由 assado 於 18-5-26 05:16 編輯
小朋友(P6)是否重複馬虎做功課?
又有冇認真溫書而多次默書唔合格?
如果是又真係一舊XX, 老師都是講實情, 小朋友真係要認真反省去改正。
將來出來社會工作, 如工作多次犯錯, 上司鬧下屬嘅說話會更加難聽好多。
作者: mytambb 時間: 18-5-26 06:22
charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知 ...
平心而論，不同文化、年齡、社會經驗的家長和老師會有不同的意見。但是大家都係想幫助小朋友，所以多溝通多協調對事情有用。
作者: sillydad 時間: 18-5-26 07:10
老師應該作一個好修養的模範。讀書人除了要有學問,還要有修養。有無了解過為何老師會這樣駡?一向都是這樣駡不同學生嗎？
作者: 洋蔥頭媽咪 時間: 18-5-26 07:32
老師言語可能過份些少，但亦要檢討自己是否有問題，現實社會呢啲情況多的是，小六生都唔細，要訓練下孩子eq.
作者: yovin 時間: 18-5-26 07:46
charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知 ...
本帖最後由 yovin 於 18-5-26 07:55 編輯
我係你會同仔講:「用行動去證明自己唔係垃圾， 定立一個成功目標， 發奮圖強。 記得問老師攞聯絡電話， 他朝成功後，打電話畀老師， 話畀佢知 佢話你係垃圾是錯嘅。」
但我相信 到仔仔成功嘅時候， 佢會打電話畀老師 說一聲:「 謝謝你！」
作者: mimi222shi 時間: 18-5-26 08:53
根本好多老師没有愛心和不講道理，甚至不怕投訴(頂唔順就叫學生轉校)好多家長都只能啞忍......家長同小朋友做下心理輔導好過啦。
作者: kwokbobo 時間: 18-5-26 09:01
charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知 ...
當然不可以，他/她憑什麼，他/她才是真正的垃圾，誤人子弟。
作者: kwokbobo 時間: 18-5-26 09:07
Ocean419 發表於 18-5-25 21:29
睇黎我係另類家長，d字亂寫、簡單改正錯完又錯，我會鬧佢交d垃圾比老師係不負責任的行為。如果佢認為冇所謂 ...
話佢交垃圾，與話個學生是垃圾是兩件事
作者: shadeslayer 時間: 18-5-26 09:15
assado 發表於 18-5-26 05:08
本帖最後由 assado 於 18-5-26 05:16 編輯
小朋友(P6)是否重複馬虎做功課?
咁理直氣壯，唔好用XX代表。
作者: popomama2012 時間: 18-5-26 09:59
charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知 ...
向校長投訴，此老師行為絕對不要得？是哪間小學？
作者: assado 時間: 18-5-26 10:04
charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!
兒子因此情緒低落, 可否告知 ...
又反轉問題, 老師可以點做好, 當學生屢勸不改 ?
作者: mimi222shi 時間: 18-5-26 10:21
本帖最後由 mimi222shi 於 18-5-26 10:28 編輯
就算學生有幾大問題, 老師都無可能會鬧人係"垃圾"!
老師咁差, 有機會間接令學生怕埋那個科目
其實, 可能只係部份家長容忍唔到(包括我), 啞忍既大有人在...
我聽返朋友講, 呢啲行為/侮辱說話並非罕見。
有老師仲會玩針對, 撞到呢啲老師, 小朋友真係
作者: haihaimom 時間: 18-5-26 10:54
haihaimom 發表於 18-5-25 20:13
令我諗起以前有個同事，俾老細話完都唔會唔開心，心理質素好好，佢認為老細係話件事做得唔夠好啫，唔係話 ...
張件事同人分開先，即係老師話緊本默書薄係垃圾，唔係話個人，可以答老師，係!我都覺得佢係垃圾（指住本默書薄）加多句，我既價值點可以由垃圾反映出來。
作者: Jane1983 時間: 18-5-26 10:54 標題: 回覆樓主:
唔係講樓主個仔。有d學生上堂發夢，唔交功課，催佢唔理，問佢呆呆滯滞無反應，鬧佢亦無動于衷。老師可以做的唔多，放棄佢、當佢唔存在，咁家長唔會嘈，但亦唔係好事。
作者: 仔仔錫錫你 時間: 18-5-26 10:59
先唔好講小朋友被人叫垃圾受到咩傷害，單從老師身上學會叫人垃圾已經好大問題。
我仔小學都有這類老師，你向他求證，老師只會講大堆野否認。我處理的方法是先搵最少3位同學求證，證實左緊料就搵其上司處理，我絕對唔會搵當事人傾，會先搵校長傾，再補信等學校 永久keep record（有需要就比埋校監），他們自會調查當還老師清白。記住唔好搵當事老師，只會令自己激氣，搵第三者調查是最公平。重有唔好單純把事情放在小朋友身上，會令人覺得你是怪獸家長，要著眼於老師的品格，因係影響所有學生，問校長想唔想d學生一開口就叫人垃圾，佢就明白事情的重要性。
作者: haihaimom 時間: 18-5-26 11:06
仔仔錫錫你 發表於 18-5-26 10:59
先唔好講小朋友被人叫垃圾受到咩傷害，單從老師身上學會叫人垃圾已經好大問題。
我仔小學都有這類老師，你 ...
認真既，直接同校長講，學生做錯事，應該針對件事黎話，唔係個人，噤樣反映學校老師唔夠專業，未能與時並進，我強烈建議某啲老師需要再培訓，學下點樣教好學生。
作者: charlieyeung811 時間: 18-5-26 11:57
都聽左好多家長的意見. 我認同小朋友喺學習方面做得唔夠好, 作為家長同埋個小朋友都有責任.
但試問邊個家長可以接受個老師用呢啲詞語去鬧個小朋友?
我都會教返小朋友要認真做功課及比心機讀書, 因為呢啲係學生自己應有的責任.
同時我已寫好投訴信, 準備星期一親手交給校長, 針對老師對待學生的言詞不當, 希望學校跟進及回覆此事.
作者: cutiechan 時間: 18-5-26 13:02
charlieyeung811 發表於 18-5-26 11:57
都聽左好多家長的意見. 我認同小朋友喺學習方面做得唔夠好, 作為家長同埋個小朋友都有責任.
但試問邊個家 ...
作者: Vanadium 時間: 18-5-26 14:02
charlieyeung811 發表於 18-5-26 11:57
都聽左好多家長的意見. 我認同小朋友喺學習方面做得唔夠好, 作為家長同埋個小朋友都有責任.
但試問邊個家 ...
若然係你個仔聽錯或誇張左，甚至帶點惡意，你呢封投訴信，將會令你個仔好大負面後果，唔單係講學校點睇你同你個仔，而係做家長既身教。
真心建議你查證下先，除非你100%覺得個仔講既就係事實，希望你個仔唔會令你失望。
作者: gracelam 時間: 18-5-26 14:07
charlieyeung811 發表於 18-5-25 17:52
回覆 egg.plant 的帖子
我個仔六年級喇... 仲有個幾月就畢業, 不過無預計到喺呢個時候發生啲咁既事 ...
比個心理準備你, 上到中學見唔少, 小學老師咁講野就真係少見。
教小朋友自强不息, 出來做事更加會日日面對更苛刻的責難!!
作者: Vanadium 時間: 18-5-26 14:24
如果個老師好鐘意鬧人垃圾，呢類情況只要係同學或家長群組一講出黎，必定一呼百應。但相反若老師甚少咁樣，但對住自己仔女都發左癲，係咪應更認真檢討如何教養自己小朋友，多過去投訴呢?
我真係想知道有幾多小朋友做得差下反去投訴老師錯失，而小朋友真係改善過黎既成功個案。
作者: assado 時間: 18-5-26 14:30
Vanadium 發表於 18-5-26 14:24
如果個老師好鐘意鬧人垃圾，呢類情況只要係同學或家長群組一講出黎，必定一呼百應。但相反若老師甚少咁樣， ...
Yes, 可以先打電話問一問老師了解當天情況先, 好過下下投訴。
作者: charlieyeung811 時間: 18-5-26 14:31
Vanadium 發表於 18-5-26 14:02
我真好奇你點解咁肯定老師有鬧你個仔垃圾? 查清楚老師當時點講無? 同當時你個仔其實係點表現?
若然係你個仔 ...
但係我已經問過同班幾名同學, 佢地都講得出成件事點解老師話佢係垃圾同埋點樣鬧佢係垃圾! 相信係有呢件事發生.
作者: charlieyeung811 時間: 18-5-26 14:35
Vanadium 發表於 18-5-26 14:24
如果個老師好鐘意鬧人垃圾，呢類情況只要係同學或家長群組一講出黎，必定一呼百應。但相反若老師甚少咁樣， ...
作者: GreenMaDad 時間: 18-5-26 15:22
以前番工做新人時，有個老板好鐘意考新人, 吾識答就會俾佢勁串，如果識答佢就會很快講第二樣野，佢雖然無講"垃圾"之類的說話，但佢說話的眼神、態度、語氣等都令佢既下屬好大壓力，好彩我好快就轉組，我宜家諗，如果學生長期在這類老師下上堂，又點會有心機學習....學生成曰話壓力大，這些無形壓力不容忽視。
作者: shadeslayer 時間: 18-5-26 15:29
Vanadium 發表於 18-5-26 14:24
如果個老師好鐘意鬧人垃圾，呢類情況只要係同學或家長群組一講出黎，必定一呼百應。但相反若老師甚少咁樣， ...
如何差老師也不該叫學生垃圾。個個生性唔使教，使鬼老師。教育工作者咁鬧學生，配做教育嗎？
作者: assado 時間: 18-5-26 15:35
shadeslayer 發表於 18-5-26 15:29
如何差老師也不該叫學生垃圾。個個生性唔使教，使鬼老師。教育工作者咁鬧學生，配做教育嗎？
...
叫蠢豬/笨蛋得吾得
作者: 已刪除用戶 時間: 18-5-26 15:41
charlieyeung811 發表於 18-5-26 14:31
我開頭都怕自己小朋友聽錯或者誤解老師其實係鬧"你交左啲垃圾"就當左鬧佢係垃圾.
但係我已經問過同班幾名同 ...
有朋友經曾遇過類似情況, 佢問同學時全部有錄音, 到返學校同校長加老師對質時, 校長當然護住老師, 到家長講有錄音在手, 並唔係隨口講時, 情況即刻唔同左, 個老師先認有咁講過.
其實件事都驚動左校監, 之後點處理唔知 lu.
作者: shadeslayer 時間: 18-5-26 16:01
assado 發表於 18-5-26 15:35
叫蠢豬/笨蛋得吾得
不要差開，由頭到尾都係談論緊「垃圾」，其他的詞語，其他時候才講。
作者: Jane1983 時間: 18-5-26 16:10 標題: 回覆樓主:
咁既用詞，搞大件事，老師一定理虧。
唔鬧垃圾，將學生做到一塌糊塗的習作當住全部同學擲落地，學生行出去踎低執番，咁何嘗唔係被羞辱！？呢d聽過唔只一次，唔少學校都有。
作者: licpd 時間: 18-5-26 17:57
charlieyeung811 發表於 18-5-26 14:31
我開頭都怕自己小朋友聽錯或者誤解老師其實係鬧"你交左啲垃圾"就當左鬧佢係垃圾.
但係我已經問過同班幾名同 ...
作者: licpd 時間: 18-5-26 18:01
縂有被其他同學label著你個小朋友係垃圾被排擠，小朋友返學都會好慘！
作者: charlieyeung811 時間: 18-5-26 18:27
licpd 發表於 18-5-26 18:01
縂有被其他同學label著你個小朋友係垃圾被排擠，小朋友返學都會好慘！
已經成為被取笑對象
作者: 仔仔錫錫你 時間: 18-5-26 18:38
所謂針唔拮到肉唔知痛，總之覺得啱就去馬，自會有第三者作調查還大家一個公道。
作者: Vanadium 時間: 18-5-26 18:42
有家長搞唔明教育子女同投訴老師係兩回事。
我自己作為家長，必以教育子女，協助子女建立好行為及態度為首，不知這裡有多少家長認同。
我不是說老師若真的話學生圾垃是對，但投訢老師目的為何? 若想佢不再話學生或自己子女垃圾，同佢查詢一下，無論事實如何，肯定已可達到目的。
但若去到校長層次，除非老師經常如此，否則這一種是報復式投訴，大人在做，孩子在看，心裡會知道發生甚麼事。若然此行徑有家長覺得有助子女改善行為，那便去做，但我看，不單無助，很可能有相反效果，小朋友每每在自己出錯時，會同時找別人錯處去減輕自己的主要責任，或轉移視線，因以往經驗告訢他會成功。
無論做甚麽，首應要教育子女為著想。
作者: shadeslayer 時間: 18-5-26 19:07
Vanadium 發表於 18-5-26 18:42
有家長搞唔明教育子女同投訴老師係兩回事。
我自己作為家長，必以教育子女，協助子女建立好行為及態度為首 ...
本帖最後由 shadeslayer 於 18-5-26 19:09 編輯
學校有人之患，唔指出來，為己(唔再受辱)，為人，唔使害其他學生，唔通送花比佢？
咁樣係令孩子有「正常」的老師提供正常的教育，最終也是為了教育。
作者: GreenMaDad 時間: 18-5-26 19:17
我認為教育子女其中一點是盡量给予安全, 合適，有良好質素的環境 (包括教師質素)给子女，如老師有問題，係應該諗D辦法同學校反映。我聽過我小朋友學校其中一老師在堂上用不當詞語，好像有家長跟學校反映過，、下一學年該老師已無再教。
作者: Vanadium 時間: 18-5-26 19:25
shadeslayer 發表於 18-5-26 19:07
本帖最後由 shadeslayer 於 18-5-26 19:09 編輯
學校有人之患，唔指出來，為己(唔再受辱)，為人，唔使 ...
老師教導兒子令兒子被罵，當然亦可選擇即時回應，作出投訴，要人交代。
所以我早前就問，有無家長有經驗，以即是投訴對方的方式，能更有效幫助子女改善? 若有我跌了眼鏡。
家長對子女影響真的很大。
作者: licpd 時間: 18-5-26 19:45
Vanadium 發表於 18-5-26 19:25
當然呢個係個人取態問題 ，如小朋友係公眾場所被罵或受辱，有家長會不問是非，選擇即時駁斥，甚至街頭破口 ...
至如老師受到投訴對學生有沒幫助，尼個就看校長的管理能力啦！
作者: shadeslayer 時間: 18-5-26 19:50
Vanadium 發表於 18-5-26 19:25
當然呢個係個人取態問題 ，如小朋友係公眾場所被罵或受辱，有家長會不問是非，選擇即時駁斥，甚至街頭破口 ...
本帖最後由 shadeslayer 於 18-5-26 19:50 編輯
不能「是其是，非其非」，你點樣教孩子，如何以身作則。
作者: HaYi 時間: 18-5-26 19:56
一個現代受薪的老師禁不住爆火一係佢本身有惰緒病受唔到小朋友的壓力, 一係根本慣性用哩種方式去教小朋友. 另一方面睇佢本可以選擇不上心或當睇唔到.. 佢點解要犯禁? (當然佢做左呢D行為就預左俾家長告.) 如果我係當事人家長, 都會再了解下件事先睇需唔需要正式投訓佢.
另一方面都會再睇番自己個小朋友的情況(做功課態度etc)是否已屬嚴重. 因6年班, 小學尾聲, 得番個幾月會對呢種老師, 無論投訴完結果點, 除左可以抒發, 都冇咩實際的作用, 反而如果真是自己的小朋友問題較大, 上到中學可能分分鐘仲要受更多的譏諷.
作者: Vanadium 時間: 18-5-26 20:32
本帖最後由 Vanadium 於 18-5-26 20:38 編輯
licpd 發表於 18-5-26 19:45
我反而覺得尼個時侯係父母跟子女加深bonding的時侯。係小朋友遇到困難的時侯父母用智慧幫他了解和解決困擾 ...
你說對了一半，的確親情會加深。
但我所以話家長無留意後果，如子女從此不再信任老師，或挑戰老師，學習當自己犯錯被責備，會以捉到對方錯誤為自己解脫。如我這樣幫兒子以建立感情，我相信他升中後仍不細機會收到老師投訴兒子，而兒子仍會不斷向我打老師小報告，除非兒子往後自行生性識諗。
除非個老師係十分邪惡，明以侮辱兒童為己快，否則若佢係愛之深責之切，衝口而出而唔係有惡意，究竟同兒子講老師想你好先會罵你有建設一啲，定係立即投訴有建設一啲呢? 不要忘記若態度馬虎，往後仍很多機會被人罵，比人罵甚麽字眼都不會舒服，除非佢遇到真正不負責任，完全唔理學生之老師。
呢個係我個人處理子女之方式，純分享，無意改變人。我剛主動見了大仔老師，就是了解佢上堂發生之情況，比淨聽個仔講，深入了解得多，亦交換了解老師之做法，為何這樣處理，感覺十分好 。
作者: haihaimom 時間: 18-5-26 21:19
Vanadium 發表於 18-5-26 19:25
當然呢個係個人取態問題 ，如小朋友係公眾場所被罵或受辱，有家長會不問是非，選擇即時駁斥，甚至街頭破口 ...
喺這件事情上，我看到兩個問題：
1.孩子未有認真看待學習，我相信老師鬧佢垃圾，並非一次半次唔合格（如有錯請指正），應該幾長期成績都唔好，老師對佢好失望。
2.一位受過專業訓練的老師，因為學生成綪唔理想而羞辱佢，其實係幾不能接受（以今時今日的價值觀來説）
我覺得樓主處理得幾好，同孩子處理咗第一個問題先，然後寫一封信俾校長表達意見，唔需要對質，只係希望學校/老師改善啫。
作者: licpd 時間: 18-5-26 21:56
Vanadium 發表於 18-5-26 20:32
你說對了一半，的確親情會加深。
但我所以話家長無留意後果，如子女從此不再信任老師，或挑戰老師，學習當 ...
投訴並不代表不放老師在眼裏，相信樓主有智慧針對老師的処理手法而不是你所說報復他。
樓主最清楚了解自己小朋友是否可信， 好少傢長會儸野來煩少少事走去投訴老師。
作者: ar_mak 時間: 18-5-26 22:34
提示: 作者被禁止或刪除 內容自動屏蔽
作者: Vanadium 時間: 18-5-26 22:38
本帖最後由 Vanadium 於 18-5-26 22:53 編輯
licpd 發表於 18-5-26 21:56
你都講對一半！ 投訴並不代表不放老師在眼裏，相信樓主有智慧針對老師的処理手法而不是你所說報復他。樓主 ...
這個不小朋友可信與否，但肯定...頑劣的小朋友永遠只會講故事有利自己的一面。
記得以前接觸過一個小朋友(6年班)，係我面前係咁投訴佢媽媽對佢點點點，聽到我覺得呢個世界點會有如此十惡不赦之媽媽，後來同再佢媽媽傾......嘩，完全另一個story，而証實佢媽媽講既先真。
當然有時新聞又講一啲小朋友報警話比父或母打，咁打人果個緊比差人拉，但做父母點解會因為教養勞氣到出手呢? 相信仔女被父母打會報警既，都唔會好人得去邊掛....大家未見過一言九頂既小朋友?
https://hk.news.appledaily.com/local/daily/article/20071223/10565738
https://hk.news.appledaily.com/local/daily/article/20110127/14913010
所以我講，希望樓主個小朋友唔會令樓主失望，或樓主真係關心同認真建立小朋友態度之父母，咁個老師即使唔係壞人，被投訴都值少少。
作者: ar_mak 時間: 18-5-26 22:54
提示: 作者被禁止或刪除 內容自動屏蔽
作者: Lu324 時間: 18-5-27 00:04 標題: 回覆樓主
呀仔間幼稚園，幾年前K3老師將學生（不只一個）書包拎去垃圾桶，主因係小朋友曳，其中一個學生家長同我講，個仔本身全日A班，後尾要轉半日B班，上埋心理輔導先肯返學，件事對小朋友影響好大。家長有同校長投訴，校長大事化小咁糊混過去。
樓主小朋友已經小六，情況又唔同。老師已經鬧左，小朋友要面子先會唔開心，不如同小朋友傾下點做好學生本份比較適當。
作者: shadeslayer 時間: 18-5-27 01:46
Vanadium 發表於 18-5-26 22:38
這個不小朋友可信與否，但肯定...頑劣的小朋友永遠只會講故事有利自己的一面。
記得以前接觸過一個小朋友 ...
幾曳都好，無學生應該被老師叫垃圾。
EK好奇怪，一時同學叫下花名，部份外家長當好大件事，又欺凌又盛。一時老師(應該受學生專重的教育人員身份)叫學生垃圾，一些家長又0K。
作者: yovin 時間: 18-5-27 06:04 標題: 回覆樓主:
借帖反思問題如下:
1. 用「垃圾」形容學生，對學生來說真的十分侮辱嗎？ 還是老師侮辱了家長( 你生了一嚿垃圾)？
2. 又不是粗言穢語， 大家有沒有把垃圾這個詞的侮辱性放大了？
3. 學生的行為是不是垃圾的行為？
4. 今天假設學生不負責任 ，被老師罵垃圾，家長向校長投訴 ; 他朝假設工作不負責任， 被上司駡「無X用」， 家長告公司誹謗， 表示器官功能正常， 直至獲得賠償 ; 將來假設姦殺咗人， 被警察 用粗口問候， 家長去信警務處長， 要搞清楚警察不能說粗言穢語， 直至得到處長道歉！
根據部分家長的指引， 遇到侮辱性說話， 就要咁做對嗎？
5. 練成了玻璃心， 對孩子有好處嗎？
……
作者: yovin 時間: 18-5-27 06:15 標題: 回覆樓主：
本帖最後由 yovin 於 18-5-27 08:25 編輯
續……
6. 有沒有考慮過, 六年級的成績表, 還有沒有用？ 要不要叩門？
7. 即時覺得十分侮辱， 可唔可以等件事嘆一嘆先？ 什麼時候投訴？對什麼人投訴？
8. 繼續馬虎做功課、 繼續連基本嘅默書都唔合格、 甚至其他令老師忍無可忍的行為， 遲早都會變成欺凌對象。 怎樣才能治標？
9. 「垃圾」濕濕碎 ，人生中「 無中生有」「 食死貓」的侮辱說話有更多，日後怎樣面對？
三思而後行。
多想想Vanadium、assado的說話和出發點。
同意⇒ 沈默不是懦弱 忍耐不是麻木。
圖片附件: 1527380735261.JPEG (18-5-27 08:25, 48.67 KB) / 下載次數 44
/forum.php?mod=attachment&aid=MjIzNzc5fGU3NDNiZmNlfDE3Njg5MTg1NjR8MA%3D%3D
圖片附件: 1527380735426.JPEG (18-5-27 08:25, 40.55 KB) / 下載次數 41
/forum.php?mod=attachment&aid=MjIzNzg0fDE3MjhhNTRifDE3Njg5MTg1NjR8MA%3D%3D
作者: assado 時間: 18-5-27 07:53 標題: 回覆樓主:
該小朋友是P6, 9月升中學, 不是幼稚園BB 或 一, 二年级同學仔, 有錯, 冇認真做好自己本份在先, 俾老師鬧下垃圾就接受吾到, 垃圾又不是粗口, 甘用乜名詞鬧好?
接受吾到, 可能是俾老師真係鬧同學要點。
作者: yovin 時間: 18-5-27 07:56
shadeslayer 發表於 18-5-26 19:50
本帖最後由 shadeslayer 於 18-5-26 19:50 編輯
不能「是其是，非其非」，你點樣教孩子，如何以身作則 ...
本帖最後由 yovin 於 18-5-27 08:05 編輯
教孩子，以身作則:
豈能罷黜百家，獨尊儒術乎？
節錄:是非觀，在中國文化界域中是如何演進的？
諸子學說，願聞其詳 ，取其得之。趣之，大家可上網參考全文分析。
圖片附件: 1527379487782.JPEG (18-5-27 08:05, 74.43 KB) / 下載次數 59
/forum.php?mod=attachment&aid=MjIzNzc4fGM2ZGM2YTg1fDE3Njg5MTg1NjR8MA%3D%3D
作者: assado 時間: 18-5-27 08:02
ar_mak 發表於 18-5-26 22:54
其實你係好好心機去解釋左個實況，但樓主係好想下左呢啖氣大於一切，所以佢選擇左去信投訴。
係香港呢個社 ...
本帖最後由 assado 於 18-5-27 12:05 編輯
之前, 在一間非常好的學校面試, 有份問卷要即埸填寫, 其中一條問: 家長你對於現今學校投訴文化的睇法?
從中可理解, 學校要花許多時間去處理家長冇謂, 為出啖氣的投訴, 學校可用於教學上的時間又被浪費。
作者: Vanadium 時間: 18-5-27 09:24
本帖最後由 Vanadium 於 18-5-27 09:30 編輯
好一句「是其是、非其非」。我舉一個我真實見過，「是其是、非其非」既好例子，以下係一段學生與老師的對話，小明係一個頗頑劣學生，經常周街玩，聯群結黨，當然亦無心向學，父母操心不已; 老師係一個充滿愛心既老師，好喜歡同學生傾計同建立關係，享受學生對佢既信任同重視。
小明: (上課時悶悶不樂，擺明要老師知道有事發生。)
老師: 小明，你已幾日無返學，為何一返到黎就悶悶不樂?
小明: 老師，尋日媽媽打我!
老師: 吓....佢點解打你? 打你係犯法啊....佢點可以咁做?
小明: 我偷左屋企錢同朋友去街玩，無返屋企訓，她就好惡咁鬧我，我都知係我唔啱，但使唔使咁惡呢? 我同佢嘈左幾句，佢就打左我幾下，我真係好憎佢。
老師: 你都知你唔啱，你真係好識諗，要讚啊。無錯，佢即使係你呀媽，都無權打你架喎，可以告佢虐兒。我依家同你去見社工，去社署同警局備案.......要佢知道打小朋友係唔啱。
小明: 老師，你真係對我最好，我媽媽就係唔似你，所以我憎到佢死。
這位「是其是、非其非」、關心學生感受、從不罵學生既老師，相信可能就係支持「有錯必追究到底去投訴」既家長心目中既好老師。
作者: HaYi 時間: 18-5-27 09:43
Vanadium 發表於 18-5-27 09:24
好一句「是其是、非其非」。我舉一個我真實見過，「是其是、非其非」既好例子，以下係一段學生與老師的對話 ...
作者: shadeslayer 時間: 18-5-27 10:05 標題: 回覆樓主:
大家為了尊重樓主，請先明確回答樓主的問題，其他是支折，不重要。
答案: 老師不應該叫學生為垃圾。在全班學生面前講更甚。
原因: 因為老師係教育人員，經常要求别人尊重。老師對被教的學生說垃圾，就是判定學生是舊垃圾，同全班講，只是侮辱，並應教育。孩子11歲小孩，要保護，不是欺凌。
奇怪，同學改花名就驚孩子自殘，一定要老師處理。便老師在全班同班面前叫垃圾，是嚴重的「花名」，因為由老師講，樓主己說同學己因些取笑。最近某君講，欺凌好易分，細路都都識分。老師抖眾侮辱一學生，相信好易分。
這是最重要的問題，樓主想知的答案。其他的，可慢慢講，又可不講。
作者: assado 時間: 18-5-27 10:09 標題: 回覆樓主:
如既然都有已定答案, 可不用問大家意見了。
作者: assado 時間: 18-5-27 10:19
Vanadium 發表於 18-5-27 09:24
好一句「是其是、非其非」。我舉一個我真實見過，「是其是、非其非」既好例子，以下係一段學生與老師的對話 ...
是個好好要思考的問題。
作者: shadeslayer 時間: 18-5-27 10:19
Vanadium 發表於 18-5-27 09:24
好一句「是其是、非其非」。我舉一個我真實見過，「是其是、非其非」既好例子，以下係一段學生與老師的對話 ...
先不判斷你個例子。是其是，非其非是中國傳統智慧，做事其中一個原則。聽過的人跟唔跟，幾時跟，如何跟，又是另一個判斷。
又不是邏輯數學，跟唔跟，幾時跟，咁大過人自己判斷。
作者: shadeslayer 時間: 18-5-27 10:21
yovin 發表於 18-5-27 07:56
本帖最後由 yovin 於 18-5-27 08:05 編輯
教孩子，以身作則:
請看#89。
作者: Vanadium 時間: 18-5-27 10:37
HaYi 發表於 18-5-27 09:43
你個例子我都有個類似的. 家人以前在一情緒學校教過, 個同事體育老師是新人, 好有熱誠, 雖然D仔是大部份 ...
我講既例子係事實，我其實覺得果位老師好大問題，但我無挑戰佢，因佢一定會用「是其是、非其非」之態度回應我，講正硬道理佢無得輸，但我淨知往後兩年果個小朋友都係因犯事被送去法庭處理，佢既"愛心"絕對無為小朋友帶黎改變。
每個人既信念唔同，有人覺得鬧下仔女都怕傷佢自尊，但我自己莫講鬧，對仔女細個時講極唔聽話，我一定打，慶幸當時無人會因為我打兩下腳仔，就報警拉我。今日佢地大個左少少，已完全唔使打，因過往經驗話比佢地聽，我一面露不悅，佢地就知唔可以做或唔可以馬虎，絕對無得偷雞。佢做功課比我檢查，個樣仲緊張過我，因知道我有要求。咁關係好唔好呢? 我會覺得暫時自己幾成功，佢地知道只要做好啲野，大家有傾有講有笑，而我每次問佢地知唔知我點解對佢地做既野有要求，佢地會笑住答我想佢地好。
成績唔少係天生既能力，但態度係相反唔少係後天既培育，如果老師因一個人既能力差而鬧垃圾，我會毫不猶豫投訴，但若然佢係因一個人既態度差而鬧圾垃，唔知點解，若係我仔女我真心會多謝佢幫手鬧。
作者: Jane1983 時間: 18-5-27 10:44 標題: 回覆樓主:
老師係教育工作者，佢唔應該係全班同學面前鬧學生垃圾，無論學生幾曳，佢用心幾良苦。不過如果係官津校，炒個老師難度高，佢唔會上身，嘈起上來，佢係教員室大講特講你仔幾衰幾差係咪垃圾吖，全校都知仲丢假。
唔做好本份，但心靈弱小，唔抵得人話，細路哥時仲可以。大個係咁，條路難行，實好多打擊係前面。做人做好自己，係rule number 1。
作者: shadeslayer 時間: 18-5-27 11:10
Jane1983 發表於 18-5-27 10:44
老師係教育工作者，佢唔應該係全班同學面前鬧學生垃圾，無論學生幾曳，佢用心幾良苦。不過如果係官津校，炒 ...
最少你立場清晰。
作者: shadeslayer 時間: 18-5-27 11:13
Vanadium 發表於 18-5-27 10:37
所以個人覺得呢個世界所謂是非黑白並唔係有人誇張得咁絕對，爭論咩係對錯係無聊，反問究竟結果如何仲好。真 ...
對樓主的問題，有無清晰立場？
定係你自己的意見就是對，别人的意見就好難判斷對錯？
作者: maomaofafa 時間: 18-5-27 11:28 標題: 回覆樓主
以後帶錄音器材返學，放喺書包度。有啲係微型鎖匙扣咁嘅樣裏面可以放sim card。老師再鬧垃圾的話有證有據。教自己小朋友改善冇問題，同保護自己亦都冇衝突。老師根本不應該鬧小朋友垃圾。
作者: yovin 時間: 18-5-27 11:30
shadeslayer 發表於 18-5-27 10:05
大家為了尊重樓主，請先明確回答樓主的問題，其他是支折，不重要。
答案: 老師不應該叫學生為垃圾。在全班 ...
本帖最後由 yovin 於 18-5-27 11:42 編輯
都話你趣緻！
大家一直尊重樓主回答問題， 是你先岔開其他支節， 去問人點樣教仔。看#82
我的答案:老師叫垃圾學生(是指樓主)垃圾，正在是其是非其非，在教育中，是欺凌。
如垃圾被叫垃圾就要投訴，這是寵壞、溺愛，是保護。
同學改花名驚孩子自殘，你驚我從不驚， 如何破局 ，成為朋友， 扭轉乾坤才是巧妙之處。
如果樓主的兒子真是垃圾， 如何循環再造， 變成成功的人， 畢業前令老師另眼相看， 才是重中之重。
觀點與價值觀的碰撞， 沒有絕對正確，各舒己見， 互相討論。
再看#34
你覺得自己維持公義， 我覺得你唯恐天下不亂。
圖片附件: 1527392538034.JPEG (18-5-27 11:42, 40.82 KB) / 下載次數 47
/forum.php?mod=attachment&aid=MjIzODUzfDRjMTg4NzM4fDE3Njg5MTg1NjR8MA%3D%3D
作者: shadeslayer 時間: 18-5-27 11:59
yovin 發表於 18-5-27 11:30
本帖最後由 yovin 於 18-5-27 11:42 編輯
都話你趣緻！
本帖最後由 shadeslayer 於 18-5-27 12:03 編輯
起碼你而家立場清晰。立場和思考顯示發言者是甚麽人，好公道。
如果老師在全班前，侮辱你孩子垃圾，佢走去自殘，你記得你自己講過乜就得。
我用是其是，非其非，是回網友的支折問題，不是我問起的。你口中唯恐天下不亂的人不是我。
作者: yovin 時間: 18-5-27 12:00
shadeslayer 發表於 18-5-27 11:13
對樓主的問題，有無清晰立場？
定係你自己的意見就是對，别人的意見就好難判斷對錯？
Vanadium立場早已清，而且實況分析全面，你看到嗎？至少我(師奶)同mak(神)看到。
同樣， 你自己的意見就是對， 別人的意見又是甚麼？(學你: 用問題去回答問題)
作者: shadeslayer 時間: 18-5-27 12:13
yovin 發表於 18-5-27 12:00
Vanadium立場早已清，而且實況分析全面，你看到嗎？至少我(師奶)同mak(神)看到。
同樣， 你自己的意 ...
不要懶聰明，我一早說是其是，非其非只是做人一種原则，不信也可。你信百忍成金也可。
正如你有權在港鐵，以「人不為己天諸地滅」的原則，和老人家争位。
你有權爭位，我有權批評你自私，你有權不聽。
明未？
作者: yovin 時間: 18-5-27 12:17
maomaofafa 發表於 18-5-27 11:28
以後帶錄音器材返學，放喺書包度。有啲係微型鎖匙扣咁嘅樣裏面可以放sim card。老師再鬧垃圾的話有證有據。 ...
偷錄音就要考慮和教導小孩如下:
圖片附件: 20180527_121324.JPEG (18-5-27 12:17, 71.31 KB) / 下載次數 46
/forum.php?mod=attachment&aid=MjIzODU4fDNhOTUxMzNmfDE3Njg5MTg1NjR8MA%3D%3D
圖片附件: Screenshot_20180527-121400.JPEG (18-5-27 12:17, 119.04 KB) / 下載次數 39
/forum.php?mod=attachment&aid=MjIzODYzfDI0YmZlYTUzfDE3Njg5MTg1NjR8MA%3D%3D
| 歡迎光臨 教育王國 (/) |
Powered by Discuz! X1.5 |