教育王國
標題: 求救！阿仔講大話！ [打印本頁]
作者: wangc 時間: 18-5-20 01:54 標題: 求救！阿仔講大話！
阿仔中一，學校規定要參加纪律步操。小學時係童軍，中學順理成章繼續參加童軍，問題來啦！1.曾經要求我吾使佢返童軍，寫家長信……我冇接受
2.之後經常返童軍遲到，遲到要受罰，……我由佢受罰
3.今天，同老師講大話，話自己病左……上星期六也是，老師才要求俾家長信
_我今天罰收佢電話，我話要收二星期，因佢二星期六都講大話，佢就好似想殺人甘款，話咩興趣班都吾上！片皮！
作者: wangc 時間: 18-5-20 01:58
請問，各位媽媽，我想同老師講，佢講大話，吾寫家長信，對嗎？
又怕整花阿仔個底，我估會記缺點啩！
但我真係吾識教阿仔！
作者: shmilu_kio 時間: 18-5-20 02:36
回覆 wangc 的帖子
點解一定要參加童軍? 一定要"順理成章" ?
佢咁唔想返, 比著我會問佢空出嚟嘅時間想做D咩? 會叫佢揀學第二樣佢有興趣嘅,唔可以浪費左D時間
作者: wangc 時間: 18-5-20 06:05
回覆 shmilu_kio 的帖子
有問過佢先參加,學校規定要參加一種纪律部操,ie.st.John之類
作者: piglet0529 時間: 18-5-20 11:13
wangc 發表於 18-5-20 06:05 
回覆 shmilu_kio 的帖子
有問過佢先參加,學校規定要參加一種纪律部操,ie.st.John之類 ...
問佢唔上童軍想上咩，可能個童軍亞sir好乞人憎
作者: Jane1983 時間: 18-5-20 21:12 標題: 回覆樓主:
要問清楚亞仔點解咁唔想上童軍，亞sir惡？針對佢？有人蝦佢？佢明知一定要一樣紀律部操，點解咁抗拒？
作者: shmilu_kio 時間: 18-5-21 02:33
回覆 wangc 的帖子
如果係硬性規定要參加, 咁就要改變方法, 要令佢接受現實
你可以問返佢 : 寫信...只能幫你逃避一次半次, 或者你有咩諗法講出嚟商量下
作者: 1998Ruby1998 時間: 18-5-23 22:04
係咪童軍裡面嘅人令到佢唔開心／活動唔好玩？定係返學好大壓力，佢咩活動都冇曬興趣？佢玩左咁多年，按道理唔會咁容易 quit，應該係發生左 d 事，搞到佢唔願意返童軍。
寫信幫得佢一次，大義滅親你個仔以後更加唔會聽你說話（到時候越大越麻煩）。開解下佢，睇下有冇其他辦法。
作者: ssky125 時間: 18-5-23 23:18
回覆 wangc 的帖子
佢講大話，一定係有原因，暫時又唔需要向老師提出，不過最好關心下佢，了解真相，再解釋比佢知，可以用第二個方法處理，唔需要用講大話逃避上童軍活動
作者: rulerL 時間: 18-5-24 02:58 標題: 回覆樓主
非常認同樓上各位講法，樓主先向阿仔了解清楚係咩嘢原因，令到佢咁抗拒返童軍。
講大話並不是死罪，雖然我好堅持小朋友要養成正直、誠實的品格，但同時亦理解細路仔唔識/唔想/抗拒 面對某啲事，而又清楚知道後果是會被責罵時，係有機會講大話希望逃避去面對。
樓主還是先了解清楚原因再作應對吧。
作者: friendfriend 時間: 18-5-24 12:24
他講大話只因不想上童軍？點解你不體諒他，問清楚，一定有原因，如果係我先生對我仔這樣做，只一味指責，我會與他吵架，很生氣，替我仔不值。他大個仔了，有選擇權！
作者: Longan 時間: 18-5-24 13:04
只係罰而冇坐底平心静氣了解小朋友嘅想法只會家變。我係個小朋友嘅話都只會將不滿的情緒和反抗行動升級。
作者: MonkeyGirl 時間: 18-5-24 17:56
中學生想法:
1）佢無frd 參加, 所以佢唔想參加
２）舊會員- 寸寸供, 佢自問enjoy 唔到.
３已無興趣.
除了童軍， 你有無同佢 discuss 過其他 activity ?
我自問, 最唔 like 套uniform , 成日要我iron uniform , 又要整齊, 所以我到中學唔會參加有uniform 既activity …
小學, 我洗濕咗個頭就無法...
作者: egg.plant 時間: 18-5-24 19:05 標題: 回覆樓主
首先，我唔會同佢大吵，我會想辦法，問清楚，什麼事令佢咁抗拒返童軍？係懶，星期六唔咁早起床想瞓晏d？定係無朋友？比人笑？阿sir惡？我會同佢講，依家學期尾，返多幾次星期六就考試，之後就暑假，升中二再決定join定唔join，好頭好尾，唔好臨學其尾先寫家長信要求quit，我都好難搵藉口同老師解釋。
作者: egg.plant 時間: 18-5-24 19:05 標題: 回覆樓主
個仔已經升中，我會事事先與他商量，我反而用朋友既模式同佢相處，當佢半個大人！我仔都試過升中後唔返教會，因為小學已返左幾年，我地順理成章地諗住佢會繼續返，點知一上中學，識左新同學，就唔想返教會。我有話佢，不過佢都大個仔，自己有選擇，所以我地無迫佢。不過你個case唔同，係學校硬性規定參加，就算唔參加童軍，係咪都要參加第二樣？
作者: 洋蔥頭媽咪 時間: 18-5-24 21:23
本帖最後由 洋蔥頭媽咪 於 18-5-24 22:45 編輯
wangc 發表於 18-5-20 01:54
阿仔中一，學校規定要參加纪律步操。小學時係童軍，中學順理成章繼續參加童軍，問題來啦！1.曾經要求我吾使 ...
已是中學生，會有自己嘅思想同諗法，作為家長要與孩子多溝通，多從孩子角度去睇，才容易明白佢嘅感受，青少年感受到家長會明白佢/包容佢，才會服氣才容易受教。(1) 樓主兒子曾要求退出童軍，家長拒絕時有否了解原因？明白佢問題所在？若沒有，孩子不服氣，自然出現 (2) 嘅行為，然而受罰家長亦未與其溝通，孩子唯有再選擇逃避，出現 (3) 嘅行為，今天家長更用收手機去罰佢，所以佢失控絕對唔難理解。
作者: GreenMaDad 時間: 18-5-25 16:30
我小朋友在高小，老師投訴他態度差，跟小朋友傾時，他説老師亂鬧人，我估計小朋友態度點都有問題，但我選擇了站在他那邊（當然也有跟他説態度問題），我覺得我放棄了狠狠責怪他、拿大道理壓他是對的選擇，因明顯他很開心我信任他，理解他的感受，所以我估將來有其他問題也會更坦白跟我商量。小朋友到了中學後，更加有他自己想法，他們有做錯的地方其實好正常(我們大人也不見得完美），有好多時他會慢慢地、靜靜地改過，這期間，如果他們覺得我們"講極都吾明", 可能會將大家關係越拉越遠。
作者: sumsum2010 時間: 18-5-25 17:49
wangc 發表於 18-5-20 01:54
阿仔中一，學校規定要參加纪律步操。小學時係童軍，中學順理成章繼續參加童軍，問題來啦！1.曾經要求我吾使 ...
我都擔心怎樣面對呢一日，阿.仔唔再咁馴服
作者: brother4 時間: 18-5-26 09:29 標題: 回覆樓主:
停下，强扭的瓜不甜！
作者: HaYi 時間: 18-5-27 20:23
中學童軍同小學的不同旅? 會唔會樓主小朋友唔想去新旅做新人? 唔去童軍仲有咩可以選, 如果一定要一個制服團體, 等佢試下st join 或其它, 冇壞架.
作者: Vanessatyl 時間: 18-5-28 14:54
參加制服團體不就是為了訓練紀律 獨立自主性 培養責任感嗎？了解箇中原因當然要 責罰只會令小孩害怕 而非真正明白 溝通和互相尊重 讓步比較好吧？幫小孩圓謊才是害了他 難道學校表現成績比品德教育重要？還是讓他知道 做錯事要自己承擔後果 父母不會永遠幫您善後 亦不會因為愛您寵您 就容忍您犯錯 甚至成為幫兇 but it’s just my opinion that moral education is much more important :)
作者: 黃巴士 時間: 18-5-28 15:32
Vanessatyl 發表於 18-5-28 14:54
參加制服團體不就是為了訓練紀律 獨立自主性 培養責任感嗎？了解箇中原因當然要 責罰只會令小孩害怕 而非真 ...
作者: ABC-DAD 時間: 18-6-9 10:42
如果有家長信是可以 豁免，是可以值得考慮的。
有人性格上樂意接受紀律訓練，甘之如飴；亦有人喜歡 無拘無束，自己管理自己時間和生活。
作者: ABC-DAD 時間: 18-6-9 12:53
我是不讚同用『說謊』去定義，這是單向的判詞，絕對破壞信任、溝通和已建立的良好關係；我傾向聆聽，「隱瞞」背後的故事和動機，為解決問題找出路。
作者: bigbigeyeeye 時間: 18-6-9 23:52
piglet0529 發表於 18-5-20 11:13
問佢唔上童軍想上咩，可能個童軍亞sir好乞人憎
堅同意，佢唔參加都有佢既理由，問下同關心佢，總比迫佢好。
作者: ABC-DAD 時間: 18-6-10 14:27
本帖最後由 ABC-DAD 於 18-6-10 14:39 編輯
有好多事上，人會選擇保護自己而唔坦白，會被誤解而定義為講大話，親人可以花時間聆聽，作出適當引導，會幫到青少年人格成長。
畢竟隱瞞、講大話、說謊、欺騙、發假誓等等跟誠信有關的行為，有必要去讓青少年瞭解清楚中間人與人的互動關係。
首先無必要聚焦定義「制服團隊」一個途徑去培養紀律、自信、團隊精神及領導能力等等。退一步實事求事去理解事情當中的關係，或者有助少年人進一步認識並接受制服團隊。
作者: Yanamami 時間: 18-6-11 09:59
sumsum2010 發表於 18-5-25 17:49
我都擔心怎樣面對呢一日，阿.仔唔再咁馴服
作者: 海綿潛艇 時間: 18-6-14 14:40
提示: 作者被禁止或刪除 內容自動屏蔽
作者: 海綿潛艇 時間: 18-6-14 14:46
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |