教育王國

標題: 牙醫的前景好嗎 ? [打印本頁]

作者: Ivymom 時間: 18-5-15 11:38 標題: 牙醫的前景好嗎 ?

牙醫的前景好嗎 ?

作者: daisy17772 時間: 18-5-15 19:59

Ivymom 發表於 18-5-15 11:38
牙醫的前景好嗎 ?

首先是否興趣。其次，還有什麼你認為更好，而人地ㄡ會收。

在香港，有大學收specialist, 尤其medical field 都唔會差。如果用同field 計，讀medi 肯定好D，供不應求。

作者: YolandaTam 時間: 18-5-15 20:15 標題: 回覆樓主:

有家底，可以打本俾佢出嚟同人夾份開診所就好。
我有朋友無家底，喺私院做咗十幾年，近年俾人迫走，孤注一擲出嚟開診所，捱得辛苦。

作者: Ivymom 時間: 18-5-15 21:09

YolandaTam 發表於 18-5-15 20:15
有家底，可以打本俾佢出嚟同人夾份開診所就好。
我有朋友無家底，喺私院做咗十幾年，近年俾人迫走，孤注一 ...

請問牙醫開診所要預多少錢？

作者: RoseRose1980 時間: 18-5-16 00:26

YolandaTam 發表於 18-5-15 20:15
有家底，可以打本俾佢出嚟同人夾份開診所就好。
我有朋友無家底，喺私院做咗十幾年，近年俾人迫走，孤注一 ...

唉,做牙醫又要家底,做律師又要家底,做i bank 又要家底,會計師又要家底即係窮人以上聯業就唔好去做啦

作者: YolandaTam 時間: 18-5-16 00:26

Ivymom 發表於 18-5-15 21:09
請問牙醫開診所要預多少錢？

本帖最後由 YolandaTam 於 18-5-16 00:30 編輯

好似話百幾萬，淨係副架生都幾十萬，再加租舖(要俾上期),裝修，保險，仲有頭半年至一年要守嗰陣生活費同護士人工......所以一般會兩位牙醫合伙。我朋友因為之前喺醫院做，佢啲同學好多早就同人合伙做落咗，所以惟有自己開。
仲有，咪以為完成牙科學位就得喎，幾十年前就係，而家競爭大，要去澳洲等地讀番幾張專科文憑先至穩陣㗎。

作者: YolandaTam 時間: 18-5-16 00:31

RoseRose1980 發表於 18-5-16 00:26
唉,做牙醫又要家底,做律師又要家底,做i bank 又要家底,會計師又要家底即係窮人以上聯業就唔好去做啦 ...

仲有營養師都係，我有位唔多熟同學係幾出名的兒童營養師，都係有家底。

作者: youma 時間: 18-5-16 00:44

本帖最後由 youma 於 18-5-16 00:44 編輯

RoseRose1980 發表於 18-5-16 00:26
唉,做牙醫又要家底,做律師又要家底,做i bank 又要家底,會計師又要家底即係窮人以上聯業就唔好去做啦 ...

做牙醫, 事務律師和會計師不一定要家底, 做i bank都睇下做邊瓣, 做private bank, fund manager, broker 等有家底當然最好.

作者: jumphigh 時間: 18-5-16 00:49

提示: 作者被禁止或刪除內容自動屏蔽

作者: Charlotte_mom 時間: 18-5-16 07:14

RoseRose1980 發表於 18-5-16 00:26
唉,做牙醫又要家底,做律師又要家底,做i bank 又要家底,會計師又要家底即係窮人以上聯業就唔好去做啦 ...

真人真事
我roommate公屋出生，環境複雜過電視劇
先入big 4做會計，（入big 4肯定唔睇家底），考晒牌讀LLB+PCLL入大行（做律師的確好多間都睇，都有唔睇，我roommate以優異成績一樣入到）做起，而家係ibank vp

作者: poonseelai 時間: 18-5-16 08:24

RoseRose1980 發表於 18-5-16 00:26
唉,做牙醫又要家底,做律師又要家底,做i bank 又要家底,會計師又要家底即係窮人以上聯業就唔好去做啦 ...

会計師唔洗家底，肯捱又唔怕起薪低最緊要，當然要升做老闆，都係要跑數，今時今日邊個fee 多就大聲D。朋友在港大法律畢業入big 4 做consulting，佢話做大律師無家底唔得

作者: October. 時間: 18-5-16 10:33

poonseelai 發表於 18-5-16 08:24
会計師唔洗家底，肯捱又唔怕起薪低最緊要，當然要升做老闆，都係要跑數，今時今日邊個fee 多就大聲D。 ...

10A前男友有家底，又出自超級名校，大律師都唔做，可想而知，果行都唔易做。

作者: October. 時間: 18-5-16 10:37

我覺得牙醫前途唔會差，依家人類長命咗好多，好多中年及老人家都需要整牙，呢批人數量都唔少。

作者: poonseelai 時間: 18-5-16 11:18

October. 發表於 18-5-16 10:33
10A前男友有家底，又出自超級名校，大律師都唔做，可想而知，果行都唔易做。
...

True, and perhaps easier to get more money from the entertainment / overseas education fields. The news said a UK education consultant who started his business about 3 years ago may consider going public.

作者: bristol 時間: 18-5-16 12:17

YolandaTam 發表於 18-5-15 20:15
有家底，可以打本俾佢出嚟同人夾份開診所就好。
我有朋友無家底，喺私院做咗十幾年，近年俾人迫走，孤注一 ...

朋友個仔十多年前港大牙科畢業 , 完全冇家底 , 因為交際手腕了得 , 以及天生靚仔 , 出道十年 , 已經開了六/七間診所 , 大部分請人做 , 當一盤生意 , 集團式經營 , 等待機會把公司上市 . 上網打靚仔牙醫 , 便可以找到他的資料

作者: YolandaTam 時間: 18-5-16 13:07

bristol 發表於 18-5-16 12:17
朋友個仔十多年前港大牙科畢業 , 完全冇家底 , 因為交際手腕了得 , 以及天生靚仔 , 出道十年 , 已經開了六/ ...

十幾年前可能係，所以我朋友啲同學上晒岸，話佢太遲出嚟開，而家租貴人工貴。同學診所開咗半年，生意唔覺紅火，睇嚟仲有排守。樓主問的係前景，即係未來，同買樓一樣，無家底越來越難。

作者: RoseRose1980 時間: 18-5-16 13:10

YolandaTam 發表於 18-5-16 13:07
十幾年前可能係，所以我朋友啲同學上晒岸，話佢太遲出嚟開，而家租貴人工貴。同學診所開咗半年，生意唔覺 ...

想問下窮二代係唔係現今做乜都無前景？人生無希望？

作者: YolandaTam 時間: 18-5-16 13:25

RoseRose1980 發表於 18-5-16 13:10
想問下窮二代係唔係現今做乜都無前景？人生無希望？

咁又唔見得，只係條路迂迴啲，例如我有同學返內地搞視覺小說做咗老闆，又識有人屋企窮到攞綜援咁滯，但佢叻仔喔，考獎學金去外國讀法律，返嚟輾轉入咗政府做律師，又有家境一般的做咗 SAO。路係人行出嚟，只係牙醫同營養師呢類，醫院少位，仲要拆賬,手停口停(我朋友就係上頭唔派新症俾佢，派俾內地嚟牙醫所以走)，到咁上下要自立門戶，而家租貴人工貴競爭又大，要好幾百萬先至守到。做牙醫要進修，好多專業文憑要出國讀，以拆賬嚟計除咗要學費仲要生活費，嗰段時期家人生活安排(我認為無家底可能包埋父母要靠子女俾生活費)...儲幾百萬易定難？自己諗諗。

作者: bristol 時間: 18-5-16 14:00

本帖最後由 bristol 於 18-5-16 14:13 編輯

Ivymom 發表於 18-5-15 11:38
牙醫的前景好嗎 ?

以前牙醫只係做洗牙、脫牙、假牙，呢啲嘢收入有限。再者，以前香港人都不注重牙齒保健。

近年興起植牙、箍牙、牙齒美容，呢啲嘢至係搵錢項目，現在很多中學/大學生都要靚箍牙，他們父母比得起錢，我有個四十幾歲女同事，賺到錢都去箍牙執執個樣。

我啲小朋友每人都花咗兩、三萬蚊箍牙，個牙醫在中環間診所，專門做箍牙+牙齒美容，間房有三張牙醫櫈，流水式作業，生意好到不得了。當然，亦有私人執業牙醫拍烏蠅，好睇個人運氣/社交能力。

朋友上年港大牙醫畢業，入了衞生署做牙醫，起薪點六萬元，不用輪班，都算係筍工，聽佢講原來衞生署都有成100個牙醫位。

牙醫始終是手作嘢，除非請人做，收入點都有個上限。

作者: 畢學武 時間: 18-5-16 14:07

YolandaTam 發表於 18-5-16 13:25
咁又唔見得，只係條路迂迴啲，例如我有同學返內地搞視覺小說做咗老闆，又識有人屋企窮到攞綜援咁滯，但佢 ...

本帖最後由畢學武於 18-5-16 14:16 編輯

香港社會你係富二代一定有著數，一畢業可能已經有世叔伯請你去佢診所掛單，做埋啲所謂高級嘢，晚晚魚翅浪口。有啲中環嘅高級診所甚至會睇下你住喺邊度而決定請唔請你。

不過草根階層嘅牙科畢業生又唔使咁灰喎，呢幾年社會終於明白口腔健康嘅重要性，如果個社會經濟冇一個大逆轉，牙醫嘅前景應該會越來越好。
呢幾年牙醫畢業生全民就業，去ngo做都有五六皮嘢起跳，幾年之後嘅事就要睇佢自己嘅做法啦。唔可以晚晚魚翅浪口，都可以去酒樓飲例湯食小菜嘅。已經濟收益來計，大學咁多科，牙醫嘅性價比應該好高。

你朋友個case，老實講，我覺得係你朋友有啲問題，因為做咗幾年應該都有一
班固定客，唔使點叫老闆派 case。你估老闆會好得閒咩。
專業文憑好多香港都有得讀，唔一定要出國。

作者: YolandaTam 時間: 18-5-16 14:11

畢學武發表於 18-5-16 14:07
香港社會你係富二代一定有著數，一畢業可能已經有世叔伯請你去佢診所掛單，做埋啲所謂高級嘢，晚晚魚翅 ...

本帖最後由 YolandaTam 於 18-5-16 14:14 編輯

佢做老人家多，仲要喺私院，可能這就是問題？佢係有固定客，但老人家，有啲過身，有啲轉去NGO 睇，醫院統一處理新客，唔派俾佢派俾內地嚟的牙醫。佢啲同學好早已叫佢出嚟開，但佢儲唔到資金(父母靠佢俾生活費，層夾屋早幾年先供甩)。

作者: ilyrd 時間: 18-5-16 14:23

If forget about interesting, really need to earn money to support living. And if still want to work in HK not overseas. Then we must consider the competition with PRC. Please note that many yound people in PRC love Hong Kong (especially those not having network or money or power in PRC). Of course they love overseas (like USA, Europe) as well. They love HK because of fairness, free atm.
So, current generation or coming generation please try the best to go for those less competition with PRC comer.
For which career that less competition? please think about what are the deficient area in PRC nowaday or in near coming future (let say 5-10 years).

作者: brother4 時間: 18-5-16 15:44 標題: 回覆樓主:

路過，事業如醫生及獣醫也要有家底，出來私人開業要＄

作者: chung_ma 時間: 18-5-16 15:54

YolandaTam 發表於 18-5-15 20:15
有家底，可以打本俾佢出嚟同人夾份開診所就好。
我有朋友無家底，喺私院做咗十幾年，近年俾人迫走，孤注一 ...

做政府ok ar, 一出離就有5-6 萬staring

作者: jumphigh 時間: 18-5-16 18:49 標題: 回覆樓主:

提示: 作者被禁止或刪除內容自動屏蔽

作者: YolandaTam 時間: 18-5-16 22:53

jumphigh 發表於 18-5-16 18:49
其實你哋想要嘅前景係乜嘢呢? 要賺大錢一定係做生意, 牙醫又好，醫生又好，邊一門專業都好，要賺大錢一定 ...

如果入到政府當然唔駛愁，問題係如果好似我朋友咁，原本諗住喺私院做，終於要被迫出嚟開，佢話如果唔出嚟開，收入會越來越少。

作者: 畢學武 時間: 18-5-17 01:18

YolandaTam 發表於 18-5-16 22:53
如果入到政府當然唔駛愁，問題係如果好似我朋友咁，原本諗住喺私院做，終於要被迫出嚟開，佢話如果唔出嚟 ...

老實講，呢幾年咁好景，政府工對 competent dentist 唔算一份好好嘅工。

作者: long0 時間: 18-5-21 15:22

香港牙醫基本上全部都係港大師兄弟
行頭仲窄過醫生
不過如果人際關係無咩離譜野
好多時都會互相關照
起碼我未見過牙醫劈價生存

作者: Talent2018 時間: 18-5-28 21:52

收入不錯但不是每個人可有此能耐吧

作者: retriever 時間: 18-5-31 10:56

bristol 發表於 18-5-16 12:17
朋友個仔十多年前港大牙科畢業 , 完全冇家底 , 因為交際手腕了得 , 以及天生靚仔 , 出道十年 , 已經開了六/ ...

靚仔有用, 其實反影女性主導左消費市場姐!

而家無論咩野, 只要美容化就發達!

牙醫係, 就算十幾廿年前, 皮膚科其實係性病科! 而皮膚科醫暗瘡, 敏感(其實唔會醫好), 仲有黃綠D 既去幫人彩光, 寄賣護膚品, 都一樣有錢途!

作者: retriever 時間: 18-5-31 11:02

jumphigh 發表於 18-5-16 00:49
本帖最後由 jumphigh 於 18-5-16 00:49 編輯

同意。家底唔重要，冇家底可以自己儲，做牙醫/醫生打工已 ...

以前話做醫生, 可以較易向銀行借錢開診所, 唔知係咪真?

如果版友話開牙醫診所百幾萬, 又真係唔多. 醫科畢業後住屋企打份工, 儲3, 50萬一年不是夢.

就算父母幫忙, 將層樓昇值後差價再按, 醫生仔女供, 都唔算要咩家底.

反而客路要儲返來, 做聯網診所打份工先都得啦!

作者: jumphigh 時間: 18-5-31 11:54

提示: 作者被禁止或刪除內容自動屏蔽

作者: YolandaTam 時間: 18-5-31 13:35

jumphigh 發表於 18-5-31 11:54
係，我身邊都有朋友自己開診所，都係公屋家庭背景出身，唔明點解有人會覺得要有家底先做到
...

本帖最後由 YolandaTam 於 18-5-31 13:41 編輯

亞洲金融風暴前借錢可能易啲，自從二千年後銀行已謹慎好多，金融海嘯後收得更緊。我老公喺銀行界近廿年，略知一二。
問銀行借錢開診所，等於公司問銀行借錢做生意，要提交公司賬目以保證還款持續性。初初開診所，未有業績，連開公司戶口都唔係間間得(我十幾年前自己開公司已經係咁),借錢更難。如果真係無家底，除非自己好夠儲蓄，否則只能借私人貨款，有限數。
醫療行業競爭大，老一輩醫生通常喺政府做幾年就出嚟開診所，而家係咪真係咁易揾錢 -- 因人而異。可能我份人無本事啦，我識的醫生牙醫中開得成診所的，除咗我之前提嗰位同學，一個係屋企人借錢俾佢，一個係配偶有錢。