教育王國

標題: 2歲半女未識自行放手行及未識講野 [打印本頁]

作者: Siuyan0528 時間: 18-5-11 16:01 標題: 2歲半女未識自行放手行及未識講野

如題，2歲半女女，發展整體遲緩
已排E及I位，今年9月收左傳統幼稚園k，但未識行，所以同學校講問可否轉n，
有私人排梗耀能協會，學認知等，
但想問下有冇咩物理治療係可以排得快d或者有咩方法令佢快d識行，
仲有講野方面只講到爹地，爺爺，姐姐，去街，其餘bb話，有冇治療師介紹？

一般係咪建議照返住傳統幼稚園先，等排到學位再轉？有冇小朋友都係我女女另個情況？
🙏🏻🙏🏻🙏🏻

作者: KCHK 時間: 18-5-11 19:00 標題: 回覆樓主

請問評估時無建議S位嗎？S 位比較全面(有3T）

作者: 已刪除用戶 時間: 18-5-12 00:26 標題: 回覆樓主

你盡快去私人機構評估多次睇下比唔比你排s

作者: DenDenC 時間: 18-5-12 01:31

shan14g 發表於 18-5-12 00:26
你盡快去私人機構評估多次睇下比唔比你排s

我估係咪排S位比較好，你是政府評估還是私人，我之前小朋友歲幾未識行，未識講，CAC都係話排S位，私人就話排E位，宜家3歲幾先排到今年入S。

作者: pugpugyan 時間: 18-5-16 21:16 標題: 回覆樓主

兩歲半未識放手行始乎唔止遲小小喎，有冇再和CAC傾過小朋友大肌肉問題。始終正常幼稚園好難要個姐姐或老師一路扶住小朋友上學上堂，會唔會S位比較合適呢？

作者: MaMaTracy 時間: 18-5-24 22:28

Siuyan0528 發表於 18-5-11 16:01
如題，2歲半女女，發展整體遲緩
已排E及I位，今年9月收左傳統幼稚園k，但未識行，所以同學校講問可否轉n， ...

我仔前年都係排E+I,都係未識行，派到I 位，但根本唔適合讀，所以我即打去cac 問幾時可以見醫生評估，好彩喺我要confirm 讀唔讀I 位之前見到，醫生都話要排e+s ，因為幼稚園冇可能會派一個專人幫妳照顧小朋友，所以妳快啲去評估見醫生改s位啦

作者: Vkeeleung 時間: 18-6-3 16:28

pugpugyan 發表於 18-5-16 21:16
兩歲半未識放手行始乎唔止遲小小喎，有冇再和CAC傾過小朋友大肌肉問題。始終正常幼稚園好難要個姐姐或老師 ...

應該排S位。我仔兩歲半未識双腳跳。手指冇乜力開唔夾同用不到教剪等。都已經係大小肌發現遲緩要ot train了!

作者: gloryengco 時間: 18-6-4 01:58

以囡囡的能力，入S位是！最佳的幫助，若入讀幼稚園，便要額外找3T的協助，否則浪費了黃金學習機會，要三思啊！

作者: kiki_kittyhk 時間: 18-7-22 23:29

Siuyan0528 發表於 18-5-11 16:01
如題，2歲半女女，發展整體遲緩
已排E及I位，今年9月收左傳統幼稚園k，但未識行，所以同學校講問可否轉n， ...

有冇驗過 dna 又或者其他野，我女的同學仔有你類似的症狀，最後診斷係身體缺乏又銅，令到小朋友的腦部發展唔究全面，所以先會行到仆街咁

作者: yumi.aa 時間: 18-10-12 14:39

回覆 kiki_kittyhk 的帖子

其實行得唔好有好多原因

留番比專業人士去搵點解啦
btw 應該睇職業治療,因為行得唔好可能係感覺統合出事
比佢地做個detail assessment好D

作者: Letter_lalaland 時間: 18-10-24 02:17

本帖最後由 Letter_lalaland 於 18-10-24 02:22 編輯

yumi.aa 發表於 18-10-12 14:39
回覆 kiki_kittyhk 的帖子

其實行得唔好有好多原因留番比專業人士去搵點解啦

不過通常職業治療同物理治療一齊雙管齊下。
醫院系統底下，行路步姿多由物理治療師評估, 但職業治療師嘅評估亦不容忽視。

大家各自有不同嘅關注，小朋友嘅問題好少只有單一因素引致。

歡迎光臨教育王國 (/)