教育王國

標題: 小四中文程度 [打印本頁]
作者: S-Kwok    時間: 18-5-1 15:22     標題: 小四中文程度

我仔中文程度一向低，不過我都好奇想知道小四是否已經能夠自己完成以下這樣的一份閱讀報告:

題目: 介紹一位對社會有貢獻的人物

研習指引: 選取以下一至兩項作深入研究
1） 人物的生平/背景
2） 人物對該社會的具體貢獻
3） 人物的性格特點
4） 你最欣賞他/她的哪一個特質
作者: HaYi    時間: 18-5-1 18:50

識得上網找無難度,

我見我仔以前中英好多類功課都有相似的.   唯一佢打中文(去search) 差, desktop 冇touch screen , 我見佢自己仲識load 個拚音定唔知咩打中文... 一係用手機做.
作者: 1998Ruby1998    時間: 18-5-1 19:31

我覺得都 OK，不過個「深入研究」係有多深入？係咪普通就咁講返生平偉績？要寫幾多字？400 字應該都可以。

識上網查就冇難度。
作者: HaYi    時間: 18-5-1 19:43

1998Ruby1998 發表於 18-5-1 19:31
我覺得都 OK，不過個「深入研究」係有多深入？係咪普通就咁講返生平偉績？要寫幾多字？400 字應該都可以。
...
小四的我相信網上的data 夠作呢個功課要的深度.  只是選人個時家長可能要睇下小朋友自選的對象是否一個功績冇咩灰色地帶的.
作者: 1998Ruby1998    時間: 18-5-1 19:59

回覆 HaYi 的帖子

如果叫我諗一個對社會有貢獻嘅人，我會諗到秦始皇。佢統一六國、文字、度量衡、典章法制，好大工程，對日後中國有好深遠嘅影響。不過秦始皇應該會被老師話佢焚書坑儒、奴役人民修築長城，係對社會帶來災禍。
作者: ar_mak    時間: 18-5-1 20:00

提示: 作者被禁止或刪除 內容自動屏蔽
作者: ar_mak    時間: 18-5-1 20:02

提示: 作者被禁止或刪除 內容自動屏蔽
作者: IloveJJ    時間: 18-5-1 20:07

提示: 作者被禁止或刪除 內容自動屏蔽
作者: Jane1983    時間: 18-5-1 21:41     標題: 回覆樓主:

如果係閱讀報告，咁即係睇過關于那個人物的故事／傳記，再寫book report，小四學生應該有能力做到。但係寫得好唔好，有深度定係三兩句草草收場，就因人而異。
作者: b3410    時間: 18-5-1 21:41

配合中文書的專題？剛剛幫仔溫書，見到最後一個章節就係類似的topic,  對社會有貢獻的人物。如果作文題目配合書本都幾適合
最簡單就係睇下課文點樣寫，類似的題材，深度仿寫比較簡單。
作者: S-Kwok    時間: 18-5-1 21:49     標題: 回覆樓主:

學校係要求學生寫閱讀報告，所以我估計應該係閱讀 圖書後再作分享，而非上網尋找資料。咁睇完本書，一般係咪已經識得分析及作深入研究？

小四又係咪已經識“社會貢獻”呢？ 我仔起初想寫霍金，但我又覺得霍金係對科學界有很大貢獻，但對社會嘅貢獻呢？

另外，好似我仔咁，佢最終介紹咗愛因斯坦，寫咗愛因斯坦係物理學家後，冇寫愛因斯坦對社會有什麼貢獻。 只針對要求的其中1、2項寫出佢嘅睇法。 例如: 堅持不懈，但唔識利用書中例子闡釋。

講真，我真係好擔心我仔點樣繼續讀中文。 呢份報告差不多係我逐點教，還是我太要求高，一般都需要指引。
作者: S-Kwok    時間: 18-5-1 21:50

ar_mak 發表於 18-5-1 20:00
拿，真係好老實要問你，寫呢個人，你覺得係死左好Ｄ，定係未死既好Ｄ呢？

死咗可以肯定佢嘅貢獻?
作者: S-Kwok    時間: 18-5-1 21:51

ar_mak 發表於 18-5-1 20:02
其實你中ＰＯＩＮＴ喎，有好多人係將回饋社會同貢獻社會攪錯左。

請賜教應該點分?
作者: gracelam    時間: 18-5-1 22:44

S-Kwok 發表於 18-5-1 21:49
學校係要求學生寫閱讀報告，所以我估計應該係閱讀 圖書後再作分享，而非上網尋找資料。咁睇完本書，一般係 ...

冇咩貢獻或諗唔到, 可以寫1,3或1,4的兩項。 第4點易寫D, 自己對人物的感受, 學習榜樣, 成為立志對象等等!!
作者: ar_mak    時間: 18-5-1 23:18

提示: 作者被禁止或刪除 內容自動屏蔽
作者: ar_mak    時間: 18-5-1 23:23

提示: 作者被禁止或刪除 內容自動屏蔽
作者: ar_mak    時間: 18-5-1 23:37

提示: 作者被禁止或刪除 內容自動屏蔽
作者: retriever    時間: 18-5-2 08:50

ar_mak 發表於 18-5-1 20:00
拿，真係好老實要問你，寫呢個人，你覺得係死左好Ｄ，定係未死既好Ｄ呢？

有意思既問題, 係咪要蓋棺定論呢?

如果無預定立場, 純主觀論點講佢既 "社會貢獻", 就唔一定要蓋棺喎.
作者: retriever    時間: 18-5-2 08:55

S-Kwok 發表於 18-5-1 21:49
學校係要求學生寫閱讀報告，所以我估計應該係閱讀 圖書後再作分享，而非上網尋找資料。咁睇完本書，一般係 ...

如果純粹主觀評價, 無預定立場, 只要學主指出及論述 "社會貢獻" 就OK...

所以, 好難話邊個人有社會貢獻, 邊個無社會貢獻, 除非有既定立場, 要政治正確...


不過, 如你說, 如你仔無點出 "社會貢獻", 理論上係不對題播!
作者: bobbob    時間: 18-5-2 09:22

retriever 發表於 18-5-2 08:55
如果純粹主觀評價, 無預定立場, 只要學主指出及論述 "社會貢獻" 就OK...

所以, 好難話邊個人有社會貢獻,  ...
我就覺得好多人都對社會有貢獻，掃地阿嬸、建築工人都有（某啲高官同尊貴議員就未必），唔一定要去到影響世界咁高境界先算
作者: MrBeast    時間: 18-5-2 09:23

小四要幫一下也正常
作者: retriever    時間: 18-5-2 09:32

bobbob 發表於 18-5-2 09:22
我就覺得好多人都對社會有貢獻，掃地阿嬸、建築工人都有（某啲高官同尊貴議員就未必），唔一定要去到影響世 ...

對！

所以重點在於如何論述。

譬如：老毛，秦始皇，蔣光頭，慈禧等等，都係對社會有貢獻架。
作者: ar_mak    時間: 18-5-2 09:43

提示: 作者被禁止或刪除 內容自動屏蔽
作者: ar_mak    時間: 18-5-2 09:47

提示: 作者被禁止或刪除 內容自動屏蔽
作者: IloveJJ    時間: 18-5-2 09:55     標題: 回覆樓主:

提示: 作者被禁止或刪除 內容自動屏蔽
作者: bobbob    時間: 18-5-2 12:23

本帖最後由 bobbob 於 18-5-2 12:26 編輯
ar_mak 發表於 18-5-2 09:47
我對於貢獻同回饋既睇法，係來自一位舊官員，在一個公開場合向學生發表既演講（我就睇片既），佢就係能夠好 ...

我唔清楚，所以去查字典，貢獻有以下解釋：
http://dict.revised.moe.edu.tw/cgi-bin/cbdic/gsweb.cgi



ps. 我又睇唔出專業同貢獻有乜直接關係，好多表面上好專業嘅人士實際上對社會都無乜貢獻～

咁當然，如果樓主個仔寫個清潔阿姐，老師百分百會打回頭重作（仲可能順便打埋佢個頭）


作者: MrBeast    時間: 18-5-2 12:37

比我一定寫  愛迪生
作者: retriever    時間: 18-5-2 13:21

ar_mak 發表於 18-5-2 09:43
我舉個例，電話既發明，對社會有冇貢獻呢？答案就係，初期真係冇，如果世界上只有我同你係有電話，咁呢個其 ...

你講到攞分，我無語。

以學習而論，講邊個有“社會貢獻” 唔係重點，重要係點講。

要攞分，估老師要咩。。。

我問細路問題，佢有時會LOAD 機良久，我知佢都SEARCH BACK 緊老豆講過咩，呀媽講過咩，老師講過咩，睇書講過咩。於是，我提佢：你想像下如果你係佢，你會。。。，唔駛幾佢，秒已經講左近磅既睇法。

我儘量避免佢攞分思維，正係想保持佢有自己睇法。

譬如：講李小龍，有人用道德批判，但亦可佢有咩社會貢獻。
作者: bobbob    時間: 18-5-2 13:25

MrBeast 發表於 18-5-2 12:37
比我一定寫  愛迪生
寫愛迪生不如寫Tesla
作者: MrBeast    時間: 18-5-2 13:29

本帖最後由 MrBeast 於 18-5-2 13:30 編輯
bobbob 發表於 18-5-2 13:25
寫愛迪生不如寫Tesla

愛迪生有媽媽的故事
作者: MrBeast    時間: 18-5-2 13:35

另外貢獻 小朋友可以 relate 更好
作者: KATHY3706    時間: 18-5-2 13:48

S-Kwok 發表於 18-5-1 15:22
我仔中文程度一向低，不過我都好奇想知道小四是否已經能夠自己完成以下這樣的一份閱讀報告:

題目: 介紹一 ...

間間學校程度不一
如果不是咩 count 成績表 咪是旦做
(emoji)
Lee個係我一向ge 心得
作者: ar_mak    時間: 18-5-2 14:05

提示: 作者被禁止或刪除 內容自動屏蔽
作者: HaYi    時間: 18-5-2 14:06     標題: 回覆樓主:

我明大家論點，但樓主仔小四，只是一份閱書功課，通常的都是德蘭修女，孫中山等，有書可跟易好多
作者: ar_mak    時間: 18-5-2 14:08

提示: 作者被禁止或刪除 內容自動屏蔽
作者: ar_mak    時間: 18-5-2 14:12

提示: 作者被禁止或刪除 內容自動屏蔽
作者: ar_mak    時間: 18-5-2 14:14

提示: 作者被禁止或刪除 內容自動屏蔽
作者: gigiic    時間: 18-5-2 14:18

本帖最後由 gigiic 於 18-5-2 14:22 編輯
S-Kwok 發表於 18-5-1 21:49
學校係要求學生寫閱讀報告，所以我估計應該係閱讀 圖書後再作分享，而非上網尋找資料。咁睇完本書，一般係 ...

個人認為就老師4點的提問, 用小四學生的程度(你個仔的程度)就可以, 如果你出手, 即係你做功課, 除非有限字數, 就提點一下, (做到好DETAIL老師都知係你做喇)。我仔當年做呢啲功課, 我只教授佢用倉頡輸入法, 指導佢如何揾資料, 至於內容...我會鼓勵佢試吓做, (即使佢選的和你心水的不一樣), 唔啱老師會改, 試過改就知下次要點做, 重點係要佢自己做。可能我比較懶, 我著重孩子做的能力, 多過做得好唔好。
作者: S-Kwok    時間: 18-5-2 14:42

ar_mak 發表於 18-5-2 14:14
我都係，因為有燈同冇燈既世界，我想像得到，發揮得到。

我睇到份功課時，第一時間都係諗愛廸生
作者: little_yolky    時間: 18-5-2 15:14

S-Kwok 發表於 18-5-1 15:22
我仔中文程度一向低，不過我都好奇想知道小四是否已經能夠自己完成以下這樣的一份閱讀報告:

題目: 介紹一 ...
小四都可以做到了, 而且, 講明係閱讀報告, 即係只要求讀一本書?

我記得, 阿女學校, 小一時份視藝project, 係要做某某印象派畫家, 內容包括：簡介印象派特色、畫家風格、選三張畫家作品介紹、我最喜歡作品介紹。佔平時分10%(平時分佔學期分45%)


我見到差D暈咗, 去圖書館借咗一大疊書返嚟, 上google search, 然後同阿大一齊讀, 一齊睇畫冊講下D風格同特色。最後, 印象派簡介同畫家風格緊係天下文章一大抄, 阿女都要揀三張作品同佢最鐘意作品, 介紹一下。佢口講, 我筆錄。


一個復活節假, 咁就無咗了。後來轉咗新視藝老師, 專科專教, 無呢份習作了, 轉咗一份睇博物館習作, 學生仲杰, 但家長就好嘆。
作者: HaYi    時間: 18-5-2 15:49

little_yolky 發表於 18-5-2 15:14
小四都可以做到了, 而且, 講明係閱讀報告, 即係只要求讀一本書?

我記得, 阿女學校, 小一時份視藝project, ...
我校視藝冇可取回家做的功課,得音樂間中有,  其實你個題目幾有趣, 不過如果要費好多時間做, 份功課值分我可能會好似你, 否則都是當即食面做  - 借幾本"畫評的書" (最好是for children level) 就可以做到 (抄到).   

作者: S-Kwok    時間: 18-5-2 15:52

little_yolky 發表於 18-5-2 15:14
小四都可以做到了, 而且, 講明係閱讀報告, 即係只要求讀一本書?

我記得, 阿女學校, 小一時份視藝project, ...

係吖，要閱讀一本書。
但我仔睇完，完全表達唔到，我真係要逐個point教佢點寫。我沮喪之餘，亦擔心佢中學唔知點讀中文，依家我知原來仔中文程度的確係跟一般相差好遠。

好似佢寫其中一個point: 愛因斯坦堅持不懈，只係好簡單咁寫咗愛因坦喺研究相對論時日做夜做、做錯便重頭做過。 雖然get到意思，但完全無實例support。

不過，今次過程中，仔主動跟我講“原來本書好容易”、“媽媽，我想買一套返嚟睇”，10年以來，我仔只主動睇過幾套（2隻手一定數得晒）中文書（非漫畫），幾套都係以搞笑為主，非搞笑故事，只有1、2本哈利波特+貓戰士。今次竟然主動話想睇啲咁正經嘅書，係一個意外收獲。
作者: little_yolky    時間: 18-5-2 15:58

HaYi 發表於 18-5-2 15:49
我校視藝冇可取回家做的功課,得音樂間中有,  其實你個題目幾有趣, 不過如果要費好多時間做, 份功課值分我可 ...
我兩個女好鐘意視藝架, 佢哋咁有心機, 做阿媽既都不敢怠慢。

好彩新視藝老師無咗呢份功課, 改為去指定博物館睇指定展覽, 然後揀一件最鐘意, 一件最唔鐘意, 一個展廳角落, 同埋三件唔記得乜展品。寫下理由, 畫下畫, 高班就要present一兩分鐘咁。我哋就坐响coffee shop歎下下午茶, 小朋友就搏命畫。

最搞笑家姐, 最唔鐘意展品揀咗順治畫像, 一邊畫一邊鬧, 話做乜條鍊咁多粒珠。佢蠢到真係數住嚟畫 我就安慰佢, 件衫無條龍已經好好了。阿妹就醒目, 畫咗件玉如意交差, 最鐘意展品係粒寶石戎指。
作者: little_yolky    時間: 18-5-2 16:00

S-Kwok 發表於 18-5-2 15:52
係吖，要閱讀一本書。
但我仔睇完，完全表達唔到，我真係要逐個point教佢點寫。我沮喪之餘，亦擔心佢中學 ...
唔好咁講, 正如我擔心阿女上到中學跟唔上英文, 仲大件事過你阿仔唔知點讀中文啦, 係咪?
作者: S-Kwok    時間: 18-5-2 16:19

little_yolky 發表於 18-5-2 15:58
我兩個女好鐘意視藝架, 佢哋咁有心機, 做阿媽既都不敢怠慢。

好彩新視藝老師無咗呢份功課, 改為 ...

家姐無論何時都好認真
作者: MrBeast    時間: 18-5-3 08:33

本帖最後由 MrBeast 於 18-5-3 08:34 編輯
little_yolky 發表於 18-5-2 15:58
我兩個女好鐘意視藝架, 佢哋咁有心機, 做阿媽既都不敢怠慢。

好彩新視藝老師無咗呢份功課, 改為 ...

認真是好, 但也體送吃飯, 不能太執著detail
作者: little_yolky    時間: 18-5-3 09:15

MrBeast 發表於 18-5-3 08:33
認真是好, 但也體送吃飯, 不能太執著detail
咪係囉, 阿妹就從善如流。快快趣趣搞掂咗去玩！
作者: HaYi    時間: 18-5-3 14:15

MrBeast 發表於 18-5-3 08:33
認真是好, 但也體送吃飯, 不能太執著detail

好一句睇餸食飯！細路係呢方面要大人提，我大仔有份睇戲做的英文功課，佢想放低其它即做，因為好玩，但我要佢一定完晒其它先做，逐之留在放假個日，一早起身睇左2小時邊睇邊做
作者: MrBeast    時間: 18-5-7 06:16

little_yolky 發表於 18-5-3 09:15
咪係囉, 阿妹就從善如流。快快趣趣搞掂咗去玩！
小朋友小, 要引 度一下ok
作者: MrBeast    時間: 18-5-7 06:23

HaYi 發表於 18-5-3 14:15
好一句睇餸食飯！細路係呢方面要大人提
agree. 日鵝夜蛾 +  等他們自己 領悟
作者: little_yolky    時間: 18-5-7 08:54

MrBeast 發表於 18-5-7 06:16
小朋友小, 要引 度一下ok
如果阿大同阿細加埋除二, 兩個都好perfect。



歡迎光臨 教育王國 (/) Powered by Discuz! X1.5