教育王國

標題: 請賜教! 如何培訓數學? [打印本頁]

作者: Finana 時間: 18-5-1 01:39 標題: 請賜教! 如何培訓數學?

今朝一早 (emoji)細佬【細佬是仲有22日就5歲，讀緊K2】一路玩緊minecraft遊戲,一路開玩笑問: 【爸爸，你知唔知13+13= 幾多呀？】爸爸反問諾諾:【咁你知唔知幾多呀?】 (emoji)諾諾(2秒即答):【咁蠢㗎!咪26羅…… 】跟著，我(emoji)即時問:【咁你知唔知24+24=係幾多呀？】諾諾都係一邊玩遊戲，(emoji)唔駛3秒就答:【咪48 lor..媽咪你咁都唔識(emoji)】爸爸(emoji)‍♂️都O晒嘴。，講:【嘩!(emoji)諾諾你好叻呀！咁你都知!】諾諾:就(emoji)‍♂️沾沾自喜,繼續打機 (emoji) 其實我一直都懷疑細佬係資優兒童，但就無為佢去驗啦，嘥錢，我寧願對症下藥比佢學多野，佢只是k2已經識雙位加數，仲要係冇人教過佢，佢已經背咗3的個乘數表，有冇人有經驗佢應該學奧數好定係珠心算好有咩推介呢? 我唔想埋沒佢數學的天分... 佢仲好鍾意砌嘢(工程，例: 成日話點起一間屋出嚟)同埋諗嘢.. 有咩應該學? 利申: 小兒是活動型，田徑體操，游泳跆拳道都有學。靜態較少，請指教! 由於佢讀嘅幼稚園都是較深1年，所以不用再補英文。。

作者: dativebond 時間: 18-5-3 17:53 標題: 回覆樓主:

唔好珠心算啦，數學又唔係鬥快，反而如果佢對數學有興趣，咪自己教。如果真係中意，唔會覺得辛苦，仲有挑戰性。街外既補習班我怕太目標為本，搞到佢唔中意仲衰，自己教，無壓力，佢中意聽就教，唔聽就由佢。

作者: ChristmasBoy 時間: 18-5-4 15:07

Finana 發表於 18-5-1 01:39
今朝一早 (emoji)細佬【細佬是仲有22日就5歲，讀緊K2】一路玩緊minecraft遊戲,一路開玩笑問: 【爸爸，你 ...

我都想知道，我小朋友5歲多d，對數學好有興趣，佢會主動要我買數學既activity book比佢玩。佢而家已經識雙位乘數同簡單除數。我唔想催谷但唔知有咩方法可以幫佢繼續發展呢個興趣。

作者: Finana 時間: 18-5-4 18:31

ChristmasBoy 發表於 18-5-4 15:07
我都想知道，我小朋友5歲多d，對數學好有興趣，佢會主動要我買數學既activity book比佢玩。佢而家已經識雙 ...

同道中人?! 我都唔想谷佢。。現在得閒就同佢計到計下數，出街俾錢時叫佢計佢都好快答到。。我唔想咁快迫佢學太多喇，驚失咗興趣。。留意多點，暑期班都是運動為主

作者: ohmygosh 時間: 18-5-8 14:39

回覆 Finana 的帖子

奧數值得俾佢試下

歡迎光臨教育王國 (/)