教育王國

標題: 轉唔轉補習老師好？ [打印本頁]

作者: Sappy_Kerry 時間: 18-4-27 00:04 標題: 轉唔轉補習老師好？

事緣我2個月前經我女同學仔的媽咪揾到一個網上補習老師，本來都滿心歡喜，亦覺得老師唔錯，因為老師會用role play來吸引小朋友主動說英語，當她知道小朋友在英語方面的表達能力唔得，會先教小朋友writing, 剩餘的課堂才會玩role play, 同一堂亦有教少少grammar, 但今天我要求老師教我女分幾時用in the tree, 幾時用on the tree, 課堂完後，我問返我女，根據我女說補習老師只是跟她說in the tree是入面，on the tree係上面，即時令我充滿疑惑。另外，我要求老師教女女讀英文生字，其中一個是collect, 女女說學校老師教的是有“t”音，但補習老師教的則沒有，令我開始有疑問，究竟繼唔繼續找這個補習老師幫女女補1英文好呢？如果是你，會不會再繼續？

作者: assado 時間: 18-4-27 03:55 標題: 回覆樓主:

老師學歷背景是乜 ?

作者: assado 時間: 18-4-27 04:01 標題: 回覆樓主:

網上補習 ?

作者: Sappy_Kerry 時間: 18-4-27 06:46

assado 發表於 18-4-27 04:01
網上補習 ?

本帖最後由 Sappy_Kerry 於 18-4-27 06:56 編輯

網上補習？係
因為經同學仔媽咪介紹，我無詳細問老師學歷，只知大學畢業

作者: Yanamami 時間: 18-4-27 07:23

有懷疑咪轉，無commitment.

作者: Sappy_Kerry 時間: 18-4-27 07:34

Yanamami 發表於 18-4-27 07:23
有懷疑咪轉，無commitment.

但怕自己太輕易決定換人，而且女女好鐘意這個補習老師

作者: 1998Ruby1998 時間: 18-4-27 07:59

循例問問學歷，相信老師都唔會介意講，你自己亦可以安心 d。

collect 冇 “t” 音，係老師講解果陣？好多字嘅尾音係談話當中會「吃掉」，後面個 /kt/ 音除非讀單字否則都應該「食音」。on the tree、in the tree，會唔會係女女解釋得唔好（入得唔出得），講唔返完整意思？

咁英文有冇進步、願意開口講多左英文？如果有的話，畀我都會試多幾堂先，難得唔抗拒。如果真係覺得唔妥就換。

作者: Sappy_Kerry 時間: 18-4-27 08:10

1998Ruby1998 發表於 18-4-27 07:59
循例問問學歷，相信老師都唔會介意講，你自己亦可以安心 d。

collect 冇 “t” 音，係老師講解果陣？好多 ...

老師教讀collect shell, 呢個情況，食咗尾音算唔算正常?
另外，in the tree和on the tree的問題，我自己再問問老師
就係老師氹到阿女講英文，女女又好驚老師唔教佢，所以我先煩到要開post問

作者: happyangel2 時間: 18-4-27 10:16

雖則是同學媽咪介紹，但循例都要問下學歷和經驗，你也可再問問哪位家長，她介紹得你也應該知卦，她的小朋友也是請哪位老師嗎？

作者: Sappy_Kerry 時間: 18-4-27 10:25

happyangel2 發表於 18-4-27 10:16
雖則是同學媽咪介紹，但循例都要問下學歷和經驗，你也可再問問哪位家長，她介紹得你也應該知卦，她的小朋友 ...

是呀！介紹我的家長的小朋友都是找那位老師補習
放心啦！我會問架啦！

作者: 1998Ruby1998 時間: 18-4-27 19:34

回覆 Sappy_Kerry 的帖子

collect shells 畀我都係食 t 音，有 d 人會食埋個 k。如果係 collect some shells 的話，就一半一半未必食音，但係多數都係 t 食音。

歡迎光臨教育王國 (/)