教育王國

標題: 兩歲囡成日扭計要睇電視...有咩辦法呀？(仲要係半夜) [打印本頁]

作者: cammykwong 時間: 18-4-24 15:52 標題: 兩歲囡成日扭計要睇電視...有咩辦法呀？(仲要係半夜)

兩歲囡成日扭計要睇電視...有咩辦法呀？(仲要係半夜)
講小小背景先
工人姐姐湊,冇4大長老係屋企,
姐姐都好鍚我個囡,就係因為咁,佢一喊姐姐就比
開始識睇電視就成日要睇,由歲半開始到而家,
下午訓覺抱住佢睇住電視訓

起身:奶奶之後洗面去買送
買完送因為姐姐要整送,我都同意開電視比佢睇,等姐姐可以整下送
但整完之後我叫左姐姐off,同佢玩玩具架喇,當然off就喊喇,喊幾喊姐姐又肉赤喇,又開返
之後睇到眼訓,睇住訓左,到起身食飯又睇住,因為唔睇住食飯,佢唔專心/唔肯食,之後去公園玩,去完公園返來又睇
因為姐姐要準備晚餐,到我返來就唔會開比佢睇,直至訓覺,

跟呢十日,每晚半夜喊住叫我要睇電視,我要睇多拉a夢,我要睇跳舞,喊喊喊扭扭扭,同佢講唔可以因為而家夜晚,佢又未必一定明,因為佢得兩歲可能明d又唔明d,扭左半小時(隔離都起曬身望過來睇下咩事)因為半夜3-4點,之後我最後都開左比佢,一開唔夠5分鐘佢就訓左喇,我覺得佢係心引,佢可能係眼訓,佢覺得眼訓就要開電視睇(因為姐姐下午係咁樣,睇住訓)之後我放床,佢又起身又扭過要睇電視,,,唉,最後我開支奶比佢,佢又肯喎,飲完就訓左,因為每晚訓前都會飲奶,所以佢認為飲完奶就要訓覺,即係好似扭睇電影因為眼訓一樣,唉,我仲要返工,真係好好好辛苦

已同姐姐講左只係佢要整送,準備晚餐時可以睇電視,但bb已經習慣左又點會肯呀,喊喊喊喊
我同姐姐講,同佢講可以睇,睇十分鐘,睇完就要off玩玩具/其他野,當然off既時候佢又喊啦

大家教教我,我可以點做?狠心d由佢喊,喊一星期又好,一個月又好?咁半夜呢?晚晚隔離唔洗訓攪到我都唔好意思

我覺得bb係潛意識認為眼訓就要睇電視,所以佢半夜醒左又好眼訓,所以係咁講要電視囉

又有朋友講呢個年齡係咁,因為佢地剛識睇電視/玩,但又唔識分日/夜可唔可以做呢d野

有冇人可以比d建議我?

作者: nwing_yan 時間: 18-4-24 17:42

反全日班先可介到

作者: 小曳人 時間: 18-4-24 18:07

多d落街玩啦~

我地屋企俾"毒物"細路，一定先講好數，如15分數就15分數要收，甚至較埋timer，如有扭計賴皮，下次就無！

作者: Radiomama 時間: 18-4-24 21:15

cammykwong 發表於 18-4-24 15:52
兩歲囡成日扭計要睇電視...有咩辦法呀？(仲要係半夜)
講小小背景先
工人姐姐湊,冇4大長老係屋企,

你可以狠心不放電視在客廳嗎？
這是我媽媽的做法，我在中學以前都沒有電視娛樂。
至於我，也不主動開電視給孩子看，我仔也沒有扭計。Alternatives是陪玩玩具、手工、playground, 去買餸、陪讀、玩書等。小學前維持12小時睡眠時間。

作者: jumphigh 時間: 18-4-25 01:18 標題: 回覆樓主:

提示: 作者被禁止或刪除內容自動屏蔽

作者: 964000 時間: 18-4-25 21:51

cammykwong 發表於 18-4-24 15:52
兩歲囡成日扭計要睇電視...有咩辦法呀？(仲要係半夜)
講小小背景先
工人姐姐湊,冇4大長老係屋企,

即係中了電視毒，要靠電視送飯，暗瞓。兩歲又未能講道理，不可理喻。唯有從日間開始戒毒，分散注意，出街避下，再唔係將電視轉為黑白色，話佢知壞左，甚至搬走。只靠工人一定戒唔到，佢只能用最方便的辦法去做（開電視）。如果唔戒，就要捱到三四歲，到時希望可以「講數」，行為治療，不過長期咁睇法都幾難以想像。

作者: 964000 時間: 18-4-25 21:52

nwing_yan 發表於 18-4-24 17:42
反全日班先可介到

也是好方法

作者: 964000 時間: 18-4-25 22:15 標題: 回覆樓主

要先戒電視暗瞓，半夜才不會醒來找電視

作者: 20160901 時間: 18-4-25 22:15 標題: 回覆樓主

吩咐姐姐多些帶囡囡到公園玩耍，除做飯時看一會電視，其餘時間多看圖書、玩遊戲或給她聽音樂，看看是否可行。

作者: 貝珠 時間: 18-4-26 17:55 標題: 回覆樓主

姐姐懶。由佢喊囉，扭電視係初階，遅d扭打機，買玩具。

作者: 王家爸爸 時間: 18-4-27 12:15

cammykwong 發表於 18-4-24 15:52
兩歲囡成日扭計要睇電視...有咩辦法呀？(仲要係半夜)
講小小背景先
工人姐姐湊,冇4大長老係屋企,

將條天線輸入線取走，同佢講電視壞咗，做戲要做得似，然後以後都唔睇電視節目。過咗一段時間之後，同佢講可以睇DVD，咁佢睇嘜都由你控制。

作者: assado 時間: 18-4-30 20:54 標題: 回覆樓主:

可以考慮用兒歌, 音樂代替电视。

作者: TorresChow 時間: 18-5-1 13:58

Radiomama 發表於 18-4-24 21:15
你可以狠心不放電視在客廳嗎？
這是我媽媽的做法，我在中學以前都沒有電視娛樂。
至於我，也不主動開電視 ...

抆咗條天線去，睇雪花，就心熄了

作者: 識加無聊 時間: 18-5-1 17:11

好似話雪花的噪音會令人入睡。

作者: scyauchris 時間: 18-5-1 17:32

回覆 TorresChow 的帖子

我以前家姐個女看雪花也要睇！其實肯忍心就得！

作者: 王家爸爸 時間: 18-5-1 17:34

識加無聊發表於 18-5-1 17:11
好似話雪花的噪音會令人入睡。

好耐之前已經有心理研究發現white noise（白噪音）會令人容易入睡。不過雪花既噪音雖然接近白噪音，但係唔完全係。

作者: 海仔媽 時間: 18-5-4 18:05 標題: 回覆樓主:

我當年係無裝天線。。。反正全家無人睇電視，一向只用來看片

歡迎光臨教育王國 (/)