教育王國

標題: 煩？ [打印本頁]

作者: siulan888 時間: 18-4-19 19:29 標題: 煩？

本帖最後由 siulan888 於 18-4-21 14:35 編輯

胡忠
1. 馬崇
2. 聖若瑟
3. 基督
4. 青年會
5. 梁文燕

有冇漏？受歡迎程度對嗎？

作者: crystal36 時間: 18-4-19 20:08 標題: 回覆樓主：

本帖最後由 crystal36 於 18-4-19 20:08 編輯

我覺得係1陳震夏， 2基督
另外，聖若瑟今年應該會少咗人揀

作者: elaineloopy 時間: 18-4-19 20:31

crystal36 發表於 18-4-19 20:08
我覺得係1陳震夏， 2基督
另外，聖若瑟今年應該會少咗人揀

點解？

作者: crystal36 時間: 18-4-19 20:37

elaineloopy 發表於 18-4-19 20:31
點解？

你問聖若瑟點解少人揀？因為近排網上有好多呢間負評，我本來都諗住排乙一，依家

作者: elaineloopy 時間: 18-4-19 20:55

crystal36 發表於 18-4-19 20:37
你問聖若瑟點解少人揀？因為近排網上有好多呢間負評，我本來都諗住排乙一，依家
...

在邊個討論區呀我想參考吓

作者: fatman69 時間: 18-4-19 20:56 標題: 回覆樓主:

我覺得一二非胡忠及聖約瑟莫屬。

作者: crystal36 時間: 18-4-19 21:01

elaineloopy 發表於 18-4-19 20:55
在邊個討論區呀我想參考吓

FB 馬鞍山之友

作者: elaineloopy 時間: 18-4-19 21:06

crystal36 發表於 18-4-19 21:01
FB 馬鞍山之友

我唔係佢群组所以睇唔到(emoji)

作者: crystal36 時間: 18-4-19 21:13 標題: 回覆樓主

***事態最新發展：校方表示因有媒體追訪而决定不作記律處分（本身受處分同學與其家長拒絕簽署缺點紙)***

致來年子女升中的各位馬友父母:
(文章頗長，感激你閱畢全文)
馬鞍山"地獄"中學入面係有好多唔合理而且又荒唐嘅規則，但自問讀咗咁耐都要逆來順受，如非必要真喺唔想出聲(出聲要同人"傾計")。但今日發生嘅事已經超越唔合理，直頭係過份。
事緣今日lunchtime有班同學喺操場做運動,lunchtime完左有人同我講有人因為踢波而俾人捉，我同朋友心諗:唔同因為DSE而受罰？但今日無卷要考，而且有一班同學拎住藍球係訓導室門口經過，好明顯lunchtime做運動唔係"犯錯"嘅原因。
至排隊嗰陣，訓導企上台開咪話:"除左pe堂以外，唔准係校內踢波，唔同你地講大道理，唔准就係唔准。"原來係踢波而得罪校內高層。而被捉嗰3位同學因校規冇寫明禁止踢波，最後以"態度欠佳"為由各記一個缺點。
學校自稱係一個共容嘅地方，以上政策喺咪歧視波友？打排球藍球冇事，唯獨排擠足球。唔好用容易受傷呢d垃圾官腔敷衍我，做其他運動唔會受傷？所有運動都有風險，唔通以後要戴防彈頭盔做運動？校方由2012起取消咗足球隊，係咪要下下攞學界冠軍先有存在價值？我地過咗咁耐已經心淡，自己出去自組球隊又剩，已經唔敢乞求搞班足比賽，憑咩連我地最後嘅權利都要被剝削？
淨係識補課小測，咩"德智體群美五面發展"簡直就係放屁，所謂全人發展到結果只係得兩隊體育校隊。學校應該教學生明辨是非，而唔係教學生點樣隻手遮天，將歪理講成真理。"唔同你地講大道理"，根本無理又何以成理？
同老師反映無用，家長反映亦都落空。到最後，我只係想奉勸咁多位馬友家長，如果想自己個仔女浪費六年去成為一個麻木不仁嘅書蟲嘅話，就請填呢間地獄中學為第一志願啦。

From FB 馬鞍山之友

作者: crystal36 時間: 18-4-19 21:17

elaineloopy 發表於 18-4-19 21:06
我唔係佢群组所以睇唔到(emoji)

有關馬鞍山地獄中學(emoji)(emoji)
我係地獄中學既畢業生，睇到大家既留言，其實我都有野想發表…(emoji)(emoji)我並唔會持任何既立場，只係會憶述呢間學校比我既回憶……(長文，慎入)
呢一間中學其實令我又愛又恨……點解？其實好多老師都好好，好用心教書，好多時都有講有笑，但係恨就恨在一d無理既學校制度。
(emoji)點解5比人係課室食野？
訓導ANS:因為怕同學倒瀉嘢，好難清潔，惹曬啲曱甴黎。
回應: 咁即係午飯時間食飯就唔會惹甲甴嘅？連食一粒糖都可以畀人記缺點…連小學生都不如
(emoji)點解冇學生會既？
校長ANS:D同學搞5掂學生會既事務，係我要求5準有學生會！
回應:你都唔係唔知學校俾幾大壓力學生㗎啦……功課多、默書多、測驗多、補課多…同學仔應付唔黎學生會嘅嘢其實係正常…咁你咪可以畀佢地嘗試下囉，一定要夾硬唔畀學校有學生會加咩？！
(emoji)點解唔畀學生係街食嘢？
訓導ANS:因為嚴重影響校風，畀人見到會投訴，令到學校形象完全受損。
回應: 學校形象係透過呢一樣嘢營造出嚟㗎咩？人人都會肚餓㗎喇，尤其是係完咗補課，嗰種肚餓嘅感覺你可能未試過啦…但係我唔覺得食一粒魚蛋，食一個包有啲咩問題？唔通啲街坊見到你啲學生食一粒魚蛋都打電話返嚟投訴咩？呢個只不過係廢話…
仲有其他好多好多好無理既野，但係我5多講啦……大家想聽先再講啦。

Part 1

From 馬鞍山之友

作者: crystal36 時間: 18-4-19 21:19

crystal36 發表於 18-4-19 21:17
有關馬鞍山地獄中學(emoji)(emoji)
我係地獄中學既畢業生，睇到大家既留言，其實我都有野想發表…(emoji)( ...

身為一間天主教學校，應該要秉持嘅係耶穌既大愛，尤其是係嗰幾個訓導同埋黃校長…就算畀你唸嗰篇經文，或者事事都講耶穌咁又點呀？你講同埋做跟本就係兩回事，寬恕、體諒、愛護先應該係學校最大嘅宗旨。你哋淨係識講係冇用㗎，你有冇真真正正去聆聽學生嘅意見？就算有，你哋都好似雞同鴨講，同學生好似上咗戰場咁樣嘈交…你確定咁樣係教育？你確定呢間學校可以稱為係一間天主教學校？其實都唔想提一件事㗎啦，不過既然講咗就講埋佢啦……係關於上年十二月尾嘅歌唱比賽，年年嘅歌唱比賽幾乎班班嘅中六同學都可以參加…但係講就講話制度一樣，要中六同學係初賽表現得好先可以入到決賽，而最終四班入面有兩班精英班入到……其他兩班普通班就喺台下面望住佢哋比賽。我地入唔到決賽，喺你哋眼中我哋就係唔夠努力，表現得唔好。但係你憑乜嘢去質疑我哋嘅表演？每個同學都好用心機好落力去嘗試…由初初唔識跳嗰隻舞不停練不停練，練到識為止。唱歌，並唔係個個都唱到好似你想像中咁好聽，如果真係咁好聽嘅話，嗰個就唔使讀書去做歌手啦…一句說話話我哋冇盡過力係咩意思？親愛嘅校長，如果唔係你上年突然之間非常踴躍咁鼓勵中一同學去參加比賽，仲要係多次提醒中一老師……我諗結局應該唔會咁樣呀可？決賽嗰日令到大部分同學都忍唔住喺台下面喊，其實呢一樣嘢係咪你最想見到？如果唔係你點會咁得閒會整埋呢啲咁無聊嘅制度呀？你話應承我哋以後每一年有你喺度，學校都會畀中六同學仔參加，並唔會係一個比賽嘅形式，只係一個表演嘅形式。

Part 2
From FB 馬鞍山之友

作者: crystal36 時間: 18-4-19 21:19

crystal36 發表於 18-4-19 21:19
身為一間天主教學校，應該要秉持嘅係耶穌既大愛，尤其是係嗰幾個訓導同埋黃校長…就算畀你唸嗰篇經文，或 ...

係嘅…件事都過去啦，你講乜都冇用。依家係講緊話唔公平……喺有結果知道左兩班冇得參加決賽嘅時候，都有班去問你畀機會我哋上去表演，但係你唔肯，你話可以畀嘅方案就係完咗比賽之後喺禮堂出面跳，咁我地跳畀邊個睇呀？真係講出嚟都笑大人哋個口啦，喺停車個位跳舞…你明知你啲咁嘅無理制度係會令到我哋唔開心㗎，但係又怕有學生自殺，咁點解你又要整咁多無聊嘢出嚟呢？我哋並唔希望攞到咩獎，只不過想製造屬於我哋中六嘅回憶…你哋所謂嘅安慰，我覺得只不過係敷衍，只不過係想搵交嘈……校長喺台上對住全校直指我哋輸打贏要，以非常之不屑嘅態度去話我哋……
我終於知道點解依家嘅社會大部分人都咁唔鍾意基督教徒，天主教徒，因為就係有你呢啲人，淨係識得一個講字，做就係另一回事……你哋做過啲咩你哋自己最清楚啦，我亦都唔一一再講啦。唔該唔好再用耶穌嚟噠人，因為你地完全偏離咗宗教上面嘅教義……講真，其實呢間學校好多老師都真係好好，佢哋嘅付出都有血有淚，真係唔想拖佢哋落水……不過有呢幾個大嘢喺度，真係會令到啲學生好唔安樂，好大壓力。

Part 3
From 馬鞍山之友

作者: siulan888 時間: 18-4-19 21:32

陳楷有咩評價？Band 2 黎講最差？

作者: elaineloopy 時間: 18-4-19 22:05

crystal36 發表於 18-4-19 21:19
係嘅…件事都過去啦，你講乜都冇用。依家係講緊話唔公平……喺有結果知道左兩班冇得參加決賽嘅時候，都有 ...

好似好恐怖咁

作者: M6 時間: 18-4-19 22:10 標題: 回覆樓主

仲有
東華三院馮黃鳯亭
劉百樂

作者: siulan888 時間: 18-4-19 23:05

劉百樂係band 2 ?

作者: fatman69 時間: 18-4-19 23:13 標題: 回覆樓主:

吾覺得劉伯樂/陳楷係B2。

作者: Hoining 時間: 18-4-19 23:46

提示: 作者被禁止或刪除內容自動屏蔽

作者: 261026 時間: 18-4-20 00:43

請問梁文燕是b2中定尾？

作者: fatman69 時間: 18-4-20 01:31

Hoining 發表於 18-4-19 23:46
呢兩間b3㗎

陳楷的初中科目只得英文為英語教學，即係全中中，點睇都係B3ab校。
而劉伯樂就好D，有IS及CS用英文放，似B2c/B3a校。

作者: fatman69 時間: 18-4-20 01:42 標題: 回覆樓主:

認真地上概覽睇，看過各校英語授課科目，以下幾間應有一定實力。
陳振霞/基督/青年會/馬崇/胡忠/黃鳳亭/

幾年冇跟進，聖約瑟真係跌左。

作者: LinusYip 時間: 18-4-20 08:09 標題: 回覆樓主

純粹八下
馬鞍山係咪依舊冇b1校？

作者: siulan888 時間: 18-4-20 08:14

楊葛呢？

作者: 聞一多 時間: 18-4-20 08:14

LinusYip 發表於 18-4-20 08:09
純粹八下
馬鞍山係咪依舊冇b1校？

係

作者: LinusYip 時間: 18-4-20 08:43

聞一多發表於 18-4-20 08:14
係

Thx

真奇怪
馬鞍山開發左咁多年都冇b1校
可能沙田成績太好
個個叻仔都出沙田讀

作者: 聞一多 時間: 18-4-20 08:53

LinusYip 發表於 18-4-20 08:43
Thx

真奇怪

無計，唔計直資，唔夠40間(應該36、7間)學校，現存有13 間b1。按比例已偏高，要做新b1有困難。比你個仔係b1，會唔會留係mos讀b2？

作者: laitina 時間: 18-4-20 10:31 標題: 回覆樓主

請問有無人知馮黃鳳亭校風如何？睇返舊post話學校行政混亂，唔多睇好，但該校開英文班科目又較多，想聽下大家意見

作者: M6 時間: 18-4-20 16:40 標題: 回覆樓主

如果band 2填表時會填幾多個入表格度，填到十一，十二夠未？

作者: 聞一多 時間: 18-4-20 17:58

M6 發表於 18-4-20 16:40
如果band 2填表時會填幾多個入表格度，填到十一，十二夠未？

填晒！

好重要！！！

作者: 聞一多 時間: 18-4-20 17:59

M6 發表於 18-4-20 16:40
如果band 2填表時會填幾多個入表格度，填到十一，十二夠未？

band1 都千叮萬囑要填晒30格！

點解band2可以填唔晒！

作者: crystal36 時間: 18-4-20 23:27

聞一多發表於 18-4-20 17:59
band1 都千叮萬囑要填晒30格！

點解band2可以填唔晒！

請問b2生，是否咁填1c/2a/2b/2c ？但我填20間都好困難，唔通尾果d 要填b3a

作者: 洋蔥頭媽咪 時間: 18-4-20 23:38

本帖最後由洋蔥頭媽咪於 18-4-20 23:40 編輯

crystal36 發表於 18-4-20 23:27
請問b2生，是否咁填1c/2a/2b/2c ？但我填20間都好困難，唔通尾果d 要填b3a

B2生可填少量B1 ，所有B2及小量B3，至少都要填20間或以上。
沙田B1位尚算充足，所以B1生只須填晒所有B1及部份B2，填到15-20間即可。

作者: 希嫙mama 時間: 18-4-21 11:19 標題: 回覆樓主:

今年b2 生重可以填少量b1 學校？好多人話b2 生乙2 填熱門b2 學校都好危

如果乙1 填左 b1 學校。乙2 係咪就要開始避熱門？

另外，請問唔跨區，b2 生甲1 填 b1學校, 乙1 填b2 學校係咪好無謂 ?

作者: 聞一多 時間: 18-4-21 12:10

希嫙mama 發表於 18-4-21 11:19
今年b2 生重可以填少量b1 學校？好多人話b2 生乙2 填熱門b2 學校都好危如果乙1 填左 b1 學校 ...

只可以好簡單講，b1生選完之後，最多剩100幾十個所謂b1學校學額(數目不肯定!!!!!)比1500個b2生抽。仲要你放乙一位間學校有位剩再加隨機号好前你先有機會。

風險自行評估。

作者: 希嫙mama 時間: 18-4-23 12:00 標題: 回覆樓主:

原本很喜歡陳震夏，但佢普教中同位少而令我卻步。

真係唔熟識中學普教中影響有幾大。平時上堂聽應該唔大問題。但寫作/聆聽/口試會唔會好難掌握呢。

歡迎光臨教育王國 (/)