教育王國

標題: 有無2018-2019思博pm N 班offer [打印本頁]

作者: goretti115 時間: 18-4-15 01:19 標題: 有無2018-2019思博pm N 班offer

如題。有無小朋友將會2018年9月入讀思博N 班pm。可以開group 交流下。

作者: HideAndSeek 時間: 18-5-7 10:12

goretti115 發表於 18-4-15 01:19
如題。有無小朋友將會2018年9月入讀思博N 班pm。可以開group 交流下。

前幾日見到樓下間文具鋪店貼晒大字報話房協也向錢看加租，咁幼稚園係咪都會被加租，會唔會加學費?衣家4千8學費已經好貴，如果加到5千幾，咪貴過好多學校?

作者: PetPetBoy 時間: 18-5-8 16:04

HideAndSeek 發表於 18-5-7 10:12
前幾日見到樓下間文具鋪店貼晒大字報話房協也向錢看加租，咁幼稚園係咪都會被加租，會唔會加學費?衣家4千8 ...

Got AM offer, 不過考慮清楚後都係唔讀啦。見過有啲報導話間學校去年已經因為欠債俾人清盤，如果加租後又做唔住要關門，到時要再揾學校就麻煩。

作者: FireExit 時間: 18-5-9 11:29

PetPetBoy 發表於 18-5-8 16:04
Got AM offer, 不過考慮清楚後都係唔讀啦。見過有啲報導話間學校去年已經因為欠債俾人清盤，如果加租後又 ...

Me too, AM offer, 不過都係唔讀Lu. Interview 時覺得人唔多，後來見到都好多關於呢間學校嘅負面消息,可能因為咁冇乜人讀啦。如果冇人讀，又俾人加租，好容易做唔住執。呢幾年有D幼稚園都係咁執左。

作者: cutypuppies 時間: 18-5-10 00:08

goretti115 發表於 18-4-15 01:19
如題。有無小朋友將會2018年9月入讀思博N 班pm。可以開group 交流下。

我小朋友將會讀n 班pm 呀，我地可能會係同學仔wo!

作者: KKKittyKKK 時間: 18-5-10 15:10

FireExit 發表於 18-5-9 11:29
Me too, AM offer, 不過都係唔讀Lu. Interview 時覺得人唔多，後來見到都好多關於呢間學校嘅負面消息,可 ...

依家只得思博一家AM，不過都好似你咁唸，唔考慮讀啦。可能我囝囝interview 表现好差，其他學校都只係waiting, 如果其他學校唔收，都唔知點好，求指教。

作者: HideAndSeek 時間: 18-5-12 19:00

FireExit 發表於 18-5-9 11:29
Me too, AM offer, 不過都係唔讀Lu. Interview 時覺得人唔多，後來見到都好多關於呢間學校嘅負面消息,可 ...

我就唔鐘意佢個環境，學校隔離係酒樓，樓下又有好多餐廳食肆。咁嘅環境一定好多米奇小強，最怕佢地一齊上堂，我小朋友見到小強會怕到咸。

作者: Hoi_eve 時間: 18-5-12 22:44

HideAndSeek 發表於 18-5-12 19:00
我就唔鐘意佢個環境，學校隔離係酒樓，樓下又有好多餐廳食肆。咁嘅環境一定好多米奇小強，最怕佢地一齊上 ...

荃灣區有邊間幼稚園附近無餐廳香港邊度無老鼠蟑螂人地樓主想開個group 又話加租又話環境咁得意

作者: cutypuppies 時間: 18-5-13 02:03

Hoi_eve 發表於 18-5-12 22:44
荃灣區有邊間幼稚園附近無餐廳香港邊度無老鼠蟑螂人地樓主想開個group 又話加租又話環境咁得意
...

呢道好多打手

作者: Hoi_eve 時間: 18-5-13 07:23

cutypuppies 發表於 18-5-13 02:03
呢道好多打手

不過去過面試既人應該都聽過校長講網上既流言佢地唔會理佢地係搞教育唔係搞政治
我小朋友9月都係讀pm N

作者: FireExit 時間: 18-5-13 12:35

cutypuppies 發表於 18-5-13 02:03
呢道好多打手

係囉，呢度唔止勁多打手，仲好多間碟，叫人入group , 可以收料同洗腦。

而且好多都話收左pm, 好似想表示勁難入, 唔好執輸。但係我interview 時又唔覺好多人，我就覺得我個B表現勁差，都收左AM, 其他只得waiting.

如果真係住在附近，行過都會見到樓下間文具鋪貼左大字報，房協向錢看，老闆話加租要走。如果房協加租，學校會唔會唔加學費，到時成5千學費，最怕係做到一半執左。

我又未見過荃灣有邊間幼稚園正正在隔離係酒樓，樓下又一堆食肆。如果話周圍都有老鼠曱甴，只不過係將不合理講到好似好正常，轉移話题啫。

我都in 過好多間幼稚園，從未有聽過有一間啲負評多到要校長在interview 時解釋. 解釋咪即係掩飾。邊有人得閒長年累月揾打手唱衰佢。我就覺得係好多用家真係不满，所以講出黎。我地網上買嘢，一俾負評，個店家都係話人地唱衰啦。我就試過唔信負評，買完收貨先知中伏。真係要小心。

作者: BB_dragon_2012 時間: 18-5-15 21:07

goretti115 發表於 18-4-15 01:19
如題。有無小朋友將會2018年9月入讀思博N 班pm。可以開group 交流下。

我是路過的,但同時我囝囝今年K3,我想說的是,若果想了解多D一間學校,除了上網問人,最好親身看看學校的學生,和與用家家長面談交流。我仔由N班讀到K3,現在已第4年。我對學校的評價是正面的。當然家長也要投放時間與資源去培育小朋友。

作者: BeautyMaggie 時間: 18-5-16 10:27

BB_dragon_2012 發表於 18-5-15 21:07
我是路過的,但同時我囝囝今年K3,我想說的是,若果想了解多D一間學校,除了上網問人,最好親身看看學校的學生, ...

冇錯，家長要投放時間，自己要喺學校睇實小朋友，唔好唸住學校有責任幫你睇。

問過一啲老師同家長，原來個次有N班小朋友受傷，學校冇理，害到小朋友延誤求醫，係真有其事。網上講嘅嘢係真嘅。

原來係法庭都可以查到呢件事，有圖有真相。

圖片附件: 20180516_095227.JPEG (18-5-16 10:27, 162.25 KB) / 下載次數 38
/forum.php?mod=attachment&aid=MjIxNTg2fGUzNGNiNTJhfDE3NjA1NDE4NDB8MA%3D%3D

圖片附件: 20180516_095250.JPEG (18-5-16 10:27, 108.53 KB) / 下載次數 37
/forum.php?mod=attachment&aid=MjIxNTkwfDY4ODkzZTM4fDE3NjA1NDE4NDB8MA%3D%3D

作者: HideAndSeek 時間: 18-5-17 19:20

BeautyMaggie 發表於 18-5-16 10:27
冇錯，家長要投放時間，自己要喺學校睇實小朋友，唔好唸住學校有責任幫你睇。

問過一啲老師同家長，原來 ...

呢間乜嘢學校嚟架，連最基本要照顧好小朋友嘅責任都冇。

作者: KKKittyKKK 時間: 18-5-24 20:01

BeautyMaggie 發表於 18-5-16 10:27
冇錯，家長要投放時間，自己要喺學校睇實小朋友，唔好唸住學校有責任幫你睇。

問過一啲老師同家長，原來 ...

原來網上講呢一件事係真嘅, 真係有N班小朋友在學校受傷，學校冇理到。

前一排仲見到BK呢度有個話自己係用家，好了解學校嘅jm, 喺度猛咁話個家長屈錢，怪獸家長，仲話校監校長識好多學界嘅人，暗示人知，如果唔收口，其他學校會知道小朋友家長係麻煩人，冇學校收。

真係為求掩飾，乜方法會都出。

唔怪得有人話，唔好唔信負評，負評好多時係真嘅。

作者: C倍媽 時間: 18-5-30 20:54

BeautyMaggie 發表於 18-5-16 10:27
冇錯，家長要投放時間，自己要喺學校睇實小朋友，唔好唸住學校有責任幫你睇。

問過一啲老師同家長，原來 ...

唔通呢位家長真係唔信校監梁醫生同埋蔡校長識得唔少校長老師，唔怕佢地交流時唔覺意講左俾佢地知，個位小朋友係一位麻煩家長嘅囝囝，等各學校留意佢。

勸你都係唔好講咁多啦，最好delete 埋個po添，越少人知越好。

作者: B7Mimi 時間: 18-6-1 22:20

C倍媽發表於 18-5-30 20:54
唔通呢位家長真係唔信校監梁醫生同埋蔡校長識得唔少校長老師，唔怕佢地交流時唔覺意講左俾佢地知，個位小 ...

乜原來校監係位醫生，咁佢地應該好清楚“黄金一小時“規則，遲左求醫真係可大可小。真係冇heart 冇愛心，一D都唔關心小朋友，求求其其. 小朋友喺學校整親，只係儘力掩飾自己嘅疏忽，一時話網上嘅係謠言，一時話小朋友整親好平常，(小朋友整親係好正常，不過在學校整親，唔通知家長，又唔認，咁就好唔正常)，一陣又話個家長有問題，想屈錢。最差係嚇人，話校監校長識好多人，攞小朋友做人質。

成件事，由小朋友受傷，佢地點樣強詞奪理解釋，掩飾，誤導家長，可以睇到佢地根本冇當小朋友係小朋友.

好彩而家資訊發達，呢D事實可以被揭露出來，俾各位睇清楚，唔係淨係聽校方一面之詞嘅歪理。

希望大家睇完呢D事實，可以判斷到呢間學校係點.

作者: shan1218 時間: 18-6-11 02:08

goretti115 發表於 18-4-15 01:19
如題。有無小朋友將會2018年9月入讀思博N 班pm。可以開group 交流下。

我都係

作者: ansleycheung 時間: 18-6-12 10:14

我都是路過的, 個 post 明明係問有冇小朋友將會2018年9月入讀思博N 班pm, 都唔明點解會俾人騎劫左不停話間學校唔好, 睇左咁耐BK, 一講親思博就有一堆人出黎話xxx, 不外乎係會執笠, 小朋友受傷事件, 好多負評等等等, 呢班人都好堅持要唱衰學校, 一聽到有人讀就不停舊事重提, 插插插, 都心理變態, 人地話得會入讀就已經考慮過衡量過學校優缺點啦, 仲死唔斷氣不停講, 你理得人讀唔讀呀, 一睇你地D膠 post 都唔係咩有用既 comment, 真係好無聊

作者: PetPetBoy 時間: 18-6-12 20:36

ansleycheung 發表於 18-6-12 10:14
我都是路過的, 個 post 明明係問有冇小朋友將會2018年9月入讀思博N 班pm, 都唔明點解會俾人騎劫左不停話間 ...

其實你只係路過，又唔係用家，人地點講對你又冇影響，使乜咁勞氣，惡言攻擊人地心理變態，仲用D粗俗說話話人地膠post, 又話人地嘅喺冇用嘅comment。

我就覺得D帖very constructive, 只要講嘅係事實，我又唔覺得有問題喎。我地呢D幫小朋友揀緊學校嘅家長，都好想睇下EK各位J M 點評價, 好嘅想聽，唔好嘅又想聽。唔係淨係想聽"校長有heart 老師有愛心，小朋友鐘意返學"呢D 咁行貨嘅說話。

幫小朋友揀學校，就好似揀老公咁，揀錯左就以後好麻煩，家嘈屋閉，影響小朋友將來升學。而且相信今年會加學費，冇理由俾成5千幾學費，仲要攞小朋友嘅學業將來黎博㗎。

好多謝EK發明呢個開放嘅平台俾大家參考各學校好同唔好嘅地方，睇完之後大家可以知多D真相。

作者: RadarBoy 時間: 18-6-13 21:34

PetPetBoy 發表於 18-6-12 20:36
其實你只係路過，又唔係用家，人地點講對你又冇影響，使乜咁勞氣，惡言攻擊人地心理變態，仲用D粗俗說話話 ...

其實19樓個位自稱路過嘅jm，點解咁激動? 䏲落似係學校强力部門嘅人，應該係，除非唔係

雖然人地講嘅嘢學校唔啱聽啫，但係都係有証有據嘅事實，咁都唔使侮辱人地“心理變態"，又詛咒人地”死唔斷氣"，最最最離譜係粗口都講埋，咁嘅素質實在太差啦

所以我地一班對學校好唔滿意嘅家長，自己私底下另外開左個group 討論，估計同前幾年一樣，因為唔滿意而走嘅, 又係至少有一半人。

歡迎光臨教育王國 (/)