教育王國
標題: DSE 令亞仔身心也唔舒服,不知如何是好 [打印本頁]
作者: maymay_1 時間: 18-4-9 22:51 標題: DSE 令亞仔身心也唔舒服,不知如何是好
亞仔一向對學業唔緊張,甚至討厭,唔容易才捱完返學的日子。不知為何由3/4開始腸胃唔舒服、跟住偏桃線發炎、再跟住喉嚨痛,已看了3次醫生也未好,但醫生話他已好了八成,但他話自己唔舒服,今天才考第一科中文,平時已無心機考試,今次再加埋病,成績更大打折扣;今天又話呼吸困難 ... ... ! 點算好 ~ 我只是希望他出席考試,成績已是次要,是否壓力令他咁樣?有咩方法幫他呢!Help me please (emoji)(emoji)

作者: 1998Ruby1998 時間: 18-4-9 23:43
我諗佢以前係表面唔緊張,其實內裡緊張,你又睇唔出。到依家積累嘅緊張同壓力爆發。我平日都係一副愛理不理,但係咁養令所有人都以為我真係唔 care。之前考卷三都有發燒同肚瀉。 
作者: Talent2018 時間: 18-4-10 03:54
太緊張吧
作者: kk1186 時間: 18-4-10 11:01
回覆 1998Ruby1998 的帖子
你是俾人傳染定是壓力大所致?有冇影響卷三成績?
作者: brother4 時間: 18-4-10 11:06
1998Ruby1998 發表於 18-4-9 23:43 
我諗佢以前係表面唔緊張,其實內裡緊張,你又睇唔出。到依家積累嘅緊張同壓力爆發。我平日都係一副愛理不理 ...
贊同

作者: JustAParent 時間: 18-4-10 11:08
maymay_1 發表於 18-4-9 22:51 
亞仔一向對學業唔緊張,甚至討厭,唔容易才捱完返學的日子。不知為何由3/4開始腸胃唔舒服、跟住偏桃線發炎 ...
本帖最後由 JustAParent 於 18-4-10 11:09 編輯
點解成績你都話次要,咁考試為乜?
不要讓仔女聽到"只希望出席" "考衰唔緊要"等令人氣餒既說話。
已經開考了,父母能做的只有在旁服侍下、整D好野佢食、留意下佢健康已係最好支持。有痛當然要立刻求醫。

作者: brother4 時間: 18-4-10 11:17 標題: 回覆樓主:
本帖最後由 brother4 於 18-4-10 11:26 編輯
自己也一樣,努力了但考尾尾,留班和踢出校(25+會考),其實要開道佢,放鬆D,盡咗力便好,行行出狀元等
小朋友大把時間/青春,條條大路出羅馬,一定有方法!就像自己25+去會考,平時考尾尾要追番咁多年的功力,一件不可能的任務,也能考得OK!
肯努力上天定有安排

作者: 1998Ruby1998 時間: 18-4-10 13:36
回覆 kk1186 的帖子
touchwood 我平日好少病,所以應該係壓力大。卷三成績或多或少有 d 影響,一路考試一路肚瀉,果種感覺真係辛苦,好彩燒左一日就停。
作者: kk1186 時間: 18-4-10 13:57
回覆 1998Ruby1998 的帖子
你考DSE期間幾點睡覺, 會失眠嗎? 另外, 學校mock的成績和DSE 比較, 那個較好.
作者: 1998Ruby1998 時間: 18-4-10 16:55
回覆 kk1186 的帖子
我無論壓力大或少都可以訓到,之前因為補習經常熬夜會 2-3 點訓,study leave 開始 10 點訓。
我學校 mock 會高要求 d (例如 DSE 2 小時 8 版,我地 2 小時 15 版),所以 DSE 成績比 mock 要好。
作者: maymay_1 時間: 18-4-10 18:51
JustAParent 發表於 18-4-10 11:08 
本帖最後由 JustAParent 於 18-4-10 11:09 編輯
點解成績你都話次要,咁考試為乜?
因他由小五開始很抗拒讀書,直到現在也是,當中的辛酸不知如何說大家起!但我鼓勵他,現今世代,連中六程度都無,將來如何找工作呢?我無刻意比他知我只求他出度考試,不求成績,只是在心希望他能完成埋中六最後階段便心足,將來 may be 讀一些 vtc 課程或投入社會也好。見他現在如此,確實令我擔心不已

作者: maymay_1 時間: 18-4-10 18:52
brother4 發表於 18-4-10 11:17 
自己也一樣,努力了但考尾尾,留班和踢出校(25+會考),其實要開道佢,放鬆D,盡咗力便好,行行出狀元等: ...
明白,謝謝你

作者: kk1186 時間: 18-4-10 20:29
回覆 1998Ruby1998 的帖子
Study leave 10點睡覺, 真是好好, 叧外想問你有冇同學在香港的大學修讀BBA, 她們忙嗎? 因為小女打算大學修讀BBA, 謝謝.
作者: 1998Ruby1998 時間: 18-4-10 20:58
回覆 kk1186 的帖子
大概成績已經塵埃落定,所以都無謂熬夜冇精神去考試。
我有同學修中大 BBA,也有同學修港大 BBA Law。佢地係幾忙,好多 Presentation 做,有時候 d 課堂要 6 點先上完。不過都還好,比中學輕鬆少少,佢地亦有時間去同人補習、做 part time。
作者: Talent2018 時間: 18-4-10 23:34
學生能力各不相同,適應力是自己心裡一種習慣。
作者: skkeung 時間: 18-4-21 15:47
maymay_1 發表於 18-4-9 22:51 
亞仔一向對學業唔緊張,甚至討厭,唔容易才捱完返學的日子。不知為何由3/4開始腸胃唔舒服、跟住偏桃線發炎 ...
此路不通,就要改道!直,行,死路一條!
歡迎光臨 教育王國 (/) |
Powered by Discuz! X1.5 |