教育王國
標題: 【每年逾千大學生中途退學 比以往增約一倍】 [打印本頁]
作者: 小時了了 時間: 18-4-8 08:02 標題: 【每年逾千大學生中途退學 比以往增約一倍】
本帖最後由 小時了了 於 18-4-8 08:14 編輯
https://www.facebook.com/icablenews/videos/802424433282960/
http://ubeat.com.cuhk.edu.hk/133_quitu/
中、小學生退學，我們偶爾聽聞，但大學生退學，原來也不少。大學學士學位一向僧多粥少，競爭激烈。莘莘學子拼命讀書入大學的同時，有人卻退學追夢。
大學教育資助委員會的數據顯示，2015至2016年有1179名學士學生終止學業，比六年前高出近一倍，當中以港大輟學人數為最多（232人），其次為理大（225人）及中大（191人）。
記者查看十年數據，發現實行新高中學制前，大學退學人數一直維持七百人左右，直到2012年第一屆中學文憑試（DSE）舉行，退學人數急升至1112人，之後每年退學人數一直過千。
研究青少年生活及職業發展的中大社工學系副教授陶兆銘認為，退學人數急升和教育制度改革有關。DSE「一試定生死」，學生就只應考一次公開試，缺乏時間深入考慮讀大學的意義。
作者: 小時了了 時間: 18-4-8 08:03
本帖最後由 小時了了 於 18-4-8 08:10 編輯
https://skypost.ulifestyle.com.h ... 0%E6%B8%AF%E5%A4%A7
入大學是不少學子苦讀多年的終極目標。中大《大學線月刊》指校園出現退學潮。據教資會最新數字，７年間學士學生退學率劇增86%。港隊花式跳繩運動員張柏鴻更棄港大學位，輟學創業教跳繩，坦言：「考慮學位對自己未來是否有用，才更重要。」但有學者提醒，貿然退學或成日後求職污點。
根據教資會最新數據，在2009/10年間有671名學士（全日及兼讀制）退學，至2016/17年數字急升至1,251人，升幅逾86%。港大更是重災區，有232名學士在2016/17年退學，較7年前增逾112%，其次是中大及理大。
本報翻查同期副學士退學數據，7年間輟學者由317人升至583人，升幅約84%。
副學士退學 7年也升84%
23歲花式跳繩運動員張柏鴻透露，兩年前因難兼顧學業、創業和運動員生涯，修讀港大風險管理4年級時毅然退學。他指風險管理主要是「不斷計數」，質疑所學有無意義，加上事忙修讀學分不足，想專注「追夢」經營花式跳繩教室和做運動員，毅然退學，但坦言同系同學畢業後多高薪厚職，自己創業初期曾入不敷支，一度後悔。
感所學無意義 不甘做上班族
張柏鴻對本報表示，當年不甘修畢課程後當平凡上班族，故背水一戰專心教繩，但今年他再獲中大會計系取錄，重返校園，「明年我已24歲，比賽生涯差不多，想多學商業知識發展公司，故重用2012年DSE成績報JUPAS。」
為逃避壓力 恐成履歷污點
中大社工學系副教授陶兆銘在《大學線》指，學制改變或令DSE考生未如A-Level學生能在中學階段體驗「大學式教育」，亦缺時間作生涯規劃。東華學院商學院署理院長陳榮照對本報指，對學科乏興趣及感無前途是輟學主因，但輟學要考慮是為逃避壓力或有理想實踐；若退學後無所事事會是履歷污點。盈力僱員服務顧問首席顧問孫立民坦言︰「除非因健康理由輟學，否則僱主印象更差。」
http://ubeat.com.cuhk.edu.hk/133_quitu/2/
於想退學的學生來說，家人反對往往是一大壓力來源，所以22歲已退學的Jennifer感激父母的支持。她原為樹仁大學英文系學生，完成二年級課程後退學。她從小對時裝有興趣，升讀大學時曾希望修讀與時裝相關的課程，但因為中學沒有修讀藝術，亦沒有作品集，入讀機會較微，故大學選科時放棄選擇相關學系。
和柏鴻不同，Jennifer的父母並不反對她退學，他們都是退休公務員，依靠長糧和股票收入就可應付生活。Jennifer的媽媽不認為讀了一年退學是浪費金錢，起碼女兒經歷過大學生活。她覺得只要Jennifer能養活自己，過得開心又不會後悔，退學不是問題。
Jennifer讀大學的時候發現，英文系的課程與她的志向完全無關，無助她實踐理想，而且她認為畢業後都只能做普通文職：「即便我拿了樹仁英文系學位，出社會後也是做無聊的寫字樓工，我並不想走這條路。」她現於售賣瑜伽及皮革產品的店舖任店員，工作期間也發現自己原來對時裝銷售更感興趣。她現在儲錢報讀時裝行銷課程，將來希望開設購物網站，到各地採購貨品於網上售賣，讓不同身形的女生都找到適合的衣服。
輟學做影片製作 不願再浪費時間
「我是一個不孝子」，23歲的Henry這樣形容自己。他原本在中大就讀健康與體育運動科學教育學士（下稱體育系），在完成三年級的課程後選擇退學。Henry來自單親家庭，家人從事服裝生意，他並沒有家累。當時他媽媽反對他退學，希望他大學畢業後找到穩定的工作，但他卻指：「未來40年是自己的，我自私一點都要退學」。
Henry中學時期一直成績欠佳，直到中六發奮讀書，才發覺自己有機會考到大學。當時他喜歡打籃球，也喜歡體育，就選擇體育系，並把這選項放在第二志願。那時候他覺得，若可進入三大（香港大學、中文大學、科技大學）就已經心滿意足。可入讀後才發現體育系課程與想像的落差很大，他對這科完全沒興趣。他曾經想過轉系，奈何大學成績不太好，也無法成事。
體育系的出路主要是當體育老師或做政府工。市場上具備體育老師專業資格的人不多，當體育老師的前景本來頗為樂觀，但Henry自言喜歡人生多些挑戰，不願平穩過活。
大學二年級時Henry去了欖球總會實習，當時他以為自己頂著大學生的名銜很厲害，但主管卻不是這樣看，反而覺得他不夠主動，這讓他驚覺大學生根本不是什麼。大三時Henry曾在小學當實習體育老師，教授五個年級的學生。他指每天要準備的教學內容變化不大，他覺得枯燥無味。相比其他學科，體育科已經較輕鬆和跳脫，如果日後成為體育老師，一定要兼教其他科，Henry認為屆時只會更加難捱。
作者: 小時了了 時間: 18-4-8 08:52
呢排自己嘗試叫鍾意中文及中史嘅小女幾年後考慮吓高中選科時選一科BIO去試考大學職業治療，幾搵錢有穩定嘅職業。
今日重溫呢篇舊新聞，令我反思。唉！怪獸家長直升機家長如我，都係算罷，阿女去讀中文、中史、考古學好了。
作者: yovin 時間: 18-4-8 10:09
本帖最後由 yovin 於 18-4-10 03:44 編輯
引文:他曾經後悔退學。風險管理學畢業生的前景不錯，有同學在投資銀行工作，起薪點達六萬，他不禁和同輩比較，質疑退學的決定。說到這裡，他有點激動，說：「為什麼我會在這受苦？」
創業的苦並非人人明白，柏鴻向朋友傾訴，卻被指「大家都長大找工作，你好像還在發夢」。
柏鴻的家人一直都希望他完成大學課程，對他突如其來的退學決定大感愕然，媽媽曾問他：「有沒有機會趕快完成學位？」但柏鴻心意已決，想以跳繩和公司成績向母親證明這決定是對的。經過一年時間，公司終於收支平衡，更有盈餘，柏鴻的努力沒有白費。現時教室約有25名兼職教練和70名學員，合辦學校亦約有50間。媽媽看見成果後，亦逐漸認同他當初的決定，有時更會到學社幫忙。
柏鴻在退學經營公司期間，發覺自己在商業知識上有很多不足，在2017年又重返大學校園，以當年DSE成績報JUPAS，獲中大會計系取錄。第一年首個學期休學， 專心公司業務，亦趁運動員最後的黃金時期繼續跳繩。他表示學位對他不大重要，往後想繼續推廣跳繩運動。他聳聳肩說：「未必一定要畢業，只是想在這個環境盡量學更多的知識。」
柏鴻case 幾有趣和峰迴路轉， 值得飲埋個結局出嚟。 如果他一年收支平衡 ， 加上母親後來也覺得退學是應該的 ，保守估計在5O間學校合辦課程，起碼現收入有十萬壹個月。全港約500間以上小學， 仍有市場拓展路向，加上跳繩可以增高， 香港又曾經成為世界冠軍， 器材也不須多 ，家長較樂意接受。 柏鴻吃到<頭啖湯>，叻仔到爆， 搵到錢慢慢去讀番D學位、碩士、博士返黎都得。難得把握到一生人一次的機會， 而且係自己興趣。勁！
Heary case.係衰在係體育上，沒有單一發展，成績又未見突出。 就以羽毛球為實例: 一個有世界排名嘅運動員(IOO左右)，佢放學教私補，收費係$500一小時，一日約教六小時， 未計校際比賽加操練和其他電台評述…… 佢自己住緊間屋一千萬另買咗間一千萬嘅屋畀個女(巳供滿)， 仲有一間舖收緊租。我睇住佢 一個師奶由O開始。
作者: Yanamami 時間: 18-4-8 11:31
本帖最後由 Yanamami 於 18-4-8 11:31 編輯
我女入CU, 讀完1st sem都退学，不过唔係揀錯科、追求其他理想、讀唔掂……而係轉左去澳洲讀double degree. 佢話識唔少都同佢－样，尤其係澳洲遲半年开学，有人唔想荒廢半年都会係香港讀住先~
作者: 洋蔥頭媽咪 時間: 18-4-8 12:06
本帖最後由 洋蔥頭媽咪 於 18-4-8 12:07 編輯
時代改變許多家長都覺得有理冇理都要仔女讀大學先，就算成績一般，野鷄大學、非心儀科/水抱科都照入左先，美其名始終有大學學歷，並冇考慮過畢唔畢倒業、中途退學…等問題，亦沒想過完成大學後前路是否一定光明，相反此風實際上反而多了不少高不成、低不就嘅年青人。
現今世代其實唔讀大學都仍有很多出路，學門手藝一技傍身比起野鷄學府畢業生有用得多，年青人只要肯學肯做，將來要進修一樣大把途徑，冇謂迷信大學學位而行錯更多路。
作者: 洋蔥頭媽咪 時間: 18-4-8 12:32
小時了了 發表於 18-4-8 08:52 
呢排自己嘗試叫鍾意中文及中史嘅小女幾年後考慮吓高中選科時選一科BIO去試考大學職業治療，幾搵錢有穩定嘅 ...
作者: poonseelai 時間: 18-4-8 14:11
本帖最後由 poonseelai 於 18-4-8 14:13 編輯
Yanamami 發表於 18-4-8 11:31
我女入CU, 讀完1st sem都退学，不过唔係揀錯科、追求其他理想、讀唔掂……而係轉左去澳洲讀double degree. ...
咁咪佔用了有心在港讀大學D人個位，嘓半年可做其他有意義的事，事實亦無半年，得幾個月
作者: EMILY03 時間: 18-4-8 15:17
poonseelai 發表於 18-4-8 14:11
咁咪佔用了有心在港讀大學D人個位，嘓半年可做其他有意義的事，事實亦無半年，得幾個月 ...
作者: hkpapa852 時間: 18-4-8 15:31
洋蔥頭媽咪 發表於 18-4-8 12:06
時代改變許多家長都覺得有理冇理都要仔女讀大學先，就算成績一般，野鷄大學、非心儀科/水抱科都照入左先， ...
可惜，香港工商界，就係有學歷歧視
父母揀女婿/媳婦，有不少也有學歷和職業歧視
作者: johnmamama 時間: 18-4-8 15:52
poonseelai 發表於 18-4-8 14:11
咁咪佔用了有心在港讀大學D人個位，嘓半年可做其他有意義的事，事實亦無半年，得幾個月 ...
作者: Yanamami 時間: 18-4-8 15:57
本帖最後由 Yanamami 於 18-4-8 15:59 編輯
poonseelai 發表於 18-4-8 14:11
咁咪佔用了有心在港讀大學D人個位，嘓半年可做其他有意義的事，事實亦無半年，得幾個月 ...
算係~－直有呢个掙扎，但係未有offer前(年尾才放榜)，总不能老定人家必收｡
作者: 洋蔥頭媽咪 時間: 18-4-8 16:38
本帖最後由 洋蔥頭媽咪 於 18-4-8 16:41 編輯
hkpapa852 發表於 18-4-8 15:31
可惜，香港工商界，就係有學歷歧視
父母揀女婿/媳婦，有不少也有學歷和職業歧視
唔夠料又要硬上其實都幾可悲，上次就有位家長開 post 講佢個仔已經 28/29歲都仲未畢倒業，接近30歲都未正式工作，無了期都唔知要讀到幾時 
作者: poonseelai 時間: 18-4-8 17:55
Yanamami 發表於 18-4-8 15:57
算係~－直有呢个掙扎，但係未有offer前(年尾才放榜)，总不能老定人家必收｡ ...
明白, 我想大部分人会出了考試成績才申請澳洲大學, 就会出現要等待情況。 據我所知如一心去澳洲, 可以一早申請, 如收到conditional offer, 最後考試成績達標, 会变成unconditional。 不過我不熟悉澳洲, 有錯請指正
作者: Yanamami 時間: 18-4-8 18:14
本帖最後由 Yanamami 於 18-4-8 18:15 編輯
poonseelai 發表於 18-4-8 17:55
明白, 我想大部分人会出了考試成績才申請澳洲大學, 就会出現要等待情況。 據我所知如一心去澳洲, 可以一早 ...
我们是以居民身份申請，跟本地生大隊，無得早出uc, 其實我也不清楚申請情況，因全程由女自己－手包辦。
作者: ANChan59 時間: 18-4-8 19:51
poonseelai 發表於 18-4-8 17:55
明白, 我想大部分人会出了考試成績才申請澳洲大學, 就会出現要等待情況。 據我所知如一心去澳洲, 可以一早 ...
我們在日誌都討論過，因為入學的不確定性，有三大 offer 必定會攞咗先！
作者: 小時了了 時間: 18-4-8 20:52
【大陸人玩埋DSE】內地高考生吼住DSE 港補習社開班包入大學
https://www.edu-kingdom.com/foru ... amp;fromuid=1539350
"政府現時透過八所教資會資助大學每年提供15 000個第一年學士學位課程學額。該15 000個學額須全部用作錄取本地學生。"
根據新聞報導，自從 DSE 實行後每年大學退學超過1,000名，差不多～10％資助大學嘅學額。唉！之前係另一帖有網友提醒我德國大學易入難出難畢業，我從無諗過香港讀大學都會有差不多～10％退學的！
唉！相信我要繼續學習如何將阿女放手、放心!
作者: 小時了了 時間: 18-4-8 20:58
洋蔥頭媽咪 發表於 18-4-8 16:38
唔夠料又要硬上其實都幾可悲，上次就有位家長開 post 講佢個仔已經 28/29歲都仲未畢倒業，接近30歲都未正式工作，無了期都唔知要讀到幾時
將心比己,日後阿女如果係香港讀大學但讀咗幾年都畢唔到業, 咁我支唔支持佢繼續完成大學學位呢?
P.S.我從無想過呢條問題!
作者: Yanamami 時間: 18-4-8 21:06
本帖最後由 Yanamami 於 18-4-8 21:09 編輯
小時了了 發表於 18-4-8 20:58
將心比己,日後阿女如果係香港讀大學但讀咗幾年都畢唔到業, 咁我支唔支持佢繼續完成大學學位呢?
P.S.我從 ...
点解禁無信心？我从來唔会諗呢个情况！HK既大学应該难入易出，入到去就正常都畢到業吧~1000退学，未必全部係唔掂既，我女果科收25人，一個sem下来已走4個……(唔係讀唔掂喎~)禁1000人退学係咪都包埋呢类人呢？
作者: 小時了了 時間: 18-4-8 21:12
本帖最後由 小時了了 於 18-4-8 21:17 編輯
Yanamami 發表於 18-4-8 21:06
点解禁無信心？我从來唔会諗呢个情况！HK既大学应該难入易出，入到去就正常都畢到業吧~ ...
新聞片段中 https://www.facebook.com/icablenews/videos/802424433282960/ 嗰位年輕人係讀港大理學士第一個學期成績係 0.6, 睇到我個心真係離一離！
根據有線新聞報導，3成係轉校（正如妳大女咁）
作者: brother4 時間: 18-4-8 21:30 標題: 回覆樓主：
本帖最後由 brother4 於 18-4-8 21:31 編輯
剛看三色台Ｘ經的升學冇畺介，都講第一年轉大學都很普通！另又講其實大學畢業和工作不一定相同的！
作者: Yanamami 時間: 18-4-8 22:09
本帖最後由 Yanamami 於 18-4-8 22:11 編輯
唉！Main pt佢一开始咪講左囉，坐係度等人餵……实餓死啦！所以小学果边成日有帖问小－二功課班、補习班，我就苦口婆心勸人唔好，仲俾人話……忠言逆耳呀！其实呢d叫" 自然淘汰”，升中死－批，升大再死－批……
作者: 洋蔥頭媽咪 時間: 18-4-9 00:07
本帖最後由 洋蔥頭媽咪 於 18-4-9 00:09 編輯
小時了了 發表於 18-4-8 20:58
將心比己,日後阿女如果係香港讀大學但讀咗幾年都畢唔到業, 咁我支唔支持佢繼續完成大學學位呢?
P.S.我從 ...
你又唔駛過份擔心嘅。我都從未諗過呢個問題，乜原來唔合格可以無了期讀到畢業？我都感受到果位家長嘅無奈，該家長話佢個仔只做pt，畢業又無了期，兩老將接近退休，都唔知點算，陰公。
我都有同2個仔分享呢個case，好奇怪點解可以無了期畢業。食之無味，棄之可惜，不過去到咁我仔都話冇能力就冇謂勉強啦，我亦認同能力未達選擇行第二條路或許會更好。
作者: 洋蔥頭媽咪 時間: 18-4-9 00:11
Yanamami 發表於 18-4-8 22:09
唉！Main pt佢一开始咪講左囉，坐係度等人餵……实餓死啦！所以小学果边成日有帖问小－二功課班、補习班， ...
作者: retriever 時間: 18-4-9 08:48
本帖最後由 retriever 於 18-4-9 08:48 編輯
早年係三次, 後來兩次... 話公開試太多有壓力...
而家學位多位, 2 大變3大變5大變8 大...
點解話入大學愈來愈難?!
作者: retriever 時間: 18-4-9 08:50
Yanamami 發表於 18-4-8 11:31
我女入CU, 讀完1st sem都退学，不过唔係揀錯科、追求其他理想、讀唔掂……而係轉左去澳洲讀double degree. ...
是否方便透露轉左什麼學科?
作者: Yanamami 時間: 18-4-9 09:17
retriever 發表於 18-4-9 08:50
HUH? 轉左.
是否方便透露轉左什麼學科?
作者: retriever 時間: 18-4-9 09:48
Yanamami 發表於 18-4-9 09:17
轉校無轉科
作者: 黃巴士 時間: 18-4-9 10:05
茶水間：細佬原本讀緊大學 中途退學日日打機？
茶水間 茶水間2018年4月6日
香港大學生之多，簡直可以話係基本入場券，好多人都覺得大學本科畢業根本已經唔值錢；不過講還講，讀始終係要讀，否則就真係好傻豬喇。近日討論有人話自己細佬本身讀緊大學工程嘅Degree，Year 2之時話覺得自己完全無興趣讀呢科，於是決定Quit U，轉去演藝讀音樂表演。但讀咗一年，又話原來讀音樂唔係淨係玩音樂咁簡單，係要學埋樂理等知識。最後又係自己Quit，結果宜家日日喺屋企，失業失學，掛住打機終日。仲話個個師兄都同佢講，話讀大學無用，識人好過識字，個個搵工都只係講經驗。令呢位網民非常頭痛，唔知點樣勸服細佬去重新讀書。的確好多人都話讀書拎張沙紙無用，仲話Steve Jobs，Bill Gates都係中途Quit U；但你諗深一層，喺香港呢個社會生存，無讀Degree，向上流嘅機會係難好多架！
廣交人脈
的確講得啱，好多時做嘢都係講人際關係，但講大學正係你廣交將來人脈嘅重要一環，包括你嘅同學，更包括好多時去實習會認識嘅人，好大機會就直接變成你將來嘅老闆。
未有明確目標
無錯有好多成功人士係Quit咗U，但大前題係佢哋擁有一個明確目標，仲要好有信心自己嘅強項；何況，成功嘅就嚟嚟去去都係讀幾個，失敗嘅幾多千百個就從來無人知。
長遠發展
雖然好似有個Degree同無Degree搵嘅工作入息起步時差唔多，但人望高處，往後發展必定係會愈拉愈遠，例如升職，再進修等等，講真無論係選擇性同彈性都比較高。
#茶水間#column#office#featured
作者: Yanamami 時間: 18-4-9 10:17
其实以上quit既大学生，从來有無真真正正理解过佢申請既学科內容係学d乜、第日出路係乜？定係矇盛盛，阿媽叫揀乜就乜？又或者根本从來無研究过，总之睇餸食飯，夠分就求其入个水泡科(见以上例子多係工程科？)，話哂叫踩左入U先算？点知入到去讀唔掂(似乎佢地相同之处係無自学能力、無目標方向，又或者好似小六既band1/2边緣人夾硬入到band1校禁，根本係力有不逮)，又唔知想点，咪退学｡
作者: 小時了了 時間: 18-4-9 10:28
Yanamami 發表於 18-4-9 10:17
其实以上quit既大学生，从來有無真真正正理解过佢申請既学科內容係学d乜、第日出路係乜？定係矇盛盛，阿媽 ...
作者: 林金 時間: 18-4-9 13:01
poonseelai 發表於 18-4-8 14:11
咁咪佔用了有心在港讀大學D人個位，嘓半年可做其他有意義的事，事實亦無半年，得幾個月 ...
作者: ANChan59 時間: 18-4-9 13:09
本帖最後由 ANChan59 於 18-4-9 13:11 編輯
回覆 黃巴士 的帖子
仲話Steve Jobs，Bill Gates都係中途Quit U
*****
I faced the same problem 5 years ago. (Not quit, just consider studying in university is waste of time to learn knowledge that you can acquire through internet.)
My answer is due to qualification inflation globally, nowadays bachelor degree equivalent to previous higher school leaver only.
I don't mind. Do you have Start Up plan, business plan, funding, strategy and business connections ....... he took this answer and graduated last year.
作者: HM168 時間: 18-4-9 20:04
Yanamami 發表於 18-4-8 11:31
我女入CU, 讀完1st sem都退学，不过唔係揀錯科、追求其他理想、讀唔掂……而係轉左去澳洲讀double degree. ...
估不到你大女會咁選
作者: Yanamami 時間: 18-4-9 20:14
HM168 發表於 18-4-9 20:04
估不到你大女會咁選
作者: yovin 時間: 18-4-10 06:19
hkpapa852 發表於 18-4-8 15:31
可惜，香港工商界，就係有學歷歧視
父母揀女婿/媳婦，有不少也有學歷和職業歧視
本帖最後由 yovin 於 18-4-10 06:51 編輯
我覺得香港政府，大機構中高層有學歷歧視。
而我認識嘅工商界個班boss或高高層,佢哋除左仔女之外。第二重視嘅反而係一些<好叻>但無學位，命都可以唔要但忠心耿耿，收埋左嘅nobody。第三重視嘅係堪輿學家(風水師)。
真正工商界，最歧視嘅唔係無學位嗰班，而係怎說好呢……總之信我啦，我十幾歲起同佢哋班二代一齊玩大，D uncle auntie同二代唔會歧視一班無沙紙嘅人！
幸好，我媽媽都無歧視我老公。媽媽要我同佢一樣選個孝順、錫我、靚仔就得啦，可能因我爸爸都無沙纸(媽媽有)。媽媽细心到把原來放相架，我所有大學畢業嘅相都收埋，唔想我預料畢業嘅老公唔開心。
PS.昨天俾個大學生激死左，張人家2奶份文件送左去3奶度，要我 補鑊。整到我今日要搭飛機，係機場悶左2小時。慢慢係度睇EK！唉……
作者: 小時了了 時間: 18-4-10 08:22
本帖最後由 小時了了 於 18-4-10 08:23 編輯
yovin 發表於 18-4-10 06:19
本帖最後由 yovin 於 18-4-10 06:51 編輯
我覺得香港政府，大機構中高層有學歷歧視。
哈!哈! 悶悶地上來 EK 吹水好呀
作者: ANChan59 時間: 18-4-10 08:56
yovin 發表於 18-4-10 06:19
本帖最後由 yovin 於 18-4-10 06:51 編輯
我覺得香港政府，大機構中高層有學歷歧視。
學歷跟 common sense 可能是反比！
我想問的是你的觀察會否是因為家族企業，不是跨國公司，到一定規模，學歷有一定作用及目的！因為在家族企業，用人唯親比用人唯才更重要！
哈哈，問責官員是用人唯乜呢？考公務員一定看學歷吧！好難搵個ITB阿頭冇博士掛
作者: yovin 時間: 18-4-10 10:31
ANChan59 發表於 18-4-10 08:56
學歷跟 common sense 可能是反比！
我想問的是你的觀察會否是因為家族企業，不是跨國公司，到一定 ...
本帖最後由 yovin 於 18-4-10 13:57 編輯
請留意#36樓的第一句。
#36樓所說的是<我觀察>的香港情況。
香港主要⇒主導，都係家族企業，而且係中國人。
任你叻到會飛，超人都只會交俾個仔。 那麼他算跨國公司還是家族企業呢？
國際跨國企業，我未有深入接觸和研究……
叻人係要學歷去證明自己，但天才级叻人係需要的。過我認為真正叻人，首先係把握難得的機會，佢地即使放棄目前張沙纸，亦有信心隨時容易地讀得番。
尤其是香港，我自問讀書唔叻，都有兩張放櫃桶底。現計劃打算退後，再讀番碩士OR再讀多張學士去打發時間，實在好唔想再開會。
作者: yovin 時間: 18-4-10 10:42
yovin 發表於 18-4-10 10:31
本帖最後由 yovin 於 18-4-10 13:57 編輯
請留意#36樓的第一句。
本帖最後由 yovin 於 18-4-10 13:57 編輯
飛啦！祝我好運。
作者: ANChan59 時間: 18-4-10 10:44
yovin 發表於 18-4-10 10:31
請留意#36樓的第一句。
#36樓所說的是的香港情況。
本帖最後由 ANChan59 於 18-4-10 10:47 編輯
我只是請教，不用動氣！
我都說了有學歷，不一定有 common sense.。
不同工種，不同行業，都有不同需要！
小超人都是碩士，他的太傅輩及高管，不少都是有學歷的。
Sorry ，我不信風水的！
作者: brother4 時間: 18-4-10 10:51 標題: 回覆樓主:
風水與數學是密不可分
作者: brother4 時間: 18-4-10 10:58
小時了了 發表於 18-4-10 08:22
哈!哈! 悶悶地上來 EK 吹水好呀
I like
作者: Yanamami 時間: 18-4-10 12:16
沙紙如銀紙，唔係万能，但無左又似乎万万不能……
作者: yovin 時間: 18-4-10 21:38
ANChan59 發表於 18-4-10 10:44
本帖最後由 ANChan59 於 18-4-10 10:47 編輯
我只是請教，不用動氣！
本帖最後由 yovin 於 18-4-10 21:39 編輯
又要講唔好意思啦。sorry sorry 
其實我一啲都冇勞氣 , 回覆時好眼瞓就真.
唔知係咪因為口音輸入 , 我講嘢太快, 容易令人誤會, 上次 讀書人爸爸又係咁話我 ， 今次博士又係咁話我。 我真係要好好檢討一下！
以後加番D emoji 先！
作者: yovin 時間: 18-4-10 21:41
ANChan59 發表於 18-4-10 10:44
本帖最後由 ANChan59 於 18-4-10 10:47 編輯
我只是請教，不用動氣！
可能就係因為 部分外國人唔信風水， 所以拉大隊走人⇒我估。
作者: ChiChiPaPa 時間: 18-4-10 22:39
brother4 發表於 18-4-10 10:51
風水與數學是密不可分
中大EMBA都有科叫`易經´，學當中的`時´，`位´，`勢´。
作者: ANChan59 時間: 18-4-11 08:38
yovin 發表於 18-4-10 21:41
可能就係因為 部分外國人唔信風水， 所以拉大隊走人⇒我估。
不是全部因為風水，中國人跟外國人的管理手法不同，重點不同，有磨擦導致分手好正常！
作者: brother4 時間: 18-4-11 10:05
ChiChiPaPa 發表於 18-4-10 22:39
中大EMBA都有科叫`易經´，學當中的`時´，`位´，`勢´。
易經在股票Ｘ大師也講，五行等
作者: ChiChiPaPa 時間: 18-4-11 20:06
brother4 發表於 18-4-11 10:05
易經在股票Ｘ大師也講，五行等
沈大師都係中大工商管理畢業。
作者: ANChan59 時間: 18-4-11 20:33
ChiChiPaPa 發表於 18-4-11 20:06
沈大師都係中大工商管理畢業。
佢都幾騎呢！
作者: ANChan59 時間: 18-4-11 20:36
yovin 發表於 18-4-10 21:38
本帖最後由 yovin 於 18-4-10 21:39 編輯
又要講唔好意思啦。sorry sorry
我都奇怪，我都好客氣請教，沒有理由讓你動氣！
就算我另外有看法，所以我都會問清楚，再作討論。
我PM了你，你会明白我为什麼這樣問你。
作者: jumphigh 時間: 18-4-11 20:49
提示: 作者被禁止或刪除 內容自動屏蔽
作者: HaYi 時間: 18-4-13 09:12
小時了了 發表於 18-4-8 08:52
呢排自己嘗試叫鍾意中文及中史嘅小女幾年後考慮吓高中選科時選一科BIO去試考大學職業治療，幾搵錢有穩定嘅 ...
我地以前讀書是比較為出來找工而讀, 好似我自己從細在視藝方面好有興趣同好成績, 不過中學大學選科已知只可當興趣, 只選一些一畢業就易搵工野. 藝術的就平時工餘才學下.
見而家小朋友冇負擔可以去隨心所欲試自己的興趣, 甚至入了大學都中途退, 未嘗不幸福. 但如果俾我個, 我希望佢仍是先取個basic U cert, 顧定獨立生活才追求興趣.
作者: 小時了了 時間: 18-4-13 09:57
本帖最後由 小時了了 於 18-4-13 10:41 編輯
HaYi 發表於 18-4-13 09:12
上次在別貼見你說想阿女讀職業治療, 我都覺得好驚訝. 我知TP/OP都好熱門又好難入, 不過估唔到你會好似要 ...
唉! 點講呢? 為人父母心底內心深處當然都希望自己仔女日後可以搵到餐飯食, 唔洗父母擔心搵唔到工, 搵唔到食. 係嗰個帖度新聞講東華學院 DSE 廿幾分(e.g.~25分) 就可以讀職業治療 (PolyU 要30分以上), 讀完後同PolyU 畢業生一樣可以成為註冊職業治療師. 東華學院嗰度文科夠高分都有機會去考吓, https://www.twc.edu.hk/en/Programmes/bsot/admission_requirement#main-content, 職業治療師有好收入, 又專業, 又有前途嘛. 但後來係網上睇到舊新聞大學退學情況自從 DSE 以來大幅提升, 係有線新聞嘅 video 中嘅前大學生講佢選錯科. 咁我依家無再發白日夢叫阿女考慮吓職業治療師
如無突變, 阿女都真係文科料子, S1 已過了兩個學期, 阿女中文, 尤其是中史吸收及興趣特別好, Phy 唔合格無興趣, Bio 僅僅合格都係無興趣. 中大中文系最少要有 DSE 26 分以上才考得入, 之前我諗如果有 26分阿女可以試考東華職業治療嘛, 呢個只係我一廂情願吧! 阿女大了, 有佢意見及願意, 要佢肯先啦!
今晚北京大学香港招生宣讲会: http://www.gotopku.cn/index/detail/1009.html, 我呢幾日不斷游說阿女今晚一齊去聽, 因為北大香港學生如果經自主招生去考, 北大只係睇考生中學校內成績及面試, 如果北大到時取錄, 連 DSE 都唔洗考的, 呢個途徑阿女機會是有的. 但如要經免試招生去北大, DSE 又要最少 30分才有機會考入, 難好多呢. 去北大, 讀中文, 考古之類, 比起職業治療師好似無咁好保障嘛. 但係都係嗰句,阿女大了, 有佢意見及願意, 要佢肯先啦! 佢今晚好唔想去聽, 佢想返屋企煲劇.
作者: Yanamami 時間: 18-4-13 10:34
本帖最後由 Yanamami 於 18-4-13 10:34 編輯
小時了了 發表於 18-4-13 09:57
唉! 點講呢? 為人父母心底內心深處當然都希望自己仔女日後可以搵到餐飯食, 唔洗父母擔心搵唔到工, 搵唔到 ...
好彩你講“－廂情願”……諗禁多做乜吖~仔女大左唔係你想点就点，順其自然啦~~中國人思想係長憂99,外国人係佢既生命佢做主，食粥食飯睇佢做化~
作者: akys 時間: 18-4-13 10:50
jumphigh 發表於 18-4-11 20:49
30年前預科畢業比現在的大學畢業叻好多
作者: akys 時間: 18-4-13 10:56
akys 發表於 18-4-13 10:50
80年代16萬人考hkce , 萬幾人考hkal, 收2-3千人，%分別大約10%和20%, 入U率少於2%。而家5萬人考，萬幾入8大 ...
作者: Yanamami 時間: 18-4-13 11:12
akys 發表於 18-4-13 10:50
80年代16萬人考hkce , 萬幾人考hkal, 收2-3千人，%分別大約10%和20%, 入U率少於2%。而家5萬人考，萬幾入8大 ...
作者: akys 時間: 18-4-13 11:44
Yanamami 發表於 18-4-13 11:12
當年叫精英制而家叫普及制
作者: ANChan59 時間: 18-4-14 09:50
akys 發表於 18-4-13 10:50
80年代16萬人考hkce , 萬幾人考hkal, 收2-3千人，%分別大約10%和20%, 入U率少於2%。而家5萬人考，萬幾入8大 ...
我當時是七十年代尾，十二萬人考會考，四、五萬人考高級程度會考。2%入兩間大學，2%入理工學院。
作者: akys 時間: 18-4-14 10:58
ANChan59 發表於 18-4-14 09:50
我當時是七十年代尾，十二萬人考會考，四、五萬人考高級程度會考。2%入兩間大學，2%入理工學院。
作者: ANChan59 時間: 18-4-14 11:07
akys 發表於 18-4-14 10:58
睇返政府統計，AL 考生由80年萬二人加到末代4萬人，估70年代尾冇咁多人考。 ...
我剛才上考評局網站看了，因為當年自修生有日校生一半的數目，還有我當時有AL及HL，你記得嗎？AL港大，AL/HL中大。
作者: Yanamami 時間: 18-4-14 11:16
ANChan59 發表於 18-4-14 11:07
我剛才上考評局網站看了，因為當年自修生有日校生一半的數目，還有我當時有AL及HL，你記得嗎？AL港大，AL/ ...
作者: akys 時間: 18-4-14 11:20
ANChan59 發表於 18-4-14 11:07
我剛才上考評局網站看了，因為當年自修生有日校生一半的數目，還有我當時有AL及HL，你記得嗎？AL港大，AL/ ...
作者: ANChan59 時間: 18-4-14 11:27
akys 發表於 18-4-14 11:20
記得，我學校2班A L，一班H L，唔知其他學校都係一樣。
我看考評局的1978年報告，日校三萬多考生，自修生一萬多些，所以我說四五萬人。亦可能是人次，有機會有學生不同年級考兩個試。
理性討論多好，道理越辯越明！
作者: ChiChiPaPa 時間: 18-4-14 12:07
小時了了 發表於 18-4-13 09:57
唉! 點講呢? 為人父母心底內心深處當然都希望自己仔女日後可以搵到餐飯食, 唔洗父母擔心搵唔到工, 搵唔到 ...
在香港，退學好多係因為有更好路數，而不是讀不掂，例如轉去外國讀，轉其他大學更好的學科，或自行創業。應該好難搵到例子係真正讀唔掂。
作者: ANChan59 時間: 18-4-14 12:44
ChiChiPaPa 發表於 18-4-14 12:07
在香港，退學好多係因為有更好路數，而不是讀不掂，例如轉去外國讀，轉其他大學更好的學科，或自行創業。 ...
我識那些去外國讀書者，多數是香港讀唔掂(但唔會同外人講)，或是嫌那科出路窄或者非心儀！
你聽到的，可能就是我上面所講，唔想講太多人知。
作者: ChiChiPaPa 時間: 18-4-14 12:51
ANChan59 發表於 18-4-14 12:44
我識那些去外國讀書者，多數是香港讀唔掂(但唔會同外人講)，或是嫌那科出路窄或者非心儀！
你聽到的，可 ...
即係有更好路數，只係睇你點睇。Effort & Return， Explore or Recite都係考慮因素。
作者: 小時了了 時間: 18-4-14 13:26
本帖最後由 小時了了 於 18-4-14 13:27 編輯
ANChan59 發表於 18-4-14 12:44
我識那些去外國讀書者，多數是香港讀唔掂(但唔會同外人講)，或是嫌那科出路窄或者非心儀！
你聽到的，可 ...
陳Sir, 可以講多啲你識嘅 "讀唔掂(但唔會同人講)個案嗎？揀錯科?只係老豆阿媽想仔女讀嘅科而仔女根本唔想讀?DSE 夠分數求期有大學收唔理咩野科唔理自己有無興趣及能力就去讀?…
作者: ANChan59 時間: 18-4-14 13:40
小時了了 發表於 18-4-14 13:26
陳Sir, 可以講多啲你識嘅 "讀唔掂(但唔會同人講)個案嗎？揀錯科?只係老豆阿媽想仔女讀嘅科而仔女根本唔想 ...
陳Sir, 可以講多啲你識嘅 "讀唔掂(但唔會同人講)個案嗎？揀錯科?
係，例如掹車邊入科大BBA，數底唔好，點讀微積分，這科肥兩次要起身退學。
只係老豆阿媽想仔女讀嘅科而仔女根本唔想讀?
都有，又覺得自己大過了，有少少遲來的反叛，就肥俾你們睇，等你冇得迫，這類最傷家庭感情。
DSE 夠分數求期有大學收唔理咩野科唔自己有無興趣及能力就去讀?…
上面講咗。這類最多，留在香港因為男女朋友，或者一些圈子的朋友，有些是懂性，為父母慳錢，夾硬讀。不少父母有經濟能力，多數送出去補飞，俾多些時間及金錢，慢慢開竅，都會有好結果，家人關係更緊密。
作者: ANChan59 時間: 18-4-14 13:47
ChiChiPaPa 發表於 18-4-14 12:51
即係有更好路數，只係睇你點睇。Effort & Return， Explore or Recite都係考慮因素。
...
本帖最後由 ANChan59 於 18-4-14 13:47 編輯
上靣覆了「小時了了」！
作者: ChiChiPaPa 時間: 18-4-14 14:02
ANChan59 發表於 18-4-14 13:40
陳Sir, 可以講多啲你識嘅 "讀唔掂(但唔會同人講)個案嗎？揀錯科?
係，例如掹車邊入科大BBA，數底唔好，點 ...
其實，上到大學，pre-assign的科目很少，有些還可以drop。只要不介意GPA，係有好大的自由度在選科系統選擇自己有興趣的科目，包括其他 Faculty的學科。
作者: ANChan59 時間: 18-4-14 14:30
ChiChiPaPa 發表於 18-4-14 14:02
其實，上到大學，pre-assign的科目很少，有些還可以drop。只要不介意GPA，係有好大的自由度在選科系統選擇 ...
可能是心態上的問題，而非單純的能力問題！
作者: 1998Ruby1998 時間: 18-4-14 15:58
回覆 ChiChiPaPa 的帖子
有好多其實係讀唔掂，但係屋企有壓力唔可以冇大學畢業，加上香港大學學位好少，所以有唔少高分但係其實樣樣冇興趣嘅人入讀。有 d 就係因為陪男女朋友，有 d 係父母迫讀某一科，所以好多讀讀下都唔讀，hea GPA 過關就算。我識幾個其實唔鍾意文科不過分數唔夠高讀理科商科，所以「格硬」讀文科。
不過要講的話，大學嘅學習風氣可能唔夠好，同埋有好多 group project 去「累街坊」。我有唔少朋友已經話四人一組，有兩個潛水，臨交 project 先話「記得寫埋我個名」。我同學一氣之下冇加佢地名，結果投訴到去 professor 到，我同學就因為「不善與組員溝通／分配工作」而被扣分。我係英國都冇遇過潛水員，導師一開始就重複幾次，如果遇到潛水／半退學，可即刻通知避免無辜扣分。果 d 鍾意 hea、玩嘅英國人，只要你叫佢 meeting 就一定會黎＋做好自己果份，從冇放飛機。meeting 期間冇人會玩手機、遲到早退，大家都係認真做野。我個 HKU 交流生朋友黎到竟然覺得神奇，問我點解上堂冇人遲到早退，個個都咁認真學習。
作者: ChiChiPaPa 時間: 18-4-14 16:33
1998Ruby1998 發表於 18-4-14 15:58
回覆 ChiChiPaPa 的帖子
有好多其實係讀唔掂，但係屋企有壓力唔可以冇大學畢業，加上香港大學學位好少，所 ...
同樣的事情，不同人有不同的體會。我個囡同我講，大學的競爭的情況和我的年代不同。要一起做project的同學每科都不同，來自不同學系和背景，有外籍，國內，台灣，國際學校，名校，以及普通地區學校的菁英，他們各有特長和不足之處。在這環境下，你沒可能要求自己是當中最優秀的學生，沒可能樣樣都比他們強。事實上，無論係大學學科或case comp，都是講求團隊，而非個人的比拼。這些經驗對比網絡年代上網可輕易取得的學科知識更是寶貴。
作者: October. 時間: 18-4-14 22:37
本帖最後由 October. 於 18-4-14 22:38 編輯
ChiChiPaPa 發表於 18-4-14 14:02
其實，上到大學，pre-assign的科目很少，有些還可以drop。只要不介意GPA，係有好大的自由度在選科系統選擇 ...
揀d可以砌靚GPA既科讀，好多學生會咁做。
作者: ChiChiPaPa 時間: 18-4-14 23:21
October. 發表於 18-4-14 22:37
揀d可以砌靚GPA既科讀，好多學生會咁做。
要充分利用大學的選科自由，就不單要放棄選高Grade而低價值的科目，還要不怕選workload重的科目。也要敢選高年級的學科或其他學系的Major Subject，不怕面對高年班的同學或其他專科的同學時，在拉curve的情況下，不能取得高分的壓力。
作者: Yanamami 時間: 18-4-15 08:08
小時了了 發表於 18-4-14 13:26
陳Sir, 可以講多啲你識嘅 "讀唔掂(但唔會同人講)個案嗎？揀錯科?只係老豆阿媽想仔女讀嘅科而仔女根本唔想 ...
真係要有学历答先有份量，所以你話沙紙係咪好重要呢？
作者: Yanamami 時間: 18-4-15 08:09
本帖最後由 Yanamami 於 18-4-15 08:10 編輯
ChiChiPaPa 發表於 18-4-14 23:21
要充分利用大學的選科自由，就不單要放棄選高Grade而低價值的科目，還要不怕選workload重的科目。也要敢選 ...
同意……不过本地学生思維好少係禁~好可惜……
作者: ANChan59 時間: 18-4-15 09:27
Yanamami 發表於 18-4-15 08:08
陳Sir答案，咪係我係30楼答既一样~我講又唔信真係要有学历答先有份量，所以你話沙紙係咪好重要呢 ...
靚媽唔好勞氣，俾番版權稅給妳！
我的答法有些補充在對家庭關係的影響，所以不是完全抄襲，我剛剛看到#30 ，妳的涵蓋範圍比我更廣，我只是講講自己所見到那些！
我識絕大多數小朋友都讀得好好，我們都未統計 workshop 出嚟的升學結果添！
作者: Yanamami 時間: 18-4-15 09:41
ANChan59 發表於 18-4-15 09:27
靚媽唔好勞氣，俾番版權稅給妳！
我的答法有些補充在對家庭關係的影響，所以不是完全抄襲，我剛剛看到#30 ...
作者: 小時了了 時間: 18-4-19 22:41
理大眼科視光學成神科 畢業生平均月薪人工逾3.3萬元: https://topick.hket.com/article/2052875/?r=mcsdfb
大學生首份工作人工有幾多？理大公布2017年畢業生就業問卷調查，出產護士、物理治療師等專業人士的醫療及社會科學院畢業生，掘金能力繼續拋離理大其他學院，每月平均人工29,035元，較去年升5.2%。而理大眾多課程中以視光學最有錢途，畢業生平均人工33,183元。
根據調查，理大去年共有4,671名畢業生，有3,984人回覆問卷調查，當中8成、即3,300多名畢業生有全職工作。這批全職工作的畢業生平均月薪為19,041元，比2016年的18,047元，升5.5%。
香港醫護行業嚴重缺人，具有專業資格的醫療及社會科學院畢業生相當搶手，平均起薪點高達29,035元，大幅拋離大市，畢業生人工最高的學科通通出自醫療相關學院。
下列為2017年理大畢業生人工最高5大學科：
排名 學科 畢業生人數 平均月薪（元）
1 眼科視光學 26 $33,183
2 放射學 81 $31,949
3 護理學 179 $31,556
4 精神健康護理學 60 $31,428
5 物理治療學 82 $29,786
至於人工稍低一群，以學院來劃分，設計學院、應用科學及紡織學院畢業生平均月薪最低，分別是14,455元和14,787元。不過，畢業生起薪點最低學科主要來自人文學院和酒店及旅遊業管理學院。
下列為2017年理大畢業生人工最低5大學科：
排名 學科 畢業生人數 平均月薪（元）
1 雙語跨學科中國硏究 12 $13,255
2 會展及盛事管理 34 $13,581
3 專業英文 33 $13,796
4 食品科技與食物安全 36 $13,884
5 旅遊業管理 55 $14,215
但有學系畢業生的起薪點不升反跌，畢業生起薪點升幅及減幅最高的學系均來自人文學院。理大中文及雙語學系畢業生起薪點升幅最高近1成8，由前年的13,299元，提高至去年的15,666元。而英文學系2016年畢業生平均月薪為16,559元，去年畢業者跌至13,796元，大跌近1成7。
作者: ^曾小姐^ 時間: 18-4-20 08:58
小時了了 發表於 18-4-19 22:41
理大眼科視光學成神科 畢業生平均月薪人工逾3.3萬元: https://topick.hket.com/article/2052875/?r=mcsdfb ...
而家好多夠分入3大都唔夠分入理大果5寶，都唔明點解d家長淨係睇間中學有幾多人入3大
作者: 小時了了 時間: 18-4-20 09:34
本帖最後由 小時了了 於 18-4-20 09:37 編輯
^曾小姐^ 發表於 18-4-20 08:58
而家好多夠分入3大都唔夠分入理大果5寶，都唔明點解d家長淨係睇間中學有幾多人入3大 ...
嗚!嗚! 阿女今年中一佢文科料, 我自己成日同佢講高中選科及大學選學系睇自己興趣, 自己去追求夢想. 事實係殘酷及血淋淋, 現實就係理大畢業生起薪點最低學科主要來自人文學院....興趣, 理想及夢想.......
阿女人生阿女自己行, 如要擔心, 又要擔心阿女 高中選科, 大學選系, 出來工作搵唔搵到食,老公對佢好唔好..... 唉! 算吧!我都唔可以擔憂阿女將來咁多, 交扥上主最穩妥
作者: hugub 時間: 18-4-20 12:52
呢科有錢途, 我契仔就係呢1/26.... 毎月$38000+佣金
作者: artroboy 時間: 18-4-20 14:04
本帖最後由 artroboy 於 18-4-20 14:27 編輯
小時了了 發表於 18-4-8 08:52
呢排自己嘗試叫鍾意中文及中史嘅小女幾年後考慮吓高中選科時選一科BIO去試考大學職業治療，幾搵錢有穩定嘅 ...
中史作專科？少讀為妙，讀完怕且會精神分裂。如果當一種閲讀嗜好還是不錯的。
新鮮出爐:
今日 10:33 時事脈搏
楊潤雄:明年中史書中港關係措詞不當須修改
放大圖片
早前有報道引述教育局一份教科書的評審報告，有準備明年出版的高中歷史教科書，當中多個描述香港與中國關係的字眼，因為「措詞不恰當」等問題，被教育局課本評審小組要求修改。
教育局局長楊潤雄在立法會財委會特別會議上表示，「香港位於中國南方」語句，可以解釋為香港位於中國境外的南方，或者香港位於中國境內的南方，語句有不清晰的地方，所以要求出版社修改。
對於「中國堅持收回香港主權」，楊潤雄回應，中國一直擁有香港主權，所以不涉及收回或不收回。
楊潤雄又指，課本評審小組名單在評審程序中需要保密，同時小組亦不會知道評審的稿本屬哪間出版社，以避免出現利益衝突或不公平的情況。
作者: artroboy 時間: 18-4-20 14:05
hugub 發表於 18-4-20 12:52
呢科有錢途, 我契仔就係呢1/26.... 毎月$38000+佣金
作者: artroboy 時間: 18-4-20 14:29
artroboy 發表於 18-4-20 14:04
中史作專科？少讀為妙，讀完怕且會精神分裂。如果當一種閲讀嗜好還是不錯的。
2018年04月19日 04:11 (其他)
6
525
《信報》金針集：對於歷史，法國皇帝拿破崙晚年被流放時是這樣理解的：「What is history, but a fable agreed upon? 」認真讀歷史的人其實心裏有底，知道歷史常常就如一杯雞尾酒，混雜了真相、神話、舊時代遺留下來的政治宣傳，以至各種有意無意的美化和遺漏。因此，史學家每每告誡，治史首要分清楚事實和觀點，然後一如科學，基於新證據新發現，容許討論、異議和修正。
近日傳媒報道，有出版社拿新編的中史教科書給當局評審，結果一堆從前過關無礙的描述，忽然被評為「措詞不恰當」，必須修改。這些詞句包括「香港位於中國南方」、「中國收回香港」、「香港主權移交中國內地」和「中國堅持收回香港主權」等。其餘「中共一黨專政」的描述被評為「用字不當、概念不清」。「中共建國，大量內地人移居香港」則獲「沒有直接因果關係」的評語。
從一個喝香港教育奶水長大的成年人角度出發，上述幾句在書本、新聞loop了幾十年，忽然要改錯歸正，要麼有新歷史大發現，要麼「有陰謀」。網絡上陰謀論家特別多，「洗腦」、「擦鞋」的例牌指斥少不了。弊在這份評審文件是保密的，評審小組成員身份也不公開，報告除了這幾句評語以外沒有其他提示。記者去問資深中史科教師，各人只能估估下，不敢鐵口直斷說教科書「錯」了什麼。
作者: yovin 時間: 18-4-22 09:17
Yanamami 發表於 18-4-15 08:08
陳Sir答案，咪係我係30楼答既一样~我講又唔信真係要有学历答先有份量，所以你話沙紙係咪好重要呢 ...
LOL
陳sir嗰張不是沙紙了！
作者: yovin 時間: 18-4-22 09:42
artroboy 發表於 18-4-20 14:05
還可以開舖。一副眼鏡本金加利潤已經可以賺到笑。
係，同意……即使月入$38000 or x2 x3⇒香港仍然係工字出頭。
所以我#4樓講，有商機就要先把握<難得>機會，沙纸唔係唔重要，吃了頭啖湯先，找到銀纸，遲D去讀番。 
重點⇒遲D要讀番 or 買番 張沙纸放櫃低再張銀纸踏上面，到時侯洗來洗去都係面頭幾張。腹有詩書氣自華、袋有銀纸聲自響。 
PS: 嫖賭飲蕩吹不能沾。
作者: 小時了了 時間: 19-2-16 09:35
本帖最後由 小時了了 於 19-2-16 09:40 編輯
8大退學人數15年增逾倍http://paper.wenweipo.com/2019/02/14/ED1902140003.htm
香港文匯報訊（記者 詹漢基）升學被視為香港學生主要壓力來源，不少莘莘學子為擠進大學不惜「爭崩頭」以覓得一席之地。不過，8大資助學士課程終止學業人數近年突「拾級而上」，2017/2018學年更見新高，達1,300人，與2003/2004學年的636人相比，15年間更激增逾一倍。
有教育界人士表示，貿然棄學是浪費了學位以及納稅人的金錢，教資會及各大學必須認真看待棄學成風的現象。
教資會資料顯示，2017/2018學年8大共有1,300名學士學生終止學業，較2016/2017學年的1,242人增加4.7%，是連續第五年上升，見歷史最高。8大中，上學年以中文大學的棄讀人數最多，達255人，其次為理工大學及香港大學，分別達250人及222人（見表）。
香港於2012/2013學年落實大學四年制，在學生總人數上升下，該年開始大學終止學業人數明顯增加。但撇除有關因素後，大學終止學業率亦有明顯上升趨勢，2003/2004學年有636名學生終止學業佔總數1.3%，而上學年終止學業人數倍增至1,300名，比率也升至1.5%。
多所大學回應時指，只籠統提到終止學業的原因各異，未有解釋上升趨勢。中大指，終止學業學生多為自行退學，最常見的是轉讀本地或海外其他院校，而由於學生有不同的升學選擇及考慮，每年數字或有所變化。
理大則指，學生終止學業原因主要是個人考慮，如學業成績、學科的選擇及其他發展方向。港大則回應稱，大部分退學的同學都沒有提供原因，若有表示去向的學生，多數是到海外繼續升學。
胡少偉料不適應大學生活
教聯會副主席胡少偉認為，在公共財政角度來說，學生貿然退學對學位資源構成浪費，教資會及各大學有需要認真審視分析。
本身為大學教師的他指，據自己前線觀察，不少學生退學緣於不適應大學生活，因大學學習風氣較自由，「有時候兩個月都不用交一次作業」，對習慣高中考試模式的同學來說特別需要學好管理時間。
胡少偉又提到，大學注重學術誠信，嚴打抄襲，個別學生如未能拿捏好準則，也有可能難以適應。
他認為，大學應加強心理輔導工作，主動了解學生在校園適應、甚至是其他方面的困難，並提供相關服務。同時，中學也需要做好生涯規劃，讓中學生有個清晰的概念，對升學有具體了解和合理期望。
現於英國修讀博士課程的港生Geoff亦曾是其中一名「棄讀生」，他於2013年獲港大取錄，但在開學兩個月後退學改往英國升學，主要因為當時認為香港於創科方面的投入及配套不充足，「校方亦不敢讓本科生去『玩』儀器」。
對於大學退學人數持續上升，他估計這或與香港「考試為本」制度相關，社會過於吹捧醫生、律師等「神科」，令許多人產生誤解，若考不上「神科」就否定了人的價值，加上社會有「浸過鹹水比較叻」的說法，故有人會為另覓出路而選擇退學。
作者: TwinWong 時間: 19-2-18 15:50
Yanamami 發表於 18-4-8 11:31
我女入CU, 讀完1st sem都退学，不过唔係揀錯科、追求其他理想、讀唔掂……而係轉左去澳洲讀double degree. ...
有朋友更舉家移民去了,
我都好鐘意當地氣候, 不錯
作者: TwinWong 時間: 19-2-18 16:00
洋蔥頭媽咪 發表於 18-4-8 12:32
家長愛子女深切為人之常情，但小朋友開始長大，有自己思想同想行嘅路，作為家長我們只可以提供意見，在背後 ...
我女當年都係為興趣而放棄咗個位,
佢一開始放棄, 等waiting list 的人可以馬上補上唔好晒
然后去尋自己的夢, 畢業后再发展第二个夢,
依家可以雙向發展
| 歡迎光臨 教育王國 (/) |
Powered by Discuz! X1.5 |
