教育王國

標題: 囝囝22個月大懷疑有自閉傾向, 求意見 [打印本頁]

作者: ununhead 時間: 18-4-3 13:50 標題: 囝囝22個月大懷疑有自閉傾向, 求意見

本帖最後由 ununhead 於 18-4-3 14:47 編輯

囝囝22個月大, 到依家只識叫媽媽爸爸, 好多時都要利誘才肯講, 識唔夠10個單字同講BB話, 18個月大果陣係0單字, 去到健康院見醫生, 同醫生表示擔心佢有自閉傾向, 但醫生做左啲簡單TASK之後認為囝囝不是自閉, 只係語言發展遲緩安排CAC排期做評估, 雖然健康院醫生係咁講, 但我始終覺得健康院醫生唔同CAC果邊啲醫生專業, 近排囝囝多左自我stimulate行為, 鐘意自轉2-3個圈會停, 興奮/嬲/發脾气果陣會fing頭, fing手, 我唔知正常小朋友會唔會咁, 我係咪應該去私家度做評估先?因為屋企收入唔多, 唔想浪費左金錢.

囝囝情況:
認知我覺得OK, 係書本叫佢20-30樣日常見到既東西佢都識指出黎
識指5官
識指1種COLOR
唔肯俾陌生人抱
叫佢同陌生人BYEBYE 飛吻佢都會做
有時會撩陌生人同人笑
指令方面都聽得明7-8成聽音樂會UN下UN下
未識同其他小朋友有交流, 去到公園唔抗拒坐其他小朋友隔離
試過短時間用腳尖行, 但近一個月無再出現
EYE CONTACT 一般
去PG坐唔定, 專注力比其他小朋友低
脾气大係街鐘意望會轉既東西, 例如車輪, 風扇, (見倒會指住)
鐘意玩門, 鐘意開櫃桶（玩1-2分鐘，　唔知算唔算沉迷重覆動作）
無排車, 會玩幾下車輪, 簡唔中會轉玩具
係街手指指, 指不停, 要我講佢手指指既物件名稱 (唔知算唔算固執)

唔知呢度有冇啲差唔多情況既媽媽可以一齊交流下

作者: MissPuffs 時間: 18-4-3 16:22 標題: 回覆樓主

真係要診斷左先能夠知道做咩治療

作者: 曉如1312 時間: 18-4-4 16:50

ununhead 發表於 18-4-3 13:50
囝囝22個月大, 到依家只識叫媽媽爸爸, 好多時都要利誘才肯講, 識唔夠10個單字同講BB話, 18個月大果陣係0單 ...

你小朋友有冇唔應人？叫佢名應唔你？我小朋友上月先確診自閉，我初初以為只係言語遲緩，但評估完係自閉加上發展遲緩，相反我女固執行為就唔多

作者: ununhead 時間: 18-4-4 20:11

曉如1312 發表於 18-4-4 16:50
你小朋友有冇唔應人？叫佢名應唔你？我小朋友上月先確診自閉，我初初以為只係言語遲緩，但評估完係自閉加 ...

叫佢名10次8次都會俾反應如果佢專心做緊野或玩緊就要叫多2聲
叫佢同陌生人say hi都肯做

作者: bearmrsyee 時間: 18-4-6 03:15

放心啦
不似自閉

作者: hungry_mama 時間: 18-4-9 11:43

我小朋友之前都有差唔多情況，不過就有發展遲緩冇自閉，上緊密集訓練班，都進步唔少。我覺得你可以做左評估先，知道真實情况先再做訓練好啲

作者: Min0 時間: 18-5-10 18:47

hungry_mama 發表於 18-4-9 11:43
我小朋友之前都有差唔多情況，不過就有發展遲緩冇自閉，上緊密集訓練班，都進步唔少。我覺得你可以做左評估 ...

可以分享下小朋友係邊上密集嘛？

作者: idak 時間: 18-5-18 12:17 標題: 回覆樓主:

真係唔似自閉，言語就遲咗好多。你可臨瞓前講吓故事，平時形容吓佢做的動作，按吓佢咀四周，可以比d硬d食物佢自己咬。

作者: meishe 時間: 18-5-21 15:45

似自閉，可找教我兒子的教師查詢。

歡迎光臨教育王國 (/)