教育王國

標題: 培僑小六後升中問題 [打印本頁]

作者: cssmandy 時間: 18-4-2 22:22 標題: 培僑小六後升中問題

請問，如果讀到小六，之後出去升主流band1中學會唔會好辛苦好難適應？朋友話培僑活動教學同"太happy"，出去傳統中學會搞唔掂！
當然入得就希望讀12年，但都希望有多條出路！
希望有家長能解答到

thx！

作者: assado 時間: 18-4-20 05:00 標題: 回覆樓主:

又想一讀12年, 但又想多條出路, 都有點矛盾!
如果是甘考慮, 不如吾好選龍校, 選直/私小, 如APS, SFA .... 出路一定比在PKC好。

作者: JadeW 時間: 18-4-24 16:07

cssmandy 發表於 18-4-2 22:22
請問，如果讀到小六，之後出去升主流band1中學會唔會好辛苦好難適應？朋友話培僑活動教學同"太happy"，出去 ...

小學跟傳統學校的風氣相差都大，中學就跟返近似些。就算原校升中，升中點都要適應！出去也是較艱難去適應，因多方面的轉變-同學、環境、模式等！家長預左轉出去會辛苦些，但想法是賺左個「愉快」小學啦！

考得前半班、再加有點特異功能，可以考返名津名校或其他一般直私，每年都有成功案例。而普通學生考一般地區官津感覺是難，因冇呈分自行是難，又不會玩大抽獎咁博，但叩門面試相信是有點優勢，但睇競爭對手，亦要比較學術水平同有冇特異功能。

而考完讀吾讀得上又是另一情況，睇本身小孩素質、家長支援實力！有人讀讀下又轉返黎，又或出國升學，但有人又讀得好開心及好成功！睇乜學校乜學生乜家長，冇好多實際證據說明讀到或讀吾到。

只可講係度讀同傳統學校一樣需要付出，家長的心態/積極支援的實力是取決孩子成績及品行的重要因素！小學的愉快學習都要加適當配合支援（學術及品德）才會有好的成績！

歡迎光臨教育王國 (/)