教育王國
標題: 高效能家長 [打印本頁]
作者: Doray 時間: 18-3-22 11:30 標題: 高效能家長
本帖最後由 Doray 於 18-3-22 11:31 編輯
苗延琼醫生 - 高效能家長
有一天，和黃天祥工程師夫婦吃飯，他們對青少年工作都很有承擔。閒聊間黃先生感歎道：「現在很多青少年的問題，是因為家長實在太叻了！」我細味這句話，感到很有意思。
我於上世紀六十年代出生成長在一個草根家庭，因為爸爸賺錢不多，所以自幼媽媽要外出工作補貼家用。記得年少時，媽媽整天埋怨爸爸的種種不是，還時不時威脅要拋棄家庭。年紀小小的我，為了令媽媽好過一點（怕她真的會離家出走），我會主動幫手照顧弟弟，做完功課就穿膠花做家務。原來真是難得少年窮，有憂患意識的我，自小就比較生性。
到了大學唸書時，我搬了出去跟幾個同學一起住。因為父母學識不高，他們看來是「功能不足」的父母，但卻因此造就了我的自主和獨立。唸醫學系是我的選擇，人的志氣和韌力就是這樣練成的。
其實不管唸書或是工作，我都不時碰到釘子，但我知道找父母傾訴也沒有用，就嘗試找一些年紀比我大的朋友談，也嘗試找適合的書來看，就是這樣，跌跌撞撞，人就長大了。
今時今日的父母，往往都很「高效能」，孩子很小就為他們安排各種的學習興趣班，要求孩子琴棋書畫樣樣皆能。就是出來社會做事，父母也要精心安排，甚至插手干預。記得有位同事在醫院當兒科顧問醫生，有一位母親要求見同事，他們的兒子是一位實習生；該母親乞求同事安排少一點夜更給她兒子，因為他一熬夜就會生病。還有一個朋友，是內科部門主管醫生，他要紀律處分一位下屬，怎知下屬的父母要求主管「見家長」。怪不得高效能的父母，造就了那麼多低效能的孩子。
「一生中起跌曾有幾千趟，要化作力量在心中激盪……」這是盧冠廷的歌曲《人之初》歌詞，當中很有意思。成長從來都不容易，從來都需要蛻變的痛苦和代價。
作者: 苗延琼醫生
作者為私人執業精神科專科醫生，育有兩子。
作者: eviepa 時間: 18-3-22 18:45
顛倒黑白。
有錢有學問才能做有為家長。有為家長培養有為孩子的成功率比草根的高得太多了。
作者: Doray 時間: 18-3-22 19:14
為林家誕下五名兒女，謝玲玲做母親的職責絕不輕，管教子女方面，二三十年前她已是「怪獸家長」一名，仔女要讀書成績好，全日有補習老師。有段時間，謝玲玲請來一位補習老師，「成個晏晝都係屋企，一個補完又一個。」然後，學芭蕾舞、學琴、學小提琴、學功夫……年終無休。
謝玲玲還會體罰：「我都係俾爹哋媽咪喺屋企打，好嚴，所以我對仔都覺得要嚴，都惡都打。你第一次就咗佢，就要成日就佢，唔俾佢哋覺得媽咪係OK嘅，尤其係讀書，成績唔係最重要，但注重學歷，佢哋係富二代、富三代，唔好俾人感覺唔讀書都可以。」原來一切，都是因為子女是含金鎖匙出生，是富三代。
為了令子女更「貼地」，謝玲玲試過送大女去非洲做義工幫人起屋，到孻仔孝能，她曾將他送去司機的公屋住幾晚，體驗一下完全不一樣的生活。
謝玲玲還向子女灌輸一種「危機感」：「自細教佢哋，賺到嘅錢自己搵到先係你，爹哋媽咪嫲嫲嘅，唔一定要畀你，或者老嗰時陪我多，俾我身邊啲人，好多老人家願意俾佢工人都得。[size=1.125em]你知潮州人都係注重係仔，我哋家庭都有，生意傳仔唔傳女，所以特別要女讀多啲書，就算老公再好，有幸福家庭，都要獨立照顧到自己。至於仔呢，林家都會安排，佢哋好幸運，爸爸都已經打好好基礎佢哋。」
阿媽唔易做，謝玲玲要飛英、美兩地陪仔女面試，又要陪太子讀書増值自己：「細嘅時候，同佢哋講英文，佢就會執著我講啲音唔係咁準，我就會同佢哋講，『如果好似你哋咁lucky，一生出嚟就學英文，我會講到好過你哋啦。』」
大仔、大女同二女都擁有碩士學歷，謝玲玲直認有一種虛榮心，而且，有啲走火入魔，要「贏晒」嘅心理：「我睇過一篇文章，其實仔女有冇讀書、有冇成就，係媽咪虛榮感，呢方面我都承認嘅，我一定要佢哋讀到碩士、博士，講出嚟就自己都好proud of，好開心。」與林建岳離婚後，謝玲玲變了單親媽媽，更添辛苦：「我自己要做埋嚴父慈母，一個人乜都做埋，如果兩夫妻，一個可以扮黑面，一個可以扮白面，嗰陣時乜都要做晒，如果要我重新嚟過，唔好咁惡。」
謝玲玲道：「有次，帶埋細仔同朋友去飲茶，佢扭計。當時七、八歲，旁邊啲人叫我唔好咁樣，我就話：『請你唔好出聲，我o依家教仔。』o依家諗番起都幾傻，以前太過著重『我係媽咪，要贏晒』，其實o依家諗諗吓做媽咪唔係一定要贏晒，都可以好好同佢哋講吓。o依家我都改變咗，唔係好似以前咁我講嘅嘢就一定要聽，o依家會商量吓。」
現在仔女都成長了，做了婆婆的她，亦有領悟：「o依家我好錫孫，有少少補賞我以前冇enjoy同我仔女嘅感情，一齊玩嘅感情，所以o依家睇到啲孫會好開心，對住孫完全冇壓力同負擔，剩係錫佢同愛佢就得，所以我同奶奶傾起，o依家位置調轉。」
作者: Doray 時間: 18-3-22 19:15
本帖最後由 Doray 於 18-3-22 19:18 編輯
睇你係咪講呢種成功率
"其實仔女有冇讀書、有冇成就，係媽咪虛榮感，呢方面我都承認嘅，我一定要佢哋讀到碩士、博士，講出嚟就自己都好proud of，好開心。"
At least 佢夠坦白
作者: Jane1983 時間: 18-3-22 20:50
Doray 發表於 18-3-22 19:15 
睇你係咪講呢種成功率
"其實仔女有冇讀書、有冇成就，係媽咪虛榮感，呢方面我都承認嘅，我一定要佢哋讀到碩 ...
佢呢種將仔女表現當自己成績表的ftm，雖然坦白，但其實好危險。
盡力栽培仔女，母親的虚榮心應該係放係最後。
作者: shadeslayer 時間: 18-3-22 22:09
Jane1983 發表於 18-3-22 20:50
佢呢種將仔女表現當自己成績表的ftm，雖然坦白，但其實好危險。
盡力栽培仔女，母親的虚榮心應該係放係最 ...
睇佢呢遍野都知佢唔係好識教仔女。
有乜野係差過細路成長，家長無乜份，無乜理？
作者: Jane1983 時間: 18-3-22 22:15
shadeslayer 發表於 18-3-22 22:09
睇佢呢遍野都知佢唔係好識教仔女。
有乜野係差過細路成長，家長無乜份，無乜理？
原來係蘋果日報的訪問，算lor……
作者: Doray 時間: 18-3-23 07:32
本帖最後由 Doray 於 18-3-23 07:32 編輯
但宜家確實有好多家長的確將仔女schedule排到密密麻麻，在學術上都係全天候輔導，啲仔女一早將讀好書參加興趣嘅目的當做pleased 啲父母
作者: Cheeselover 時間: 18-3-23 08:42 標題: 回覆樓主
先回應苖醫生的帖文，不知道笛醫生知道不跟他相似的生活環境在50年前多如牛毛，在他左鄰右里的小孩也可能缺乏父母監護，他們自由，並發現聯群結隊出外玩耍怎也比在家(emoji)幫忙料理家務快樂，當然怎會學業有成，最後結果如何我甭多説。
今天當苗醫生在外＂揾銀＂，他可有信心他的孩子會自動自覺完成功課，讀好書，收拾房間，並準備杯熱茶給你？
我們都懂成功率，父母勤力與父母撒手不管的孩子分別在哪，打開本默書簿你會清楚，我不主張事事為孩子決定，也不幫忙孩子的起居飲食，但最少要管好自己，高效率家長不一定寵孩子，也可以出高效能的孩子。
作者: Doray 時間: 18-3-23 09:23
Cheeselover 發表於 18-3-23 08:42
先回應苖醫生的帖文，不知道笛醫生知道不跟他相似的生活環境在50年前多如牛毛，在他左鄰右里的小孩也可能缺 ...
I do kinda agree with her observations. Our over-parenting today (including myself) does have some negative impact in certain extent.
作者: Doray 時間: 18-3-23 09:29
As I saw many kids are living in the "greenhouse". One day, my kid telling me that she wants to go to Japan and I asked why, she said she's the only one hasn't been to Jap in her class. Of course I've taught her a lesson but seems like their generation takes all those "enjoyment" as granted. I always say 難得少年窮...sign...
作者: Doray 時間: 18-3-23 09:42
本帖最後由 Doray 於 18-3-23 15:28 編輯
Cheeselover 發表於 18-3-23 08:42
先回應苖醫生的帖文，不知道笛醫生知道不跟他相似的生活環境在50年前多如牛毛，在他左鄰右里的小孩也可能缺 ...
I won't "打開本默書簿" to measure the outcome of parenting.
I was also 聯群結隊出外玩耍 when I was a kid after finishing my homework. See what you mean 父母監護. I think parenting it's to show the kids how to handle things, how to be responsible by acting.
My mum is a housewife and not working. She's never checked our homework as she's not capable to. She's just there to "accompany" us by doing the housework, by cooking, by taking care of all 起居飲食. We never asked to do any housework also. Once we finished the homework, my brother and I were free.
At least, we are 自動自覺完成功課，讀好書....one as CPA and one as 專科醫生...if you see this as outcome, it is...
作者: cow 時間: 18-3-23 10:46
孩子約中三後, 我角色是 sponsor, assistant, consultant, information analyst but not a manager.
作者: Doray 時間: 18-3-23 11:39
本帖最後由 Doray 於 18-3-23 11:40 編輯
[苗延琼】潛龍勿用
最近認識一個年輕人，他大學畢業後，大半年時間也不肯找工作，賦閒在家睡覺。他的父母很着急，要求我去評估他有沒有精神情緒問題。
[根據他的父母說，原來他小時候十分聰明伶俐，很早就會唸詩、背誦九因歌。父母見到他出眾的表現，就安排他接受智力測驗，結果發現智商稍高於平常。父母欣喜不已，從小就對他寄予厚望。自他幼稚園開始，父母就不惜成本，把他的作息時間表填滿。他不止要學習中英數，更要學兩種樂器、兩種運動。總言之，時間表是排得密密麻麻的。
他不負父母期望，上了心儀的小學和中學。一直以來，他的學業成績的確很出色。不過自從他上了美國的名牌大學後，就過着庸碌平凡的生活，最後以三等榮譽成績畢業。
「現在畢業了，你想幹甚麼工作？」我問。「說實話，我基本上對甚麼也提不起興趣，也不知道自己將來想幹甚麼？你知不知道其實我也對自己很失望，我一直以為自己是尖子，原來天外有天、人外有人。上了大學後，我好像沒有獨立思考的能力，對於批判思考也比不上別人！」他垂下頭輕歎一聲。
年輕人的遭遇，讓我想起「潛龍勿用」這句出自《易經》乾卦中的爻詞。原文是「初九：潛龍勿用。象曰：潛龍勿用，陽在下也。」岑逸飛老師教導我，解釋《易經》要有時空觀：「潛」指初始時的人或事，所具備潛伏、隱藏、不確定等時間要素；「龍」指人和事的主體，具備的能力品格、發展前程等空間要素；「勿」指不、否定的意思；「用」指作用、用處，與人或事的主體相結合之用，即是《易經》強調的體用。
若我們在孩子的成長階段，懂得「潛龍勿用」自然法則，就會懂得尊重每個孩子不同的個性、興趣、能力等，而給予孩子成長所需要的空間，按着他們每個人的獨特性和發展軌迹差異而去因材施教。那麼孩子的早慧，就不會成為他的詛咒。太早被定型標籤，賦予太高的期望，都令孩子在未成熟時，已經成了「亢龍有悔」！
作者: shadeslayer 時間: 18-3-23 12:34 標題: 回覆樓主：
本帖最後由 shadeslayer 於 18-3-23 12:34 編輯
其中一大問題，係一些有為家長的學識見識判斷力甚差。咁情況下這些家長由有為，變成無為，對孩子更好。
作者: akys 時間: 18-3-23 13:12
見得最多嘅係自己年青時都做唔到嘅嘢硬要孩子做到。父母學歷越高識嘅嘢越多，一啲自己長大後學到嘅嘢覺得有用就要孩子年紀小小就要學曉，唔理會有些事情係要按年紀逐漸掌握，呢個先至係問題。
我自己平時從來唔溫習，所以而家都唔會迫孩子每日溫習。
作者: Doray 時間: 18-3-23 14:26
本帖最後由 Doray 於 18-3-23 14:28 編輯
苗延琼】因成功而反受其害
最近我跟一位醫生談天，他是遺傳學的博士，之前在大學工作，後來在醫管局的病理部門工作。
我其實不想讀醫科，頭兩年還好一點，到了臨牀教學那年，就覺得自己不應該唸醫科！」朋友說。「但你現在只須一點點工夫，就把工作和部門的要求做好，很不錯呀！」我說。
「事實上，我是一個科學家，臨牀教學根本不是那一回事，醫學有科學的一面，但臨牀醫學很多時都是靠觀察病人，跟他們溝通，再加上一些檢查測試等，而得出診斷治療方案，其中所要求的跟科學家做研究和學問很不同。但我考試成績優異，不報讀醫科好像說不過去，加上家人的建議，所以就算感到不對勁也得向現實低頭！」朋友說。
事實上，科學家在香港確是沒有甚麼出路。朋友後來因為大學的人事問題，而轉到病理部門工作。
反觀朋友的弟弟，讀書成績一般，所以父母對他沒有甚麼期望。他有着高度的自主，只用最少的精力，去應付學業。大學畢業後，他加入保險行業，因為性格開朗、思想靈活，不久就在保險業創出卓越的成績，現在是亞洲區的董事。
「我童年因為書唸得好，父母對我有期望，我每天的行程都被擠滿，根本沒有空間去做自己喜歡的事，更加沒有時間去發白日夢！我是the victim of my own success！」朋友說。
在我的身邊，好像朋友這種例子俯拾皆是。
時常聽到說香港人要有創新精神，但自牙牙學語開始，孩子就活在揠苗助長的教育制度下，充滿壓力競爭，失敗的屬於大多數，但成功的又如何，不少是學業是成功，做人卻是失敗了！
作者：苗延琼
作者為私人執業精神科專科醫生，育有兩子，一個仍在中學，另一個在外國唸大學。
作者: Doray 時間: 18-3-23 14:29
身邊極多呢啲例子
作者: Jane1983 時間: 18-3-23 14:33
本帖最後由 Jane1983 於 18-3-23 14:34 編輯
咁容乜易，而家開始個個放養唔好理，咁就一街人中龍鳳，皆大歡喜。
過猶不及，從來都係咁，點樣得點樣唔得，要父母自己摸索。
作者: Doray 時間: 18-3-23 14:39
Jane1983 發表於 18-3-23 14:33
咁容乜易，而家開始個個放養唔好理，咁就一街人中龍鳳，皆大歡喜。
過猶不及，從來都係咁，點樣得點樣唔得 ...
作者: Doray 時間: 18-3-23 14:41
淨係睇學樂器做知la, 我大把朋友大咗掂都唔掂個琴，音樂會從來都唔去
作者: Jane1983 時間: 18-3-23 16:47
Doray 發表於 18-3-23 14:39
唔係放養，減少番啲全方位全天候裝備小朋友競爭力，還番多啲自由被小朋友 ...
咁咪照直講。果兩兄弟的case，偏心成咁，都係教材！？如果個細佬唔係賣保險成功，分分鐘可能心理變態。
作者: Cheeselover 時間: 18-3-23 18:00
Doray 發表於 18-3-23 09:42
I won't "打開本默書簿" to measure the outcome of parenting.
I was also 聯群結隊出外玩耍 when I was ...
It is your joy to enjoy a remarkable achievement. However, we also see pretty much tragedies coz of inattentive parenting that results many juvenile issues. I was also growing up with no proper parenting and responsible most house works; I’m not a toilet bug today for....”luck”.
作者: Vanadium 時間: 18-3-23 18:53
本帖最後由 Vanadium 於 18-3-23 18:56 編輯
其實兒時一大班小朋友周山走周街玩，所有遊戲玩具等都係從無到有，其訓練腦筋、解難及合作能力，比現在大部份規範教育效果更高。
現在小朋友缺少左一份自由探索與創造之機會，部份更因家庭過度保護，從未意識自己對別人及社會之責任，無論讀幾多書或讀不到書，都不喜歡工作及怕辛苦，總之父母有樓有錢給安居便不求上進。
功課、測考、再功課，補習、學藝、再補習，就係現今大部份中產小朋友既生活，大學畢業....其思想、做事成熟程度，其實連早年中五畢業也不如。
人成長要有經歷的，現今小朋友由細到大除讀書學藝外甚麼經歷也沒有，談不上成長了甚麼。
作者: Doray 時間: 18-3-23 19:14
本帖最後由 Doray 於 18-3-23 19:16 編輯
Cheeselover 發表於 18-3-23 18:00
It is your joy to enjoy a remarkable achievement. However, we also see pretty much tragedies coz of ...
我唔用improper parenting 去形容我父母，因為我daddy 係一個非常正直又勤力，對工作認真同負責任嘅人，佢只係生於不能受教育嘅年代，但我覺得佢做人處世嘅態度，己經係最好嘅parenting. 雖然佢從來唔過問我嘅功課
作者: Doray 時間: 18-3-23 19:15
Vanadium 發表於 18-3-23 18:53
其實兒時一大班小朋友周山走周街玩，所有遊戲玩具等都係從無到有，其訓練腦筋、解難及合作能力，比現在大部 ...
作者: shadeslayer 時間: 18-3-24 11:11 標題: 回覆樓主：
本帖最後由 shadeslayer 於 18-3-24 11:30 編輯
Parenting 從來要求判斷力，見識學識，不是談放養最好，或直升機人有我有最好。是談判斷甚麽活動好，甚麽不好，談幾時插手，幾時讓他們錯誤中學習，談幾多學業，幾多課外活動，談如何幫助孩子 discover themselves.
到大學孩子還不知道自已的强項弱項，未找到自己真正興趣，生活沒有明確目標，沒有 passion, 就算入了牛劍，Parenting 算成功嗎？
作者: Cheeselover 時間: 18-3-24 11:36
shadeslayer 發表於 18-3-24 11:11
Parenting 從來要求判斷力，見識學識，不是談放養最好，或直升機人有我有最好。是談判斷甚麽活動好，甚麽不 ...
贊同，我相信我們上一代父母沒有太多時間關注我們成長，我們有較大自由度任意發揮，但我相信今天大部分家長不敢完全用上這一套。
作者: nintendo 時間: 18-3-24 11:55
本帖最後由 nintendo 於 18-3-24 11:57 編輯
「我童年因為書唸得好，父母對我有期望，我每天的行程都被擠滿，根本沒有空間去做自己喜歡的事，更加沒有時間去發白日夢！我是the victim of my own success！」
我表姐大仔好叻，成績好好，他又十分有才華，小提琴叻，另一外又愛打機。而家在 CU 讀醫。曾經問佢，有冇考慮過做音樂家 (performer)，或做職業電競。他答我，他想有一份相對穩定的工作。他亦不想將自己喜愛的音樂，作為工作，他知道任何工作也會有壓力有不順利，所以需要有 hobbie ，他想在有空閒時間，仍然可以拉下小提琴，打下機，放鬆。醫生點解唔可以發白日夢？哥哥是醫生，弟弟做保險，各有各能力，兩個人兩條路而已。其實做人要感恩。
作者: Doray 時間: 18-3-24 12:56
nintendo 發表於 18-3-24 11:55
「我童年因為書唸得好，父母對我有期望，我每天的行程都被擠滿，根本沒有空間去做自己喜歡的事，更加沒有時 ...
作者: Doray 時間: 18-3-24 13:01
剛聽一個心理學博士talk講教養，她share 好多case父母成日以為自已對子女好好，但仔女就唔係咁諗，宜呢樣亦會深遠影響子女直至成人。
作者: haihaimom 時間: 18-3-24 13:07
shadeslayer 發表於 18-3-24 11:11
Parenting 從來要求判斷力，見識學識，不是談放養最好，或直升機人有我有最好。是談判斷甚麽活動好，甚麽不 ...
同意，如果依個唔係醫生，而係食白粉既或黑社會古惑仔，個故事又唔同咗，不過嗰啲人好少會自己冩文章談教養之嘛。
作者: shadeslayer 時間: 18-3-24 13:51
Doray 發表於 18-3-24 12:56
呢個係咪係自己選同佢為fulfill父母期望選既分別，我地習慣自己make decision, 對自己選擇負責，所以结果好 ...
例如，當父母完全放手比五歲童填表選小學，完全放手比11歲童填表選中學，又可否說自己揀的不後悔？
作者: Doray 時間: 18-3-24 15:08
你唔駛擔心，在EK 家長絕對唔會俾呢樣嘢發生！
作者: Doray 時間: 18-3-24 15:10
本帖最後由 Doray 於 18-3-24 15:11 編輯
我當年小六自己放女拔做第一願又入唔到，真係有啲後悔
作者: cow 時間: 18-3-24 17:44
shadeslayer 發表於 18-3-24 11:11
Parenting 從來要求判斷力，見識學識，不是談放養最好，或直升機人有我有最好。是談判斷甚麽活動好，甚麽不 ...Parenting 算成功嗎？
父母見識學識好, 做Parenting應該較好, 但好多父母只係學識好, 不懂Parenting, 經常插手. 有啲讀緊大學, 父/母仲要管佢地讀唔讀書.
作者: shadeslayer 時間: 18-3-24 18:06
cow 發表於 18-3-24 17:44
對, Parenting 是講求判斷甚麽活動好，甚麽不好，幾時插手..等等.
父母見識學識好, 做Parenting應該較好, ...
本帖最後由 shadeslayer 於 18-3-24 18:06 編輯
咁佢地只有學識，可能沒有見識或判斷力。
學識，見識，判斷力，最易最低層次係學識。
| 歡迎光臨 教育王國 (/) |
Powered by Discuz! X1.5 |