教育王國

標題: 俾尤德姑娘挫銳氣挫到擔心到喊! [打印本頁]

作者: Vkeeleung 時間: 18-3-21 18:42 標題: 俾尤德姑娘挫銳氣挫到擔心到喊!

我之前打去,佢地話12月先有評估做,我仔兩歲4個月,但圍圈跑鈄視,唔食野,無話言(廣東話)得英文字母同生字,我自己都覺得九成係,爭取時間出去私家做評估,由於語言大落後,社交又一般(平時同大人玩,但個人冇理個E生),結果係自閉譜係加發展遲緩18-19個月能力(係靠認知聽中英指令OK拉反高少少分),E生解釋時也沒說他是嚴重,但不算輕微,同埋佢話小朋友日日都唔同,日日都變緊,所以唔評佢有幾嚴重.我即上密集班加感統,E生話做得岩,我話係屋企工人同我密密做治療帥教既TRAINING,我仔多數都願意做,冇扭計,反密集班亦十分ENJOY,個個都話佢冇乜離位又成日笑,唔係難搞個隻,叫我俾D心機TRAIN.我將報告FAX去尤德,個姑娘好緊張打來,問我排左乜?我話有FAX比你,
佢問:E生做乜唔同佢排精神科,
我話:要架咩,咁細個睇乜,
佢話:睇佢情緒有冇好躁打人個人D,一定要精神科跟到大個.
我話:佢冇呢D問題,情緒OK,
佢話:你自己都係因佢愈大愈明顯先做評估啦,佢4,5歲就會出呢D行為,仲有排精神科對你個仔好架,可以去排職業治療,不過要排2,3年
我問:係咪感統個D
佢話:乜都有,不過得10堂,但對小朋友好有幫助.
以佢講法所有野排到5歲先做,去死啦你!佢仲要補多句,你3月做完評估,12月個期起碼要壓到2019年3月,因為評估唔可以做咁密!
妖,早之唔SEND份野俾佢,又話佢大D會幾嚴重,嚇到我收左線喊左出來,佢知唔知一個媽咪要接受呢件事已經難受,佢打離挫我銳氣又幫唔到手,又要呢樣個樣,唔知佢係幫小朋友定係嚇家長!

作者: BB0318 時間: 18-3-26 13:07 標題: 回覆樓主:

我係過來人，我覺得呢個姑娘好好講得非常正確，我囝囝21個月做評估到現在就姑娘快4歲(精神科排到今年五月先見我),我地由確診到現在不停做訓練，現在好多人都吾覺得我囝係自閉症，但中間佢剛開始做訓練真係好辛苦大人同小朋友都辛苦，妳個姑娘冇講錯佢地越大越嚴重的，所以真係要排精神科(雖然排到都已經錯過黃金時間),但一直都要跟進

作者: Vkeeleung 時間: 18-3-26 16:57

BB0318 發表於 18-3-26 13:07
我係過來人，我覺得呢個姑娘好好講得非常正確，我囝囝21個月做評估到現在就姑娘快4歲(精神科排到今年五月先 ...

我打左比個私家,姑娘話醫生覺得小朋友無情緒問題就唔使排,唔肯幫我寫紙,咁我唯有等兒科復診叫佢寫.
想多口請教下你,你小朋友做了2年TRAINING有進步嗎?我其實最驚係個句;4,5歲佢地就會有情緒起伏大同激烈行為,講到好似一定有咁,咁你小朋友有冇?我而家同佢做咁多TRAINING,都係想及早介入幫佢,唔好嚇到我一定有,一定會.咁我做TRAINING來做乜?唔係做左慢慢會好D架咩?
其實我兒子係轉圈同重覆行為多,我D朋友親人甚至我老公也不接受他是自閉,因為佢好鐘意同大人玩,日日要去街,人地同佢玩下又笑,係親善大使.但不喜與同輩社交,當人透明咁,成日同我講野(係望住我),但唔知係英文定外星話,所以D人話佢冇可能自閉(佢地覺得唔望人匿埋先係),但我知道佢中左一D症狀,評估不是為了標籤,只是為診斷及治療.甚至有職業治療師及教自閉症學生的老師,覺得佢D重複行為同語言差,係感統同前庭出左大問題,覺得佢改善到感統好多野會可以回復正常,或許佢地唔想我唔開心先咁講啦!

作者: BB0318 時間: 18-3-26 20:31 標題: 回覆樓主:

你可pm我等我講多D我囝嘅進展

作者: BB0318 時間: 18-3-26 20:36 標題: 回覆樓主:

妳要自己睇多D書了解多D有關自閉譜系嘅不同程度及家居訓練

作者: 齊齊加油 時間: 18-3-26 20:40 標題: 回覆樓主

個姑娘都係實話實說，完全唔覺得有問題，反而我覺得你太玻璃心了
坦白講，你遇着個好人，佢已經比其他健康院或者評估中心嘅姑娘好

作者: BB0318 時間: 18-3-26 20:44

齊齊加油發表於 18-3-26 20:40
個姑娘都係實話實說，完全唔覺得有問題，反而我覺得你太玻璃心了
坦白講，你遇着個好人，佢已經比其他健康 ...

真係講得好好，樓主遇上好好姑娘

作者: tcbobo 時間: 18-3-27 08:38

BB0318 發表於 18-3-26 20:44
真係講得好好，樓主遇上好好姑娘

同意，姑娘都是為小朋友好。我勸你唔好理咁多，有機會就去做訓練。朋友d仔一早訓練的上到小學已經搞掂，反而那些唔認d仔有問題，細過冇做訓練，上到小學就更大問題。

作者: TT_BaBa 時間: 18-3-27 12:10

BB0318 發表於 18-3-26 20:44
真係講得好好，樓主遇上好好姑娘

有心既姑娘會講清楚可能出現既情況，冇心既話一早同你講拜拜，做少好多野。。。

作者: LeeCC 時間: 18-3-27 21:05

姑娘好好，提醒你要排，唔好等發現問題先去排就太遲

你小朋友還小，玻璃心係正常，哭是必經階段，我地這些經歷多年的，眼淚已經喊曬，聽到這些話，已經唔識喊，第一時間係想有乜可以做

作者: Vkeeleung 時間: 18-3-27 22:47

我有做呀。上密集同職業治療。反屋企又幫佢做。绝對唔係逃避。不過家人老公唔接受。我花好多口水講極唔明。都冇辦法。我係玻璃心。啱啱接受咗冇再喊加積極「做嘢」。咁我一定排精神科有傷殘津貼幫補下都好。不過個刻有D打沉信心的感覺唔係幾好受啫!
Ps。其實我自己本身有抑鬱症剛康復又逢打撃。先會咁玻璃心。我要對自己兒子有信心。

作者: yicbc 時間: 18-3-28 10:22

姑娘講得好岩. 我仔當初1.5歲都只確診發展遲緩, 有點自閉"責界" 但A仔越大越煩, 越大越多行為問題, 6歲過後, CAC 會自動將你 CASE 轉去精神科.

作者: BB0318 時間: 18-3-29 00:11

Vkeeleung 發表於 18-3-27 22:47
我有做呀。上密集同職業治療。反屋企又幫佢做。绝對唔係逃避。不過家人老公唔接受。我花好多口水講極唔明。 ...

加油呀！有乜問題可以同我地講吾好收埋，但排左精神科吾一定有傷津呀，(我囝囝就吾批)試下買努力試中心嘅書學習家居訓練，如果有能力請ABA導師返屋企做訓練真係好有用

作者: Vkeeleung 時間: 18-3-29 14:17

BB0318 發表於 18-3-29 00:11
加油呀！有乜問題可以同我地講吾好收埋，但排左精神科吾一定有傷津呀，(我囝囝就吾批)試下買努力試中心嘅 ...

多謝你鼓勵。AbA真係負擔唔起。E生話唔一定貴就最好。揾個岩佢嘅治療師最重要。而家仲撞緊。有位私人職業治療師幾好。但佢長爆。成日俾唔到期我個仔。louis program我教友介紹過。其實係教家長。有書的嗎？晋通書局有得賣?

作者: flysss 時間: 18-3-30 10:58

回覆 Vkeeleung 的帖子

Vkeeleung你都要好好關顧自己.

附加選項

HTML 代碼

[img] 代碼

禁用鏈接識別

禁用表情

禁用編輯器代碼

作者: tintin0614 時間: 18-3-30 16:37

本帖最後由 tintin0614 於 18-3-30 18:03 編輯

回覆 Vkeeleung 的帖子

Louis 我今期上完，幾好。
現在上緊進階課程，都好好

課程書我只是淘，價錢大約正版一半左右，但黑白，未睇曬：（

作者: tintin0614 時間: 18-3-30 17:56

本帖最後由 tintin0614 於 18-3-30 18:03 編輯

回覆 Vkeeleung 的帖子

我上左一堂進階課程，見有一位來自內地家長話報唔切努力試三月課程，都照上得。
你可考慮上左呢part先，
導師有心教，係同路人，有經驗。

作者: tintin0614 時間: 18-3-30 18:01

本帖最後由 tintin0614 於 18-3-30 18:16 編輯

Deleted

作者: MoMo-L 時間: 18-4-4 23:43

自閉、有關個腦事，都係排精神科架！吾好聽過名就自認為精神病先得架，姑娘為小朋友好先叫你排！我去尤得都要3歲2個月先排到，醫生、姑娘都好有heart喎，特別係尤德個女醫生添。

作者: jj100c 時間: 18-4-5 07:05

加油呀！我仔細個都冇咩情緒，但當他人越長大，明白越多，他自然煩惱多了，會好易唔開心，睇精神科見醫生，佢哋都會教好多溝通技巧，教家人點樣點樣開解亞仔，令佢將來避免有抑鬱問題。

作者: twinstar_baby 時間: 18-4-12 17:41 標題: 回覆樓主

下？
媽媽，你真係要學習下姑娘嘅直接。
其實係真係要排，我仔4歲喇，情緒上係見住愈黎愈大，好突然開心，好突然爆喊，好突然發好大脾氣。
其實姑娘都係講真實俾你知。佢唔講，一陣家長又怪佢地點解你唔講？係咪？
每個人都想幫到小朋友，放鬆點！

作者: Michelle_Hung 時間: 18-4-12 21:05

回覆 Vkeeleung 的帖子

姑娘無嚇你，我仔2歲果時睇私家評估開始，跟住我去政府乜都排，現在4歲，堅係越來越難搞，我哩2年每月用差唔多2皮嘢俾佢做 training, 初初係有啲用，但佢越大真的係越多問題，要加嘅訓練越來越多，好彩2年前排嘅嘢現在差唔多全部排到，如果唔係我自己都要睇精神科

作者: adrio 時間: 18-4-13 12:54

提示: 作者被禁止或刪除內容自動屏蔽

作者: MCEsc 時間: 18-4-14 10:45

Vkeeleung 發表於 18-3-27 22:47
我有做呀。上密集同職業治療。反屋企又幫佢做。绝對唔係逃避。不過家人老公唔接受。我花好多口水講極唔明。 ...

呢位媽媽已經好叻！
可能家人不太認同以致你感到無助。

作者: kurocat 時間: 18-5-8 00:15

tintin0614 發表於 18-3-30 16:37
回覆 Vkeeleung 的帖子

Louis 我今期上完，幾好。

有無呢本書資料？

作者: tintin0614 時間: 18-5-8 16:04

回覆 kurocat 的帖子

【现货活出彩虹继续成长衝破障礙全套自閉症及学障儿感统套餐】http://m.tb.cn/h.Wyt3mUT 点击链接，再选择浏览器打开；或复制这条信息￥itYK0GXxAAT￥后打开👉手淘👈

作者: lulumelody 時間: 18-5-8 22:22 標題: 回覆樓主:

你要預將來還有更多挫折。所以有sens 小朋友的家長真係要好好好堅強和睇開D。

作者: adrio 時間: 18-5-11 11:19

提示: 作者被禁止或刪除內容自動屏蔽

作者: kurocat 時間: 18-5-11 18:11

tintin0614 發表於 18-5-8 16:04
回覆 kurocat 的帖子

【现货活出彩虹继续成长衝破障礙全套自閉症及学障儿感统套餐】http://m.tb.cn/h. ...

Thanks

歡迎光臨教育王國 (/)