教育王國
標題: 想看看各位的意見及睇法 [打印本頁]
作者: 2017wahaha 時間: 18-3-12 18:22 標題: 想看看各位的意見及睇法
本帖最後由 2017wahaha 於 18-3-14 09:43 編輯
（親戚講到好容易咁，但睇完各jm 的回覆和見議，根本無咁易 有好大的落差
）
我有三個小朋友， 可以有機會兩年後全家飞去英國生活（主要係for 小朋友讀書）我親戚話預計每月2萬多支出及要預備80萬過去捱住先，咁初期就唔洗擔心開支。大仔到時可以讀中一，第二同第三就過去讀幼稚園和小學一年級 ，但問題係全離開香港，我兩英文又不太叻 ，怕過到去揾唔到食， 又擔心兩個細既完全唔識中文字，但等到兩個細讀完小學先過去，大仔又已經完成中六，到時又怕追唔上英文 ，所以好難唸過定唔過好。
作者: 1998Ruby1998 時間: 18-3-12 18:46
我覺得等下先。
你兩個英文唔好，又唔肯定自己過到去搵到食，咁樣真係有 d...麻煩。
中六先過去會追唔上英文....情況真係咁差嗎？好多內地人都係 Year 1 甚至 Master 先過去讀書，有 d 更加係攞住 IELTS 4-5 分去讀書，一樣讀得到，半年即刻英語各方面有提升。有心不怕遲。年輕人學野上手快。
的確，如果唔讀埋小學先過去，小朋友係會唔識中文，識都可能係同一個幼稚園生認字能力一樣。 
作者: 2017wahaha 時間: 18-3-12 18:52
1998Ruby1998 發表於 18-3-12 18:46 
我覺得等下先。
你兩個英文唔好，又唔肯定自己過到去搵到食，咁樣真係有 d...麻煩。
我就係咁唸，但因為又唸住小兒係香港的成績都麻麻 ，升中派位都未必好，所以先唸住過去駁一駁， 因為我兩在香港的工作又不太穩陣，又不是什麼專業人士，所以先唸住離開
作者: bobbycheung 時間: 18-3-12 19:26
本帖最後由 bobbycheung 於 18-3-12 19:27 編輯
你話驚你地兩個過到去會搵唔到食，依個先係最大問題。要考慮如果真係無工做，你地經濟上可以捱幾耐？ 比較上，d細路識唔識中文只是件小事。就算比佢地讀完小學，如果過去之後再不接觸中文，相信好快亦會忘記得七七八八。我係你地就會先想清楚搵唔搵到工嘅問題先。因為依個世界好現實，缺錢會帶給你地好多煩惱，尤其是坐食山崩。肯定錢唔係一個大問題時，才考慮小朋友嘅未來，係一個比較理智嘅做法。
作者: SIYip 時間: 18-3-12 19:26 標題: 回覆樓主
樓主諗住讀私校定政府學校? 如果喺英國揾唔到嘢做，生計如何?
作者: 2017wahaha 時間: 18-3-12 19:31
SIYip 發表於 18-3-12 19:26
樓主諗住讀私校定政府學校? 如果喺英國揾唔到嘢做，生計如何?
會讀政府學校，因為佢哋都唔洗錢，而我倆就唸住係果邊的餐館打工， 而且 都會預備一筆錢過去作生活費。 真係揾工唔夠食既話，就食老本
作者: SIYip 時間: 18-3-12 20:04
2017wahaha 發表於 18-3-12 19:31
會讀政府學校，因為佢哋都唔洗錢，而我倆就唸住係果邊的餐館打工， 而且 都會預備一筆錢過去作生活費。 真 ...
政府學校未必如你所期望，因為要跟校網。你要考慮揾工，又要考慮校網。如果小朋友考到gramma school 都好d, 如果你住嗰區唔好，隨時慘過喺hk 讀。
作者: katrinafu 時間: 18-3-12 20:16 標題: 回覆樓主
兩公婆搵食問題係重點 ， 重要過識唔識中文或 英文跟唔跟得上等問題 ， 而且要計咬老本能支持幾多年 /幾耐 ， 生活 ⋯樣樣都係錢 ， 交通費貴，水電又貴，稅金重等等的問題 ！
當地政府學校是跟住址網 ，所以找學校呢個方向要揀好住的地區 ，同時留意埋就業問題 。
另一方向諗， 一家人過去，的確是不錯 ， 不用與孩子分開 。
走得就走啦 ， 走到相信是一件不壞的事 ，我沒能力咋 ，我都想出走香港呀 ！
作者: 2017wahaha 時間: 18-3-12 20:37
SIYip 發表於 18-3-12 20:04
政府學校未必如你所期望，因為要跟校網。你要考慮揾工，又要考慮校網。如果小朋友考到gramma school 都好d ...
本帖最後由 2017wahaha 於 18-3-12 21:51 編輯
因為我大姑係伯明翰果邊，佢話佢既校網幾好，去到佢會教我同幫我，所以先大咗信心過去
作者: bobbycheung 時間: 18-3-12 21:23
本帖最後由 bobbycheung 於 18-3-12 21:23 編輯
如果你已考慮過經濟嘅問題，覺得可以。嗰邊又有親友幫手做盲公竹。唯一要諗係幾時過去的話，我係你就唔會為咗兩個細嘅要喺小學學中文而遲多幾年先去。當然，你地咁一家五口移民去英國，過去後如果想返嚟就好困難。所以萬事都要諗清楚，勿存博一博嘅心態。你睇我好，我睇你好。肯定英國生活有優點時亦有缺點，你地亦要有心理準備。
作者: katrinafu 時間: 18-3-12 21:23
2017wahaha 發表於 18-3-12 20:37
因為我大姑係伯明翰果邊，佢話佢既校網幾好，去到佢會教我同幫我，所以先大咗信用過去
...
有照應咁又唔同的 ！
作者: 2017wahaha 時間: 18-3-12 21:28
bobbycheung 發表於 18-3-12 21:23
如果你已考慮過經濟嘅問題，覺得可以。嗰邊又有親友幫手做盲公竹。唯一要諗係幾時過去的話，我係你就唔會為 ...
嘻，真係要返來都唔會無退路，因為我哋住緊間屋會繼續係到，唔會賣，始終我家人都係哂香港，只要係為細佬讀書，所以正確來講都唔算係移民，唸住等小朋友讀完書就回來香港，暫時無唸過係果邊永久的，但將來細佬英國鐘意就另計。
作者: 2017wahaha 時間: 18-3-12 21:29
katrinafu 發表於 18-3-12 21:23
有照應咁又唔同的 ！
係呀，難得我大姑開始建議過去，話始終對小朋友好，佢話會照應我，我先咁大胆開始唸，原本真係唔敢唸
作者: SIYip 時間: 18-3-12 21:51 標題: 回覆樓主
你check 清楚學校ranking 先會穩陣d. 因為親戚亦未必熟學校質數。每個地方制度唔同，遊戲規則亦唔同。我朋友係用佢工作地點做中心，search 晒周邊學校質數先搬。佢小朋友讀到gramma school, 但亦識一d 考唔到gramma school 的華人，佢話相距好大。而且，一家人移民係一個大決定，要深思屬慮。
作者: 2017wahaha 時間: 18-3-12 21:54
bobbycheung 發表於 18-3-12 19:26
你話驚你地兩個過到去會搵唔到食，依個先係最大問題。要考慮如果真係無工做，你地經濟上可以捱幾耐？ 比較 ...
錢真係一個大問題，但我兩係香港都唔見特別好，所以過去可能重會舒適過係香港
作者: 2017wahaha 時間: 18-3-12 21:58
SIYip 發表於 18-3-12 21:51
你check 清楚學校ranking 先會穩陣d. 因為親戚亦未必熟學校質數。每個地方制度唔同，遊戲規則亦唔同。我朋 ...
本帖最後由 2017wahaha 於 18-3-12 22:11 編輯
請問什麼叫gramma school 呀？ 到底果邊既學校係點樣分架 ? 我離緊summer假期會過去望望個環境先，望完再認真考慮，始終未去過，咩環境都唔知
作者: bobbycheung 時間: 18-3-12 22:03
本帖最後由 bobbycheung 於 18-3-12 22:05 編輯
2017wahaha 發表於 18-3-12 21:28
嘻，真係要返來都唔會無退路，因為我哋住緊間屋會繼續係到，唔會賣，始終我家人都係哂香港，只要係為細佬 ...
想返來最頭痛唔係樓或錢嘅問題，而係搵學校嘅問題。家吓係香港要搵三個學位真係唔容易。
作者: 2017wahaha 時間: 18-3-12 22:05
bobbycheung 發表於 18-3-12 22:03
想返來最頭痛唔係樓或錢嘅問題，而係搵學校嘅問題。家吓係香港要搵三個學位真係唔容易。 ...
又係喎，真係無唸過呢個問題，我依家揾幼稚園都已經好難
作者: 2017wahaha 時間: 18-3-12 22:14
SIYip 發表於 18-3-12 21:51
你check 清楚學校ranking 先會穩陣d. 因為親戚亦未必熟學校質數。每個地方制度唔同，遊戲規則亦唔同。我朋 ...
請問可以邊到check 到ranking 呀？
作者: 1998Ruby1998 時間: 18-3-12 22:27
回覆 2017wahaha 的帖子
我嘗試簡單解釋下（有錯請指出！）
你可以大概當 Grammar School 係 Band 1 傳統學校，佢地比較學業好 d。依家多左學校轉左 Academy，類似直資學校咁。不過呢種學校好多都會有 specialised areas，例如 Science、Business、Design。我同學讀嘅 Academy 係專門讀 Science 科，學校 Science 學科會特別多 d 資源，佢 A Levels 就係讀 Communication and Media Studies、Physics, Chemistry。當然仲有普通 Secondary School，呢種類似香港 Band 2－Band 3 學校。Sixth Form College 就係預科書院（應該係同莊啟程一樣性質），有 d 私立 Sixth Form 特別出名而且非常多人入頂尖學府，例如 Cardiff Sixth Form。
Summer 過去探下水溫先，同你親戚商量一下有咩學校可以考慮，上網睇下每間學校 ranking、GCSE A Levels 整體成績、環境等。要諗下黎緊 15 年計劃係點，你兩公婆有咩工作機會，收入、儲蓄、預計開支同住屋。之前我一家都諗過搬返去英國（一家係公民，有 UK passport），同樣英國有親戚有樓，基本上係想搬就可以即刻動身。但係父母唔係專業人士，而且收入唔係好高，搬去的話，一係做外賣檔，一係就餐館打工。兩份都係體力勞動非常高嘅工作，而且需要兩公婆一齊打工，一定少左親子時間。所以最後都留係香港。
作者: 2017wahaha 時間: 18-3-12 22:43
1998Ruby1998 發表於 18-3-12 22:27
回覆 2017wahaha 的帖子
我嘗試簡單解釋下（有錯請指出！）
我同你情況差唔多呀，同樣佢哋係公民，讀書不洗比錢，我兩過到去都係唸住做外賣店or 餐廳打工咋，所以都唔知點好，但一唸起，如果佢哋唔係公民既話，根本就無可能供到佢哋過去讀書，所以咁難得有呢個機會多條路選擇，唔想放棄，如果真係要比學費既話，三個小朋友的學費真係要成一百萬一年。
作者: 2017wahaha 時間: 18-3-12 22:47
1998Ruby1998 發表於 18-3-12 22:27
回覆 2017wahaha 的帖子
我嘗試簡單解釋下（有錯請指出！）
係，我就係summer 過去看下環境先，始終講同實地睇係兩回事，過到去就會看下學校和樓先。
作者: bobbycheung 時間: 18-3-13 00:25
本帖最後由 bobbycheung 於 18-3-13 00:28 編輯
我對英國嘅 state school 毫無認識, 只係見到 1998Ruby1998 嘅解釋之後多咗了解. 見到依度有簡單嘅介紹, 可作參考.
https://www.thesun.co.uk/living/ ... school-theresa-may/
總之 grammar school 係要經入學試作篩選. 如果同分, 就再按其他收生嘅標準去排先後.
伯明翰只有8間 grammar schools
https://www.elevenplusexams.co.u ... ham-walsall-11-plus
我見到d文章話入到 grammar school 就好似中頭獎一樣, 同埋d家長有揾私人補習去準備個入學試, 我估d競爭都相當激烈.
1998Ruby1998 話頭, 有錯不妨指出！
作者: 2017wahaha 時間: 18-3-13 00:27
bobbycheung 發表於 18-3-13 00:25
我對英國嘅 state school 毫無認識, 只係見到 1998Ruby1998 嘅解釋之後多咗了解. 見到依度有簡單嘅介紹, ...
多謝你呀，你們幫咗我好多呀
作者: bobbycheung 時間: 18-3-13 00:40
2017wahaha 發表於 18-3-12 22:47
係，我就係summer 過去看下環境先，始終講同實地睇係兩回事，過到去就會看下學校和樓先。
...
作者: 2017wahaha 時間: 18-3-13 00:45
bobbycheung 發表於 18-3-13 00:40
多口講多句, 你都知英國 summer 嘅天氣同冬天簡直係兩個世界 . 總之要考慮周詳. 因為帶住3個小朋友, 唔容 ...
知道，但我親戚話不用擔心，果邊到到都有暖气，係出街坐車果段時間先會凍，車同商場都有暖气咁喎，不過我都未決定，等過到去親眼視察下可唔可行先，多謝你呀。另外想問你又知唔知小學又有無分grammar 果d學校架? 因為如果去，又要報小學
作者: bobbycheung 時間: 18-3-13 01:04
本帖最後由 bobbycheung 於 18-3-13 01:08 編輯
哈哈, 我唔識. 不過依度話 grammar schools 係 state secondary schools. 所以小學應該無 grammar school.
http://www.bbc.com/news/education-34538222
依度有伯明翰d小學嘅名
https://en.wikipedia.org/wiki/List_of_schools_in_Birmingham
作者: 1998Ruby1998 時間: 18-3-13 01:45
回覆 2017wahaha 的帖子
係吖，只要係室內，都一定有暖氣，甚至搭火車都有 d 暖氣（我依家住伯明翰）。中部天氣算係好好，有落雪落雨但係降雪、降雨量唔會好嚴重，物價算好平。
小學應該冇 grammar school，係到 Year 6 會考 11-Plus （即係類似呈分試），有四個範疇要考 Verbal Reasoning, Non-verbal Reasoning, Maths, English。聽過有 d grammar school 會有 selective test，可能會考其他科目。同香港爭 Band 1 位一樣，都係頗為激烈，尤其伯明翰唔多 grammar school 但係人口多。
作者: bobbycheung 時間: 18-3-13 01:49
揾到依個小學 Guide. 可能幫到你
https://www.birminghammail.co.uk ... ide-search-12273483
作者: 亮燈 時間: 18-3-13 07:10
katrinafu 發表於 18-3-12 20:16
兩公婆搵食問題係重點 ， 重要過識唔識中文或 英文跟唔跟得上等問題 ， 而且要計咬老本能支持幾多年 /幾耐 ...
同你諗法一樣，如果走到，唔使諗，一定走，香港已死。
作者: 2017wahaha 時間: 18-3-13 08:06
bobbycheung 發表於 18-3-13 01:49
揾到依個小學 Guide. 可能幫到你
https://www.birminghammail.co.uk/news/the-real-schools-guide-search-1 ...
謝謝
作者: 2017wahaha 時間: 18-3-13 08:08
亮燈 發表於 18-3-13 07:10
同你諗法一樣，如果走到，唔使諗，一定走，香港已死。
明白，走過後但真係怕搞唔掂
作者: 2017wahaha 時間: 18-3-13 08:16
1998Ruby1998 發表於 18-3-13 01:45
回覆 2017wahaha 的帖子
係吖，只要係室內，都一定有暖氣，甚至搭火車都有 d 暖氣（我依家住伯明翰）。中 ...
真係好彩，揾到個住緊伯明翰既jm , 好多嘢都唔識，真係要多謝你教路，我過幾個月會過去看看讀書同工作環境呀
作者: 亮燈 時間: 18-3-13 08:23
2017wahaha 發表於 18-3-13 08:08
明白，走過後但真係怕搞唔掂
本帖最後由 亮燈 於 18-3-13 08:25 編輯
明白，各人處境不同，諗法亦不同，但我相信只要有決心，應該會做到，依家你應該係唔捨得香港所擁有既一切，驚去到英國會失去，但你應該要諗未來，孩子既未來。
我點解節衣縮食都要供兩仔去英國讀書？就係睇到香港冇未來，讀書環境差、職業工種少及壟斷、做小生意就死得更慘，睇唔到前途，雖然英國未必比香港好，但我教佢地，放眼世界，好過放眼香港，成功與否？睇佢地造化喇！
當然，移民唔同讀書，但我覺得為孩子將來，而且又係公民，點解唔試下？我想試都冇本事。
作者: 2017wahaha 時間: 18-3-13 08:44
亮燈 發表於 18-3-13 08:23
本帖最後由 亮燈 於 18-3-13 08:25 編輯
明白，各人處境不同，諗法亦不同，但我相信只要有決心，應該會 ...
係呀，我就係好似你咁唸，咁難得係公民身份，讀書可以唔洗錢，如果要錢既話，我兩只係普通打工仔，就算供一個去英國都難，更何況我有三個，所以呢個機會真係好難得，我又唔算太因為唔捨得香港，而係怕去到果邊人生路不熟，我兩性格都係怕改變既人，所以好驚過到去搞唔掂，到時回頭又揾唔到書讀
作者: 2017wahaha 時間: 18-3-13 08:45
2017wahaha 發表於 18-3-13 08:44
係呀，我就係好似你咁唸，咁難得係公民身份，讀書可以唔洗錢，如果要錢既話，我兩只係普通打工仔，就算供 ...
我朋友都話，佢的同事係外國返來，他們的唸法真係唔同，所以朋友都建議有多一條，點解要放棄
作者: 亮燈 時間: 18-3-13 09:02
2017wahaha 發表於 18-3-13 08:44
係呀，我就係好似你咁唸，咁難得係公民身份，讀書可以唔洗錢，如果要錢既話，我兩只係普通打工仔，就算供 ...
歌仔都有得唱：變幻才是永恆，越怕改變，就要快啲去變，如果唔係，將來一有變時，咁就更難適應，後果更嚴重，趁依家因為孩子而改變，所以絕對值得，亦有動力。
作者: 2017wahaha 時間: 18-3-13 09:14
亮燈 發表於 18-3-13 09:02
歌仔都有得唱：變幻才是永恆，越怕改變，就要快啲去變，如果唔係，將來一有變時，咁就更難適應，後果更嚴 ...
我就係咁唸，為咗孩子點都要駁，起碼將來真係返香港讀書or 工作，英文都talk 得下，但真係要拎哂所有強積金全副身家過去就驚驚
又怕唔係我親戚講到咁好，始終佢果邊生活開，實覺得果邊好 ，但我哋完全未踏足過，真係好驚，所以好羨慕過去讀書及移民既人，有咁大膽量
作者: 亮燈 時間: 18-3-13 09:23
2017wahaha 發表於 18-3-13 09:14
我就係咁唸，為咗孩子點都要駁，起碼將來真係返香港讀書or 工作，英文都talk 得下，但真係要拎哂所有強積 ...
其實你親戚已有個好榜樣，起碼有個參考喎！有識途老馬傍住，放心啦！只要係為孩子，我諗你地一定會努力，去到英國，最重要唔好成日同香港比較，由零開始，咁就會易適應好多。
可惜我冇機會，最多都係退休時睇下英國移民政策有冇改變，再作打算。
作者: bobbycheung 時間: 18-3-13 09:30
有無諗過比大仔過去讀書先，叫親戚睇住（如果親戚肯嘅話)。等佢安定下來，再行第二步。睇定d，逐步嚟。
作者: 2017wahaha 時間: 18-3-13 09:43
bobbycheung 發表於 18-3-13 09:30
有無諗過比大仔過去讀書先，叫親戚睇住（如果親戚肯嘅話)。等佢安定下來，再行第二步。睇定d，逐步嚟。 ...
我老公就係咁講，但如果真係中一比佢自己過去住係親戚到，驚我哋會無哂親，同咪怕佢有咩事都收埋唔敢講，我情願放棄
作者: 2017wahaha 時間: 18-3-13 09:44
亮燈 發表於 18-3-13 09:23
其實你親戚已有個好榜樣，起碼有個參考喎！有識途老馬傍住，放心啦！只要係為孩子，我諗你地一定會努力， ...
好多人老人家捱完退休都回港，你返而退休想過去呀
作者: 亮燈 時間: 18-3-13 09:45
2017wahaha 發表於 18-3-13 09:44
好多人老人家捱完退休都回港，你返而退休想過去呀
就算我想，都未必得(唔夠資格)，要睇下到時既情況如何先再決定。
作者: 亮燈 時間: 18-3-13 09:47
2017wahaha 發表於 18-3-13 09:43
我老公就係咁講，但如果真係中一比佢自己過去住係親戚到，驚我哋會無哂親，同咪怕佢有咩事都收埋唔敢講， ...
同意，個人覺得，呢個唔係好方法。
作者: SIYip 時間: 18-3-13 09:57 標題: 回覆樓主
我朋友小孩子係土生土長英籍hk 人，佢經驗係，當地非常歧視外地人，包括黃皮白心嘅。佢小朋友成績好就好d,但大部份學校friend 都係成績好嘅非英國人ie 華人、俄羅斯、馬拉etc. 工作機會係有，不過專業人士就好些，因為basic rank 都ok.但前途就因為頭髮膚色而有限制。太細去外國讀書回頭路就好窄，畢竟唔識read and write 中文。改變係睇成本和效益。如果現在已經係揾朝唔得晚，小朋友係跟唔上，那根本無成本可言，點都搏一搏。但如果現在一家生活穩定，朝九晚六返五日兼有餘錢，小朋友成績中上，那就要考慮清楚。始終每個國家/地方都有好壞，隔離婆飯香，一定要多點研究。
至於百萬學費係指讀私校，即使當地人讀私校，學費都唔相差好大，就好似喺hk 讀官津直vs 私校國際。
作者: SIYip 時間: 18-3-13 10:10
2017wahaha 發表於 18-3-13 09:14
我就係咁唸，為咗孩子點都要駁，起碼將來真係返香港讀書or 工作，英文都talk 得下，但真係要拎哂所有強積 ...
呢度大部份都正面，所以我盡量講負面平衡下，等你多d 參考。
另外有朋友兩個仔女去英國，已經係year 10 去，大學畢業返hk, 高不成低不就，揾唔到工，揾到嘅都做唔夠兩年就唔做。有遠房親戚個女中二過去，未讀完中五就返嚟，日日hea 喺屋企，無人敢問點解返嚟。
作者: 2017wahaha 時間: 18-3-13 10:12
SIYip 發表於 18-3-13 09:57
我朋友小孩子係土生土長英籍hk 人，佢經驗係，當地非常歧視外地人，包括黃皮白心嘅。佢小朋友成績好就好d, ...
我哋就係揾到剛夠洗果隻，唯一的好處係唔洗交租，叫做慳番好多，如果要交租既，真係轉頭又話夠期比租，我們每月都係剛夠洗，無咩多餘錢淨，在香港又唔係高薪厚職，只係普通打工仔一名
作者: 2017wahaha 時間: 18-3-13 10:14
SIYip 發表於 18-3-13 10:10
呢度大部份都正面，所以我盡量講負面平衡下，等你多d 參考。
另外有朋友兩個仔女去英國，已經係year 10 去 ...
係，我都睇到呢到既post ，大部分都係好既，好少講唔好既，失敗咗既好少會上來講，謝謝你意見呀
作者: 亮燈 時間: 18-3-13 10:32
2017wahaha 發表於 18-3-13 10:14
係，我都睇到呢到既post ，大部分都係好既，好少講唔好既，失敗咗既好少會上來講，謝謝你意見呀
...
呢點同意既！每件事都有正反兩面，而去外國讀書，亦要睇下點解要去？孩子自己願意去嘛？家庭能力應付到嘛？孩子自己既自理及應變能力如何？……等，好多因素令到結果唔一樣，甚至完全相反。
唔好講移民啦！就算係決定買車、買樓、投資…等，如果一家人各有各諗，各自為政，咁又點會成功呢？移民亦一樣，一定要一家人商量好再決定，決定後就要共同面對每樣困難，不能互相埋怨：早知就唔移民啦……等等呢類說話。
要同心合力解決難題，先有成功機會。試諗下，唔通係香港生活就冇難題要解決嗎？其實邊度都一樣，只要一家人合作，冇野解決唔到既！
作者: 我係c奶 時間: 18-3-13 10:34
2017wahaha 發表於 18-3-12 22:43
我同你情況差唔多呀，同樣佢哋係公民，讀書不洗比錢，我兩過到去都係唸住做外賣店or 餐廳打工咋，所以都唔 ...
樓主我建議你了解清楚公民讀書問題，因為我有朋友的仔同你情況相似，佢哋冇係英國生活過交過稅，小朋友冇得免費讀書
作者: 2017wahaha 時間: 18-3-13 10:36
亮燈 發表於 18-3-13 10:32
呢點同意既！每件事都有正反兩面，而去外國讀書，亦要睇下點解要去？孩子自己願意去嘛？家庭能力應付到嘛 ...
唉，就係我先生唔多支持，成日話果邊果樣唔好呢樣唔好，佢係唔願改變既人，所以如果我們堅持過咗去後，有咩事佢都會埋怨我，佢係咁既人
作者: 2017wahaha 時間: 18-3-13 10:37
我係c奶 發表於 18-3-13 10:34
樓主我建議你了解清楚公民讀書問題，因為我有朋友的仔同你情況相似，佢哋冇係英國生活過交過稅，小朋友冇 ...
咁既咩？等下過幾個月去睇下先，如果真係無免費，咁就唔洗唸
作者: 我係c奶 時間: 18-3-13 10:38
2017wahaha 發表於 18-3-13 10:37
咁既咩？等下過幾個月去睇下先，如果真係無免費，咁就唔洗唸
你親戚未必會知，一定要去政府部門問清楚
作者: 2017wahaha 時間: 18-3-13 10:39
我係c奶 發表於 18-3-13 10:34
樓主我建議你了解清楚公民讀書問題，因為我有朋友的仔同你情況相似，佢哋冇係英國生活過交過稅，小朋友冇 ...
我知道，果邊好多福利都係睇番你過往比過幾多稅而有銀碼有分別，但無唸過讀書會唔係免費，唔該哂，等我問下先
作者: 2017wahaha 時間: 18-3-13 10:42
我係c奶 發表於 18-3-13 10:38
你親戚未必會知，一定要去政府部門問清楚
明白，係呀，佢真係唔知
作者: brother4 時間: 18-3-13 10:43 標題: 回覆樓主:
唔好提供少少
厨工作較長時間，兩人—起做，少親子時間，另三個孩子照顧，會好忙，如親子日，親子旅行，番工放工，功課等，其中一個要多留家中，如有自己樓考慮做監護人家庭坐定定收錢 ，伯明翰昰英第二大但伊斯蘭人最多，政府學校就好好選擇
作者: bobbycheung 時間: 18-3-13 10:44
本帖最後由 bobbycheung 於 18-3-13 10:52 編輯
你唔好介意，我感覺係你未諗清楚d問題，担心最終你嘅期望同現實有好大落差。
首先以下嘅問題都幾頭痕：
你話驚過去搵唔到食。
如果真係搵工唔夠食既話，就食老本（但可以捱幾耐？）
你地係香港都唔見特別好，所以過去可能會舒適過香港 （我估未必會，尤其是如果你地係做外賣店或餐廳打工）
其次係三個小朋友嘅讀書問題。香港好多人喺去讀 public school。如果你d細路過去係去讀 state schools, 咁依d讀 public school 小朋友嘅經驗未必有參考價值。當然 state school 有好有壞，但如果唔好彩你入到d壞嘅時候又點算？
其實比你個大仔先去有一個好處係唔會盡博一舖。你想想，兩份工＋三個人讀書，事旦一様出問題你都煩。如果幾樣都唔如意就真係死得。另外，如果你地真係去做快餐酒樓，相信你地都唔會有好多時間見到d細路，培養感情。
作者: 亮燈 時間: 18-3-13 10:48
2017wahaha 發表於 18-3-13 10:36
唉，就係我先生唔多支持，成日話果邊果樣唔好呢樣唔好，佢係唔願改變既人，所以如果我們堅持過咗去後，有 ...
咁就真係要三思喇！一定要大家商量好先可行。
作者: 2017wahaha 時間: 18-3-13 10:50
bobbycheung 發表於 18-3-13 10:44
你唔好介意，我感覺係你未諗清楚d問題，担心最終你嘅期望同現實有好大落差。
首先以下嘅問題都幾頭痕：
你 ...
係，我們真係未唸清楚，全部嘢都唔識同唔知，所以當2月中開始有呢個想法既時候，就係咁睇post ，睇多d jm 的意見同做法，再唸清楚條路怎樣行。 我親戚係果邊生活開，緊係話果邊樣樣好
作者: 2017wahaha 時間: 18-3-13 10:56
brother4 發表於 18-3-13 10:43
唔好提供少少厨工作較長時間，兩人—起做，少親子時間，另三個孩子照顧，會好忙，如親子日，親子旅 ...
明白，我會認真考慮
作者: bobbycheung 時間: 18-3-13 11:17
本帖最後由 bobbycheung 於 18-3-13 11:20 編輯
依度有d關於伯明翰學校嘅新聞。雖然係2014年嘅新聞，同埋唔係代表所有學校都有問題，但都要知道未必一切都咁美好。
https://www.theguardian.com/uk-news/2014/apr/14/birmingham-schools-investigated-over-islamist-takeover-allegations
一定要多d了解。
作者: 2017wahaha 時間: 18-3-13 11:25
bobbycheung 發表於 18-3-13 11:17
依度有d關於伯明翰學校嘅新聞。雖然係2014年嘅新聞，同埋唔係代表所有學校都有問題，但都要知道未必一切都 ...
thank you
作者: 亮燈 時間: 18-3-13 11:30
2017wahaha 發表於 18-3-13 10:56
明白，我會認真考慮
照樓主咁講，真係唔好衝動住，如果家庭會議不能一致通過的話，我覺得都係放棄吧！唔好勉強。
作者: 2017wahaha 時間: 18-3-13 11:33
亮燈 發表於 18-3-13 11:30
照樓主咁講，真係唔好衝動住，如果家庭會議不能一致通過的話，我覺得都係放棄吧！唔好勉強。
...
明白，要唸清楚再傾，唸唔掂就真的要放棄，唔係講笑，唔可以亂衝亂撞
作者: 亮燈 時間: 18-3-13 11:35
2017wahaha 發表於 18-3-13 11:33
明白，要唸清楚再傾，唸唔掂就真的要放棄，唔係講笑，唔可以亂衝亂撞
無論決定如何，祝你地有個正確既決定。
作者: 2017wahaha 時間: 18-3-13 11:37
亮燈 發表於 18-3-13 11:35
無論決定如何，祝你地有個正確既決定。
謝謝你
作者: 亮燈 時間: 18-3-13 11:37
2017wahaha 發表於 18-3-13 11:37
謝謝你
唔使客氣
作者: etoile 時間: 18-3-13 11:40
我係你嘅話真係唔夠膽搏。
大人揾食艱難，壓力大，好容易互生怨言，後悔離開香港⋯⋯。細路會感受到父母之間嘅不和，對佢哋亦有壓力。
去中餐館做，一定辛苦過香港打工，一星期返足七日，每日休息時間有限，你間屋幾大幾舒服都好，都冇乜機會享受，更遑論親子時間。
你一定要諗清楚後路，萬一要返香港，大人冇乜嘢，但係小朋友習慣咗外國嘅教育模式，會好難適應香港本地學校，特別大仔會錯過兩年初中課程，其他科目可以靠補習，但係中文就會凍過水，除非你打算佢哋返嚟就去國際學校，但係香港嘅國際學校都唔易入！
作者: 2017wahaha 時間: 18-3-13 11:59
etoile 發表於 18-3-13 11:40
我係你嘅話真係唔夠膽搏。
大人揾食艱難，壓力大，好容易互生怨言，後悔離開香港⋯⋯。細路會感受到父母之 ...
國際學校無本事呢，謝謝你意見
作者: katrinafu 時間: 18-3-13 16:44
etoile 發表於 18-3-13 11:40
我係你嘅話真係唔夠膽搏。
大人揾食艱難，壓力大，好容易互生怨言，後悔離開香港⋯⋯。細路會感受到父母之 ...
我認同你的觀點， 所以一開始我便問樓主，你兩公婆不做野，可以維持幾多「年」 幾耐等 ！
我朋友四個仔女，前年舉家移民加拿大， 但他們香港有層樓 ， 有一個寫字樓單位收租， 所以 扣埋稅 ，一個月都有 兩萬幾三萬左右收入 ， 她老公的找工作找了一年 ，以前在多倫多讀書和工作過，但當地公司說他離開了成十幾廿年 ， 與一張白紙無疑 。好彩香港叫有收入有儲蓄可以頂住 ，但加拿大層樓都仲要供款 ，她說每月都是剛剛好咋 ， 最細孩子都是 2歲幾，她又不能工作 。
作者: katrinafu 時間: 18-3-13 16:49
SIYip 發表於 18-3-13 09:57
我朋友小孩子係土生土長英籍hk 人，佢經驗係，當地非常歧視外地人，包括黃皮白心嘅。佢小朋友成績好就好d, ...
我都認同比個兒女去外國（英國）讀書 ， 真是唔好用孩子將來必有一番成就 ， 可以做到什麼專業人士 ， 比他們去讀書只是提供一個優質學校環境，有別於香港教學理念而已 。
我身邊都一樣有去外國讀書失敗的例子 ， 我外甥 ， 我姑仔帶埋兩個仔女去加拿大讀中學 ， 姑仔陪讀 ，姑爺香港工作 ，姑仔在當地有做兼職 （ 兩個孩子在加拿大出生 ，但生完做回港，孩子都沒在加拿大住過） 。 大仔 讀完中學升上三線大學，讀讀下冇讀返香港 ， 他說想做旅行社帶團 ，我幫他穿針引線 入旅行社工作， 但懶到死， 把口 又唔識郁，又唔主動 。幫他轉了兩間公司都係 做唔住， 我欠埋人情之餘，姑仔仲怨我， 點解佢識英文仲要比佢帶埋D東南亞/大陸團，而不是去長線 。 咁於是我老公前年安排他去了日本大阪讀書讀日文，接近兩年啦 ，簡單日文都講唔掂，在日本下午返學，日日瞓到夠鐘返學先起床 ， 叫他去朋友公司幫下手 ， 幫手送下文件 ，一來學到日文，學到當地人拼博，同埋 舖定條路，日後可叫人幫手做簽證擔保等，結果是 影都冇 ！ 過埋今個3月便會回港， 我老公都決定放棄 ， 呢個是孩子性格問題 ， 去外國讀書 係咪一定得，一定掂 ？
但他妹妹就不同 ，去到當地 讀書時比當地同學排斥和欺凌， 有一年見她， 我覺得她在加拿大讀中學是唔開心 ，但她克服了， 她說 當我成續好的時 ，欺負她的同學一個個咁減少 ， 後來入到多倫多大學，前年First Hon 畢業 。 他們 都不是富有之家，姑仔夫婦一個香港做茶廳廳水吧捱，一個當地捱， 在當地一煲粥食幾日，有一年因帛事返香港， 我見兩個 飲杯汽水 ，好似未見過咁， 他們說 屋企根本連買汽水的錢都冇， 寧願將買汽水的錢買米買菜啦 ！所以 孩子成就 ，除了是學校 ， 家庭與孩子性格 都很大影響 ！
作者: noel2010 時間: 18-3-14 04:42
2017wahaha 發表於 18-3-13 10:56
明白，我會認真考慮
如果你在港生活不用付租金才剛剛夠，在英國有地方住嗎？租地方的話，親戚願意做擔保？或你有能力一次過交一年租金？適合一家五口居住的地方不平，council tax, 水電heating fee等比香港貴很多，還要私家車代步，香港你有養開車嗎？英國車的保險，停車位，炒牌比香港貴很多。
你們沒有居住過英國及交英國稅，記得朋友話要付學費。我朋友回流返英國的小朋友讀書，都是入私校，因為他們入政府都要付學費的。
作者: 2017wahaha 時間: 18-3-14 07:37
noel2010 發表於 18-3-14 04:42
看你的post，估計你了解英國不多，以為你有英國公民及親戚在英國，一早搜集好資料。
如果你在港生活不用付 ...
本帖最後由 2017wahaha 於 18-3-14 08:07 編輯
明白，係呀，我親戚真係講到好易咁，好多詳細嘢都無講，我唸佢直頭唔知，佢都有講過租一間2房既預計 $ 10000元租 ，計埋食同雜費，預2萬多，都叫我起碼預備到80萬過去頂捱住先的。 我都係開咗呢部post 先知完全係要咁多詳細嘢，所以我過幾個月去到英國會睇清楚，如果真係搞唔掂，相距太多就會放棄，唔會繼續堅持的，謝謝提醒
作者: noel2010 時間: 18-3-14 08:22
2017wahaha 發表於 18-3-14 07:37
本帖最後由 2017wahaha 於 18-3-14 08:07 編輯
明白，係呀，我親戚真係講到好易咁，好多詳細嘢都無講， ...
作者: 2017wahaha 時間: 18-3-14 08:32
noel2010 發表於 18-3-14 08:22
只預備80萬？我有800萬都覺得不足夠一家五口移民的生活費吧。你不如上網看看英國地方的租金多少。 ...
本帖最後由 2017wahaha 於 18-3-14 08:52 編輯
本帖最後由 2017wahaha 於 18-3-14 08:43 編輯
咁大鑊 好好好，唔該哂，咁請問你是公民讀書果d要錢嗎？800萬都未必夠，咁我就更加唔洗唸
作者: noel2010 時間: 18-3-14 09:32
2017wahaha 發表於 18-3-14 08:32
本帖最後由 2017wahaha 於 18-3-14 08:52 編輯
本帖最後由 2017wahaha 於 18-3-14 08:43 編輯
作者: 2017wahaha 時間: 18-3-14 09:39
noel2010 發表於 18-3-14 09:32
我只是香港打工有固定收入的中產人士，我是從家庭生活的負擔睇法，別忘記你三個小朋友只是幼稚園和小學。我 ...
哦，我親戚係伯明翰，佢果邊既生活可能無咁貴，不過主要都要問有無免費讀書先，如果無免費，就算我有一千萬都未必夠多謝你的回覆
作者: kls12 時間: 18-3-14 11:34
2017wahaha 發表於 18-3-14 09:39
哦，我親戚係伯明翰，佢果邊既生活可能無咁貴，不過主要都要問有無免費讀書先，如果無免費，就算我有一千 ...
我有朋友在香港生活，仔女是英藉，在沒有在英國交稅下，是可以找到免學費的政府寄宿學校,只須要比宿費. 在BK, 間中也有這類post 出現，不少師兄都會安排寄宿，因免學費而整家移民，又好似未見過。
800K 是否足夠，看你怎樣用吧。真是有人可白手興家,但要博，成功的那一位未必是你。
作者: 2017wahaha 時間: 18-3-14 11:39
kls12 發表於 18-3-14 11:34
我有朋友在香港生活，仔女是英藉，在沒有在英國交稅下，是可以找到免學費的政府寄宿學校,只須要比宿費. 在 ...
多謝你回覆，我再揾多d post 看看先， 因為香港工作都唔係好如意，所以先唸住過埋去（可能兩邊人工差唔多）
作者: bobbycheung 時間: 18-3-14 15:23
本帖最後由 bobbycheung 於 18-3-14 15:35 編輯
It says here:-
(1) State schools are provided by the government at no cost to British citizens and foreigners legally living in the UK.
(2) The standard of education at state schools varies considerably.
(3) Admission criteria vary from one school to the next. Most of the popular state schools will base admissions on a particular catchment area. Therefore, it is important to choose a school before deciding where to live within a city.
http://www.expatarrivals.com/the ... -the-united-kingdom
睇嚟在 state schools 讀小學及中學係唔駛比錢. 不過 state schools 嘅水準有d好好, 有d好差. 而大部份係跟 catchment area. 這些你要十分之小心. 文章話叫你揀咗學校先揀地方住，但我估未必足夠，因為你揀嘅學校未必一定收你。同埋好嘅學校就一定多人爭。你又要揾3個學位，就更加頭痕。
知你在香港工作不如意，希望換個地方環境。不過小心你會跌落個更大嘅氹。
作者: 2017wahaha 時間: 18-3-14 15:30
bobbycheung 發表於 18-3-14 15:23
It says here:-
(1) State schools are provided by the government at no cost to British citizens and f ...
謝謝你的資訊，等我又睇下先
作者: dlam141231 時間: 18-3-14 15:59
你說過到去做餐館工, 估計是唐人餐館, 你清楚餐館工的情況嗎?
英語能力較佳的, 可以做收銀, 企枱, 聽電話接外賣單, 有時都要應付吓鬼佬客. 否则都是做廚房工, 執外賣算是輕省, 其餘工作都是粗重的, 廚房又好熱, 長時間企住做嘢, 無得坐低. 洗碗有洗碗機, 那些很有份量的餐館用碗碟一日十個小時搬搬抬抬都好費力.
無論廚房內外, 都是工時長, 晚下班, 週末生意忙不會有得休假. 這樣的作息時間, 跟你家三個小朋友, 有很大出入.
作者: 2017wahaha 時間: 18-3-14 16:11
dlam141231 發表於 18-3-14 15:59
你說過到去做餐館工, 估計是唐人餐館, 你清楚餐館工的情況嗎?
英語能力較佳的, 可以做收銀, 企枱, 聽電話 ...
本帖最後由 2017wahaha 於 18-3-14 16:12 編輯
知道呀，我基本英文都尚可的，如果真係過到去應該都做到收銀掛 ，或者又唸下可唔可以頭幾年，做短d時間，係老本到補貼住先，到上咗全日制小學才陸續加長工時，因為暫時都無唸住在英國長住，洗哂d錢後，最多回港再揾過，唸係咁唸下，但未必work
作者: Zenia 時間: 18-3-19 01:10
2017wahaha 發表於 18-3-14 08:32
本帖最後由 2017wahaha 於 18-3-14 08:52 編輯
本帖最後由 2017wahaha 於 18-3-14 08:43 編輯
State 嘅中、小學一般係要求有合法居留或者係公民就可享免費入讀，祗有大學因為有分 local 同 international 學費所以先會有三年 local tax 要求。小學由足四歳開始，入讀 Reception Class。
Grammar school 每年都不少人報考，每間學校要考嘅方法都由學校自己決定。一般 year 4 就開始準備，around year 5 尾至 year 6 嘅十二月考。大致上如早前 Ruby 所講，會有 Verbal, non-verbal, Maths and English. Verbal, non-verbal 係 multiple choice, 一般會講明用邊間 association 出嘅考題，所以可以響坊間買果間 association 出 Verbal, non-verbal and Maths 嘅練習操練。 English 多數係學校自己出，考 comprehension 同 creative writing, 一般會响 fiction book 抽一大段作為題目。有部分 Grammar school 會有 Music route，但名額好少。
小學好與壞可以參考 Ofsted report.
作者: 2017wahaha 時間: 18-3-19 08:37
Zenia 發表於 18-3-19 01:10
State 嘅中、小學一般係要求有合法居留或者係公民就可享免費入讀，祗有大學因為有分 local 同 internatio ...
本帖最後由 2017wahaha 於 18-3-19 08:38 編輯
謝謝回覆，我真好多嘢都唔知同唔識，
你們教識我好多thank you
| 歡迎光臨 教育王國 (/) |
Powered by Discuz! X1.5 |