教育王國
標題: TSA滲正規課程 破壞「終身學習」目標（韋惠英） [打印本頁]
作者: elbar 時間: 18-3-12 16:42 標題: TSA滲正規課程 破壞「終身學習」目標（韋惠英）
【明報文章】「香港學生PIRLS（全球學生閱讀能力進展研究）的成績和TSA（全港性系統評估）的操練有關」，以下數字不由得人不作這樣聯想。2001年PIRLS港生成績是第14位；2006年成績升至第2。短短5年間排名便由第14升至第2。這和自2004年開始小三學生考TSA有關嗎？學界中人指出是TSA的題型參考了PIRLS的效果，港生經過多年TSA應試策略操練，2011年PIRLS排名更是全球第1；但2016年排名跌至第3。為什麼不是愈考愈好呢？
PIRLS評估中影響學生終身學習能力的閱讀「興趣」、「動機」、「信心」、「課堂投入度」等項目，港生成績均低於全球平均數。TSA無上述各項評估，缺乏這些重要數據，TSA難以輕言改善教學。事實上不少教育界人士都擔憂重視操練而輕視興趣培養，所謂好成績只是分數，考試過後什麼都忘了，遑論終身學習。
初小（小一至三）語文教育的目的是學會閱讀（learn to read）：學生能憑上文下理猜測生字／詞，能撮要篇章／故事內容，能說出篇章／故事的開始、發展和結果等。但小三TSA中文卷閱讀理解的要求，學生是毋須閱讀整篇文章，考題大多要求學生迅速在文章裏找答案。學生只要熟習題型、記得答題技巧、快速找到關鍵字，就能拿高分。
公開試怎樣考，教科書和補充練習就怎樣編寫。某出版社2006及2011年兩版本第一課同是「詩是什麼？」，以3首古詩、新詩貫穿。2006年版學生自由發揮試寫詩句，2011年版則改為TSA形式的選擇題及填充題。
TSA滲進正規課程，教師訓練學生的答題應試技巧常規化。這種考試主導的閱讀能力不能滿足「學會閱讀」的要求，學生自小就被教「走精面」，學壞了，「學會閱讀」的目的沒法在小三時達成。
功課都是應試練習 愈多做愈受害
沒打好「學會閱讀」基礎，又怎能在高小（小四至六）學好「透過閱讀來學習」（read to learn）的語文教育目的？一些學校、家長更要求孩子做補充練習至考Pre-S1（中一入學前學科測驗）。當作業、功課都是應試練習時，孩子愈多做只會愈受害。有些學生說「做到嘔」，學生看見文字就怕，還有心情和閒暇時間看課外書嗎？還有時間玩、發白日夢嗎？
學生從小就不斷被評核，默書、測考，求學等於求分數；但即使學生取得高分亦不等於他們語文能力好。商界翹楚經常批評年輕一代「高分低能」，連專業文章或公司報告也讀不懂，更寫不出像樣的公函，這和年輕人自小就被訓練應試技巧而不是「學會閱讀，從閱讀中學習」不無關係。
教協2017/18學年小學生學習狀况調查指出：即使教育局強調TSA／BCA（基本能力評估）毋須額外操練，仍有六成多教師表示TSA／BCA為學生帶來額外功課量和補課。
2017年香港兒科醫學會及香港兒科基金調查發現，回歸20年來本港兒童與青少年精神健康每况愈下，過去5年到醫院接受精神科服務的兒童與青少年求助個案增幅逾五成。家長認為子女一踏入小學，開心指數下跌，壓力升幅達六成；有五成四家長認為學業與子女不開心有關。
冀政府和家長重返教育正道
初小「learn to read」和高小「read to learn」原本是有層次、有內涵，培養終身學習的教育理念。推行得好，不用操練，定能名實相符贏取國際試佳績，可惜被急於求取表面考績的操練摧毁了。希望政府和家長重返教育正道，讓孩子個性和天賦得到適合培養。
作者是青田教育基金會教學顧問
[韋惠英]
作者: shadeslayer 時間: 18-3-12 17:58
elbar 發表於 18-3-12 16:42 
【明報文章】「香港學生PIRLS（全球學生閱讀能力進展研究）的成績和TSA（全港性系統評估）的操練有關」，以 ...
冀政府和家長重返教育正道。
xxxxxx
講呢D，唔係嗎。TSA 政府多次叫學校不要操練，學校啋你都傻，異化之。而家要政府同家長「回歸正道」？
作者: haihaimom 時間: 18-3-12 21:17
elbar 發表於 18-3-12 16:42
【明報文章】「香港學生PIRLS（全球學生閱讀能力進展研究）的成績和TSA（全港性系統評估）的操練有關」，以 ...
我見過當年有TSA既年代，啲學校經常要啲小三學生寫邀請信，寫來寫去都係邀請信，其他就係噤二教，點解？因為TSA淨係考邀請信囉！啲家長為咗校內試高分，又係噤叫啲仔女練習寫邀請信，其他唔駛學，因為學校唔考。好多學校小五、小六份考卷同HKAT差唔多，噤啲家長想仔女呈分好啲，又睇住HKAT黎谷，其他應該包含既課程學習只好放埋一邊。
作者: shadeslayer 時間: 18-3-12 22:12
haihaimom 發表於 18-3-12 21:17
我見過當年有TSA既年代，啲學校經常要啲小三學生寫邀請信，寫來寫去都係邀請信，其他就係噤二教，點解？因 ...
TSA, HKAT 唔影響學生自己，如果家長自己操，係傻傻地，囉苦來辛。除非學校迫學生家長。
作者: haihaimom 時間: 18-3-12 22:23
shadeslayer 發表於 18-3-12 22:12
TSA, HKAT 唔影響學生自己，如果家長自己操，係傻傻地，囉苦來辛。除非學校迫學生家長。
...
因為學校考試跟TSA/HKAT題型，噤家長想仔女校內試/呈分試高分啲，咪不自覺地跟TSA/HKAT谷囉
作者: Vanadium 時間: 18-3-13 00:15
最變態係有D學校沾沾自喜話自己唔使操，因為能夠將TSA融入課程，而中大數據教授更講用TSA教TSA有咩問題，話TSA既野就係學到野喎。
而成日話唔使操果D"市民"，更搞唔清TSA係拉curve，成班變態學校搞TSA融入課程話唔使操，真係搞理想既教育果班係TSA成績被比下去，結果唔想犧牲課堂較理想既教育方式，就要課餘功課去操，最後有理想果批挨罵，搞"TSA融入課程"果批反自高自大話自己成功。
稍為對教育有學術認識，都知如此教育得啖笑。
作者: shadeslayer 時間: 18-3-13 01:50
haihaimom 發表於 18-3-12 22:23
因為學校考試跟TSA/HKAT題型，噤家長想仔女校內試/呈分試高分啲，咪不自覺地跟TSA/HKAT谷囉
...
本帖最後由 shadeslayer 於 18-3-13 09:00 編輯
所以味係無良學校始作俑者，政府家長如何「重返教育正道？」。
無良學校行了歪路，要政府家長重返教育正道。咁都講得出。
作者: shadeslayer 時間: 18-3-13 01:51
Vanadium 發表於 18-3-13 00:15
最變態係有D學校沾沾自喜話自己唔使操，因為能夠將TSA融入課程，而中大數據教授更講用TSA教TSA有咩問題，話 ...
本帖最後由 shadeslayer 於 18-3-13 09:00 編輯
所以味係無良學校始作俑者，政府家長如何「重返教育正道？」。
無良學校行了歪路，要政府家長重返教育正道。咁都講得出。
作者: haihaimom 時間: 18-3-13 08:15
haihaimom 發表於 18-3-12 22:23
因為學校考試跟TSA/HKAT題型，噤家長想仔女校內試/呈分試高分啲，咪不自覺地跟TSA/HKAT谷囉
...
香港乜鬼都講效率，速食文化大行其道，連教育都講效率就出現呢啲問題。
如果學校小五小六嗰份試卷
1. 唔似HKAT>恭喜你，你小朋友學校真係以學生學習為本
2. 小小似HKAT>都明嘅，學校緊張學生升中派位
3. 同HKAT一模一樣>咁我唔識評論喇
作者: somoon 時間: 18-3-13 08:55
本帖最後由 somoon 於 18-5-12 05:14 編輯
……
作者: somoon 時間: 18-3-13 09:02
本帖最後由 somoon 於 18-5-12 05:15 編輯
……
作者: shadeslayer 時間: 18-3-13 09:03
haihaimom 發表於 18-3-13 08:15
香港乜鬼都講效率，速食文化大行其道，連教育都講效率就出現呢啲問題。如果學校小五小六嗰份試卷1. 唔似HKA ...
咁政府家長如何「重返」正道？
呀，有:
政府鐵腕政策對付違規學校。
家長質疑學校，用腳投票。
作者: shadeslayer 時間: 18-3-13 09:05
somoon 發表於 18-3-13 09:02
最有效的方法應該是所有教育官及高層子孫要讀local school 課程，咁就一定大有改善！ ...
本帖最後由 shadeslayer 於 18-3-13 09:07 編輯
咁唔通，咁做好巴士業咪要同業高層同運輸處高官只可搭巴士。
咁做好公屋咪要建築業高層同建築處高官只可住公屋。
香港貴在有自由。
作者: somoon 時間: 18-3-13 10:35
本帖最後由 somoon 於 18-5-12 05:16 編輯
……
作者: 小寶貝兒 時間: 18-3-13 11:43
我都好想講, 舊校係不操練架, 不過中文功課同TSA一模一樣, 小一咋, 已經要10分鐘內睇完一篇幾百字既文章再答果D陰濕問題, 我剩係同我女講解篇文都用左差不多大半個鐘(讀一次, 解釋一次), 再答埋題目TOTAL用左我個幾鐘! 10分鐘? 邊個SET出來的?
我真心唔鐘意呢種教學模式, 所以我用腳投票, 去一間真正去學習點樣學習既學校!
作者: Doray 時間: 18-3-13 12:17
小寶貝兒 發表於 18-3-13 11:43
我都好想講, 舊校係不操練架, 不過中文功課同TSA一模一樣, 小一咋, 已經要10分鐘內睇完一篇幾百字既文章再 ...
作者: shadeslayer 時間: 18-3-13 13:20
somoon 發表於 18-3-13 10:35
有效的方法……不是指正確！
本帖最後由 shadeslayer 於 18-3-13 13:22 編輯
不正確，不實際，講都係哂時間。
發洩下可以。
作者: shadeslayer 時間: 18-3-13 13:21
小寶貝兒 發表於 18-3-13 11:43
我都好想講, 舊校係不操練架, 不過中文功課同TSA一模一樣, 小一咋, 已經要10分鐘內睇完一篇幾百字既文章再 ...
用腳投票，正確。
作者: Vanadium 時間: 18-3-14 20:20
本帖最後由 Vanadium 於 18-3-14 20:20 編輯
shadeslayer 發表於 18-3-13 01:51
本帖最後由 shadeslayer 於 18-3-13 09:00 編輯
所以味係無良學校始作俑者，政府家長如何「重返教育正 ...
無良學校? 睇你係度留言咁耐，呢D無良學校，你唔係唔知就係你呢類自以為是既"家長"同社會人仕做成咩，你仲好意思話人地無良?
還記得你呢類以"TSA考得差就係學校教得唔好要殺要檢討"既論調，造就各學校用各種陰招提升TSA成績，但TSA成績係拉curve，當人地陰險打茅波，你跟足遊戲規則、按足教育理想玩就一定輸，而你呢類人，唔睇下贏果班有無打茅波贏，只圍插輸果班，間接迫輸果班加入無良遊戲!
最後，又反鬧教育界唔堅持.......但對於社會呢類"傑出"又有精明頭腦卻無知既人士，對教育指指點點，又鬧TSA點考得唔好係垃圾學校，除左唔做，自我收檔，都唔知可堅持D咩。
作者: shadeslayer 時間: 18-3-14 20:31
Vanadium 發表於 18-3-14 20:20
無良學校? 睇你係度留言咁耐，呢D無良學校，你唔係唔知就係你呢類自以為是既"家長"同社會人仕做成咩，你仲 ...
本帖最後由 shadeslayer 於 18-3-14 23:15 編輯
TSA考得差就係學校教得唔好要殺要檢討"既論調
Xxxx
不要屈我，無咁講過。
再講，大人大姐，比人迫無良？ 啱，有些人性賴的。香港無無良學校，無無良老師，一切也是被迫。被迫收人工，被迫操練學生，被迫壓力轉架比小學生。
無良的只有教育局，家長，學生，鬼咁衰迫老師良為倡。
作者: Vanadium 時間: 18-3-14 23:47
shadeslayer 發表於 18-3-14 20:31
本帖最後由 shadeslayer 於 18-3-14 23:15 編輯
TSA考得差就係學校教得唔好要殺要檢討"既論調
再講，要評核學校與教師表現，更多更有效更實際方法，TSA明顯只係用黎收集數據供有興趣分析數字既人用，而TSA更極容易被政府或學校扭曲成不正當工具(如早前政府用黎評核學校教學成效)，除非無可選擇，否則應免則免。
作者: shadeslayer 時間: 18-3-15 09:22
Vanadium 發表於 18-3-14 23:47
我想你搞清楚.....學校有無良、教師有無良，但好大機會同TSA無關，係你經常用TSA黎批判學校無良與否，咁點 ...
你講咩呢？老師學校無良當然是和TSA無關，係TSA事件是照妖鏡，照得出那些是人那些是鬼。
你一向護師心切，人身攻擊批評無良老師學校的，更有時因果倒置。
其實好簡單，無良老師唔批評，唔通要比個樂背耳自私奬比佢地。
何謂無良老師學校？無良乃沒有良心良知。怕「可能」教育局誤用數據，明知操練有害孩子也照做，明知把課程照TSA改有害孩子也照做，異化一番，沒把孩子利益考慮。
另一例子，便是老師「怕」升遷受影響，明知多功課有害學生也照。
明知有害孩子的事也做，100 % self serving ，唔批評佢，加佢人工好唔好。
無乜其他行業的人會咁無恥，大搖大擺講如何加害行業服務對象。
唔同意？想想：
無良醫生開刀兩邊走，害了病人，你問佢，佢話生活迫佢，醫管局迫佢。
無良巴士司機危駕傷人，你問佢，佢話乘客迫佢，巴士公司政策迫佢。
想象你或親友係這個病人，係這個乘客，你會用你對老師的寬大處理？問心呀。
作者: judy 時間: 18-3-15 09:39
無良醫生開刀兩邊走，害了病人，你問佢，佢話生活迫佢，醫管局迫佢。
無良巴士司機危駕傷人，你問佢，佢話乘客迫佢，巴士公司政策迫佢。
想象你或親友係這個病人，係這個乘客，你會用你對老師的寬大處理？問心呀。
呢啲係講唔出口嘅嘢，但奇怪有教師以此為由, "理直氣壮"地為狂操學生辯解(更甚者，最近直認是為了升職加薪), 不亦怪哉！
更奇怪嘅係咁嘅辯解得到好多人嘅同情。
作者: cow 時間: 18-3-15 10:30
回覆 judy 的帖子
大家打工, 何嘗唔係, 邊個敢逆老細意? 人地都係打份工啫。
作者: judy 時間: 18-3-15 11:32
大家打工, 何嘗唔係, 邊個敢逆老細意? 人地都係打份工啫。
呢個我知！
但係前文下理，教師(教協)唔係咁簡單。佢地話，老细唔满意成績，所以要操練學生，但同時佢地知道，操學生只會令學生痛苦，不會令其進步。
我說過，佢地係專業人士，如果佢地覺得操練有益，咁我冇得反駁。
打工仔要交數，交唔到數要扮勤力，我明。但你扮勤力影响到人，就唔好。
作者: somoon 時間: 18-3-15 11:42
本帖最後由 somoon 於 18-4-12 03:44 編輯
……
作者: judy 時間: 18-3-15 11:42
最近嘅辯解更令人氣憤：為了升職加薪，所以操練學生。
做為打工仔，我明白升職加薪的意義，交唔到數要扮勤力，我明。但我未聽到為扮勤力而去傷害客户(更甚者是為扮勤力而去傷害學生)。
作者: shadeslayer 時間: 18-3-15 13:02
cow 發表於 18-3-15 10:30
回覆 judy 的帖子
大家打工, 何嘗唔係, 邊個敢逆老細意? 人地都係打份工啫。 ...
本帖最後由 shadeslayer 於 18-3-15 13:57 編輯
係未間間狂操學生的學校，其校董局也有明確指示，要加功課加操練就唔知？(我懷疑無)，教育局就有明確指引不要為TSA操練，講明不殺校，不影響派位，成績不公開，不影響收生。
咁，請問老師門的「老細」係邊位，老细如何迫老師們。
退一百步，老師真係有壓力，也不能作為辯解理由。
醫管局一定有醫生的kP1，但不能因為有壓力做多D手術，醫生可以求其做手術，或手術兩邊走。呢D問題前線醫生除牌都似。不能說「老細叫，我打份工者」。因為係人的健康。
就算巴士公司有指標，司機要揸幾多轉車，做成壓力，司機也不可能以此為藉口，危駕傷人，更不能說「老細叫，我打份工者」而脱罪，只好洗定Pat pat.
作者: cow 時間: 18-3-15 14:19
本帖最後由 cow 於 18-3-15 14:20 編輯
shadeslayer 發表於 18-3-15 13:02
本帖最後由 shadeslayer 於 18-3-15 13:57 編輯
醫管局一定有醫生的kP1，但不能因為有壓力做多D手術，醫生可以求其做手術，或手術兩邊走。呢D問題前線醫生除牌都似。不能說「老細叫，我打份工者」。因為係人的健康。
醫管局有用藥指引, 明知好多副作用, 但都要開某些藥給病人, 到有問題才開副作用較少的! 天下烏鴉只有小數係白.
作者: akys 時間: 18-3-15 16:06
本帖最後由 akys 於 18-3-15 16:07 編輯
shadeslayer 發表於 18-3-15 13:02
本帖最後由 shadeslayer 於 18-3-15 13:57 編輯
係未間間狂操學生的學校，其校董局也有明確指示，要加 ...
『有前線教師指功課量在學期初已有規劃，教師如減少功課或被校長召見，甚至影響考績，又要滿足各科課程要求，總之功課「減不得」。』
唔知原文係點，但呢句講功課量一早已定，前線教師只是話不能減而已。聽聞而家教席好多已變成合約制，唔聽話有可能冇得續約，份工都無埋。
當年I Kill You Later，好多人被呃。前線員工就算知道唔妥都要做，而且Quota唔細。最後被罰嘅係銀行，唔係前線員工。
但有點不能否認，雖未有確實數據，可能有超過一半家長贊成多功課多操練，以保競爭力，在這裡亦有不少操練補習支持者，咁如何定適當功課量？但投訴聲音當然會大於沉默的一班。有時好無奈，有次家長群有家長埋怨自己班的老師懶，因為隔離班做多了些工作紙。
我反而覺得TSA課程冇用，唔應該融入課程裡面，呢點校長責無旁貸。
作者: shadeslayer 時間: 18-3-15 16:41
akys 發表於 18-3-15 16:06
『有前線教師指功課量在學期初已有規劃，教師如減少功課或被校長召見，甚至影響考績，又要滿足各科課程要 ...
咁在下一學期初定功課量時定少D就得喇。
在主要事件上，明知有害服務對象的事情也做，便是無良，高談闊論，更是無恥，無論有無犯法也一樣。
作者: ANChan59 時間: 18-3-15 16:42
cow 發表於 18-3-15 14:19
醫管局有用藥指引, 明知好多副作用, 但都要開某些藥給病人, 到有問題才開副作用較少的! 天下烏鴉只有小數 ...
現在政府醫院用藥指引，都被長官 KPl 凌駕，好簡單，人手唔夠，輪候時間長，所以俾藥多 d，等你唔好咁快返嚟覆疹，所以好多藥物是浪費掉！就算唔啱病人，要換藥都要等等等⋯⋯
當然，不用睇政府醫生，可能唔知箇中滋味，又叫醫生唔好亂開藥，HA冇責任，HCE冇責任！
我認為部分問題是個人，是影響較小，部分是系統問題，影響規模肯定較大。教育，醫療體系都一樣！
作者: shadeslayer 時間: 18-3-15 16:49
cow 發表於 18-3-15 14:19
醫管局有用藥指引, 明知好多副作用, 但都要開某些藥給病人, 到有問題才開副作用較少的! 天下烏鴉只有小數 ...
講得好，醫管局無良用藥指引一事，究竟我地市民要批評醫管局，定係因為天下烏鴉，所以市民應該接受醫生開刀兩面走，巴士司機危駕，和老師操學生？
作者: shadeslayer 時間: 18-3-15 16:51
ANChan59 發表於 18-3-15 16:42
現在政府醫院用藥指引，都被長官 KPl 凌駕，好簡單，人手唔夠，輪候時間長，所以俾藥多 d，等你唔好咁快返 ...
正好，看看我樓上回應。
作者: cow 時間: 18-3-15 16:54
本帖最後由 cow 於 18-3-15 22:24 編輯
akys 發表於 18-3-15 16:06
有次家長群有家長埋怨自己班的老師懶，因為隔離班做多了些工作紙。
家長怪責功課多
亦有埋怨量太少
學校想出辦法來
有些功課定要做
有些可做可不做
結果人人怕蝕底
個個交足功課來
作者: shadeslayer 時間: 18-3-15 20:58
shadeslayer 發表於 18-3-15 16:49
講得好，醫管局無良用藥指引一事，究竟我地市民要批評醫管局，定係因為天下烏鴉，所以市民應該接受醫生開 ...
本帖最後由 shadeslayer 於 18-3-15 20:58 編輯
cow, 真係想知道，你覺得社會應該選擇批評醫管局無良指引，或者因為天下烏鴉，所以社會應包容無良醫管局，無良兩面開刀醫生，無良危駕巴士司機，無良無恥學校老師？
作者: somoon 時間: 18-3-15 21:18
本帖最後由 somoon 於 18-3-15 21:38 編輯
deleted...
作者: cow 時間: 18-3-15 22:23
shadeslayer 發表於 18-3-15 20:58
本帖最後由 shadeslayer 於 18-3-15 20:58 編輯
cow, 真係想知道，你覺得社會應該選擇批評醫管局無良指 ...
冇錢冇計，只好讀津校做功課。
弱勢社群，只好排街症用渣藥。
作者: shadeslayer 時間: 18-3-16 01:02
cow 發表於 18-3-15 22:23
應該批評醫管局教育局校監，不應批評醫生老師。
冇錢冇計，只好讀津校做功課。
本帖最後由 shadeslayer 於 18-3-16 01:07 編輯
醫生做兩邊手術不應被批評？
巴士司機危駕不應被批評？
學校老師異化政策，為免升遷機會受損，一於操孩子，不應被批評？
0K，即係雙重標準，明白你係咩人。只要你想想自己親友遇到無良醫生，無良司機，無良老師時情況好了。
作者: cow 時間: 18-3-16 01:15
本帖最後由 cow 於 18-3-16 01:17 編輯
shadeslayer 發表於 18-3-16 01:02
醫生做兩邊手術不應被批評？
巴士司機危駕不應被批評？
個別人不當行為，當然不是。
但老師多給功課，醫生開不了好藥，不能怪他們。一切高層決定, 老師醫生跟指引做事。
同一個老師係津校同國際學校比唔同嘅功課。
同一個醫生係政府同私家開唔同嘅藥。
作者: shadeslayer 時間: 18-3-16 01:28
cow 發表於 18-3-16 01:15
個別人不當行為，當然不是。
但老師多給功課，醫生開不了好藥，不能怪他們。一切高層決定, 老師醫生跟指 ...
本帖最後由 shadeslayer 於 18-3-16 02:15 編輯
個人行為，唔係可以一概賴管理層迫佢地咩？
老師「驚」升遷受影響，明知操練害了孩子還是操，也是個人行為。還無恥地公開談論。
同是津校，有多功課的，有少功課的。
同是直資，有多功課有少功課的。
同是lB校，有多功課的有少功課的。
要老師負責時，便說自已不專業，只聽人擺布。爭人工，福利資源便靈魂工程師，孩子的人生響導。收人工多過好多有牌工程師。我看不起這些人。
請不要對号入坐，唔係呢D人唔一定要覆我。
作者: cow 時間: 18-3-16 08:28
本帖最後由 cow 於 18-3-18 00:28 編輯
shadeslayer 發表於 18-3-16 01:28
本帖最後由 shadeslayer 於 18-3-16 02:15 編輯
個人行為，唔係可以一概賴管理層迫佢地咩？
如果不涉法律職業操守問題，打工仔跟管理層辦事，明知危害他人(如開副作用大嘅藥)，甚至自己，想繼續做份工，都無乜辦法。況且多功課的害處，跟直接危害他人身體又有差別。
自己開士多就話可以，如果打工，可以唔賣煙比成年人嗎？
作者: shadeslayer 時間: 18-3-16 08:54
cow 發表於 18-3-16 08:28
如果不涉法律職業操守問題，打工仔跟管理層辦事，明知危害他人(如開副作用大嘅藥)，甚至自己，想計續做份 ...
本帖最後由 shadeslayer 於 18-3-16 09:03 編輯
唔關多功課的優缺點，係老師自己也認為操練對孩子不好，但為何仍然狂操？學校和老師說: 因為不殺校，不公開，不影響派位，不影響收生的TSA。老師又說，因為「怕」影響自己升遷。
有心害了年輕人，betrayed parent's trust，如此100%自私，罪大惡極。
好簡單，這些中小學老師，自己的孩子大了入外國升大學，大學敎受訪問說「公私太忙，全年上課只做 passpaper ，仲公開說只做 passpaper 對學生唔好，但他「怕」自己聲帶「可能」受損。敎授打份工者。。。。
家長交幾十萬一年和宝貝的孩子給大學，看到這些言論點諗呢？
作者: shadeslayer 時間: 18-3-16 09:01
cow 發表於 18-3-16 08:28
如果不涉法律職業操守問題，打工仔跟管理層辦事，明知危害他人(如開副作用大嘅藥)，甚至自己，想計續做份 ...
唔犯法，當然不能以法律制裁。但唔犯法都可以極自私，無良，等等。。。。
正正係咁我地應該批評。
作者: cow 時間: 18-3-16 09:15
shadeslayer 發表於 18-3-16 08:54
本帖最後由 shadeslayer 於 18-3-16 09:03 編輯
唔關多功課的優缺點，係老師自己也認為操練對孩子不好，但為何仍然狂操？學校和老師說: 因為不殺校，不公開，不影響派位，不影響收生的TSA。老師又說，因為「怕」影響自己升遷。
有心害了年輕人，betrayed parent's trust，如此100%自私，罪大惡極。
//有心害了年輕人，betrayed parent's trust，如此100%自私，罪大惡極。
我後加了"職業操守".
作者: shadeslayer 時間: 18-3-16 09:21
cow 發表於 18-3-16 09:15
以前講過， TSA不殺校，不公開，不影響派位，不影響收生，但在某些學校會影響校長，影響老師.
//有心害了年 ...
因為校董？咁要批評校董。
校董唔信校長的TSA判斷，自己檢討下。
作者: Vanadium 時間: 18-3-16 22:43
本帖最後由 Vanadium 於 18-3-16 22:44 編輯
每次見到Shadeslayer回應都忍唔住要回下.....
醫生做手術兩邊走緊要批評啦，但假設制度令過半數醫生做手術兩邊走，去批評d醫生?
Shadeslayer，若有過半數做手術兩邊走，我話你知點解。有管理層要用數字檢視員工表現同升職，其數指標係你一日做到幾個手術，有人先偷偷兩邊走得較高數字，結果班盲毛管理層話佢數字靚，升佢，反連同社會人士話做唔到咁高數字果d係屎醫生，最後有醫生為醫德離職，但更多焗住學佢地兩邊走做手術黎保持被讚賞機會。
話你聽，TSA後期變質操成咁你一定有份，唔好不問因由抦完人地TSA考得差應汰弱留強後，又話TSA操練果班係陰質無良。
作者: Vanadium 時間: 18-3-16 22:49
我見解係若以TSA評核學校，必須要考得好果班，normalize左個SES後，要清楚公開佢地考得好原因，教學做左咩出色野，定只係狂操或暗操。
只要一公開，全部照妖鏡，就無人再敢操。
作者: shadeslayer 時間: 18-3-17 21:46
Vanadium 發表於 18-3-16 22:43
每次見到Shadeslayer回應都忍唔住要回下.....
醫生做手術兩邊走緊要批評啦，但假設制度令過半數醫生做手術 ...
本帖最後由 shadeslayer 於 18-3-17 21:46 編輯
我完全無講過以TSA成績汰弱留強，又屈我。
話你知，醫生做手術兩走危害病人，和巴士司機危駕危害乘客，和老師為「怕」自己前途受損，狂操加功課危害學生，也不能怪管理層捽數為籍口走脫責任。
而現實中犯事醫生備受批評，巴士司機要洗定 pat pat.。佢地用管理層捽數，不能脱罪，或避免受批評。
作者: Cheeselover 時間: 18-3-17 23:24 標題: 回覆樓主
管理層的責任是管理前線工作人員，令其發揮極致，即使前線工作人員有所參差，亦要取長補短，沒有一個打工不為自己爭取最好，管理層亦不可能不知，因此管理層應妥善管理而達致雙贏局面，若各懷鬼胎，後果堪憂。管理層不會不知什麼才是對學生最好，老師是他們的利刃，任由它們胡亂揮舞，對學生是最危險。
作者: shadeslayer 時間: 18-3-18 00:13
Cheeselover 發表於 18-3-17 23:24
管理層的責任是管理前線工作人員，令其發揮極致，即使前線工作人員有所參差，亦要取長補短，沒有一個打工不 ...
一個警察，市民可期望佢盡力除暴安良。
一個消防員，市民可期望佢盡力救急扶危。
一個老師，不能任佢發揮亂教學生？
可悲。
作者: cow 時間: 18-3-18 00:36
shadeslayer 發表於 18-3-18 00:13
一個警察，市民可期望佢盡力除暴安良。
一個消防員，市民可期望佢盡力救急扶危。
作者: shadeslayer 時間: 18-3-18 08:56
cow 發表於 18-3-18 00:36
無廉記前警察，消防係點? 你可以清高, 做好仔, 唔好做.要改變, 一定要改制度, 改文化.
...
本帖最後由 shadeslayer 於 18-3-18 09:09 編輯
講現代香港，你差到去石器時代，非洲軍政國家，有牌講，但無意思。我可以講以前香港教師較有骨氣。
就算無廉記前的警察，消防，也應該受批評，因為佢地做的事好「折墮」。難度無一警察消防不贪？
現在無良教師，也應該受批評，因為佢地做的事好「折墮」。難道現在無一教師能做好本份？
贪汚警察解釋，打分工者，管理層的錯，係社會的錯，與他無關。
失職消防不救人解釋，打分工者，管理層的錯，係社會的錯，與他無關。
兩面手術醫生解釋，打分工者，管理層的錯，係社會的錯，與他無關。
危駕司機解釋，打分工者，管理層的錯，係社會的錯(駡他)，與他無關。
自私害人老師解釋，打分工者，管理層的錯，係社會的錯，與他無關。
如果有一日香港變成咁嘅社會，只會怪責别人，不會做好自己，只會推卸責任，你地係幫兇。
作者: ANChan59 時間: 18-3-18 11:12 標題: 回覆樓主
吳國際單嘢就復雜d，佢上司過份撐佢，導致佢以為可以先私後公。同時他當時不是主刀，主刀是管理層定，但她竟然冇信心，沒有顧問在場不敢落刀，點做主刀！
當大家鬧吳國際之余，會否質疑個主刀的能力，會否賈疑管理層的安排？
原來醫管局管理層冇責任嘅！搵個人孭咗佢當冇事。 Too bad！
制度及系統上不檢討，只識搵人祭旗，這些意外將會繼續發生。
作者: cow 時間: 18-3-18 11:45
shadeslayer 發表於 18-3-18 08:56
本帖最後由 shadeslayer 於 18-3-18 09:09 編輯
講現代香港，你差到去石器時代，非洲軍政國家，有牌講 ...
作者: shadeslayer 時間: 18-3-18 12:20
cow 發表於 18-3-18 11:45
都話要怪唔好怪做野果班。講賣煙賣烈酒，你一係唔做，如果做的話，要跑數，都唔可以怪佢地。 至於賣煙賣酒 ...
本帖最後由 shadeslayer 於 18-3-18 12:22 編輯
咁咪係囉，社會和顧客也期望賣煙酒的人賣煙酒比成人，咁硬係無問題。但社會或服務對象的合理期望也做不到，當然要批評。
醫生開左人肚三小時，走左去做第二個手術，再回來做埋第一個手術，你問心如果是自己或親友，你係未可接受？沒有「管理層」的KPI justify 這些事。事實係涉事醫生己備受批評，不是管理層。
家長交寶貴子女給學校老師教導，期望老師用自己也認為對的分法教導，是社會家長學生的合理期望。老師怕進升受影響，明知有害孩子也死操學生，你又接受？
除非，老師 KPI 明文要過量功課。此情況如果老師遊行反對加操學生對抗管理層，我一定大力支持，因為老師有骨氣。
作者: Cheeselover 時間: 18-3-18 23:19
shadeslayer 發表於 18-3-18 00:13
一個警察，市民可期望佢盡力除暴安良。
一個消防員，市民可期望佢盡力救急扶危。
一個警察，不能任意縱容他濫用警權。
一個消防員，不能接受火場前退縮。
一個老師，市民期望他為萬世先師。
我未曾獲老師讚賞(壞學生怎有資格)，但殘害我的，不過是一年半載的事，不上心，看你....委屈不少呵。
| 歡迎光臨 教育王國 (/) |
Powered by Discuz! X1.5 |