教育王國

標題: 大坑真光 [打印本頁]

作者: lokyee2008 時間: 18-3-9 03:10 標題: 大坑真光

想了解一下大坑真光小學

1. 課程深淺？需要落力外補嗎？
2. 多唔多課外活動？
3. 有冇家長嘅仔仔喺呢間讀？女多男小有冇問題？
4. 男仔升中成績似乎不錯，是否代表課程可以和其他名校比美？

呢間聽聞係好學校，但我身邊又不大多用家，希望大家可以比d意見我，謝謝！

作者: tam_bb 時間: 18-3-9 08:18 標題: 回覆樓主

我女由坑真幼直升小一。現在讀真小小一。
（1）課程深淺適中。中文科是普教中，小一上學期只教拼音，冇默書、冇測考。英文用Primary Longman Express，即係比較深嗰個系列。所有科目冇教快教深，一年級就用1A1B書。全年2測2考，唔會教淺考深。小一上學期冇中文默書，而英文默書就只有兩次，而且有範圍紙派，而小一下學期，默書就中英各兩次（聽聞有D小學，一星期中默、一星期英默，無間斷的。）So far我女兒由幼稚園到現在，只外學phonics ，冇外補其他學術科目，成績不錯，感恩。功課方面，唔多，每日大約3-5樣，簡單直接，好快做哂，有時甚至在學校功課堂已經完成哂。
（2）課外活動方面，主要是自費的課外活動，自願性報名參加，例游水、管弦樂、圍棋、中國舞等。其他例如合唱團，是老師揀的，是免費。
（3）是女多男少。一級大約有十零個男仔。
（4）課程是否可媲美其他名校，待其他家長分享吧。但校風樸實，是我們十分喜歡的。
希望可以幫到你。

作者: WinnieCatCat 時間: 18-3-9 17:08 標題: 回覆樓主

1. 課程唔算深，因不會教高一級，但亦唔係淺。私小家庭個個有資源，分數會好接近。外補與否看你對成績名次要求有幾高。起碼是不會有專補真光的補習社，即補習不是必須。
2. 活動是一般有的都有，有管弦樂團、童軍等。較有優勢是有泳池，同史丹福合作攪游泳班再選入校隊訓練。放學在學校已可上泳班，很方便。要留意放學後的活動是沒校車，如住得遠或安排唔到接送便參加唔到。
3. 學校會把男生集中在某些班，大約7-8名男生一班，男仔就會自動聚埋玩。男生是小眾，是缺點亦是優點。校隊要有男仔，全校少男仔要入校隊競爭便少好多。學校搵高班的學生照顧小一生，點都要搵d大哥哥，男仔少，被選中擔當這些職務的機會便大過女仔好多。我明白男生家長會卻步，真光一定不會是首選，但我覺得只要孩子是性格開朗願意交朋友，加上日常生活中有機會接觸其他男孩子（如親戚、興趣班等），女校男生問題不大，我見d大哥哥都四四正正的。
4. 真光對男生最吸引的，應是個校網吧！若你不是住灣仔又入唔到net 12津校，讀真光便起碼有機會抽入皇仁。男生派位確是很不錯（2017是稍差的），我不懂和其他名校比較，只能說真光是有競爭力的小學。真光歷史悠久，港島區的中學大約也了解真小的程度、學生質素。我相信這也是真小學生升中的優勢。

作者: lokyee2008 時間: 18-3-9 20:09 標題: 回覆樓主

多謝大家詳細嘅解釋，資料好有用。
我住九龍，仔仔k1考到坑真同民生，正路就揀民生，但我又幾唔認同佢地剰係要d乖同坐定定嘅學生，我有朋友個仔因為喺學校眼中比較有創意及多問問題就比老師話佢應該入唔到民小。但我覺未來嘅世界係需要角度思考嘅人而非一模一樣嘅模範生。加上我仔仔雖聰明但又好固執，所以我估就算上到民小也可能不開心。坑真比我感覺是用心而非為成績教育，但我冇乜朋友讀，所以想知多d。

聽聞坑真有九成上坑小，敢另外一成考到咩小學呢？坑幼係happy school 會唔會難考到其他小學呢？

謝謝大家解答。

作者: lokyee2008 時間: 18-3-11 02:06

lokyee2008 發表於 18-3-9 20:09
多謝大家詳細嘅解釋，資料好有用。
我住九龍，仔仔k1考到坑真同民生，正路就揀民生，但我又幾唔認同佢地剰 ...

作者: 1998Ruby1998 時間: 18-3-11 05:08

本帖最後由 1998Ruby1998 於 18-3-11 05:09 編輯

回覆 lokyee2008 的帖子

雖然坑幼坑小係偏 happy school，但係如果你有心儀學校的話，可以自行「加料」考插班。識人插班考到一線有中學嘅私小、津小。坑真好處就係功課比較少，課程唔谷，有更多時間去親自培育個小朋友。如果你係 FTM，有能力放學之後去「提升」小朋友嘅學問、興趣，坑真會係個好選擇。
17 年 12 個男仔，計埋培僑書院有 6 個入到 Band 1 中學，成績算係好好。

作者: lokyee2008 時間: 18-3-12 20:10

1998Ruby1998 發表於 18-3-11 05:08
回覆 lokyee2008 的帖子

雖然坑幼坑小係偏 happy school，但係如果你有心儀學校的話，可以自行「加料」考 ...

本帖最後由 lokyee2008 於 18-3-12 20:10 編輯

坑幼係幾時開始唔係一條龍上小一？有冇人知唔收上小一會係咩原因？

作者: cpychung 時間: 18-3-13 00:08

lokyee2008 發表於 18-3-12 20:10
本帖最後由 lokyee2008 於 18-3-12 20:10 編輯

坑幼係幾時開始唔係一條龍上小一？有冇人知唔收上小一會 ...

今年k3開始唔會講明係一條龍上小一，但其實學校都收左超過九成，所以基本上唔洗太膽心....個人覺得真光幾重視你既整體發展，響呢個前題下，大b響真光係有一定既著數....

作者: happiemm 時間: 18-3-13 06:28

lokyee2008 發表於 18-3-9 20:09
多謝大家詳細嘅解釋，資料好有用。
我住九龍，仔仔k1考到坑真同民生，正路就揀民生，但我又幾唔認同佢地剰 ...

坑小都係傳統要乖要坐定喎，要創意就唔係呢類學校

作者: happiemm 時間: 18-3-13 06:40 標題: 回覆樓主:

我知坑幼係準學生去抽獎，所以好多女仔會抽灣仔幾間名女校，瑪利曼，聖保褖咁囉，抽到咪去，抽唔到咪留番係到

作者: tam_bb 時間: 18-3-13 08:35

happiemm 發表於 18-3-13 06:28
坑小都係傳統要乖要坐定喎，要創意就唔係呢類學校

我女現讀坑真小小一。其實又唔係傳說中咁傳統坐定定聽老師講嘅spoon fed類型。小一至小三，上堂係分組坐，5-6張抬拼在一起坐，同組小朋友會有互動。教學唔死板，會有實驗做，例如有一次，叫小朋友自己諗，帶不同物料的containers（膠、金屬、紙）（盒、樽、罐）、不同形狀大小的containers ，也帶了不同質地、大小的物料（萬字夾、豆、米、波子etc），然後做實驗，什麼物料放入什麼container 的組合，當你shake時會發出最細或最響的聲音，最後，小朋友得出結論，製作一個最響的搖鼓。又例如，英語會話課，唔係齋讀齋睇readers，而係會叫小朋友做English drama。我覺得學校的「傳統」，係要求小朋友要守規矩、有禮貌的傳統。

作者: tam_bb 時間: 18-3-13 08:38

happiemm 發表於 18-3-13 06:40
我知坑幼係準學生去抽獎，所以好多女仔會抽灣仔幾間名女校，瑪利曼，聖保褖咁囉，抽到咪去，抽唔到咪留番係 ...

今屆k3開始，留咗位的，不可以參加大抽獎了。

作者: WinnieCatCat 時間: 18-3-13 09:06

lokyee2008 發表於 18-3-12 20:10
本帖最後由 lokyee2008 於 18-3-12 20:10 編輯

坑幼係幾時開始唔係一條龍上小一？有冇人知唔收上小一會 ...

今年K3才是第一年不直升。那十多個唔收的，我相信是個人原因多，因即使以往可直升，都有家長選唔升的，例如想跟兄姊讀津校、考到更心儀的直私，返真光太遠等。在能否升上小學方面，不用太擔心，因真光常強調中小幼是一家，真幼和真小的校長在不同的家長活動上都多次強調是會盡量收返坑幼和堅幼學生。

我諗你更關心的，是哪所學校較適合囝囝。說創意培育應兩間學校也不是，兩間也是傳統教學，絕不是港同、救恩那類。作為真光家長，我會形容真光是傳統教學模式的happy school

作者: WinnieCatCat 時間: 18-3-13 21:03

lokyee2008 發表於 18-3-9 20:09
多謝大家詳細嘅解釋，資料好有用。
我住九龍，仔仔k1考到坑真同民生，正路就揀民生，但我又幾唔認同佢地剰 ...

你個case, 正路真係應該選民生，你個係仔又住九龍。當然若了解過兩校特色後，你認為真光較適合，便選真光，最緊要你和老公明白點解選真光唔選民生。

你去interview時應也感受到兩所學校的style很不同，民生簡單直接考學術，真光是考與老師對話和觀察力。真光唔係學術型幼稚園，課程係非常淺，亦沒有近年很多家長重視的英普語境，呢點你要諗清是否你想要的。如要考直私，一定唔係靠學校。但真光最大好處，是唔難應付學校的要求，小朋友好多空閒時間，家長想大量外補都得。我識有家長是英文班公文數普通話游水樂器畫畫樣樣齊。以往有得直升，家長很多都唔會大量報考直私，我知道有人考到的學校包括高主教、真道、港同。但叩門力相當唔錯，12網的名校（男校、女校、男女校）都有人叩到，我諗灣仔區小學對真幼應有頗佳印象，當然家長一定有好好裝備小朋友叩門啦！

畀幾千蚊學費，換一個九成上真小的backup，之後再花錢大量外補搏跳船，是否值得見仁見智。當然若一心上真小，就唔使有呢個煩惱，唔使點外補開開心心等上小學。所以我覺得要真心喜歡真小才讀真幼。

咁真幼有咩好？就係教識小朋友很多不能量度的soft skills。例如社交能力，真幼的小朋友係會識晒全班同學的，因為上堂成日行來行去同唔同同學仔分享。跟住會連隔離班都識埋，因為只要唔落雨就會每日出操場玩。另外就係觀察力，老師經常讓小朋友觀察，連有d我覺得冇野好睇的也讓小朋友觀察。我記得教「魚」時，真係街市買條畀小朋友摸同睇。教「車」就上中學部睇老師的私家車，小朋友觀察到車頭和車尾的車牌是唔同色的，我都從來冇留意呢！當然呢d野唔一定在學校學，睇你鍾唔鍾意幼稚園學呢d囉，我自己很認同真幼呢套，但亦識家長嫌真幼淺後悔入讀的。

寫左好長，希望幫到你，你有另一個禁好的offer，若沒想清楚自己想要咩而放棄，是很可惜的

作者: 千語mami 時間: 18-3-13 21:55

WinnieCatCat 發表於 18-3-13 21:03
你個case, 正路真係應該選民生，你個係仔又住九龍。當然若了解過兩校特色後，你認為真光較適合，便選真光 ...

本帖最後由千語mami 於 18-3-13 21:55 編輯

___

作者: Wonderlady 時間: 18-3-14 09:42

WinnieCatCat 發表於 18-3-13 21:03
你個case, 正路真係應該選民生，你個係仔又住九龍。當然若了解過兩校特色後，你認為真光較適合，便選真光 ...

如果真的不介意學費，真小當然good ，不過$4300 學費，校車費，書飯雜費之類加埋，點到要$6000-7000，若加埋net teacher, 音樂，運動，朗誦之類，隨時$10000(emoji)

作者: mcqueen_shop 時間: 18-3-14 10:14

我都一路係度考慮中, 因為我個係仔係真幼讀, 真幼係開心的, 本來都諗住讀真小, 但因考到陳守仁, 所以要再重新考慮, 因為兩間完全不同, 各有各好, 請問大家會如何考慮, 謝謝

作者: 千語mami 時間: 18-3-14 10:30 標題: 回覆樓主

女嘅話真光真係好好，又有band 1 中學，叻嘅真係可以更上一層樓，普通嘅都起碼好大機入返真中，小學又出名輕鬆d,得兩測兩考。不過如果係仔仔，真係要諗諗，因為無中學backup, 6 年後要再玩，雖然同QC 同網，都要個小朋友好勁先入到，而且真小家長資源豐厚，要名列前矛未必咁容易，仲要男仔或者無女仔咁早熟。

作者: mcl203 時間: 18-3-14 10:39

mcqueen_shop 發表於 18-3-14 10:14
我都一路係度考慮中, 因為我個係仔係真幼讀, 真幼係開心的, 本來都諗住讀真小, 但因考到陳守仁, 所以要再 ...

如果交通可以既，男仔選TSL應較好，真光始終係男少女多，TSL亦比較學業體藝比較平衡，男仔岩D，況且，油尖旺網升中男仔好D，除非，你目標係睇住QC~~~

作者: ME1227 時間: 18-3-14 18:40

mcqueen_shop 發表於 18-3-14 10:14
我都一路係度考慮中, 因為我個係仔係真幼讀, 真幼係開心的, 本來都諗住讀真小, 但因考到陳守仁, 所以要再 ...

男仔TSL，油尖旺校網利男仔

作者: mcqueen_shop 時間: 18-3-15 12:11

謝謝大家的意見, 我都大機會讀陳守仁!

作者: lokyee2008 時間: 18-3-15 13:48

mcqueen_shop 發表於 18-3-14 10:14
我都一路係度考慮中, 因為我個係仔係真幼讀, 真幼係開心的, 本來都諗住讀真小, 但因考到陳守仁, 所以要再 ...

想問你真小唔收真幼多數係咩類型學生？男仔會唔會易比人label 曳而因此真小唔收？

真幼比其他幼稚園淺，如果唔收上真小d同學仔，會否難考其他小學呢？

我本身係buy 真小嘅理念，但我個仔有主見同固執，我又聽有媽媽話真幼去到k3先話唔收，如果到時我遇到咁嘅情況，我都唔知點算

作者: mcqueen_shop 時間: 18-3-15 14:13

其實我仔的同學全部都有收返, 而我所知只有幾個唔收, 我只是聽說係好似係跟唔上同埋操行問題! 老師反而話今屆D男仔普遍性都乖, 老師都讚我仔乖! 真幼的課程真係比較淺, 所以你要自己教野比佢因為考小一時有D學校真係考得深的! 當然因為當時唔知真小收唔收, 所以都會去考其他小學!

作者: Michael_matthew 時間: 18-3-15 19:48 標題: 回覆樓主

請問坑真幾時call waiting?

作者: mamamic 時間: 18-3-15 21:40

Michael_matthew 發表於 18-3-15 19:48
請問坑真幾時call waiting?

Should be in June

作者: lokyee2008 時間: 18-3-16 12:41

mcqueen_shop 發表於 18-3-15 14:13
其實我仔的同學全部都有收返, 而我所知只有幾個唔收, 我只是聽說係好似係跟唔上同埋操行問題! 老師反而話今 ...

請問你或你小朋友d真幼同學有外補d咩呢？你囝囝考到陳守仁，真係好叻呀！咁佢d同學出去考小一又考到什麼學校呀？

作者: zebrabb 時間: 18-3-16 13:58

lokyee2008 發表於 18-3-15 13:48
想問你真小唔收真幼多數係咩類型學生？男仔會唔會易比人label 曳而因此真小唔收？

民幼升到K3唔收的%大過真幼好多，看看你是否保守型了。

作者: mcqueen_shop 時間: 18-3-16 14:04

我自己小朋友有出去學英文同埋一D興趣班如圍棋, 機械編程等, 不過我平時都會同佢睇好多書同教佢中英文的! 其實因為佢地同學大部分都係女仔, 所以一心都係諗住讀真小, 所以好多人都無出去考!

作者: lokyee2008 時間: 18-3-18 16:44

mcqueen_shop 發表於 18-3-16 14:04
我自己小朋友有出去學英文同埋一D興趣班如圍棋, 機械編程等, 不過我平時都會同佢睇好多書同教佢中英文的! ...

有媽媽同我講，識得有真幼嘅男仔入左英華小學，似乎真幼考小一嘅成績都唔錯喎

作者: 千語mami 時間: 18-3-19 11:58

lokyee2008 發表於 18-3-18 16:44
有媽媽同我講，識得有真幼嘅男仔入左英華小學，似乎真幼考小一嘅成績都唔錯喎
...

本帖最後由千語mami 於 18-3-19 15:20 編輯

本帖最後由千語mami 於 18-3-19 11:59 編輯

其實都有人有神校offer(上年好似都有人入咗DGJS),不過當然唔多，因為其實真幼好多人真係想輕輕鬆鬆咁上真小

作者: gs2899461 時間: 18-3-21 10:47

提示: 作者被禁止或刪除內容自動屏蔽

作者: cpychung 時間: 18-3-22 08:57

本帖最後由 cpychung 於 18-3-22 08:58 編輯

lokyee2008 發表於 18-3-18 16:44
有媽媽同我講，識得有真幼嘅男仔入左英華小學，似乎真幼考小一嘅成績都唔錯喎
...

DELETE

歡迎光臨教育王國 (/)