教育王國
標題: 請教....E位、I位的選擇 [打印本頁]
作者: MrsKwong214 時間: 18-3-8 19:03 標題: 請教....E位、I位的選擇
我BB1歲10個月，今日剛在協康做完評估，評定有自閉症傾向及發展遲緩了6個月。心理學家解釋了E位和I位的分別給我知，亦要我做選擇E位定I位，因為只能二選一。
求教各位，E位定I位較好?
作者: Yyt123 時間: 18-3-8 20:12 標題: 回覆樓主
唔好意思 想請問你仔仔有咩特徵呀 識唔識講野 我仔同你差唔多大 但有好多野都唔識
作者: KCHK 時間: 18-3-9 08:39 標題: 回覆樓主
樓主, 有無打算讀N班?如果打算讀有無學校收左? 這間學校有無本身有無I 位? 有無對比一下你所屬的地區I /E 位地點? 如果E 位, 而你有無偏向想入的中心? 這間E 同將會讀的幼稚園距離遠嗎？E 位係要家長一起上堂的。另外，要針對一下你想入左I / E 的期望？E位由專業治療師做訓練, 幾耐會安排到堂上一次? I 位是有讀過特殊訓練的老師做訓練。 不過所有野都唔係眼前 立刻要做，你應該先去找一下私人訓練，睇下情況有無改善再決定，可以隨時更改的
作者: MrsKwong214 時間: 18-3-9 10:11
Yyt123 發表於 18-3-8 20:12 
唔好意思 想請問你仔仔有咩特徵呀 識唔識講野 我仔同你差唔多大 但有好多野都唔識
...
1) 唔肯講野、有時會用手指指物件或食物；但好多時都只是捉我的手去佢想要的物件或食物到。
2) 十叫9唔應唔太採人。
3) 眼神交流弱；同佢玩未必望住人，即使望都唔耐。
4) 互動比較弱；鍾意就同你玩，唔鍾意就唔採你。
5) 因為言語唔好；教佢的指令未必識，一些玩玩具都未必識玩。
你仔仔有以上特徵嗎?
作者: MrsKwong214 時間: 18-3-9 10:32
KCHK 發表於 18-3-9 08:39
樓主, 有無打算讀N班?如果打算讀有無學校收左? 這間學校有無本身有無I 位? 有無對比一下你所屬的地區I /E ...
我未有偏向選E/I位，雖然心理學家好詳盡解釋比我知，因為個心仍好亂，唔知咩位較好。我只好期望囡囡可以說話，明白多啲，不用發脾氣。
我囡囡本身已報咗N班9月開學，昨日睇返學校咁啱都有I位。我有對比E/I位地點，E位都好近，搭港鐵都是2個站，咁當然I位更方便啲，直接喺學校上訓練。
心埋學家話E位按情況安排一星期1-2次訓練。而昨日打去學校問I位情況，佢地話有言語訓練，言語導師會每兩星期去1次學校做訓練，訓練後會有摘要比家長，而物理治療師、職業治療師和心理學家就每三星期到校1次，而到校是做評估不會做訓練。
出面私人太貴我負擔唔起，但昨日有報協康的訓練課程，但因人數多要等抽籤。
想請問，在社署入紙申請要E/I位有P號碼後，可以更改?
作者: MrsKwong214 時間: 18-3-9 10:39
MrsKwong214 發表於 18-3-9 10:11
我囡囡
1) 唔肯講野、有時會用手指指物件或食物；但好多時都只是捉我的手去佢想要的物件或食物到。
2) 十叫 ...
就是我囡囡好鍾意圓形物體，波波、車輪、軚盤、洗衣機/乾衣機/風扇的滾動、旋轉玩具等等，其他玩具只玩幾分鐘，但以上圓形物體的玩具需然每次都玩唔耐，但會不斷重覆玩。
作者: Yyt123 時間: 18-3-9 12:17
MrsKwong214 發表於 18-3-9 10:39
SORRY, 還有1點好重要講漏咗。
就是我囡囡好鍾意圓形物體，波波、車輪、軚盤、洗衣機/乾衣機/風扇的滾動、 ...
我仔係唔識講野 得太空話 同埋認知比較弱 岩岩先排到cac 但通常唔係話囡囡好少會有自閉嫁咩？
作者: MrsKwong214 時間: 18-3-9 12:25
Yyt123 發表於 18-3-9 12:17
我仔係唔識講野 得太空話 同埋認知比較弱 岩岩先排到cac 但通常唔係話囡囡好少會有自閉嫁咩？
...
我都唔清楚多數是男仔的問題，昨日知道時好亂無問心理學家。
作者: KCHK 時間: 18-3-9 13:19
MrsKwong214 發表於 18-3-9 10:32
你好，多謝你寶貴的意見。
我未有偏向選E/I位，雖然心理學家好詳盡解釋比我知，因為個心仍好亂，唔知咩位 ...
社工是會按照心理學家建議去排服務, 咁如果report 上寫左可選擇I / E 位, 咁就當你見左社工你會選擇I 位, 社工幫你開始排號碼，通常都起碼排1年或以上先排到服務啦，咁在這段時間你突然想轉E 位的, 係可以同社工講要求轉(咁當然唔好轉來轉去啦) , 同有風險就係本來的要排的服務差不多到你， 你轉左， 咁就要繼續等囉！
作者: KCHK 時間: 18-3-9 13:25
MrsKwong214 發表於 18-3-9 12:25
如果只得太空話你就不需要太擔心，因為有自閉症的小朋友不只一樣症狀。
其實比較少見女仔只係自閉傾向，通常我見的都係嚴重的自閉症， 樓主你女女已經算情況唔差，所以盡快去接受治療係有機會在黃金6歲前改善的。
作者: MrsKwong214 時間: 18-3-9 16:35
KCHK 發表於 18-3-9 13:19
社工是會按照心理學家建議去排服務, 咁如果report 上寫左可選擇I / E 位, 咁就當你見左社工你會選擇I 位, ...
作者: MrsKwong214 時間: 18-3-9 16:40
KCHK 發表於 18-3-9 13:25
其實比較少見女仔只係自閉傾向，通常我見的都係嚴重的自閉症， 樓主你女女已經算情況唔差，所以盡快去接受 ...
請怪多事，你咁清楚? 希望我不會諗錯。
由昨日確定後，完全不知該怎樣做，我都好希望6歲前更善到，至少我好想聽到佢叫聲我媽咪。
作者: cookieman 時間: 18-3-10 06:51
MrsKwong214 發表於 18-3-9 10:11
我囡囡
1) 唔肯講野、有時會用手指指物件或食物；但好多時都只是捉我的手去佢想要的物件或食物到。
2) 十叫 ...
情況有點似我囡囡細個嗰時，例如：說話遲，用手捉人攞野，唔應人
不過妳比我更早帶她去評估，這樣很好，可以更快排服務
不要等政府，自己盡快帶小朋友上訓練，很多機構也有服務，例如耀能、明愛之類，找間在自己家附近的機構，方便接送
作者: KCHK 時間: 18-3-10 08:51
MrsKwong214 發表於 18-3-9 16:40
謝謝你
請怪多事，你咁清楚? 希望我不會諗錯。
我仔係自閉症加發展遲緩1年或以上, 當時建議入S 位,由於我係私人評估我就自己攞住入心理學家份report 走去周圍問人可以點做, 咁社工接見左我, 大約7個月後CAC 的評估都到了, 都係見社工, 咁社工見到之後就知道其實我已經有排號碼, 不過就幫我附加上排臨時E 位(即未有S 前如果有E 位都比住我先), 當時我就知道係可以改, 只要report 上有寫住建議排咩位。我仔今年讀主流小一了。
作者: MrsKwong214 時間: 18-3-10 10:35
cookieman 發表於 18-3-10 06:51
情況有點似我囡囡細個嗰時，例如：說話遲，用手捉人攞野，唔應人
不過妳比我更早帶她去評估，這樣很好， ...
請恕我多事問，你囡囡已讀主流學校，係咪已無事和能夠追近同齡的程度嗎?
作者: MrsKwong214 時間: 18-3-10 10:40
KCHK 發表於 18-3-10 08:51
我仔係自閉症加發展遲緩1年或以上, 當時建議入S 位,由於我係私人評估我就自己攞住入心理學家份report 走去 ...
你個仔已讀主流小學，係咪已經好返? 因為你有在出面搵私人訓練?
對唔住，我心裏仍有很多問題，請原諒我的煩。
作者: MrsKwong214 時間: 18-3-10 10:44
cookieman 發表於 18-3-10 06:51
情況有點似我囡囡細個嗰時，例如：說話遲，用手捉人攞野，唔應人
不過妳比我更早帶她去評估，這樣很好， ...
應該係，請問你囡囡現在好返嗎? 係咪讀回主流學校?
作者: tweety82080 時間: 18-3-10 11:42
MrsKwong214 發表於 18-3-8 19:03
我BB1歲10個月，今日剛在協康做完評估，評定有自閉症傾向及發展遲緩了6個月。心理學家解釋了E位和I位的分別 ...
我仔是s位現特殊小學而囡囡就i位,但我是E+i同步進行的。我個人覺得其實s位是最好尤其對自閉症小孩但評估出答案是E同i位會選擇i位
作者: MrsKwong214 時間: 18-3-10 12:24
tweety82080 發表於 18-3-10 11:42
我仔是s位現特殊小學而囡囡就i位,但我是E+i同步進行的。我個人覺得其實s位是最好尤其對自閉症小孩但評估出 ...
我問咗咁多意見後，都傾向選擇I位。
請問你以前排I位等咗幾耐?
作者: tweety82080 時間: 18-3-10 12:33
MrsKwong214 發表於 18-3-10 12:24
多謝你寶貴意見。
本帖最後由 tweety82080 於 18-3-10 12:34 編輯
我排左1年倒，你可問下醫務社工那幾間i位快些咁當然要睇下自己就脚同有冇校車
作者: MrsKwong214 時間: 18-3-10 13:47
tweety82080 發表於 18-3-10 12:33
本帖最後由 tweety82080 於 18-3-10 12:34 編輯
我排左1年倒，你可問下醫務社工那幾間i位快些咁當然要 ...
作者: KCHK 時間: 18-3-10 17:17
MrsKwong214 發表於 18-3-10 10:40
很感謝你咁詳盡話我知，多謝你。
你個仔已讀主流小學，係咪已經好返? 因為你有在出面搵私人訓練?
唔洗唔好意思, 大家都係同路人, 你的心情我理解。 講返你個問題，我仔雖然係讀左兩年S 位, 不過一向接觸過我仔的老師, 治療師都話我仔應該會評估入返主流小學，咁到我仔做小一前評估都話正常智力， 入主流， 但要建議學校提供言語治療， 課後功課輔導。如果你問佢係唔係好返？ 答案唔係， 佢自閉症依舊有， 只不過對主流學校生活暫時可以融入， 也都聽指令。
作者: MrsKwong214 時間: 18-3-10 22:41
KCHK 發表於 18-3-10 17:17
唔洗唔好意思, 大家都係同路人, 你的心情我理解。 講返你個問題，我仔雖然係讀左兩年S 位, 不過一向接觸過 ...
我上年9月又是已去CAC見姑娘，排了今年10月見醫生。即是和你一樣在外做完評估，7個月後又去CAC做評估。因前日剛做完評估未收到REPORT，唔知心理學家會點寫? 如果好彩和你一樣，見CAC後又比我排多條排就好了........
So far聽咗咁多case後，小朋友長大後自閉問題都仍會有，只是有不同程度的問題。我想.....我真係要好好消化一下。
但值得為你高興，需然你仔仔依然有問題，但至少入返主流學校，又融入到。這是你努力的成果，真替你開心 
作者: cookieman 時間: 18-3-11 08:30
MrsKwong214 發表於 18-3-10 10:35
多謝你寶貴建議，相信我現在的心情會與你當年差不多。
我囡囡心理學家同cac兒科醫生都是offer我 I or E位，我選了e位，現在在主流學校讀k1，用緊到校服務
我於開學時已告訴了班主任囡囡的情況，幸運地學校很接納囡囡的情況，對她很關愛，家長日老師也沒有特別提她有什麼問題，但我自己仍然知道囡囡的固執問題
我都很想自閉症會有好返的一天，但也不知道會否有這一天，惟有知道有咩訓練方法覺得許可就帶她試試，希望能盡量減低自閉症對囡囡的生活影響，媽媽妳也要加油
作者: MrsKwong214 時間: 18-3-11 10:01
cookieman 發表於 18-3-11 08:30
我囡囡心理學家同cac兒科醫生都是offer我 I or E位，我選了e位，現在在主流學校讀k1，用緊到校服務
我於 ...
你講得好啱，自閉症最大問題是社交，我都好怕將來囡囡在學的羣體生活會點？ 所以學校的老師有無關愛是好重要。特別我囡囡唔鍾意採人，鍾意就採，唔鍾意又走咗去，唔鍾意時更會用力推開或掉野落地，咁樣好易嚇親其他小朋友不被接納.......唉。所以我只能相信，學校既然有I位的學生，啲老師應該會接納啲班小朋友的行為。
嗰日心理學家同我講結果時，話我囡囡早發現，咁早啲訓練有幫助，甚至可以好返，令我那刻心存一絲希望，但睇左咁多case後，得出即使嚴重定輕微，都是無得好，只能盡量改變情況，能夠融入羣體已經好好。
我不是好媽媽，我覺得個女有自閉症或多或少都是因為我。因為我陀佢時胎盤前置+胎盤植入引致經常出血，又無休息，最後早咗一個月出世，所以係我害咗佢，但一切已經太遲挽回唔到，現在只能盡力去做。所以我覺得你地好堅強和勇敢，你地付出的努力，更值得我敬佩。
另外，請恕我麻煩又問，你等E位和到校服務，等咗幾耐？和我昨天網上搵資料，
作者: MrsKwong214 時間: 18-3-11 10:04
另外，請恕我麻煩又問，你等E位和到校服務，等咗幾耐？和我昨天在網上搵明愛的資料，唔知係咪我問題，只搵到佢地社區和到校服務，搵唔到當私人比錢服務，請問你可以給我一些資料嗎？
作者: cookieman 時間: 18-3-11 10:51
MrsKwong214 發表於 18-3-11 10:04
另外，請恕我麻煩又問，你等E位和到校服務，等咗幾耐？和我昨天在網上搵明愛的資料，唔知係咪我問題，只搵 ...
明愛可以去Facebook打明愛樂融會見到資料，另外耀能妳可試樂同行，價錢相宜
我到校等了一年，e位等了年多未等到
作者: cookieman 時間: 18-3-11 10:59
MrsKwong214 發表於 18-3-11 10:01
昨晚綜合所有意見和老公商量後，決定排I位，因為我始終要返工，而囡囡又好彩大小肌無問題，不需要物理/職業 ...
本帖最後由 cookieman 於 18-3-11 11:14 編輯
妳這些想法我之前也有，因爲我於懷孕期間亦多次出血入院，但其實想這些也沒有用處
作者: MrsKwong214 時間: 18-3-11 11:23
cookieman 發表於 18-3-11 10:51
明愛可以去Facebook打明愛樂融會見到資料，另外耀能妳可試樂同行，價錢相宜
我到校等了一年，e位等了年多 ...
原來E位等咁耐架.....
作者: MrsKwong214 時間: 18-3-11 11:24
cookieman 發表於 18-3-11 10:59
本帖最後由 cookieman 於 18-3-11 11:14 編輯
妳這些想法我之前也有，因爲我於懷孕期間亦多次出血入院 ...
作者: MissPuffs 時間: 18-4-2 21:59 標題: 回覆樓主：
本帖最後由 MissPuffs 於 18-4-2 22:10 編輯
樓主你好，請問協康評估要排好耐嗎？
我小朋友20個月，其實同你小朋友好相似。
1. 唔肯講野,指野也不會。有時會捉我手去佢想要的物件。
2) 唔理人，唔睬人，感覺不認識自己名。
3) 眼神交流弱，不會望人。
4) 媽媽爸爸不會叫，語言能力低，玩具名，動物名，顏色全部不會。
5. 認知能力也低，不會動物顏色玩具人物，不會講不會指。
6. 指令不明白，比個波波我，比書我。起身，坐底，全部唔識。
7. 只喜歡一兩隻歌，不停重覆重覆。
8. 只喜歡玩一兩樣玩具，不停玩。
9.成日拍手，佢做到做唔到都會拍手。
屋企人，朋友只說係男仔說話能力比較慢，但我覺得不是。
看完你的case, 更感覺相似。
作者: weiwai 時間: 18-4-3 04:45
我女兩樣都試過，我偏向E位
作者: AndrewHo_FB 時間: 18-4-5 20:26
不如你找一些有到校服務的幼兒園, 省回不少時間.
作者: weiwai 時間: 18-4-12 10:08
可以上網各kg的i位排隊情況的。我當年个个月去望睇下進度，因為用家係可以隨時改選擇，我就䀹實邊條隊短排邊條
| 歡迎光臨 教育王國 (/) |
Powered by Discuz! X1.5 |