教育王國
標題: 成績大退，冇責任感中一生 [打印本頁]
作者: qooqoofans 時間: 18-3-3 20:54 標題: 成績大退，冇責任感中一生
升上中學後放手比囝自己做功課/温習。第一測已只是及格水平。今日見班主任取成績表。5科不合格，平均分只有50.x, 全班第尾。
伛自己一早都知，返來吾講，吾覺得這成績好大問題。
小學時我跟足功課，測考必放假陪讀。
成績都有中上，入返B1中學。
我甘快放手是否我的錯？
作者: qooqoofans 時間: 18-3-3 20:58 標題: 回覆樓主:
伛自己懒懒嫻，軟皮蛇。鬧也鬧過，道理又講過。但自身吾上心，我真係吾知點教。
作者: Yanamami 時間: 18-3-3 21:09
本帖最後由 Yanamami 於 18-3-3 23:14 編輯
“小學時我跟足功課，測考必放假陪讀。”
佢从來無自己搞掂过，你亦从無引導过讀書係佢責任，禁又点可以指望佢升中会变左另－个人呢？
放手係要放，但都要睇人睇情况~~我女小－时我已唔check功課，因為佢幼稚園已識自动做好功課執埋書包｡小学亦自己温書，我最多係出題考佢温好未，从唔洗陪讀，升中全放手先無问題｡但你情况係小学－直跟足功課請假陪讀，升中真係唔可以－刀切—下子放哂手｡想中学放手，小学就得开始訓練。責任感係需要培養，而且係要从小培養，青春期好难搞……
作者: 2jkidsfather 時間: 18-3-3 22:35
qooqoofans 發表於 18-3-3 20:54 
升上中學後放手比囝自己做功課/温習。第一測已只是及格水平。今日見班主任取成績表。5科不合格，平均分只有 ...
作者: crazyhippo 時間: 18-3-3 22:48
本帖最後由 crazyhippo 於 18-3-3 22:49 編輯
1. 錯就錯在你沒有從協助佢去找佢的讀書方法, 只是你叫佢行就行, 企就企. 佢從來都吾知自己要怎做才達標, 佢只係一部讀書機器, 無靈魂! 你突然放手, 你叫佢點好?
2. 課稅只會愈來愈深, 你想跟都難
3. 如你想放手, 都要試下問下進度
作者: 1998Ruby1998 時間: 18-3-3 22:49
你唔覺得，係你放手太遲了嗎？
測驗考試陪太子讀書我還能理解，但是功課「跟足」，這個很多幼稚園生都已經沒有了。因為佢知道自己唔急沒有問題，還有媽媽急，可以依賴你。你沒有讓過你的兒子「自動波」，他又怎麼可能一下子自己完全 pick up 到？咁樣同揼唔識游水嘅小朋友落海一樣。
現在還只是中一，有時間讓他自己找讀書方向。慢慢放手，由功課開始，再到測驗考試。
作者: Yanamami 時間: 18-3-3 23:13
本帖最後由 Yanamami 於 18-3-7 08:03 編輯
1998Ruby1998 發表於 18-3-3 22:49
你唔覺得，係你放手太遲了嗎？
測驗考試陪太子讀書我還能理解，但是功課「跟足」，這個很多幼稚園生都已經 ...
“揼唔識游水既小朋友落海”~so on point. I like it!
作者: asweetmom 時間: 18-3-4 06:48 標題: 回覆樓主:
無責任感的其實是樓主，突然放手，難道會出現奇蹟？但也不是沒有得着，起碼知道兒子自己的實力就是平均50.x。肯面對現實，及早改善才是，還來得及。
作者: ^—^ 時間: 18-3-4 08:18 標題: 回覆樓主
樓主，好多人都小學跟到好足，我自己個小朋友啲考試測驗的溫書，我自己都會跟到好足，但係佢平時課外活動嘅功課，有時我知佢溫得掂的默書或者佢平時學校嘅功課特別系要搵資料嘅功課，我就由佢自己來.......佢自己去搵都係一個學習課程……
佢上到中學，初第一個學期，考試嘅時候，我都有跟一跟，因為多咗好多佢小學冇嘅科目，好似地理， 歷史，俾個guideline佢 點溫，到下學期先至完全放手......到完全放手，佢先可以搵到一個方法佢點樣去溫習....其實都要慢慢探索.....
小朋友到中學你放手係好啱，但係真係唔係一下子放手，係慢慢一步一步咁放手，亦都比佢慢慢適應，我覺得如果你跟到好足一下子放晒手，其實就會突然間覺得佢成績退步左好多⋯⋯佢亦無所適從....
作者: 洋蔥頭媽咪 時間: 18-3-4 11:32
qooqoofans 發表於 18-3-3 20:54
升上中學後放手比囝自己做功課/温習。第一測已只是及格水平。今日見班主任取成績表。5科不合格，平均分只有 ...
還有個重要的問題就是孩子學習態度，要明白孩子能力未達還可以幫倒佢，但態度差/懶散呢啲，若佢自己不願改就真係神仙難救，所以我個人極反對孩子在小學階段時家長貼身去跟功課、跟測考，小朋友容易欠缺責任感，影響深遠。
樓主現在應與兒子約法三章，重新檢討兒子學習方式，適量收緊孩子自由度，逐步改善佢嘅學習態度。
作者: miriam 時間: 18-3-4 14:36 標題: 回覆樓主
只可以講放得太遲！
佢從來唔知應該點温書，因為一直都係你去安排，衰少少講就係 '行就行，企就企，一升中就乜都唔理！'，對一個無方向既小朋友黎講點去適應呢！
依家你要插手未必會理你，慢慢同佢傾下再安排。
作者: brother4 時間: 18-3-5 01:05 標題: 回覆樓主:
可能是一條龍定中學要求高？盡力定未起步？有很大分别
作者: b3410 時間: 18-3-5 09:05
我覺得又未必是放手遲早的問題。同學學習動機如何？如果同學自己一心也想學業方面進步，方法方面可以慢慢調節。
作者: cmir 時間: 18-3-5 12:45
我好明白樓主, 因我預見我個仔都會一樣。高小面對呈分, 唔敢放。唔係唔想放, 係放唔到, 一放手, 就hea. 軟皮蛇, 唔溫。小朋友自細性格無目標, 無自我要求, 就算遇到鍾意運動, 一要擺effort就覺辛苦, 試過好多方式都改唔到。唉....
作者: cmir 時間: 18-3-5 12:49
苦口婆心勸過, 嚴厲訓示試過, 都係咁。應承你, 轉頭又故態復萌, 真係好嘔血
作者: IloveJJ 時間: 18-3-5 14:44
提示: 作者被禁止或刪除 內容自動屏蔽
作者: IloveJJ 時間: 18-3-5 14:46
提示: 作者被禁止或刪除 內容自動屏蔽
作者: cmir 時間: 18-3-5 14:57
IloveJJ 發表於 18-3-5 14:46
咁你真係要有心理準備。我老公就係咁，所以當佢入了名中之後，更無動力，最後就是墊底。
所以我現在常教仔 ...
我明呀，但最慘佢唔care，無大志。 點都motivate 唔到佢
作者: Isaacmommy 時間: 18-3-6 10:50
cmir 發表於 18-3-5 14:57
我明呀，但最慘佢唔care，無大志。 點都motivate 唔到佢
無大志的軟皮蛇最難搞，佢唔 care 將來揾唔揾到錢，話唔使買樓，一世住在家裏！
作者: IloveJJ 時間: 18-3-6 11:36
提示: 作者被禁止或刪除 內容自動屏蔽
作者: cmir 時間: 18-3-6 12:22
回覆 Isaacmommy 的帖子
我同老公都好驚, 但係好無奈, 唔知點先幫到, 無從入手。性格真係好難改
作者: cmir 時間: 18-3-6 12:23
作為家長, 都感到好無助, 無力
作者: 978212 時間: 18-3-6 14:18
其實小朋友嘅性格天生佔多數，後天能改變很少
作者: keep4life 時間: 18-3-7 11:33
提示: 作者被禁止或刪除 內容自動屏蔽
作者: Isaacmommy 時間: 18-3-7 18:43
IloveJJ 發表於 18-3-6 11:36
所以我層樓講明供到老豆退休到佢供!
最慘佢從蛛絲馬跡得知到佢出來做事時樓已供完！佢覺得住在家，揾份輕鬆的工作(人工唔使高),放工打吓機唔知幾好！
作者: IloveJJ 時間: 18-3-7 20:24
提示: 作者被禁止或刪除 內容自動屏蔽
作者: yovin 時間: 18-3-10 07:01
Isaacmommy 發表於 18-3-7 18:43
最慘佢從蛛絲馬跡得知到佢出來做事時樓已供完！佢覺得住在家，揾份輕鬆的工作(人工唔使高),放工打吓機唔知 ...
或者咁樣先致係「享受人生」呢！
對我來說肯做野，唔問返你攞已經好安慰。
剛剛過年吃圍飯，D親戚們見我日做夜做，才笑我係「專業發錢寒」…… 咁即係變相話我係錢嘅奴隸啦！
我認，大佬呀三月(會計)又要埋年，又要同五年級仔仔温書，就更係忙到甩轆。呢個禮拜瞓左唔知有無十個鐘，我都畀面仙遊老豆去吃飯，仲要俾人 閏餐飽。
怎樣才是人生？怎樣才是快樂？
你希望有一個知足嘅仔or 還是一個永無止境嘅女呀？
作者: S-Kwok 時間: 18-3-10 07:11
IloveJJ 發表於 18-3-5 14:46
咁你真係要有心理準備。我老公就係咁，所以當佢入了名中之後，更無動力，最後就是墊底。
所以我現在常教仔 ...
啱。
我常跟仔講，依家你努力十幾廿年，將來會多啲選擇，舒服幾十年。可能你會見到同學仔平時唔需要温習，可以做完功課玩，但你嘅努力是不會白費嘅，然後舉例話好似醫生咁，讀書時比別人努力，將來自己執業開診所，睇一個症五分鐘就有幾百元袋落袋，這係佢喺別人玩樂但佢努力付出換取返嚟。而且你學嘅嘢，係袋落自己度，無人可以攞走。
依家仔小四，默書測考自己温，功課自己搞點，基本上小學已唔對功課，但我會間中抽查睇吓做成點。我只負責提供練習比佢，自己撰嚟做。考試會睇住佢點樣計劃温書schedule、點樣温同睇佢有冇跟schedule。小學比佢自己計劃schedule 同點温，等佢摸索自己温習嘅模式，衰咗係會好赤，但都要比佢試。
作者: IloveJJ 時間: 18-3-10 07:15
提示: 作者被禁止或刪除 內容自動屏蔽
作者: yovin 時間: 18-3-10 07:31
S-Kwok 發表於 18-3-10 07:11
啱。
我常跟仔講，依家你努力十幾廿年，將來會多啲選擇，舒服幾十年。可能你會見到同學仔平時唔需要温習， ...
NO LA！
星球醫生(一星期一百萬入袋)、會計big four、大行banker、特首高官、成功生意人……係非人生活。
係就係舒服幾十年，不過係佢地老婆吖嘛！
醫生仔就算自己開診所，日日屈係個位對住D病人10小時，有入院病人仲要無假放日日去巡房呀！ 日日做到上氣唔接下氣 。 萬一遇到投訴 ，仲頭痕！
成功嗰班，非人生活黎㗎……退休前，都唔好想「舒服」兩個字。不過就一個人挨餐死，但就可以令身邊嘅至親至愛「舒服」囉！
作者: yovin 時間: 18-3-10 07:35
IloveJJ 發表於 18-3-10 07:15
咦，早晨呀！咁早呀！
我哋做既野一樣喎!我都有講過醫生睇幾分鐘收幾百蚊呀！哈哈!
而家社會經濟好，要年 ...
嗰幾佰蚊，有三分之一至一半分左俾業主啦！
作者: S-Kwok 時間: 18-3-10 09:12
yovin 發表於 18-3-10 07:31
NO LA！
星球醫生(一星期一百萬入袋)、會計big four、大行banker、特首高官、成功生意人……係非人生活 ...
本帖最後由 S-Kwok 於 18-3-10 09:15 編輯
其實做任何一個職業都有難處，我要做嘅係要佢明白呢個階段佢要做嘅嘢或佢依家做嘅事/付出/努力對將來嘅影響，舉吓例等佢有個概念，至於將來佢實際會點行或想點行，都係佢嘅選擇。
作者: IloveJJ 時間: 18-3-10 09:59
提示: 作者被禁止或刪除 內容自動屏蔽
作者: IloveJJ 時間: 18-3-10 10:01
提示: 作者被禁止或刪除 內容自動屏蔽
作者: yovin 時間: 18-3-10 11:32
本帖最後由 yovin 於 18-3-20 18:09 編輯
IloveJJ 發表於 18-3-10 10:01
你點可以咁諗架?咁咪好負面囉？講真，咩行業都有辛苦既地方，做咩都有困難既時候，但當你開始做咗，做到嗰 ...
有點誤會了。
因為#28樓主指出，佢同仔講，依家你努力十幾廿年，將來會多的選擇，舒服幾十年。
我認同努力讀書，可能多D選擇 ; 但我不認同努力讀書，可以舒服幾十年 。
一時感觸:
好多家長或小朋友(不代表#28樓)都說努力讀書，就做到好的工作，將來賺到多D錢，繼而生活更舒適……1)是真的嗎？ 2)努力讀書，就是為了這些嗎？
努力讀書(付出)，我講左認同係可以有更多工作機會，但不一定找到好工作，這個不用我多說了。相反去想 : 唔努力讀書，可唔可以找到好工作呢？
努力讀書(付出)，也不見得會賺大錢，窮書生，大學畢業月入幾萬元，多得很。賺大錢往往係膽博膽嘅抄家，生意佬，或者偏門個班。
努力讀書，生活未必舒適㗎，專業人仕非人生活喎！
純粹個人認為 : 如果努力讀書，目標係為呢D，咁就是死讀書啦！
我認為讀書唔應該同「舒服」掛鉤，也不應該用 五分鐘 就有幾百元落袋去講， 引導小孩子focus咗去錯嘅地方， 做醫生不是單單為錢嘛！
我唔知道其他人→但我自己讀書是為了，
求開心，獲得知識嘅喜悦;
求真， 明辨是非黑白嘅智慧;
求閱歷， 前與古人後與未來的溝通;
求勇氣， 腹有詩書氣自華;
求創造， 幫助自己/他人帶來的幸福。
作者: IloveJJ 時間: 18-3-10 11:41
提示: 作者被禁止或刪除 內容自動屏蔽
作者: S-Kwok 時間: 18-3-10 22:09
IloveJJ 發表於 18-3-10 11:41
嗱，其實讀到書，當然唔一定搵到錢，搵到幾多錢，亦唔係同讀幾多書成正比。
不過，當孩子細個時，我會用咁 ...
yeah! 我地方向一樣!
作者: natnatbaby 時間: 18-3-10 22:36 標題: 回覆樓主:
我教囡機會糸留比有準備的人。我們只需她要自己做喜歡的工作，但現在要明白，早早就要把自己裝備好，才有得選擇和得到好的機會。她喜歡旅行，買東西，將來想有這樣的生活質素，便要自己支持自己，更要和父母一起旅行。父母現在能做是比最你好的學習環境和生活需要，另你安心學習，探索外面的世界。父母年紀會大，揾$揾工能力大減，所以她要自我規劃好才可安安穩穩。
作者: IloveJJ 時間: 18-3-10 22:39
提示: 作者被禁止或刪除 內容自動屏蔽
作者: siden 時間: 18-3-10 23:52
cmir 發表於 18-3-5 12:45
我好明白樓主, 因我預見我個仔都會一樣。高小面對呈分, 唔敢放。唔係唔想放, 係放唔到, 一放手, 就hea. 軟 ...
我情況一樣
性格好難改，冇呢種小朋友嘅人係唔會明白
有啲小朋友係放唔到手
當一個人對自己完全冇要求
除非你能忍受佢長期似一pat泥
否則還是很難放手
作者: keep4life 時間: 18-3-12 10:09
提示: 作者被禁止或刪除 內容自動屏蔽
作者: littlelamlam 時間: 18-3-15 08:05
keep4life 發表於 18-3-12 10:09
回覆 siden 的帖子
冇呢種小朋友嘅人係唔會明白!!!!!!!!!!! 完全同意!!!! 試問小朋友點會由懶変到自動波?? ...
深同感受! 好認同要睇性格, 我兩個大仔中二, 係ADD, 自細對自己無要求, hea王之王, 欠功課吾做堂課, 勸極都係咁! 不過他聰明有記性, 迫下佢温書又考得不錯, 但如果吾埋佢一定係食物鏈既最低層
老師千叮萬囑我吾好放手住! 其實我都好累!
反而呀妹自律又乖, 我一早已放手了
作者: 55104035 時間: 18-3-15 09:13
好有同感, 中學要求家長要跟足一個term, 下學期開始我是抽查功課, 起碼知道進度或有時佢唔識做時可解答. 呢個時候開始放手1-3科 (中英數), 其他副科我仲跟隨溫習,起碼我知佢唔多理解哪部份.
個人認為中學太多新鮮事物, 人際關係, 新環境的情況下, 要幫他們一把, 免得失去自信心.
我希望小朋友可以快D着緊下自己各方面, 唔洗成日叫溫習.
.
作者: keep4life 時間: 18-3-15 11:00
提示: 作者被禁止或刪除 內容自動屏蔽
作者: little_yolky 時間: 18-3-16 17:58
Yanamami 發表於 18-3-3 21:09
“小學時我跟足功課，測考必放假陪讀。”
佢从來無自己搞掂过，你亦从無引導过讀書係佢責任，禁又点可以指 ...
作者: Yanamami 時間: 18-3-16 18:01
little_yolky 發表於 18-3-16 17:58
真係同人唔同命, 同遮唔同柄。點解你個女叻咁多。
作者: little_yolky 時間: 18-3-16 18:02
Yanamami 發表於 18-3-16 18:01
我大女同细女已两个人啦……同－个阿媽生添咯~
C6話, 揸住兩個成績表, 一個天堂, 一個地獄。
作者: Yanamami 時間: 18-3-16 18:30
本帖最後由 Yanamami 於 18-3-16 18:31 編輯
little_yolky 發表於 18-3-16 18:02
但你兩個都叻喎, 只係叻同好叻既分別而已。
C6話, 揸住兩個成績表, 一個天堂, 一個地獄 ...
禁抬举佢地唔好……俾真正学霸見笑~
感恩起碼有－个天堂~
作者: siden 時間: 18-3-17 09:42
littlelamlam 發表於 18-3-15 08:05
深同感受! 好認同要睇性格, 我兩個大仔中二, 係ADD, 自細對自己無要求, hea王之王, 欠功課吾做堂課, 勸極 ...
完全一樣！
作者: Kalongmama 時間: 18-3-17 11:29
IloveJJ 發表於 18-3-10 11:41
嗱，其實讀到書，當然唔一定搵到錢，搵到幾多錢，亦唔係同讀幾多書成正比。
不過，當孩子細個時，我會用咁 ...
我都係咁同亞仔講！宜家仲細，講講下大個就明白了
作者: October. 時間: 18-3-17 11:32
講到尾, 都係天生性格+天資, 無奈,但都真係咁.
作者: Ahbee02 時間: 18-3-17 15:05
yovin 發表於 18-3-10 07:31
NO LA！
星球醫生(一星期一百萬入袋)、會計big four、大行banker、特首高官、成功生意人……係非人生活 ...
講開又講，我對子女的要求吾知高定低：
吾需要一定係高級專業人士，例如醫生、律師、高官...如果有本事做到，但做得吾開心，對我而言不是真正的成功。
所以搵到自己喜歡又享受的工作，自給自足，人工夠使，又吾使大手板問父母拿。甘已經好好，不枉此生。哈哈...
作者: Ahbee02 時間: 18-3-17 15:09
yovin 發表於 18-3-10 11:32
本帖最後由 yovin 於 18-3-10 11:35 編輯
有點誤會了。
好贊同！ ！
作者: skkeung 時間: 18-3-17 17:03
qooqoofans 發表於 18-3-3 20:54
升上中學後放手比囝自己做功課/温習。第一測已只是及格水平。今日見班主任取成績表。5科不合格，平均分只有 ...
放手，應在小學完成，中學太遲了！
作者: retriever 時間: 18-3-18 09:15
qooqoofans 發表於 18-3-3 20:54
升上中學後放手比囝自己做功課/温習。第一測已只是及格水平。今日見班主任取成績表。5科不合格，平均分只有 ...
應該係放得太遲。
作者: retriever 時間: 18-3-18 09:20
IloveJJ 發表於 18-3-6 11:36
所以我層樓講明供到老豆退休到佢供!
bravo.
終終於有人講出呢句金句
作者: retriever 時間: 18-3-18 09:21
978212 發表於 18-3-6 14:18
其實小朋友嘅性格天生佔多數，後天能改變很少
而家依一代,什麼都有細路仔自己自由發展,點會改
作者: retriever 時間: 18-3-18 09:26
yovin 發表於 18-3-10 11:32
本帖最後由 yovin 於 18-3-10 11:35 編輯
有點誤會了。
所以，人生目標為他人才唔貪心，才會抱更大理想努力。
無論係 “非以役人，乃役於人” , 定係 “TO THE GLORY OF GOD”
作者: lui 時間: 18-3-18 09:27
yovin 發表於 18-3-10 07:31
NO LA！
星球醫生(一星期一百萬入袋)、會計big four、大行banker、特首高官、成功生意人……係非人生活 ...
挨到自己生cancer 又有，老婆生cancer 死埋。我識一個四十幾，女生，DGX畢業，前晚過左身。個個都有幾千萬至億身家，但冇健康身體，有$也沒有命享，真系心傷的
作者: retriever 時間: 18-3-18 09:32
keep4life 發表於 18-3-12 10:09
回覆 siden 的帖子
冇呢種小朋友嘅人係唔會明白!!!!!!!!!!! 完全同意!!!! 試問小朋友點會由懶変到自動波?? ...
其實點解會懶？
人生來 “好奇”， “求生存” ，呢D 係天性。
一般人，LIFE SPAN 唔可能長到睇到培養跟收成既日子做對比。
咁睇下養狗仔。有狗仔唔識行樓梯，眼灘水在下會驚。。。
唉。。。
點會後天培養無影響。
作者: retriever 時間: 18-3-18 09:39
yovin 發表於 18-3-10 07:01
或者咁樣先致係「享受人生」呢！
對我來說肯做野，唔問返你攞已經好安慰。
誠心奉勸。
你講既呢D， 放心裡好了。
你從小要求佢負擔家庭，將來佢有多餘既，要唔要在你；佢無多餘，佢起碼有能力照顧自己。
你對仔女無要求，譬如：唔講要佢將來幫兩老負擔家庭等，你預佢將來問你攞返。
作者: yovin 時間: 18-3-18 10:54
本帖最後由 yovin 於 18-3-25 03:11 編輯
retriever 發表於 18-3-18 09:39
誠心奉勸。
你講既呢D， 放心裡好了。
或者家庭環境不一樣！
1我老公一早已叫我「唔好」講要佢哋長大後負擔兩老，俾錢屋企→因為生佢哋出嚟唔係為左負擔父母。
我哋都覺得自己嘅人生要自己負責，我要享福，就求自己(自求多福)，福滿了就要推而廣之去得到快樂。兒子要享福，就一樣要自求，再推而廣之。我同老公都好開心咁自覺地俾家用老人家s，用行動去告訴兒子，呢個行為係因為愛和開心而去做，是報答他們育養之恩，從來不是負擔。
其實佢哋四老都好知足(現餘下我媽+奶奶)，成日會借頭借路將洗剩嘅又一砲俾番我哋，話我哋俾得太多。
2兒子不是儍的，現實環境中→佢哋知道根本不用負擔我同老公。所以我會叫他要好好養育自己個仔女，你要工作才能俾到幸福的下一代(just like us)，如果無能力就唔好生。我會同仔講→只希望你哋能找到快樂嘅工作，養活到自己，我就開心。
3當然我都有灌輸自己快樂嘅定義→把幸福先帶给自己再帶给別人。所以佢哋好细個，我都有叫佢哋做醫生，因為醫生可以夠拯救生命，我舉例:你如果救到人哋嘅好爸爸，佢嘅仔女不用做孤兒，佢嘅太太不用失去至愛，然後人地一家來感謝你，畫一張咭，送给你幾個蘋果答謝，這是多開心的事！這個蘋果，一定最甜最好味，記得分一個給我。又例如你喜歡收集垃圾，一樣可以，要把垃圾變成最有用的東西，拯救地球、拯救人類。總之要開心地工作，把幸福推廣去得到快樂！
3切忌→ 嫖、賭、飲、蕩、吹。
其實我大仔最近升中四有抑鬱病，我都積極同佢講→< 天將降大任於斯人也、必先勞其筋骨、餓其體膚>你要記住感受，記住醫生和心理學家如何協助你走出<瓶頸位>，你可用日後過來人嘅身份，去幫助有需要嘅人。 我同老公就用積極嘅態度與他攜手渡過 ！他現已慢慢走出困境啦，並已經立志讀心理學。
细仔就天生太生意佬啦，所以我現在已教他做生意，又帶他做義工，陪養他發財立品嘅精神！
作者: retriever 時間: 18-3-18 11:22
yovin 發表於 18-3-18 10:54
或者家庭環境一樣！
1我老公一早已叫我「唔好」講要佢哋長大後負擔兩老，俾錢屋企→因為生佢哋出嚟唔係 ...
身教支持兩老，跟你哋要佢多負責任，要佢哋物質有所缺，知世界艱難無矛盾。
要佢哋預照顧父母，係策略。
跟做項目PLAN FOR EARLY COMPETITION，起碼最後有落差都唔會甩碌。
近代自由主義泛濫，育兒叫佢哋尋開心，無壓力，唔係今日既事，應有十幾廿年。
大家在職場上，日常生活接觸到既年輕人，佢哋係咪快樂左，係咪感受壓力少左(或抗壓力高左)？
大家有眼見。
作者: yovin 時間: 18-3-19 07:39
本帖最後由 yovin 於 18-3-20 18:32 編輯
retriever 發表於 18-3-18 11:22
身教支持兩老，跟你哋要佢多負責任，要佢哋物質有所缺，知世界艱難無矛盾。
要佢哋預照顧父母，係策略。
首先， 多謝你的誠心奉勸， 我明白你出於好意， 也嘗試從 不同的角度去想想。
既然大家有緣分， 在此互相交流心得。
我用身教支持四老，是出於愛。 「愛」是有心出心、有力出力、有錢出錢 ; 「愛」 是不求回報的。
如果，我教兒子:「我愛你， 我養育你，所以你要負責任， 你的責任是照顧父母，愛父母！ 我退休時層樓你繼續供。」這就出現矛盾。因為對我來說， 這樣不是不求回報的愛， 只是等價交換。
我教他人生的責任，是先自求幸福快樂、再推而廣之。當然，推廣幸福必先選擇出認為值得愛的人。如果他能做到推廣幸福，而沒有分半點給父母， 作為父母就要好好自我反省。倒轉去想， 兒子對我的愛 ，如果是有條件附帶的， 這樣的愛我不會稀罕。
我不是對兒子沒有要求: 我要求他找一份快樂的工作，好好養活自己。記住，快樂的工作，不代表舒服也不代表無壓力，更未必大富大貴→例子: 無國界醫生、戰地記者……如果他做到 ， 即使他不能照顧我， 我亦替他感到開心 ，更加感到自豪。在我角度，即使他是個清道夫，也可敬業樂業，不求他人養活自己，我就開心。這是生活態度！只要態度正確，在香港地，哪有物質所缺？豈會世界艱難？如果把生活變成負擔，對最親的父母愛也只是一種責任，事事講求競爭，這麼就什麼都缺，連呼吸都是艱難。所以年輕人咪唔快樂囉！
點解唔講要佢哋將來幫兩老負擔家庭，我就要預佢將來問我攞返？我唔明白兩者關係。就當我預左兒子問我攞， 到時我不一定要俾，那就取決於我還愛不愛他！ 自懂性以來，我已清楚表達， 不得嫖、賭、飲、蕩、吹 ，否則你一定會失去我的愛。
作者: siden 時間: 18-3-19 08:12
retriever 發表於 18-3-18 09:32
其實點解會懶？
人生來 “好奇”， “求生存” ，呢D 係天性。
後天培養點會冇影響？
但你不可能要求將一舊頑石點成金！變成銅或鐵已經要偷笑。有少數人係不可能在放手，因為小朋友性格對自己完全冇要求，從來不肯從錯誤中學習。我可以用後天培養去「改善」這個情況，但不可能去「改變」呢個情況！
再講得白一點，咁容易可以改變得到一個ADHD去自動波自我管理：
精神科醫生同clin psy都唔使撈la
作者: retriever 時間: 18-3-19 08:34
siden 發表於 18-3-19 08:12
後天培養點會冇影響？
但你不可能要求將一舊頑石點成金！變成銅或鐵已經要偷笑。有少數人係不可能在放手 ...
嗯...
問題係果 "舊頑石" 係幾多年既頑石?
譬如有版友在國際版, 問緊中二, 三HEA 成咁係咪應該送國外...
咁中二, 三頑石, 點救當然係難講...
值得商確係變成"舊頑石" 既過程...
回說文中標題, "無責任感" 如果話係天生, 咁似乎很難有說報力...
當然, 人有惰性係人之常情, 培養責任感, 正係後天既功課!
作者: siden 時間: 18-3-19 08:43
retriever 發表於 18-3-19 08:34
嗯...
問題係果 "舊頑石" 係幾多年既頑石?
我寫得唔好。
I mean: 一嚿頑石 is “a piece of 頑石”
Not “old” 頑石。
總之，冇呢種小朋友嘅家長係好難會明。
既然你已經有固定想法，我再講十年你都唔會明。
作者: retriever 時間: 18-3-19 08:54
本帖最後由 retriever 於 18-3-19 08:59 編輯
yovin 發表於 18-3-19 07:39
首先， 多謝你的誠心奉勸， 我明白你出於好意， 也嘗試從 不同的角度去想想。
既然大家有緣分， 在此互相 ...
"點解唔講要佢哋將來幫兩老負擔家庭，我就要預佢將來問我攞返？我唔明白兩者關係。"
簡言之, 係AIM HIGH 姐. 任何比佢只需自己照顧自己既要求更高, 實際做唔到, 都有3分釘一樣道理!
"如果，我教兒子:「我愛你， 我養育你，所以你要負責任， 你的責任是照顧父母，愛父母！ 我退休時層樓你繼續供。」這就出現矛盾。因為對我來說， 這樣不是不求回報的愛， 只是等價交換。"
你講既絕對係道理, 但實際上 ... 當然, 家庭資源極端豐厚除外...
有D 道理, 聽起來頭頭是道, 譬如: 打機手機係現代社交重要, 唔需要從少禁止, 係要教細路佢地自控, 適可而止....
可能我老餅, 見到太多朋友例子, 講以上既10個有11個後悔, 仲有口口聲聲對仔女無要求既, 而家係父母俾貴學費細路, 讀緊D 唔係太有認受性加極偏門科目; 又有D 30幾歲未嫁, 與父母同住去旅行碌爆卡, 要父母找數...
作者: retriever 時間: 18-3-19 08:57
siden 發表於 18-3-19 08:43
我寫得唔好。
I mean: 一嚿頑石 is “a piece of 頑石”
其實我想問, 變成 "頑石”, 有無一個長過程?
以你判斷, 有幾多比例係天生 "頑石”?
BTW, 在EK 版上投訴既CASE, 唔少係 "老頑石” 播?
作者: siden 時間: 18-3-19 09:12
retriever 發表於 18-3-19 08:57
其實我想問, 變成 "頑石”, 有無一個長過程?
睇你咁問
已經知你根本唔理解
「有些人性格一生出黎已經係唔理想！」
唔係人人好似令公子咁受教，你唔明正常，但唔該唔好再冇同情心地無謂地執着字眼爭論一番！
有些小朋友一出生果一刻已經係頑石，父母扭盡六壬都只能改善情況，並不能處理根本問題。你冇遇過見過唔代表冇小朋友是如此。
作者: retriever 時間: 18-3-19 09:16
siden 發表於 18-3-19 09:12
睇你咁問
已經知你根本唔理解
「有些人性格一生出黎已經係唔理想！」
"有些小朋友一出生果一刻已經係頑石，父母扭盡六壬都只能改善情況，並不能處理根本問題。你冇遇過見過唔代表冇小朋友是如此。"
咁你認為, 樓主講既情況, 似唔似你講以上既CASE?
作者: siden 時間: 18-3-19 09:18
retriever 發表於 18-3-19 09:16
「有些人性格一生出黎已經係唔理想！」
"有些小朋友一出生果一刻已經係頑石，父母扭盡六壬都只能改善情況 ...
我點知？
你自己問楼主
作者: yovin 時間: 18-3-19 09:48
retriever 發表於 18-3-18 11:22
身教支持兩老，跟你哋要佢多負責任，要佢哋物質有所缺，知世界艱難無矛盾。
要佢哋預照顧父母，係策略。
本帖最後由 yovin 於 18-3-19 09:49 編輯
續……
你再看#15、#21、#22樓cmir要做的已經做了，她也感到無助+無耐。再看#25樓lssacommy，兒子健健康康、肯工作去養活自己，還不感到安慰。你站在他們的角度想一想？
要做的已盡力，連父母都唔積極樂觀點，難道終日眉頭苦臉， 可改善情況嗎？
我都想生個林鄭出嚟，逆境自強，年年考第一，成為特首， 光宗耀祖！生之前父母有得選擇嗎？生到個叻嘅、好嘅、孝順嘅……要懷着謙卑的心去感恩，是你好彩！好彩嘅程度，就等同一出世，老豆係李嘉誠 0R 城中任何一個富豪一樣。
唔好彩的家長，都不止一個說，無呢種小朋友嘅人係唔會明白、我都好累了……
有家長說:「放得太遲了！」、「小學應該逐步放。」大家站一站在他們角度去想，你估佢哋自虐狅咩，要放得一早放啦！有D小朋友一早放，衰多幾成， 跌落深淵。佢哋懷着希望嘅心，救得幾多得幾多，學術上俾到幾多得幾多，打好D個底，到放手嘅一刻，落差不太大，到有幸遇上開竅的一刻，仍然有個底去追。
各位，盡左力問心無愧就得啦！一早放手，你今日可能在後悔中。 但係堅持到最後一刻， 真係到無能為力又或是太累了先放手，你或許會懷疑自己有無用錯方法?答案係其實沒有一個绝對正確的方法去面對天生就HEA或SEN嘅小朋友㗎。
作者: siden 時間: 18-3-19 10:00
yovin 發表於 18-3-19 09:48
本帖最後由 yovin 於 18-3-19 09:49 編輯
續……
「你估佢哋自虐狅咩，要放得一早放啦！有D小朋友一早放，衰多幾成， 跌落深淵。佢哋懷着希望嘅心，救得幾多得幾多，學術上俾到幾多得幾多，打好D個底，到放手嘅一刻，落差不太大，到有幸遇上開竅的一刻，仍然有個底去追。」- Exactly!
我愛死你了，你是難得一見嘅明白人
作者: retriever 時間: 18-3-19 10:04
本帖最後由 retriever 於 18-3-19 10:20 編輯
yovin 發表於 18-3-19 09:48
本帖最後由 yovin 於 18-3-19 09:49 編輯
續……
cmir 我甚至有留意佢很舊既帖。
生個 “林鄭”出來？ 你有無留意佢既背景故事？ 仲有好成功既黃仁龍。。。 唔係咁岩生出來。
我覺得你誤會了。
有問題就是天生？ 或唔理解有天生既問題？ 兩者都係過過尤不及。
唔係話父母被虐狂？ 但好多媽媽脫離唔到 “要幫呀仔做D 野” 既心魔，仲有果句名言 “呀媽梗係想俾最好既仔女”
有時 “事過境遷”，變得 “欲罷不能”
其實現代富裕社會，父母應該多想下 “盡可能少做什麼” 而唔係 “可能幫多幾多”。
作者: little_yolky 時間: 18-3-19 11:37
Yanamami 發表於 18-3-16 18:30
禁抬举佢地唔好……俾真正学霸見笑~
感恩起碼有－个天堂~
作者: keep4life 時間: 18-3-19 11:52
提示: 作者被禁止或刪除 內容自動屏蔽
作者: Jessy 時間: 18-3-19 13:49
little_yolky 發表於 18-3-19 11:37
只有一個天堂嗎...............OK, 我今晚同C6講, 你兩個女一個在地獄, 一個在人間而已。 ...
我無自虐狂, 但我件hea精望少眼都唔得, 我去個廁所佢又要hea, 我帶另一個去上興趣班, 你唔駛旨意佢在家會做功課或溫書, 一於hea足咁多個鐘, 我真係唔會有24小時可以望住佢.
呢件完全放手真係無可能, 佢可以隨時變band 3都得, 但我又唔想成世跟到佢足, 而且我仲有另一個都要跟下邊有咁多時間, 唯有放一半跟一半但成績只可去到band 2, 其實24小時盯住佢又跟足晒都有機會上到Band 1, 但我無可能跟到佢入大學吧, 算把啦, 本人知識有限, 中學我一定跟唔到架喇, 早d接受現實吧!!
三歲定八十, 同意家長可以做的只是改善, 沒可能改變.
作者: keep4life 時間: 18-3-19 14:15
提示: 作者被禁止或刪除 內容自動屏蔽
作者: ysnmama 時間: 18-3-19 14:33
每個人也是獨特的。很難一本通書睇到老。我相信"針唔拮到肉唔知痛"，能放手的家長固然幸福。暫時放不到的也加油。希望在明天！
作者: mcl203 時間: 18-3-19 14:39
本帖最後由 mcl203 於 18-3-19 14:43 編輯
siden 發表於 18-3-19 08:43
我寫得唔好。
I mean: 一嚿頑石 is “a piece of 頑石”
同意，除非人係倒模出來，面容性格行為一樣。 用自己已認定既唯一思維，完全去否定他人既想法培育法，只可以滿足個人心靈，自己永遠是對的，令自己更壯大更強～～～
作者: egg.plant 時間: 18-3-19 14:56
keep4life 發表於 18-3-19 14:15
回覆 siden 的帖子
"你是難得一見嘅明白人" 只有屋企有Hea 精先會明! 好開心可以係呢度share, 如果唔係真 ...
我個仔都係同一style, 一升上中一，我地都唔敢咁快放手，個仔咩性格，咩程度，我地最清楚知道。我地想個仔初中開學適應得好d，識d新朋友，建立歸屬感，所以我地有跟下d功課，測驗，考試，我老公付出較多，跟學習進度，我就主力關心佢心靈。呢d要花好多時間，心機，我地都好辛苦，你估我地想？如果我地唔跟，真係可以夠膽死一路差落去。個仔性格係咁，唯有幫下佢，呢d真係針唔拮到肉唔知痛！教養唔係一條formula就可以solve problem，唔能夠話早放手就可以解決問題。唔通唔識游水就可以掉佢落大海就識游？
作者: yovin 時間: 18-3-20 02:30
回覆 retriever 的帖子
本帖最後由 yovin 於 18-3-20 05:06 編輯
retriever發表於 18-3-19 10:04
cmir 我甚至有留意佢很舊既帖。
生個 “林鄭”出來？
你有無留意佢既背景故事？
仲有好成功既黃仁龍。。。
唔係咁岩生出來。
#我有留意林鄭既背景故事。無論林鄭OR黄仁龍都好.....我認為當精子遇上卵子就係咁岩生出來， DNA已決定咗你人生嘅70%，此乃一命；
你來自什麽家庭與父母,決定埋人生嘅20%，此乃二運；
你可以按後天改善的只有10%。這就是落地喊三聲，好醜命生成。
不過現在科技發達，精子遇上卵子，係可以透過科學去挑選嘅。
我覺得你誤會了。
有問題就是天生？
或唔理解有天生既問題？
兩者都係過過尤不及。
#我同意有問題的HEA，可以來自後天→例如：誤交損友 or 親人離世等。
但上來EK求教或呻下嘅家長們，從字裏行間中，我推測是天生問題了。家長們都好努力去採用任何方法去改善小朋友，我相信佢哋會有教讀書的自我學習方法和態度....又怎會單單去「陪讀」呢? 而且佢哋大部份一定有試水温哋放下手，結果就係唔放得手。如果小朋友係天生積極、進取和懂事的，分分鐘放手得早過你啦。
唔係話父母被虐狂？
但好多媽媽脫離唔到 “要幫呀仔做D 野” 既心魔，仲有果句名言 “呀媽梗係想俾最好既仔女”
#同意，但大家嘅「好」都不同.....但作為爸爸的請你體諒，媽媽與BB 十月懷胎血脈相連的感覺，你係永遠感受唔到，如果你感受過，你都可能脫離唔到。我老公心臟病發，佢話第一刻想到的是媽媽，血脈相連係入心入血而不自知。
不過我最唔想見到嗰D「1分都不能少」媽媽，要D仔女把成本常識，由頭背到尾嗰種。相同意思，但唔跟書背都唔得嘅媽媽……唉！
有時 “事過境遷”，變得 “欲罷不能”
同意....本篇金句。
其實現代富裕社會，父母應該多想下 “盡可能少做什麼” 而唔係 “可能幫多幾多”。
下回分解
作者: yovin 時間: 18-3-20 03:50
本帖最後由 yovin 於 18-3-20 03:57 編輯
retriever 發表於 18-3-18 09:20
bravo.
終終於有人講出呢句金句
綜合幾位既文章撮要
我希望佢努力讀書，還希望佢將來會努力工作
RECIPE:
首先 , 當孩子細個時，我會用咁既謊言去引導佢→依家你努力十幾廿年，將來會多啲選擇，舒服幾十年→等佢有個概念。
其實佢哋大大下，已知道呢個係謊言，我仔已問咗我。咁我都好老實咁講返現實社會既運作俾佢聽。咁讀咁多書又為乜呢？係為咗大學畢業既資格，而呢個資格，並唔擔保你搵大錢，只係一張工作既入場券。
然後，你從小要求佢負擔家庭，將來佢有多餘既，要唔要在你；佢無多餘，佢起碼有能力照顧自己。你對仔女無要求，譬如：唔講要佢將來幫兩老負擔家庭等，你預佢將來問你攞返。
還有再大Ｄ出＜金句＞，所以我層樓講明供到老豆退休到仔供!
最後,要佢哋預照顧父母，係策略→係AIM HIGH 姐. 任何比佢只需自己照顧自己既要求更高, 實際做唔到, 都有3分釘一樣道理!
PS. 當然, 家庭資源極端豐厚除外
我還在嘗試ing , 站在你們的角度去想。真心請問家庭資源極端豐厚即係幾多？
我想知自己夠唔夠除外。
你６３樓問：大家在職場上，日常生活接觸到既年輕人，佢哋係咪快樂左，係咪感受壓力少左(或抗壓力高左)？你在上面找答案啦。
你83樓建議:其實現代富裕社會，父母應該多想下 “盡可能少做什麼” 而唔係 “可能幫多幾多”。
我說：咁點算係“盡可能少做什麼”,成個人生都在你的策略中。
如果教兒子:「阿仔，我愛你，我養育你，所以你要負責任，
你的責任是照顧父母，愛父母！我退休時層樓你繼續供。」
我聽到嘅係:「阿爸，我愛你，我照顧你老，所以你要負責任，
你的責任是照顧我，愛我！你死時記得留層樓俾我。」
假設得1個小朋友仲好Ｄ，如果你有２至４個小朋友，他們一同咁同你講，現在你要 AIM HIGH.
希望大家笑住看！
作者: yovin 時間: 18-3-20 04:13
本帖最後由 yovin 於 18-3-20 04:19 編輯
愛是恆久忍耐、又有恩慈．愛是不嫉妒．愛是不自誇．不張狂．不作害羞的事．不求自己的益處．不輕易發怒．不計算人的惡．不喜歡不義．只喜歡真理．凡事包容．凡事相信．凡事盼望．凡事忍耐。愛是永不止息．不求回報！
我會跟住上面呢幾句去教囉，雖然我不是基督徒，我也愛錢。
同樣,跟住上面呢幾句去賺$。
咁就可以幸福和富有！
作者: yovin 時間: 18-3-20 04:30
siden 發表於 18-3-19 08:12
後天培養點會冇影響？
但你不可能要求將一舊頑石點成金！變成銅或鐵已經要偷笑。有少數人係不可能在放手 ...
但我相信這些頑石中, 有些原來是鑽石。
愛因斯坦都是當初都係頑石, 中學時只得數學一科合科。
加油！
作者: retriever 時間: 18-3-20 07:21
yovin 發表於 18-3-20 03:50
綜合幾位既文章撮要
我希望佢努力讀書，還希望佢將來會努力工作RECIPE:首先 , 當孩子細個時，我會用咁既謊 ...
講到你問如何家庭豐厚才算除外，最 “行” 既答案就係 “見仁見智”
BUT， 認真D 講，如果呢代家長，大家都一直培養細路“自由意志” 做佢喜歡的事。
咁理論上，家底應厚到可讓佢：自由選擇學科(及大學)，自由選擇職業，自由選擇居住地，自由選擇伴侶。
以上基本野，好多時因為家庭背景及資源，而需要有所妥協。
作者: retriever 時間: 18-3-20 07:46
yovin 發表於 18-3-20 02:30
回覆 retriever 的帖子
本帖最後由 yovin 於 18-3-20 05:06 編輯
看你言語間，似係傾向命定論較多。先天定後天，亦可以係同一件事既兩面看法。譬如，疾病與家族既相互關係(CORRELATION)，有基因既部份亦有家庭習慣部份。籠統視為命定亦可，但理解後者更有積極意義。
泡EK時日久，亦較為八卦，唔少ID 其實熟口熟面。看事情有較多縱深，不同於你，我看EK 上不少抱怨CASE，令我有 “事到如今” 之感。
帖來帖往，較似相對理性與相對感性既矛盾。既已 “事到如今” 當然接受現實更為化算。你說母子血脈相連之特殊亦真，但理解其中感動之情，無助解釋 HEA 或“無責任感” 為天生之說。
第三者除理解當事人情緒，更想知道事情根本，為有所參考之積極意義。
作者: Yanamami 時間: 18-3-20 08:46
本帖最後由 Yanamami 於 18-3-20 08:48 編輯
我無詳細睇晒全部回应，不过大致上我認同有好多野係天生，後天努力去改係改唔到｡正如用左右手，我女左撇子，係教到用右手寫字，但其他都用左手｡佢天生"呢啡”、求其、乜都無所謂、要挑战規矩、練精学懶……头痕呢~从小教到大，劣根难除，教到氣咳無佢乎。我比較好彩係佢讀書还可以，不过不失，但性格決定命运，睇佢係就算有能力亦唔会出头之人｡
作者: 洋蔥頭媽咪 時間: 18-3-20 09:16
Yanamami 發表於 18-3-20 08:46
我無詳細睇晒全部回应，不过大致上我認同有好多野係天生，後天努力去改係改唔到｡正如用左右手，我女左撇子 ...
舉例我大仔天生社交能力弱，小學的確冇乜朋友，但通過訓練及學習明白自己嘅問題再改善，到現在至少都有幾個好友。細仔天生較操心，所以我亦從小就指出佢嘅弱點教佢方法去幫自己，只要家長肯放心機慢慢引導，對小朋友絕對會有幫助。
所以樓主呢個post所討論嘅懶散、責任感完全屬於態度問題，只要家長不要再為孩子找借口點唔得、點唔得，孩子必定有辦法改善。
作者: Yanamami 時間: 18-3-20 09:29
本帖最後由 Yanamami 於 18-3-20 09:32 編輯
洋蔥頭媽咪 發表於 18-3-20 09:16
非常同意性格決定命運，但天生較弱後天就不能改變呢樣我有保留，要睇嚴重程度，先天不足算是缺點，後天亦可 ...
我明你講乜，我女天生怕接触人，CC縮縮｡有見及此，幼稚園都不断改佢，甚至話你怕人又唔敢打招呼，但又唔可以無礼貌，禁同人揮揮手笑下吖~考幼稚園同小学唔出声㗎，幾怕佢考唔到！考到我又諗禁落去升中面試死梗啦~於是又开始為期六年既改善工程｡氹佢参加朗誦節，由小一玩－项到小六玩四项，我話目的只有－个，練大胆，企上台順利完成無出錯算你已贏(又唔明点解佢肯合作去)｡六年下來，到高小，已俾学校選做校園大使、辯論代表(仲攞过最佳辯員两次)同畢業礼司仪，升中面試亦毫無怯場，當你以為已改变到佢漸入佳境之際……上到中学又打回原形，唔肯玩辯論唔肯做任何要企係人群前面既野，玩drama都做幕後~佢話有能力但完完全全唔enjoy企係人前，太大压力……禁呢个例子就係我既頑石……我已盡力了~六年努力都係得个桔｡
作者: retriever 時間: 18-3-20 09:38
本帖最後由 retriever 於 18-3-20 09:47 編輯
洋蔥頭媽咪 發表於 18-3-20 09:16
非常同意性格決定命運，但天生較弱後天就不能改變呢樣我有保留，要睇嚴重程度，先天不足算是缺點，後天亦可 ...
絕對同意性格定命運.
問題係有哪些歸類為天生性格?
譬如: 有人脾氣不好易動怒, 或禮貌不周高傲不理睬人, 亦被視為 "果個人性格係咁", 簡言之姐係天生無得改... 實際呢D 都係屬於品性, 要從小培養.
樓主講既 "缺責任感" 亦有人言之 "天生"
常言 細路責任感, 由培養自理開始...
確實現在社會環境, 不利自理培育, 譬如: 家中多有傭人, 課外活動多, 甚家長愛走偏鋒, 樂器運動裝備愈來愈大, 家長幫抬出抬入, 家長習慣檢查功課無錯先交....
所以, 呢代細路要培養自理, 係要有D 刻意, 即如我話: 多想想家長有咩可以 "做少D"...
作者: retriever 時間: 18-3-20 09:44
本帖最後由 retriever 於 18-3-20 09:51 編輯
Yanamami 發表於 18-3-20 09:29
我明你講乜，我女天生怕接触人，CC縮縮｡有見及此，幼稚園都不断改佢，甚至話你怕人又唔敢打招呼，但又唔 ...
"我已盡力了~六年努力都係得个桔｡"
你咁做, 肯定唔係得個吉.
如當年你無做野, 可能變女版"呀源" 呢?
要做到好似教主咁, 企出來講野, 樹上雀仔都"TUM" 落泥, 呢D 當然係天分.
作者: retriever 時間: 18-3-20 09:50
本帖最後由 retriever 於 18-3-20 09:51 編輯
Yanamami 發表於 18-3-20 08:46
我無詳細睇晒全部回应，不过大致上我認同有好多野係天生，後天努力去改係改唔到｡正如用左右手，我女左撇子 ...
問題係, 好多人將品性或態度問題, 統統掃歸 "天生性格", 唔通!
作者: aa06 時間: 18-3-20 09:58
回覆 yovin 的帖子
你大仔中四有抑鬱病? 是否壓力大還是有家族遺傳? 誠心祝福你仔仔早日康復.
作者: Ahbee02 時間: 18-3-20 10:03
yovin 發表於 18-3-19 09:48
本帖最後由 yovin 於 18-3-19 09:49 編輯
續……
唔好彩的家長，都不止一個說，無呢種小朋友嘅人係唔會明白、我都好累了……
有家長說:「放得太遲了！」、「小學應該逐步放。」大家站一站在他們角度去想，你估佢哋自虐狅咩，要放得一早放啦！有D小朋友一早放，衰多幾成， 跌落深淵。佢哋懷着希望嘅心，救得幾多得幾多，學術上俾到幾多得幾多，打好D個底，到放手嘅一刻，落差不太大，到有幸遇上開竅的一刻，仍然有個底去追。
各位，盡左力問心無愧就得啦！一早放手，你今日可能在後悔中。 但係堅持到最後一刻， 真係到無能為力又或是太累了先放手，你或許會懷疑自己有無用錯方法?答案係其實沒有一個绝對正確的方法去面對天生就HEA或SEN嘅小朋友㗎。
----------------------------------------------------------------------------------------------------------------------------------------------
係。呢個就係“因材施教”。對於是否放手，幾時放手，如何逐漸放手，要因人而異。
作者: ysnmama 時間: 18-3-20 10:13
我識朋友，有三個孩子。年紀最少的現在也讀大學。朋友說三個也是同樣教導也是親生，但三個也有著很不同的性格及做人處事態度。有個不用理也是B1 生、有個見處理不好，幫住也只是B3。有個需要理與不理之間是B2生。她也無話可說!
作者: Ahbee02 時間: 18-3-20 10:27
Yanamami 發表於 18-3-20 09:29
我明你講乜，我女天生怕接触人，CC縮縮｡有見及此，幼稚園都不断改佢，甚至話你怕人又唔敢打招呼，但又唔 ...
你女女其實開闊左自己，膽識提高左好多。佢呢D野係吾會消失。至於依家貌似“倒退”的行為，原因可以好多。
作者: yovin 時間: 18-3-20 10:32
aa06 發表於 18-3-20 09:58
回覆 yovin 的帖子
你大仔中四有抑鬱病? 是否壓力大還是有家族遺傳? 誠心祝福你仔仔早日康復. ...
多謝祝福與關心！
係兩個好朋友同學仔成績追唔到，升中四轉校，佢唔開心唓！其實我自己细個，試過相類似經驗，我好明白佢感受。
都加上佢份人比較慢，中四多功課，佢又認真做，我叫佢求其D，佢同我講要尊重老師，所以成日唔夠瞓，才引致發病情况！
學校好幫忙，老師一知道就立刻要他12am要瞓，即使功課未完成，都不計欠交！而且2位老師家訪，關心加配合。俾時間佢適應，如何在功課位上取平衡。我放手要他自己找方法去解決問題！
我要做嘅係帶佢睇醫生。同借去耳朵去聆聽！引導佢在事件中尋求得着，佢現在立志讀心理學，没有哭啦，好轉中。
我失去左一位由细到大嘅好朋友，都5年啦！現在仍間中發夢見到她。朋友之間嘅感情，影響真係好大。
作者: cmir 時間: 18-3-20 11:14
回覆 retriever 的帖子
你在說我嗎? 我有2個小朋友, 就正如幾位有提及, 大仔跟細女性格, 成績剛好相反, 阿女成績不差, 有責任心及自理能力高, 喜歡得到認同, 現在P3, 考試測驗已放手, 但阿仔有輕微ADHD再加上勁hea, 冇要求....現在P5, 你話我可以點放手? 唔係冇試過放手, 係唔work....
作為父母, 只可以一路摸索適合自己子女的教育方式, 大家同路人加油!
| 歡迎光臨 教育王國 (/) |
Powered by Discuz! X1.5 |