教育王國

標題: 英64大學4.5萬講師罷工 [打印本頁]

作者: elbar 時間: 18-2-24 12:58 標題: 英64大學4.5萬講師罷工

劍橋大學學生遊行，支持教師罷工。

英國牛津、劍橋等六十四間大學約四萬五千名講師於周四起罷工，抗議當局更改退休金制度，變相削減講師退休後的福利。英國大學及學院工會（UCU）表示，罷工行動將持續至下月，料影響超過一百萬名大學生。

不滿當局改退休金制度

UCU指今次行動只是第一波，將於未來四周罷工十四日，令有關大學合共損失五十七萬五千個教學小時。UCU總幹事亨特（Sally Hunt）指摘，大學當局拒絕與工會談判，造成今次亂局。UCU警告若未能於三月二日前達成協議，罷工將持續至夏季的考試時段。

英國大學組織（UUK）解釋，退休金成本於過去三年增加三分之一，大學退休方案已錄得六十一億英鎊赤字。數萬名大學生則發起網上聯署，要求在學習受到罷工影響時可獲得賠償。教育大臣夏軒仕此前表示，受影響學生有權向校方索取賠償，取回部分學費。

是次罷工影響十七萬名中國留學生，一名在曼徹斯特大學就讀的華生表示，本學期將因罷工而缺課三分之一，只能自學，猶如把昂貴學費倒落海，估計每名中國學生損失最高可達三千英鎊。

作者: 亮燈 時間: 18-2-24 15:45 標題: 回覆樓主:

中(国)大學既老師教授絕對唔會罷工，既然英國大學講師罷工會對中(国)學生做成損失，點解中(国)人唔返中(国)讀大學呢？咁樣好唔愛(国)喎！XD

作者: 1998Ruby1998 時間: 18-2-24 18:01

好彩我間 U 唔搞罷工，避過一劫。

我朋友就陰功，一個就完全冇曬幾個禮拜嘅堂，一個就最後兩個禮拜完全冇堂。

作者: Ruby1219 時間: 18-2-24 18:24

1998Ruby1998 發表於 18-2-24 18:01
好彩我間 U 唔搞罷工，避過一劫。我朋友就陰功，一個就完全冇曬幾個禮拜嘅堂，一個就最後兩個禮拜 ...

嘩！咁啲學生真係好慘喎，試要唔要照考？功課呢？咁會唔會影響畢業？畢唔到？延遲？降grade? 我作為家長都會肉痛啲學費㗎。

作者: poonseelai 時間: 18-2-24 18:39

Ruby1219 發表於 18-2-24 18:24
嘩！咁啲學生真係好慘喎，試要唔要照考？功課呢？咁會唔會影響畢業？畢唔到？延遲？降grade? 我作為家長都 ...

今次只是第一階段，上次電視新聞話如無共識有可能至夏天，我孩子今個星期上少2日，下週3天……，如果今年last year d 學生唔知影響如何

作者: 1998Ruby1998 時間: 18-2-24 18:41

回覆 Ruby1219 的帖子

我教授話新入職嘅教授 pension 會被減 40％，所以先咁多罷工。我部門多「老人家」所以相對冇影響。LSE 一樣好彩唔洗罷工。

唔清楚其他大學各個 Department 做法（因為罷工唔罷工可以係 Department 內部決定／講師個人意願），朋友話 Warwick Maths 罷工，考試照考，syllabus 一樣。Leicester Biology 同 RHUL Psychology 也一樣遭遇。基本上係一切照舊，但係冇人教書，自求多福。如果係 Year 1、2 還好，Year 3 就真係冇陰功。 3 年嘅努力危在旦夕。

作者: 亮燈 時間: 18-2-24 20:11 標題: 回覆樓主:

我贊成大學講師既行動，亦支持大學生遊行，爭取應有權益係應該，大學生支持講師們爭取權益更加應該。

作者: etoile 時間: 18-2-24 23:02

阿囡話唔係個個lecturer 都罷工，似乎對佢影響唔大。

作者: LULU-MAK 時間: 18-2-26 19:21 標題: 回覆樓主:

我女果間,雖然話會罷工,但只係無堂上的時候唔係學校同唔開會,巴士配合唔入大學車站,但仍會上堂

作者: 1998Ruby1998 時間: 18-2-26 21:12

回覆 LULU-MAK 的帖子

我 Warwick 朋友好陰功，今早係課室等左 10 分鐘先發覺個 tutor 唔黎。佢原本今堂係講考試技巧＋Study Buddy 配對。

作者: LULU-MAK 時間: 18-2-27 00:40

1998Ruby1998 發表於 18-2-26 21:12
回覆 LULU-MAK 的帖子

我 Warwick 朋友好陰功，今早係課室等左 10 分鐘先發覺個 tutor 唔黎。佢原本今堂係 ...

阿女話收到其中一個tutor話要罷工,聽日既堂唔上,要取消,唔駛返,個tutor平時上堂無錄定音,無得聽返以前教過d乜,即係唔駛返,好彩呢科係elective唔駛exam

歡迎光臨教育王國 (/)