教育王國

標題: 讀書時間顛倒 [打印本頁]

作者: Choisumwong 時間: 18-2-19 23:22 標題: 讀書時間顛倒

小女在外國讀完中學回香港讀大學，我覺得她的讀書及睡覺的時間非常有問題。她喜歡早上兩三點才睡覺，又不似在讀書。她以前住boarding house，有老師管沒有問題，但是沒在無論我説多少次早睡，她都不聴。是否現在的大學生都是這樣？還是她要跟外國的朋友溝通，非要兩三點不可？請有子女從外國回來的家長給些意見，謝謝！

作者: 1998Ruby1998 時間: 18-2-20 00:03

其實香港本土大學生、中學生好多都兩三點先訓覺？我都係呢段時間最容易搵到人秒回 WhatsApp、Message。而且香港嘅大學非常鍾意做
group project，而一有 group project，好多人都 dum 波鐘、freeride，到淩晨先開始覆 message 同做野。所以冇辦法唔「遷就」。

不過如果佢需要同外國朋友傾計的話，的確凌晨 2-3 點時間會比較有空。

我呢排外國作息係 7 點左右訓，然後 3 點左右起身做 2-3 小時，然後再小睡到 7 點。

只要夠精神、有去上堂、有讀書、成績有保證，我覺得時間可以由佢控制。

作者: brother4 時間: 18-2-20 00:31 標題: 回覆樓主:

看孩子怎樣分配時間，不計番學也可以太忙碌要

如每天要上網打機，一般早睡

作者: noel2010 時間: 18-2-20 00:40

我以前都是深夜讀書才入腦，零晨12點溫到三，四點，好過日頭溫足一日。

作者: 亮燈 時間: 18-2-20 07:48

Choisumwong 發表於 18-2-19 23:22
小女在外國讀完中學回香港讀大學，我覺得她的讀書及睡覺的時間非常有問題。她喜歡早上兩三點才睡覺，又不似 ...

無論去邊度讀書、工作，每個人每日最精神既時間都唔同，有啲會係早上起身就最精神，讀書最入腦，有啲會係夜晚，甚至係零晨半夜，其實冇所謂，只要佢覺得精神及最易入腦就得。
我兩仔返嚟都係好夜瞓，有時仲會出去玩通宵(但唔多)，我都只係提醒佢地唔好太多就得。而阿大溫書時更係戴耳筒聽住歌嚟溫，佢話易入腦，我冇阻止佢，冇問題。

作者: Choisumwong 時間: 18-2-20 08:13

謝謝各位的意見。我覺得如果讀書，各自有自己的方法，但是不影響到其他人。小女就是如此不夠睡就會發䏢氣那類人，很討厭！其實她只有星期六丶曰及假期在家住，但是大部分的時間都是睡覺。可能是相見好，同住難，現在的關係還不如她在英國讀書的時候。

作者: brother4 時間: 18-2-20 10:16 標題: 回覆樓主:

孩子自己上網自己煲劇，有時交流劇情，中午多—起lunch,好彩自己工作可彈性上班，今早—早出去做義工，整個早餐俾佢，等佢回來lunch,其實可以做多—點，大家努力！

作者: brother4 時間: 18-2-20 10:17

亮燈發表於 18-2-20 07:48
無論去邊度讀書、工作，每個人每日最精神既時間都唔同，有啲會係早上起身就最精神，讀書最入腦，有啲會係 ...

兩個孩子—様聽歌温書

作者: 亮燈 時間: 18-2-20 10:21

brother4 發表於 18-2-20 10:17
兩個孩子—様聽歌温書

冇所謂，總之成績ok就得！XD

作者: brother4 時間: 18-2-20 10:25

亮燈發表於 18-2-20 10:21
冇所謂，總之成績ok就得！XD

亞大今次成績滿分是20取得７分

作者: 亮燈 時間: 18-2-20 10:27

brother4 發表於 18-2-20 10:25
亞大今次成績滿分是20取得７分

Y13？

作者: brother4 時間: 18-2-20 10:28

亮燈發表於 18-2-20 10:27
Y13？

大學二年了

作者: Ruby1219 時間: 18-2-20 11:51

Choisumwong 發表於 18-2-20 08:13
謝謝各位的意見。我覺得如果讀書，各自有自己的方法，但是不影響到其他人。小女就是如此不夠睡就會發䏢氣那 ...

真係相見好同住難㗎。我記得以前我大學住宿舍weekend 先返屋企，同爸媽嘅磨擦真係少咗好多。估唔都而家做咗媽咪同仔都係咁，阿仔去英國讀書後，大家感情反而好咗。我諗係因為佢正值青春期，反叛又情緒化，之前日對夜對好多拗撬。而家佢間中返嚟，大家都會好聲氣啲，我亦唔係好理佢幾點起身幾點瞓，大家就相安無事。
從自己同身邊朋友嘅經驗係，做父母對teenage 仔女要識隻眼開隻眼閉，好多嘢要眼不見為乾淨。譬如我幾年前開始叫自己唔好入我仔房，因為好亂，我實忍唔住鬧佢，跟住佢會話唔亂，話間房係佢嘅，然後鬧交。我之後忍住唔入佢房，甚至唔望入去！等佢返英國我先入去執，咁就相安無事。而家我練到入佢房見到幾亂都無感覺！我仲玩嘢將佢放響廳嘅嘢求其掟返入佢房，佢話我當佢房係垃圾房，我笑住話差唔多啦，佢轉頭自己執返。
有時我覺得要同佢哋玩心理戰，父母越係表現得唔在乎，反而佢哋自己會緊張返。好似我而家少咗主動搵佢，呀仔反而會主動搵下我，有時甚至問我乜唔掛住佢咩

. 對仔女有時同對男友一樣，要欲擒故縱，另一個講法係要放鬆啲。

如果我係樓主，會同阿女講你返屋企嘅時候要同家人互相遷就一下，如果真係就唔到（時間同脾氣問題都係），咁就寧願少啲返屋企，佢大個女慢慢會明白。我嗰陣時都係，因為有得揀，多數時間會留宿舍，返得屋企好多時係掛住屋企同爸媽，所以響屋企時對佢哋好咗好多。

作者: Choisumwong 時間: 18-2-20 12:41

回覆 Ruby1219 的帖子

多謝Ruby的建議。我也是隻眼開，盡量避免爭執。我對小女說過，如果她心情不好就不要回家，但是她的媽媽就是無論如果也要她回家，跟著我接送就先受罪。我覺得我太太過份照顧她，spoil她得太過份，可能是補番過去幾年沒有照顧吧！。我是唯一會頂女兒嘴的一個人，不是有心，只是講講道理及中國文化。好像她的確是缺少中國人的內涵，原因也與她留學有關。

作者: 亮燈 時間: 18-2-20 12:53

brother4 發表於 18-2-20 10:28
大學二年了

咁有冇影響？

作者: brother4 時間: 18-2-20 13:06

亮燈發表於 18-2-20 12:53
咁有冇影響？

有影響

作者: 亮燈 時間: 18-2-20 13:09

brother4 發表於 18-2-20 13:06
有影響

鼓勵下佢，叫佢努力喇！

作者: 亮燈 時間: 18-2-20 13:32

Ruby1219 發表於 18-2-20 11:51
真係相見好同住難㗎。我記得以前我大學住宿舍weekend 先返屋企，同爸媽嘅磨擦真係少咗好多。估唔都而家做 ...

欲擒先縱，情場老手！XD

作者: Ruby1219 時間: 18-2-20 13:36

Choisumwong 發表於 18-2-20 12:41
回覆 Ruby1219 的帖子

多謝Ruby的建議。我也是隻眼開，盡量避免爭執。我對小女說過，如果她心情不好就不要 ...

噢，通常囡囡係daddy 縱多啲。

我都能夠體會媽媽想補償仔囡嘅心態，所以阿仔返香港我會整好多好嘢佢食，帶佢出去食好嘢，去旅行、睇戲etc, 都會放任一啲佢嘅娛樂作息時間。學我朋友話齋，佢哋讀書辛苦完，返到嚟我哋就攬住佢嚟(emoji)，好好照顧佢哋，增進感情。

但係有一樣我守到好緊，就係家庭責任，譬如話要探grannies, 要照顧貓貓，要幫手做下家務。我好衰㗎，阿仔乖主動做家務我會讚佢甚至offer 幫佢手，但如果佢側側膊想唔做我會話佢迫佢做。我要佢明白佢有好多福利嘅同時係要履行好多義務。
Choisumwong 你要同太太傾下好喎，唔好縱個公主病港女出嚟呀。

作者: brother4 時間: 18-2-20 14:37 標題: 回覆樓主:

大學可以好忙如上莊，拍拖，parttime,義工，學車等，忙碌人會容易疲倦，就早

。。俾Ｄ空間小朋友就好

自己有空去大學食Ｔea，真係好平又可以增加感情

作者: bobbycheung 時間: 18-2-20 16:57

我嗰兩個，一個係夜鬼，兩三點都唔瞓，越夜越精神。另一個10點幾就瞓，話之你死人冧樓。我唔理佢地，總之佢地自己搞掂就算。d細路大咗，我要時常提醒自己，唔好做黑白天鵝，日哦夜哦。總之，有讀好過無讀。至於幾時讀或是點樣讀，由得佢地自己揾出最合適嘅時間及方法就可以咯。

作者: noel2010 時間: 18-2-20 23:47

我讀中學，甚至出來工作晚上讀大學，呀爸一直限制我起床及睡覺時間，甚至放工幾點回家。我一直心裏極度討嚴受控制，半夜溫書佢唔知，我要偷偷地溫書，但一早冇嘢做都叫我早早起身梳洗，所以我一到23,24歲有經濟能力即搬走自己住。我同呀仔講，就是我有這樣經歷，我不會控制他的。連老公都是比我自然睡自然醒。所以看到現家長有這要求，我身心已經好抗拒了。

作者: 亮燈 時間: 18-2-21 07:52

noel2010 發表於 18-2-20 23:47
我讀中學，甚至出來工作晚上讀大學，呀爸一直限制我起床及睡覺時間，甚至放工幾點回家。我一直心裏極度討嚴 ...

完全同意，都係果句，每個人都唔同，不能強迫別人跟自己一樣，各人有各人的路，只要自己覺得舒服就得。

作者: Choisumwong 時間: 18-2-21 09:39

回覆 brother4 的帖子

小女的空間我覺得已經很大。她有上莊，自己的宿舍，想食什麼就食什麼，想花錢就花錢，想去旅行就去旅行。在我來看，比較我讀大學的時候，蕳直是天堂的生活。雖然時代不同，我也明白不能比較，但是家庭是大家一共建立的，子女也有責任使這個家好，不是一個人的生活。

作者: nintendo 時間: 18-2-21 12:12

維持到成績我就 ok ，但如果脾氣差就不能接受。

作者: nintendo 時間: 18-2-21 12:17

本帖最後由 nintendo 於 18-2-21 12:34 編輯

Choisumwong 發表於 18-2-20 12:41
我是唯一會頂女兒嘴的一個人，不是有心，只是講講道理及中國文化。

嘩，咁都話 "頂女兒咀"，你地太就佢，所以佢先會臭脾氣。
唉，佢都成年了，好難搞。
反而叫佢多點反屋企，大家平心靜氣多點傾計溝通。

作者: Ruby1219 時間: 18-2-21 13:15

Choisumwong 發表於 18-2-21 09:39
回覆 brother4 的帖子

小女的空間我覺得已經很大。她有上莊，自己的宿舍，想食什麼就食什麼，想花錢就花錢 ...

我成日話而家做父母甚艱難！要響"尊重/俾空間佢"同"管教好佢"之間取得平衡真係唔容易。
同Nintendo 一樣睇法，我覺得幾點瞓唔係問題，但亂發脾氣就唔可以縱容。後者關乎品行同家教問題。小朋友好精，會用"我已經係大人""我有自由""我要空間"呢啲說話嚟反駁你，但係我會話正正因為你係大人，所以要有責任感，識得尊重同體量其他人，而唔係當世界圍住你嚟轉。

作者: 亮燈 時間: 18-2-21 13:44

Ruby1219 發表於 18-2-21 13:15
我成日話而家做父母甚艱難！要響"尊重/俾空間佢"同"管教好佢"之間取得平衡真係唔容易。
同Nintendo 一樣睇 ...

同意。個人覺得，管教要由細開始，由BB至小六。到中學就要俾空間及適當既責任佢負，同時亦要俾部份自由佢選擇，而後果由佢負責，從而慢慢令佢知道自由既背後係要承擔及負責，經過一段時間，我諗佢地會知道應該點做！

作者: Choisumwong 時間: 18-2-21 18:04

回覆 Ruby1219 的帖子

讚成，不能縱容子女，要他們負起成人的責任，世界不是圍着她轉。我覺得外國人的方法是由他們自己經歷，講多是無謂，但自己始終是中國人，我已對她講她不能亂發脾氣，否則後果自負！至於太太，我也叫她不能過份護，否則只有害了她！

作者: Ruby1219 時間: 18-2-21 18:22

Choisumwong 發表於 18-2-21 18:04
回覆 Ruby1219 的帖子

讚成，不能縱容子女，要他們負起成人的責任，世界不是圍着她轉。我覺得外國人的方法 ...

我前幾年被呢個問題纏擾好耐，嗰陣時阿仔響香港讀書，我做freelance ,成日對住困獸鬥，佢又正值反叛期，真係成日鬧交，我喊過幾次！
有時我老公都勸我放鬆啲，唔好理佢，由得佢衰同碰釘。我有因為咁放棄管佢打機，由得佢成績差，跟住俾身邊家人朋友話我唔應該放棄，要催谷個仔，因為佢有potential ,只係唔努力。但我無催谷，因為我覺得努唔努力係佢嘅選擇。佢成績好唔好係佢嘅責任/成就，唔關我事。亦無謂因為成績傷感情。
但係一講到對人嘅態度、禮貌、家庭責任呢啲，我就會照開佢波，因為我覺得呢啲係做人嘅基本，亦係我哋做父母嘅責任要教好佢哋。我唔想個仔響出面俾人話無家教。

作者: 1998Ruby1998 時間: 18-2-21 18:27

回覆 Choisumwong 的帖子

原來有上莊，難怪夜訓！香港 d 上莊文化我怕怕。

不過要佢控制下情緒，尊重下屋企人。

作者: Choisumwong 時間: 18-2-21 22:46

回覆 1998Ruby1998 的帖子

其實上莊很多學生都有，不是大問題。對家人的態度總不能不如一般朋友吧！

作者: 亮燈 時間: 18-2-22 07:50

Ruby1219 發表於 18-2-21 18:22
我前幾年被呢個問題纏擾好耐，嗰陣時阿仔響香港讀書，我做freelance ,成日對住困獸鬥，佢又正值反叛期，真 ...

你做得好好，我都係咁做，兩仔成績我好少理，成績差我都唔理，只係同佢地講：成績係你地既！唔係我，唔關我事！
但做人既品格、教養，就係我既責任，所以我會好嚴肅認真咁教或罰，絕冇情講。

作者: 亮燈 時間: 18-2-22 07:51

Choisumwong 發表於 18-2-21 22:46
回覆 1998Ruby1998 的帖子

其實上莊很多學生都有，不是大問題。對家人的態度總不能不如一般朋友吧！ ...

請問乜野係上莊？

作者: Choisumwong 時間: 18-2-22 08:14

回覆亮燈的帖子

大學有很多學會，例如學生會，影相會之類。它們要有組員參與組織活動。上莊就是做組員。上莊會花不少時間，因為要經常開會，組織及參與活動，每每因此做到很晚。

作者: 1998Ruby1998 時間: 18-2-22 08:34

回覆亮燈的帖子

上莊就係參加 d 學會，香港果 d 通通都要成日開會，開夜車，做好鬼多活動。我英國上莊過新成立嘅會，一星期一次 meeting 一次學會 gathering，仲參加 festival 做單位、義賣，都冇我香港班朋友咁忙！

作者: 亮燈 時間: 18-2-22 09:13

Choisumwong 發表於 18-2-22 08:14
回覆亮燈的帖子

大學有很多學會，例如學生會，影相會之類。它們要有組員參與組織活動。上莊就是做組員。 ...

明白，謝謝解釋！

作者: 亮燈 時間: 18-2-22 09:17

1998Ruby1998 發表於 18-2-22 08:34
回覆亮燈的帖子

上莊就係參加 d 學會，香港果 d 通通都要成日開會，開夜車，做好鬼多活動。我英國上莊過 ...

謝謝解釋，又學到野！

歡迎光臨教育王國 (/)