教育王國
標題: 動搖中, 可以俾d 意見我嗎? [打印本頁]
作者: 喧嘩 時間: 18-2-11 01:33 標題: 動搖中, 可以俾d 意見我嗎?
本來一心九月送個女去英國讀y10.
今日攞完成績表令我唔係好想
1) 老師話上堂訓教, 唔主動
2) 成績差(已經扼佢要考好d , 因為要補交俾英國學校, 都仍然咁差)
3) 平時唔會溫書, 功課亦唔見有做, 考試前溫下, 未溫晒都唔緊要, 眼訓就去訓, 從來唔覺得有咩壓力
4) f1之前我幫佢溫, 成績都可以, 放手就跌到冇眼睇
佢話佢過到去會努力, 會重新黎過, 講真到時冇皇管我真係冇信心,但依佢宜家成績及態度, 留喺香港冇可能升到大學
同埋, 我地都好唔鐘意宜家間中學
兩公婆都係打份牛工, 又冇津貼, 呢個情況值唔值得供佢去讀書? 有冇可能去到突然會變左自動波? 定係慳番d 錢養老好過
作者: SIYip 時間: 18-2-11 01:52 標題: 回覆樓主
如果佢真係好想去，我會俾佢去。反正現在已經無嘢可以再輸。去個新環境，可能會有個新開始。
作者: 喧嘩 時間: 18-2-11 01:58
SIYip 發表於 18-2-11 01:52 
如果佢真係好想去，我會俾佢去。反正現在已經無嘢可以再輸。去個新環境，可能會有個新開始。
...
佢只係口講好想去, 叫佢睇學校又唔睇, 我揀得啦, 考試叫佢操下數先去, 又懶懶閒。
有嘢輸架, 就係學費, 呢鋪大細要幾百萬, 普通打工仔博唔博得過
作者: 1998Ruby1998 時間: 18-2-11 02:20
絕對有可能轉自動波，我係其中一個，我上個禮拜導師居然讚我係 "academically strong"，呢句我自從離開小學之後就冇再聽過。我家庭都係小康之家。
依家我覺得係女女覺得已經近乎絕望，冇咩機會大翻身所以唔讀也罷，就好似讀極都唔入腦，讀完都係咁差，倒不如訓覺。
換個環境，會容易 d 有動力去追。
作者: Candice1128 時間: 18-2-11 05:53 標題: 回覆樓主:
都是搏一搏而已，英國讀書都是有要求的，是否去到就改變命運，一切看看孩子的悟性。當然有成功例子，但失敗的，似乎一向少上EK講。臨決定走前，可以跟孩子找找輔導服務，了解自己的想法，家人及本身的期望，自己對自己要求什麼的學習方向。。。畢竟幾百萬不是細數吧！她已經升Year 10, 可以做到更多選擇和分析的，也要多為自己負責任。
作者: elbar 時間: 18-2-11 08:36
喧嘩 發表於 18-2-11 01:33
本來一心九月送個女去英國讀y10.
今日攞完成績表令我唔係好想
1) 老師話上堂訓教, 唔主動
放手讓她… 
作者: Leung2010 時間: 18-2-11 08:56
放手讓她選擇, 大家無悔.
作者: 亮燈 時間: 18-2-11 09:06 標題: 回覆樓主:
如果有能力供佢一、兩年，就同佢講，俾一年時間佢，如果成績同表現同香港一樣或更差，就返嚟香港，唔好嘥錢。
作者: 亮燈 時間: 18-2-11 09:15 標題: 回覆樓主:
我兩仔同仔情況差唔多，成績唔好，預計香港冇大學收，而佢地又想去英國讀書，於是就同佢地分析，睇佢地點答，跟住就決定去喇！讀到依家，阿大中七，準備升大學，所有事佢自己攪，因為係佢讀書，唔係我讀。而阿細讀緊中三，第二年喇！成績有明顯進步，咁就繼續頂硬上喇！XD
作者: SIYip 時間: 18-2-11 09:52 標題: 回覆樓主
去英國讀書，其實個個都係睹一鋪。即使喺hk 讀得好，去到亦未必可以繼續keep 住。讀兩年，考完gcse. 見到成績你已知情況。如果佢都係唔嗲唔吊，咁就叫佢返嚟。用兩年學費搏一個翻身，只要供得到，值得。
作者: brother4 時間: 18-2-11 10:35 標題: 回覆樓主:
以上各家長講好好！先小朋友肯去成功機會率較大，另香港教得深及快去到英國多數名列前矛，如成績好可能有奬學金俾番！如ＡＬ可選平價政府預科包宿舍约二十萬一年！自己亞大中文中學考全级尾尾，好彩用非聯招入本地大學！
作者: 喧嘩 時間: 18-2-11 11:25
亮燈 發表於 18-2-11 09:06
如果有能力供佢一、兩年，就同佢講，俾一年時間佢，如果成績同表現同香港一樣或更差，就返嚟香港，唔好嘥錢 ...
最慘係返唔到轉頭先驚, 如果讀1,2年要返轉頭, 我唔知可以讀番咩
作者: 喧嘩 時間: 18-2-11 11:30
brother4 發表於 18-2-11 10:35
以上各家長講好好！先小朋友肯去成功機會率較大，另香港教得深及快去到英國多數名列前矛，如成績好可能有奬 ...
我自己係好想佢讀完中七, non jupus 返香港讀大學, 但我怕佢連果邊嘅野雞大學都入唔到, 仲講咩返香港
作者: 亮燈 時間: 18-2-11 12:08
喧嘩 發表於 18-2-11 11:25
最慘係返唔到轉頭先驚, 如果讀1,2年要返轉頭, 我唔知可以讀番咩
係架！呢個係重點，既然係香港都預知唔掂，所以先多一條路，去英國試下，如果都唔用功，唔好嘥錢，返嚟香港，如果冇學校收，就搵野做，所以要同佢分析清楚，唔係講玩、唔係去旅行，叫佢認真考慮，自己決定、自己負責，條路係佢自己揀，成功與否，與人無尤，明白嘛？
作者: 喧嘩 時間: 18-2-11 12:32
亮燈 發表於 18-2-11 12:08
係架！呢個係重點，既然係香港都預知唔掂，所以先多一條路，去英國試下，如果都唔用功，唔好嘥錢，返嚟香 ...
全部分析晒, 佢都好明白, 但見唔到佢行動上有幾積極, 真係講就天下無敵。
我同事個女只有11歲, 竟然自己搵學校, email到學校申請學位, 隨後先同媽咪講, 雖然佢呢種細路萬中無一, 但點都唔係我女呢隻, 飯來張口, 佢連自己將來嘅學校都唔緊張, 365日都喺度住嘅地方都冇好奇, 要求, 我真係好冇信心佢會變自動波
作者: 亮燈 時間: 18-2-11 12:41
喧嘩 發表於 18-2-11 12:32
全部分析晒, 佢都好明白, 但見唔到佢行動上有幾積極, 真係講就天下無敵。
我同事個女只有11歲, 竟然自己搵 ...
既然已分析晒！佢亦完全明白，你認真最後問一次，是否去英國？如果佢話係，咁就一齊行動，因為係佢讀書，唔係你去讀，一齊參與揀學校。最重要係佢知道只有一年機會及唔努力既後果。
作者: brother4 時間: 18-2-11 13:34
喧嘩 發表於 18-2-11 11:30
我自己係好想佢讀完中七, non jupus 返香港讀大學, 但我怕佢連果邊嘅野雞大學都入唔到, 仲講咩返香港
...
本帖最後由 brother4 於 18-2-11 13:36 編輯
本地ＯＵ是好選擇
講真的
作者: 過客 時間: 18-2-11 13:36
就算留係香港, 成績唔得, 升中四時,D 學校都側側膊/用 d 好難聽既說話迫你退學, 到時咪又係冇學校收, 冇書讀,一樣都係唔知點算好.
過去讀書就是比多一條路自己行, 睇下有冇機, 如果唔得, 返香港都冇壞, 因為就算唔過都係咁行架啦
作者: jj100c 時間: 18-2-11 13:58
可以博一博，如果唔得就同佢講考完gcse返嚟！但搵學校方面就要做多D功課，找間純樸D。Year10都好忙，去到應該冇時間hea。
作者: corkwok 時間: 18-2-11 14:09
你要知他為什麼在香港讀得差。英國能否給他解除這些因素。
好似我個仔算上進，但D老師HEA到無形，惟有搵間好D比佢。他自己話想讀好D，都要信他。
作者: 喧嘩 時間: 18-2-11 14:37 標題: 回覆樓主:
亞女小學係一間愛心私小, 中學係一間b1傳統中學, 老師做又36, 唔做又36, 親自領教過, 學校大部分職員, 老師, 學生質數都好差, 試過小女被師姐昆佢買舊書, 其實學校有guildline, 價錢唔可以多過原價1半, 改板唔準賣等等, 點知師姐偷步賣書日前賣書, 亞女仲懶醒咁, 用左銀包所有錢買左幾本書, 返黎仲話好抵, 一本改左板, 一本只係原價7, 8折, 都算, 當佢蠢, 佢仲話諗住幫我慳先買舊書, 最離譜係有本普通話書入面有3本習作, 書係f2, 習作係f1, 但三本f1嘅習作logo用貼子遮住, 我打去訓導投訴存心欺騙, 訓導只怪我女冇檢查清楚, 咩學校, 賣貴都算, 欺詐行為都唔理? 成績緊要過德育?
最近叫學校寫獎項證明, 老師竟然話個個係咁我米好唔得閒, 叫我女影個獎牌米得囉, 攞證明俾學校玩左我足足三星期先攞到, 仲要俾人閙到一面屁, 仲有好多例子, 不能盡綠
我女宜家f3, 呢度嘅大學讀唔到架啦, 但叫做科科都仲合格
作者: SIYip 時間: 18-2-11 14:43 標題: 回覆樓主
唔好有一個必讀大學嘅迷思。做家長嘅責任係喺自己能力範圍內俾機會仔女，至於仔女自己點行，條路係佢嘅，未來係佢嘅，佢要自己承受後果。講真，我自己識嘅個案，失敗嘅多過成功，但，我能力範圍內，俾多個選擇佢，跟住就係佢自己行落去，之後成或敗就睇佢啦。呢d 唔係投資，唔會講回報。
作者: brother4 時間: 18-2-11 14:49 標題: 回覆樓主:
中國同日本也考慮過讀大學
作者: 喧嘩 時間: 18-2-11 15:19
SIYip 發表於 18-2-11 14:43
唔好有一個必讀大學嘅迷思。做家長嘅責任係喺自己能力範圍內俾機會仔女，至於仔女自己點行，條路係佢嘅，未 ...
我冇諗過回報, 由細到大花嘅時間,精神, 金錢, 佢都已經還唔到, 我只係想佢識得珍惜, 唔好以為屋企好有米, 我只想鋪條好行d 嘅路俾佢, 我唔想錢同時間都洗左, 但對佢而冇任何好處
作者: Band5 時間: 18-2-11 15:24
喧嘩 發表於 18-2-11 14:37
亞女小學係一間愛心私小, 中學係一間b1傳統中學, 老師做又36, 唔做又36, 親自領教過, 學校大部分職員, 老師 ...
B1中學，科科合格，如果佢唔係特別天資聰穎，就應該係努力過架啦！唔使太擔心嘅！
作者: 3b 時間: 18-2-11 15:32
喧嘩 發表於 18-2-11 15:19
我冇諗過回報, 由細到大花嘅時間,精神, 金錢, 佢都已經還唔到, 我只係想佢識得珍惜, 唔好以為屋企好有米, ...
一個15歲的青少年要自己一個隻身往外地留學， 生活， 起居習慣， 讀書， 沒有父母在身邊，所有事跟香港大大不同， 她要有決心才可以一一克服所有問題。可以要求女兒做1份proposal, 詳述她日後到英國會怎樣安排讀書生活， 如溫習時間表，成績要求， 對父母作出承諾等等。
作者: SIYip 時間: 18-2-11 15:33
喧嘩 發表於 18-2-11 15:19
我冇諗過回報, 由細到大花嘅時間,精神, 金錢, 佢都已經還唔到, 我只係想佢識得珍惜, 唔好以為屋企好有米, ...
我指嘅回報係讀完之後成績嘅回報。
認同樓上jm 講，傳統band 1 科科合格佢應該已付出唔少。有時你見佢好似好hae, 可能係佢嘅防衛機能。
作者: 亮燈 時間: 18-2-11 16:06
brother4 發表於 18-2-11 10:35
以上各家長講好好！先小朋友肯去成功機會率較大，另香港教得深及快去到英國多數名列前矛，如成績好可能有奬 ...
四阿哥好野！阿大讀邊間？
作者: brother4 時間: 18-2-11 19:03
亮燈 發表於 18-2-11 16:06
四阿哥好野！阿大讀邊間？
英國讀那？是英國預科書院（窮養兒）约15萬元包住！
作者: 亮燈 時間: 18-2-11 19:05
brother4 發表於 18-2-11 19:03
英國讀那？是英國預科書院（窮養兒）约15萬元包住！
未決定讀邊間，要等AL成績先知，你阿大係香港讀邊間大學？
作者: brother4 時間: 18-2-11 19:18 標題: 回覆樓主:
成績不太好，原本冇間有offers,好彩幸運地收咗佢（八大之一）
作者: brother4 時間: 18-2-11 20:20
亮燈 發表於 18-2-11 19:05
未決定讀邊間，要等AL成績先知，你阿大係香港讀邊間大學？
等你好消息！
作者: 亮燈 時間: 18-2-11 20:24
brother4 發表於 18-2-11 19:18
成績不太好，原本冇間有offers,好彩幸運地收咗佢（八大之一）
咁都好呀！恭喜你呀！
作者: 亮燈 時間: 18-2-11 20:26
brother4 發表於 18-2-11 20:20
等你好消息！
承你貴言
作者: papaof2 時間: 18-2-11 20:55
提示: 作者被禁止或刪除 內容自動屏蔽
作者: ericby 時間: 18-2-13 17:26
慳番d 錢養老好過
作者: yuyueng 時間: 18-2-14 12:16
喧嘩 發表於 18-2-11 14:37
亞女小學係一間愛心私小, 中學係一間b1傳統中學, 老師做又36, 唔做又36, 親自領教過, 學校大部分職員, 老師 ...
令千金傳統B1中學科科合格，其實個底絕對唔錯。打算9月過去讀Y10，乜仲未報學校咩？既然現在既學校又唔多好，按照計畫照去，同女講留學機會唔系人人有，希望珍惜，4年後考間好大學，否則返香港讀。認同品德比成績重要，學校欺詐都當無野？
作者: 喧嘩 時間: 18-2-14 12:46
yuyueng 發表於 18-2-14 12:16
令千金傳統B1中學科科合格，其實個底絕對唔錯。打算9月過去讀Y10，乜仲未報學校咩？既然現在既學校又唔多好 ...
多謝意見, 其實亞女係乖嘅, 不過貪玩d , 心散d , 咁大個女仲肯俾我收電話。
佢已經考左三間學校, 不過仲等緊回覆
作者: brother4 時間: 18-2-14 12:59 標題: 回覆樓主：
本帖最後由 brother4 於 18-2-14 13:01 編輯
點解收起電話？以上原因考慮選郊外學校
作者: maylmm 時間: 18-2-14 17:04
我同你情況差唔多, 我女係y12，我覺得你早d俾佢過去英國。早少少適應佢會輕鬆同投入d。我女上堂又係唔主動，不過未至於瞓覺，其實我哋知道囡囡唔係讀唔倒書，但中二起由於某些原因，開始無心機讀書(父母已知悉原因)，所以成績每況愈下。由於我們兩公婆都同你一樣打份牛工，又冇津貼，所以一直冇打算俾佢出國讀書，但剛好上年有一筆意外之財(只夠兩年英國學費)。到中五見家長後，決定送囡囡到英國升學，她亦很願意。講真，我哋都係博一鋪，其實筆錢我兩老可以用嚟養老，因我兩個年紀都唔係細，希望佢識諗，生生性性。我哋有同佢講，若兩年後讀完a-level，成績唔理想的話囡囡都要佢返香港。
作者: 喧嘩 時間: 18-2-14 19:47
brother4 發表於 18-2-14 12:59
點解收起電話？以上原因考慮選郊外學校
點解你同我女一樣, 點解收電話嘅, 媽咪你講俾我聽我做錯乜, 等我唔再做, 咁我就話, 因為你最緊張電話, 所以米用呢樣嘢罰你囉, 但有時係因為測考所以收
作者: 喧嘩 時間: 18-2-14 20:14
maylmm 發表於 18-2-14 17:04
我同你情況差唔多, 我女係y12，我覺得你早d俾佢過去英國。早少少適應佢會輕鬆同投入d。我女上堂又係唔主動 ...
意外之財
, 你就好啦, 我都想有, 我地果d 係血汗錢, 老實講我兩公婆都係基層出生, 讀書又唔多, 只係好彩, 先有份人工唔錯嘅職業, d 錢好辛苦搵番黎, 最初係諗都唔諗想博下, 但見完家長真係心都淡埋, 不過呢幾日再諗清楚, 錢冇左可以搵過, 其實供佢讀書唔洗運用到積蓄, 同埋我仲有廿幾年先退休, 機會錯過左就冇, 宜家平常心, 等學校回覆, 收左就go ahead
作者: 亮燈 時間: 18-2-14 21:02
喧嘩 發表於 18-2-14 20:14
意外之財 , 你就好啦, 我都想有, 我地果d 係血汗錢, 老實講我兩公婆都係基層出生, 讀 ...
決定左就好喇！唔使諗咁多，做應該做既事就得喇！
作者: bosch 時間: 18-2-16 00:19
喧嘩 發表於 18-2-11 01:33
本來一心九月送個女去英國讀y10.
今日攞完成績表令我唔係好想
1) 老師話上堂訓教, 唔主動
俾我揀就唔會仲俾佢去留學. 佢唔係好細, 佢想去留學就要自己去爭取. 連佢自己都pair pair 下咁, 點仲可以信佢自己一個響外國會脫胎換骨.
作者: jj100c 時間: 18-2-16 01:15
最緊要揀間純樸學校，我女話佢D同學不論是鬼妹丶香港人、中國人都興一有時間、就煲劇直至學校WiFi off。
作者: twsf 時間: 18-2-16 14:04
提示: 作者被禁止或刪除 內容自動屏蔽
作者: Ruby1219 時間: 18-2-16 15:09
twsf 發表於 18-2-16 14:04
我個仔year 9其實以我所知佢哋全部都係有時間就煲劇我都擔心沮喪但係做父母嘅已經安排左條路俾佢以後嘅路係 ...
阿仔同佢啲同學都煲劇打機㗎，尤其year 10-year 11 仲煲/打得多，但去到交功課考試測驗佢哋就會自動波。我覺得做父母要俾free hand 同信心仔女，佢哋反而會自律，成日監管/哦佢哋嘅話，一係就反抗，一係就依賴，又傷感情。既然俾得佢哋去留學，就應該放手。
作者: kakamom1 時間: 18-2-18 23:17 標題: 回覆樓主
去到外面誘惑更多，人唔夠成熟好易出事，眼見好多讀書唔成仲帶比屋企好多麻煩嘅例子
作者: jj100c 時間: 18-2-19 05:35
回覆 kakamom1 的帖子
非常同意！亞女話同房成日同父母傾電話都係鬧交，因為同房洗錢好勁，可能都係咁嘅原因。
作者: twsf 時間: 18-2-19 09:28
提示: 作者被禁止或刪除 內容自動屏蔽
作者: manman333 時間: 18-3-7 12:29 標題: 回覆樓主:
我係留學版新手, 仔仔今年上中一, 我一直希望個仔可以出去英國寄宿, 而個仔都好想去.
他在英文小學讀成績中上, 來緊都會去到B1 中學, 但對留學一事兩公婆卻有分歧，老公覺得讀到既咪一直在港讀囉,省唔少錢。 讀唔到既出去都讀唔到又用過百萬。
我們只有一個孩子, 能力都可以應付到的，老公應該做多10零年要退休, 他卻只聽朋友說讀完中學至去咁平好多, 但他那朋友孩子在國際讀, 家中只講英文又是考IB 當然完成中學去無問題啦。
如仔讀本地中學(b1都好啦) 英文語景一年一年無晒，到大學時出去又只群華人英文唔會lok lok 聲。
如果中一就去太細朋友說容易情緒病所以中三去就最好時間。
我仔自己說好期待出去讀書日子, 當然他可能未見到唔好既地方啦。
各位過來人, 給我一些經驗吧，我兩年後去現要準備什麼呢？
仔既呈分中英數音樂美術都A 的，今年年尾考7級琴, 應該兩年內不能考8級，英國那邊可以継續學到嗎？
作者: Yanamami 時間: 18-3-7 14:46
manman333 發表於 18-3-7 12:29
我係留學版新手, 仔仔今年上中一, 我一直希望個仔可以出去英國寄宿, 而個仔都好想去.
他在英文小學讀成績中 ...
作者: 亮燈 時間: 18-3-7 15:11
manman333 發表於 18-3-7 12:29
我係留學版新手, 仔仔今年上中一, 我一直希望個仔可以出去英國寄宿, 而個仔都好想去.
他在英文小學讀成績中 ...
每個人既適合年齡都唔同，如果我仔好似你仔咁既情況，我會毫不猶疑送佢去英國讀中一，因為佢想去，你亦想佢去，而家庭又負擔得到，仲諗乜野？個人意見：如果小朋友係香港成績好，即係所謂既讀到書，當然要去英國讀啦，咁樣就更加要努力，有機會入讀世界頂級大學，如果好似我兩仔咁，係香港成績差，即係所謂讀唔到書，就更加要去讀，因可以俾多條路佢地，又可以學習獨立、自理…等！所以，如果小朋友已預備好，而家庭又有能力的話，唔好諗，積極搵適合佢既學校吧！
作者: 1998Ruby1998 時間: 18-3-7 15:34
本帖最後由 1998Ruby1998 於 18-3-7 15:34 編輯
回覆 manman333 的帖子
我讀中小，英中，冇咩英文語境，都係群埋班外國人，冇點同香港人玩。只要有心，就一定可以同外國人打交道。外國人（包括本地英國）自己口音都未必好聽，佢地唔會介意你地香港人咩口音，講得流利唔流利。
不過適合年紀人人唔同。既然你地負擔得到，仔仔又表明想去，就畀佢去，而且要由仔仔自己提出 proposal 畀父母，證明自己有心同有能力。如果想到英國都繼續學琴的話，你可以同學校商量下。至於準備，就睇下你 aim 入邊間中學啦。
作者: manman333 時間: 18-3-7 15:56 標題: 回覆樓主:
好多謝各位回覆和經驗, 不過自理和獨立好難講, 我朋友呀女在港中小, 名英中, 去澳洲出名大學點知哭足一年, 轉頭要回來考番去港大。 但亦有朋友呀仔開頭唔想去, 去完英國旅行回來就話提早去, 所以中一巳去英國, 轉眼間現巳中六, 理科超好, 仲收到oxford 邀請信。 不過佢一心要回港讀醫。
現在1516, 想讀完中一後過去yr 9 定中二後基礎好啲去yr 9? agent 話兩樣都可因年齡可入學。
作者: 一家三口 時間: 18-3-7 16:37
回覆 manman333 的帖子
有無考慮讀完中四或中五才去英國讀Y12. 
作者: manman333 時間: 18-3-7 16:42
一家三口 發表於 18-3-7 16:37
回覆 manman333 的帖子
有無考慮讀完中四或中五才去英國讀Y12.
如果去, 最遲yr 10, 否則留在港併過算了。
作者: Yanamami 時間: 18-3-7 16:43
本帖最後由 Yanamami 於 18-3-7 16:47 編輯
manman333 發表於 18-3-7 15:56
好多謝各位回覆和經驗, 不過自理和獨立好難講, 我朋友呀女在港中小, 名英中, 去澳洲出名大學點知哭足一年, ...
青春期可以多留孩子係身边係好事，除非逼不得矣~好多野佢地睇父母身教、受同輩影响，早早離开，有时会变得疏離。出国除睇大家意願同經濟能力，仲要考慮孩子性格~何不俾佢去下summer school体驗－下先？我女有幾个朋友係HK讀完中五先过UK讀6Form.
作者: 一家三口 時間: 18-3-7 16:48
本帖最後由 一家三口 於 18-3-7 16:49 編輯
回覆 manman333 的帖子
去年大囡突然決定完成中五去英國讀Y12. 本人覺得時間上是合適. 因為起碼中文的{聽講睇讀}已不成問題, 可以應付將來工作.
有否考慮太早過去, 將來的中文程度?
作者: DindinChoi 時間: 18-3-7 22:49
群咩人好睇小朋友自己性格
嘗試參加summer school都是一個好提議
我贊成Y9出國
作者: koalakong 時間: 18-3-8 00:48
SIYip 發表於 18-2-11 14:43
唔好有一個必讀大學嘅迷思。做家長嘅責任係喺自己能力範圍內俾機會仔女，至於仔女自己點行，條路係佢嘅，未 ...
講得好啱呀
如果和小朋友傾過，小朋友有個心想去，我地就盡力去實現小朋友的希望。
就以我阿仔為例，資質無人咁好，但都不放棄，說會好好珍惜讀書的機會，有佢依句我就夠了。終於一個月內，幫他找學校、安排考筆試和面試，阿仔努力準備，先順利完成筆試，然後又順利完成面試，終於學校收了佢，下個月去英國插班。對我阿仔能力來講，考試面試一樣有難道，揾間學校收佢，一啲都唔容易架。所以難得樓主阿女乖，佢現在正想去英國既時候，就唔好錯過機會，幫阿女踏出第一步先。
作者: brother4 時間: 18-3-8 00:56
koalakong 發表於 18-3-8 00:48
講得好啱呀
如果和小朋友傾過，小朋友有個心想去，我地就盡力去實現小朋友的希望。
就以我阿仔為例 ...
好奇，點解要插班？
作者: koalakong 時間: 18-3-8 01:06
brother4 發表於 18-3-8 00:56
好奇，點解要插班？
check pm
作者: brother4 時間: 18-3-8 01:08 標題: 回覆樓主:
看咗，明白
作者: retriever 時間: 18-3-8 12:41
1998Ruby1998 發表於 18-2-11 02:20
絕對有可能轉自動波，我係其中一個，我上個禮拜導師居然讚我係 "academically strong"，呢句我自從離開小學 ...
我覺得等佢中學畢業，推佢出去做幾年野，知道世界艱難，到時有機會去國外，佢先會知努力。
大喇喇幾百萬，兩老退休都係咬呢畢錢。我做細路就唔好意思要父母駛呢D 錢。
作者: manning2014 時間: 18-3-8 13:17
本帖最後由 manning2014 於 18-3-8 13:18 編輯
Yanamami 發表於 18-3-7 16:43
青春期可以多留孩子係身边係好事，除非逼不得矣~好多野佢地睇父母身教、受同輩影响，早早離开，有时会变得 ...
非常贊同你的觀點。尤其是仔女在呢段成長期最重要的青春期的時候，係父母最重要教導仔女學習做人處事和建立親密關係的時機。可惜來得呢個版面問這類問題的家長，其實個心都已大致上決定了。再加上在這裏好些家長以自身滿意的經驗 (還未知是否成功)，就大說留學的多多好處。所以你 (和我) 呢類忠告喺呢度係冇乜人會 buy.
作者: brother4 時間: 18-3-8 13:53
manning2014 發表於 18-3-8 13:17
非常贊同你的觀點。尤其是仔女在呢段成長期最重要的青春期的時候，係父母最重要教導仔女學習做人處事和建 ...
本帖最後由 brother4 於 18-3-8 14:53 編輯
非常贊同你的觀點，其實心都有決定…在高中及專上也忠告冇人…不一定好的，博—鋪，怕的是中學反叛期，忠言逆耳，留學减少磨刷，關係更好，獨立及成熟咗！重中之重，小朋友肯去先，要同好友say bye,另在家中昰王子／公主，但在留學限時上牀，上網也限制，－定say no,朋友孩子就反逆期，留班及打機至零晨，朋友拔上網缐，佢的孩子房門開咗個洞
作者: Yanamami 時間: 18-3-8 14:59
brother4 發表於 18-3-8 13:53
本帖最後由 brother4 於 18-3-8 14:53 編輯
非常贊同你的觀點，其實心都有決定…在高中及專上也忠告冇 ...
作者: Yanamami 時間: 18-3-8 15:00
manning2014 發表於 18-3-8 13:17
非常贊同你的觀點。尤其是仔女在呢段成長期最重要的青春期的時候，係父母最重要教導仔女學習做人處事和建 ...
作者: brother4 時間: 18-3-8 15:03
Yanamami 發表於 18-3-8 14:59
呢果d case係置諸死地然後生，到禁既地步，未嘗不可盡地－铺｡
本帖最後由 brother4 於 18-3-8 15:05 編輯
重點是決定在孩子，朋友孩子話不肯去，好似其中原因朋友講佢現還拍拖中
作者: 喧嘩 時間: 18-3-8 15:06 標題: 回覆樓主:
我最終都決定左俾亞女去試一試, 呢間學校係自己無意中睇到嘅, 而agent都話考到嘅機會唔大, 但我地都選擇博一博, 最後一關係skype interview, 亞女同校長傾得好開心, 校長仲不停讚亞女, 亦即時決定俾個學位佢, 令小女增強左唔少自信心, 希望呢個係好嘅開始, 日後就睇佢做化
作者: 亮燈 時間: 18-3-8 15:10
喧嘩 發表於 18-3-8 15:06
我最終都決定左俾亞女去試一試, 呢間學校係自己無意中睇到嘅, 而agent都話考到嘅機會唔大, 但我地都選擇博 ...
恭喜你，一齊努力喇！
作者: 喧嘩 時間: 18-3-8 15:14
亮燈 發表於 18-3-8 15:10
恭喜你，一齊努力喇！
多謝, 我之前都pm過你問嘢, 好多嘢唔識, 要多多指教
作者: brother4 時間: 18-3-8 15:16
Yanamami 發表於 18-3-8 15:00
其实我buy出国的，但係出去讀大学，果时比較成熟定性d.
其實自己以前不buy,香港有免費教育，留學budget有限，原本不打算讓孩子留學，但看咗教育王國部份由頭至尾好一次，要博一鋪，因孩子成績。。難上本地大學！
作者: 亮燈 時間: 18-3-8 15:19
喧嘩 發表於 18-3-8 15:14
多謝, 我之前都pm過你問嘢, 好多嘢唔識, 要多多指教
唔使客氣，有唔明就要問，我未答識答晒！但呢度既家長都應該答到你。
作者: 亮燈 時間: 18-3-8 15:32
manning2014 發表於 18-3-8 13:17
非常贊同你的觀點。尤其是仔女在呢段成長期最重要的青春期的時候，係父母最重要教導仔女學習做人處事和建 ...
其實每個家庭教子女既方法都唔同，以我為例，兩仔係由幼稚園已開始教及同佢地講道理，一直教到小學六年級，到中學時，已經開始轉變為朋友模式，我覺得到反叛期先教就遲喇！所以兩仔去英國讀書冇問題，到依家都唔錯，佢地遇到難題時都會主動問我意見，到目前為止我都覺得滿意。
當然，各施各法，冇話邊個方法啱定錯，總之適合自己家庭就得喇！
作者: 亮燈 時間: 18-3-8 15:44
喧嘩 發表於 18-3-8 15:06
我最終都決定左俾亞女去試一試, 呢間學校係自己無意中睇到嘅, 而agent都話考到嘅機會唔大, 但我地都選擇博 ...
請問邊間學校收令千金？
作者: katrinafu 時間: 18-3-8 16:03
亮燈 發表於 18-3-8 15:32
其實每個家庭教子女既方法都唔同，以我為例，兩仔係由幼稚園已開始教及同佢地講道理，一直教到小學六年級 ...
認同呀 ！
作者: 喧嘩 時間: 18-3-8 19:42
亮燈 發表於 18-3-8 15:44
請問邊間學校收令千金？
queen margaret, 喺你大仔附近
作者: 亮燈 時間: 18-3-8 20:02
喧嘩 發表於 18-3-8 19:42
queen margaret, 喺你大仔附近
我唔知啊！因為未去過。XD
作者: koalakong 時間: 18-3-8 21:05
亮燈 發表於 18-3-8 15:32
其實每個家庭教子女既方法都唔同，以我為例，兩仔係由幼稚園已開始教及同佢地講道理，一直教到小學六年級 ...
本帖最後由 koalakong 於 18-3-8 21:06 編輯
認同
作者: koalakong 時間: 18-3-8 21:09
喧嘩 發表於 18-3-8 15:06
我最終都決定左俾亞女去試一試, 呢間學校係自己無意中睇到嘅, 而agent都話考到嘅機會唔大, 但我地都選擇博 ...
恭喜樓主替阿女找到心儀學校！
作者: 喧嘩 時間: 18-3-8 21:50
koalakong 發表於 18-3-8 21:09
恭喜樓主替阿女找到心儀學校！
多謝多謝
作者: LULU-MAK 時間: 18-3-10 23:53 標題: 回覆樓主:
我個女情況同你差唔多,中學讀b1,但校內成績都係排中間,要入8大真係有d困難,平時見佢hea住咁，又唔見佢做功課,應該都係返到學校抄功課交,但又無老師投訴,可能d老師見有功課交,都費事理,我地兩老一早打定輸數,讀唔到學位,就送佢去英國。但最後dse有3322,入咗恆管讀學士,OU收佢佢又唔要,原本都諗可以有舊錢防身,點知讀咗兩個月,有日突然同我講,如果我呢家去英國讀書得唔得,我第一句答佢,都過咗時間啦,我點知仲有無大學收,你自己問agent啦，佢今次竟然主動call agent問,仲約埋時間上去傾,又真係會有d大學係一月收生,等到大學回覆收佢時,我同agent麵叫佢諗清楚自己個心係咪決定咗,因為之前我地搞英國聯招時,佢係樣樣懶懶閒,都係得我一個睇曬，搞曬需要既信件,當時正所謂皇帝唔急太監急既心情.但今次佢自己主要提出,佢果種積極係我從未見過.過到去英國我擔心佢攪唔掂所有野,點知佢又攪得到,當中佢都有困難,但都無辦法,當日係佢自己揀,唔係我地迫佢過去,要自己頂硬上,真係無人可以幫到佢.而讀書方便,阿女係英國,每日都話要溫書,上兩三個鐘頭課,就返去溫多六,七個鐘頭書,星期六,日都係咁,讀書變得好積極,呢樣野我地兩老睇到時,即刻覺得咩野都值返曬。
作者: 喧嘩 時間: 18-3-11 00:20
LULU-MAK 發表於 18-3-10 23:53
我個女情況同你差唔多,中學讀b1,但校內成績都係排中間,要入8大真係有d困難,平時見佢hea住咁，又唔見佢做功 ...
唔一樣呀, 我女宜家只係中三, 你女已經考完dse, 不過我都諗清楚啦, 博一博, 錢財身外物
作者: hellololo 時間: 18-3-11 13:38
喧嘩 發表於 18-2-11 01:33
本來一心九月送個女去英國讀y10.
今日攞完成績表令我唔係好想
1) 老師話上堂訓教, 唔主動
你好!我留意咗呢個post好耐，樓主你講你小朋友情況同我女9成似呀!我親戚住Melbourne 都有叫我女過去讀，我女而家S2,上個月攞完成績簡直頭顶冒煙，其實都諗住比佢去，但1516......睇見佢態度就
今日Sheraton hotel有澳洲展，佢話去睇吓，但乜都冇準備，唉!
請問你有冇去過呢類展覧？有冇用？
作者: brother4 時間: 18-3-11 14:06 標題: 回覆樓主:
好有用，最好帶孩子去因先决是孩子肯去先？佢不想，做什麼沒有用
作者: 喧嘩 時間: 18-3-11 15:08
hellololo 發表於 18-3-11 13:38
你好!我留意咗呢個post好耐，樓主你講你小朋友情況同我女9成似呀!我親戚住Melbourne 都有叫我女過去讀，我 ...
你好呀, 但我想問, 你小朋友去讀書, 係住boarding還是親戚屋企?
我個人覺得如果住親戚屋企, 同喺香港讀書有咩分別? 最少佢唔會長大到, 有機會變左更加懶散喎 , 感覺會有少少協助佢逃避咁
我分享多少少, 初初係我急佢唔急, 到最後大家心儀嘅學校話俾個機會佢考試, 我就唔陪佢去, 佢自己攪掂, 就算skype interview都係自己去, 佢仲自己去左另一間agent公司攪嘅升學展, 攞左d監護人資料返黎, 個個見到佢一個人都讚佢叻, 咁佢返到黎又飄飄然咁, 仲介紹d 監護人公司俾我, 琴日我地又同校長見左面(佢黎左香港), 我女同佢傾計, 自己問左好多嘢, 校長又不停讚佢啦, 變左佢多左參與又得到認同, 宜家佢好期待過去
ps:,呢間學校係我地無意中搵到又好鐘意, agent覺得我女應該未必夠班, 我地係都想博一博, 最後skype interview校長即場話收亞女, 咁佢自信又高左, 暫時見到所有嘢都好正面
但最重要一點, 要佢自願, 我宜家攪攪下就調轉左, 變左佢超級想去, 好啦, 咁我兩老就節衣縮食咁供你讀書啦
作者: 喧嘩 時間: 18-3-11 15:13
hellololo 發表於 18-3-11 13:38
你好!我留意咗呢個post好耐，樓主你講你小朋友情況同我女9成似呀!我親戚住Melbourne 都有叫我女過去讀，我 ...
其實去呢d 展乜都唔洗準備架, 佢心想去就可以, 不過家長可以帶定成績表去, 方便agent介紹學校俾你
如果佢講話想去睇下, 已經係好開始, 但你要諗下你女住宿安排, 父母管唔到佢, 難道親戚管到?
作者: hellololo 時間: 18-3-11 21:24 標題: 回覆樓主:
今日都有同女去咗睇澳洲展，阿女十分喜歡，尤期住宿舍，但都要讀完S3先去，因為都需要時間準備，今日都有收獲，見咗幾間，有女校、男女校，學校派人過嚟講解(有校長、副校)，嘩....乜咁重視㗎？
但學費就唔平，大約$5萬幾一年，如果近親戚住就冇宿舍，同埋學校質數麻。
作者: 1998Ruby1998 時間: 18-3-11 21:49
回覆 hellololo 的帖子
當然重視，收學費架嘛，你份學費唔少野架。
作者: 喧嘩 時間: 18-3-11 21:56
hellololo 發表於 18-3-11 21:24
今日都有同女去咗睇澳洲展，阿女十分喜歡，尤期住宿舍，但都要讀完S3先去，因為都需要時間準備，今日都有收 ...
係呀, 聽聞澳洲好嘅boarding都唔平架, 你仲有一年考慮, 可以再諗清楚, 睇多d 資訊, ek都係一個攞料唔錯嘅地方, 個個都好helpful
| 歡迎光臨 教育王國 (/) |
Powered by Discuz! X1.5 |