教育王國
標題: (真心請教)熱愛數學的女孩 [打印本頁]
作者: Sweetpie 時間: 18-2-5 16:54 標題: (真心請教)熱愛數學的女孩
小女k1熱愛數學,由基本加減數開始,現已可做到直式多位數加減及乘除數混算,會問好多有關數學問題如份數、負數、質數等等,我應該俾佢繼續學嗎?會唔會上影響到上學無心學習?應該點樣處理最恰當。求教。謝
作者: 0030 時間: 18-2-5 17:34
她有興趣可以繼續學繼續教~
作者: Sweetpie 時間: 18-2-5 21:23
會唔會怕佢返學發夢遊魂被老師話呀?暫時幼稚園比較寬鬆仲未有問題,我怕上到小學佢會被老師覺得佢曳呀
作者: scyauchris 時間: 18-2-6 15:03
回覆 Sweetpie 的帖子
你唔比佢學, 佢一樣遊魂的, 因為小學老師會一樣野重覆講解的, 所以跟學校課程都不會改善的。佢喜歡你就由佢學上去。
作者: Radiomama 時間: 18-2-6 17:12
Sweetpie 發表於 18-2-5 16:54 
小女k1熱愛數學,由基本加減數開始,現已可做到直式多位數加減及乘除數混算,會問好多有關數學問題如份數、 ...
視乎你怎樣引導啦!
如果在屋企日常生活上玩遊戲、去買餸、傾偈慢慢講數學應用,當然無壞;但去興趣班就有保留。
我仔細個開始玩啤牌釣魚、21點、奇妙24,我覚得都是好好的數學訓練。

作者: Sweetpie 時間: 18-2-6 21:52
每次阿女有新問題我同爸爸唔會即刻解答,佢問左好多次我地才會解釋俾佢知,最近發現佢問緊既問題已經愈來愈複習,部分問題已經係小學才學。我地考慮緊出年考小應該行傳統學校還是國際學校比較適合? 可唔可以俾啲意見呀?多謝
作者: 小曳人 時間: 18-2-7 08:02
佢去邊都悶,分別响課堂要求同workload上
作者: RunningPig 時間: 18-2-8 09:13 標題: 回覆樓主:
小朋友對數學有興趣是天生的福氣,絶不應擔心她平日課堂的表現而不滿足她的求知欲。我跟我的小朋友説,平日學校你要學的是上課專心,主動答問題,做卷小心。

作者: bksummer 時間: 18-2-9 01:56
RunningPig 發表於 18-2-8 09:13 
小朋友對數學有興趣是天生的福氣,絶不應擔心她平日課堂的表現而不滿足她的求知欲。我跟我的小朋友説,平日 ...
如上堂內容對小朋友偏容易,他們都好難保持專注
特別係男仔。。。求指教

作者: Sweetpie 時間: 18-2-27 23:35
回覆 RunningPig 的帖子
多謝你,講得好好,教佢上堂留心保持一份好既學習態度真係唔易。我會努力學習
作者: omg012 時間: 18-2-28 19:45
本帖最後由 omg012 於 18-3-1 06:54 編輯
Sweetpie 發表於 18-2-27 23:35 
回覆 RunningPig 的帖子
多謝你,講得好好,教佢上堂留心保持一份好既學習態度真係唔易。我會努力學習 ...
你囡囡超聰明。其實她要學習你也阻止不了。如果你比她學習機會,她可能小三自學完成小學課程,小六完成中學課程,中學完成大學課程。這個有甚麼問題?小學和中學課程本來是設計給一般水平的學生;硬要資優生跟隨也是對他們不公平。若果他們有強烈的求知欲,我想家長可盡量配合,不要讓這寶貴的學習動機被教育制度和追模擬答案所止息。沒有學習動機和自學能力乃至創新思維是一般香港中學和大學生最大的問題。我小兒常在網上自學科學和數學。因為YouTube 影片都是英文為主,他連英文也可以學到。其實有興趣,睇得多就明。小兒的數學是不用教的。但媽怕他沒有系統地學習,也怕他對上數學堂失去興趣,所以也樣他在Mxxxconcept上課,因可因材施教。他現在小三也快完成小五課程了。
作者: Rachelmummy2008 時間: 18-3-25 06:54
Sweetpie 發表於 18-2-5 21:23 
會唔會怕佢返學發夢遊魂被老師話呀?暫時幼稚園比較寬鬆仲未有問題,我怕上到小學佢會被老師覺得佢曳呀 ...
找一所少功課包容度高的學校,小朋友繼續有時間去追求想學的東西。
我囡囡高小,她因為在學校可以完成功課,在家便可根據她的喜愛而學其他嘢,主要是不會失去了興趣,佢知道朋友不是讀同一小學,有很多功課,隔不多久又測驗考試。所以她自己講學校有自由氣氛令佢更開心。
而且學校程度不易,初小用中文,高小用英文教。初期帶動了我囡學中文,因佢睇英文書多。英文數佢又會網上自學。
高小學校教深半年至一年,雖然我囡話佢都係覺得淺,不過老師容許她自己做題目,有些有心教的老師會俾其他思考性題目給她。

作者: 王家爸爸 時間: 18-3-25 09:02
bksummer 發表於 18-2-9 01:56 
如上堂內容對小朋友偏容易,他們都好難保持專注 特別係男仔。。。求指教
...
需要知道實際情況先解決到。正常情況下,如果小朋友覺得上堂內容容易,老師問既問題都識答,佢哋應該會更加保持專注,享受答對既樂趣。有啲甚至會留心聽老師有無講錯,然後指出問題,享受大家睇佢 show off 既機會。
作者: 王家爸爸 時間: 18-3-25 09:06
Sweetpie 發表於 18-2-5 21:23 
會唔會怕佢返學發夢遊魂被老師話呀?暫時幼稚園比較寬鬆仲未有問題,我怕上到小學佢會被老師覺得佢曳呀 ...
識就會返學發夢遊魂,其實係家長既誤解。經驗係,大多數情況,唔識先會返學發夢遊魂,所以有經驗既老師會問佢問題,確認係唔係小朋友聽唔明。如果發現小朋友真係唔識,會用更簡單既方法重講一次。
作者: Rachelmummy2008 時間: 18-3-25 12:55
王家爸爸 發表於 18-3-25 09:02 
需要知道實際情況先解決到。正常情況下,如果小朋友覺得上堂內容容易,老師問既問題都識答,佢哋應該會更加 ...
那麼就視乎有沒有教這類小朋友經驗的老師了。
我囡遇過,全班同學都很喜歡她,氣氛很好。

作者: Rachelmummy2008 時間: 18-3-25 13:00
王家爸爸 發表於 18-3-25 09:06 
識就會返學發夢遊魂,其實係家長既誤解。經驗係,大多數情況,唔識先會返學發夢遊魂,所以有經驗既老師會問 ...
對呀!
老師是最關鍵性的人物,他/她可以帶動小孩學習,也可以令小朋友失去動力。

作者: akys 時間: 18-3-26 02:04
王家爸爸 發表於 18-3-25 09:02 
需要知道實際情況先解決到。正常情況下,如果小朋友覺得上堂內容容易,老師問既問題都識答,佢哋應該會更加 ...
唉!個個細路都唔同㗎!上堂望住窗外發夢,冇騷擾人,突擊問又識答。但唔係個個老師接受,會罰㗎!
作者: 王家爸爸 時間: 18-3-26 07:10
akys 發表於 18-3-26 02:04 
唉!個個細路都唔同㗎!上堂望住窗外發夢,冇騷擾人,突擊問又識答。但唔係個個老師接受,會罰㗎! ...
問佢識答,又無騷擾其他同學,點解會罰?
作者: akys 時間: 18-3-26 09:15
王家爸爸 發表於 18-3-26 07:10 
問佢識答,又無騷擾其他同學,點解會罰?
小學係呢類孩子嘅地獄,有啲老師有個信念,要從小教導孩子紀律,合群,尊師重道。通常會俾機會,但一兩次咁多,但CP 們話要多年慢慢教導,落差好大。
所以我發覺問題大部份發生在小學階段,捱過上中學就一天光哂。
作者: akys 時間: 18-3-26 09:26
王家爸爸 發表於 18-3-26 07:10 
問佢識答,又無騷擾其他同學,點解會罰?
朋友個麻煩仔去咗美國,美國教育係讚你有進步(例如連續一個月乖乖),香港在你乖乖幾個月後再犯就是教而不善,冇盡力。佢哋有情緒,有時即時控制唔到㗎。
作者: 王家爸爸 時間: 18-3-30 10:08
akys 發表於 18-3-26 09:26 
朋友個麻煩仔去咗美國,美國教育係讚你有進步(例如連續一個月乖乖),香港在你乖乖幾個月後再犯就是教而不善 ...
其實無論係邊度讀都好睇運氣,現實同夢想係有段距離,美國經常有學校用"disturbing behavior"作為理由,處罰甚至開除學生。都係嗰句,到處楊梅一樣花。
作者: akys 時間: 18-3-30 11:14
王家爸爸 發表於 18-3-30 10:08 
其實無論係邊度讀都好睇運氣,現實同夢想係有段距離,美國經常有學校用"disturbing behavior"作為理由,處 ...
我諗點差都比香港好。前前後後幾個CP,EP, 都話美國資優教育做得好,之後輪到學校老師們又咁講,話美國嘅教育適合孩子多些。嘩!當時小學生嚟㗎,會唔會早得濟?
作者: 王家爸爸 時間: 18-3-30 11:42
akys 發表於 18-3-30 11:14 
我諗點差都比香港好。前前後後幾個CP,EP, 都話美國資優教育做得好,之後輪到學校老師們又咁講,話美國嘅教 ...
美國資優教育其實唔會比香港好,只係佢哋既SEN教育(尤其係自閉ASD、語障SLI等)做得好啲。香港既問題係近年推行融合教育,如果回復之前既教育制度,應該會更好。
作者: piglet0529 時間: 18-4-8 09:48
王家爸爸 發表於 18-3-30 11:42 
美國資優教育其實唔會比香港好,只係佢哋既SEN教育(尤其係自閉ASD、語障SLI等)做得好啲。香港既問題係近 ...
其實依家在融合教育的一群SEN學生以往也未可以去到特殊學校的,你可以說香港融合教育做得未夠好,但如回復以前的教育制度便是一個大倒退

作者: 王家爸爸 時間: 18-4-8 12:19
piglet0529 發表於 18-4-8 09:48 
其實依家在融合教育的一群SEN學生以往也未可以去到特殊學校的,你可以說香港融合教育做得未夠好,但如回復 ...
以前香港既教育制度係世界最好之一,連英國都要學返我哋,現在所謂既融合教育,其實係香港教育制度底下既失敗,係教育制度既大倒退,所以香港會搞成咁,現在英國學大陸都唔學我哋。
作者: piglet0529 時間: 18-4-8 16:33
王家爸爸 發表於 18-4-8 12:19 
以前香港既教育制度係世界最好之一,連英國都要學返我哋,現在所謂既融合教育,其實係香港教育制度底下既失 ...
即是由得SEN學生在主流一同教育便不倒退?這是以往的做法

作者: 王家爸爸 時間: 18-4-8 19:58
piglet0529 發表於 18-4-8 16:33 
即是由得SEN學生在主流一同教育便不倒退?這是以往的做法
因才施教係現代教育理念,將唔同需要既人組織喺一齊,對所以人都最有利。唔需要標籤係唔係SEN學生,更唔需要標籤係唔係主流。
作者: piglet0529 時間: 18-4-8 22:24
王家爸爸 發表於 18-4-8 19:58 
因才施教係現代教育理念,將唔同需要既人組織喺一齊,對所以人都最有利。唔需要標籤係唔係SEN學生,更唔需 ...
融合教育理念就是因材施教,不是標籤,當然很多學校资源未足,教師未夠訓練,但就是很多家長怕標籤,未能持開放態度,也是令香港融合教育窒步的其一原因

作者: 王家爸爸 時間: 18-4-8 23:18
piglet0529 發表於 18-4-8 22:24 
融合教育理念就是因材施教,不是標籤,當然很多學校资源未足,教師未夠訓練,但就是很多家長怕標籤,未能 ...
同一間學校既學生差異需要足夠細先可以有效教育學生。融合教育點可能做到?
作者: piglet0529 時間: 18-4-9 07:14
王家爸爸 發表於 18-4-8 23:18 
同一間學校既學生差異需要足夠細先可以有效教育學生。融合教育點可能做到? ...
但這些學生以往年代也是在一般學校的,你可以話依家融合教育做得未夠,到底你想如何?

作者: piglet0529 時間: 18-4-9 07:17
piglet0529 發表於 18-4-9 07:14 
但這些學生以往年代也是在一般學校的,你可以話依家融合教育做得未夠,到底你想如何?
...
我發覺似乎家長教育更緊要

作者: 王家爸爸 時間: 18-4-9 08:37
piglet0529 發表於 18-4-9 07:14 
但這些學生以往年代也是在一般學校的,你可以話依家融合教育做得未夠,到底你想如何?
...
融合教育只係喺從未做過前線教育工作既理想主義者既烏托邦裡面出現。喺現實世界,最好既做法係將類似既學生集中一齊,同時教。
作者: 王家爸爸 時間: 18-4-9 08:46
piglet0529 發表於 18-4-9 07:17 
我發覺似乎家長教育更緊要
家長教育緊唔緊要係另一個問題,有兩種完全唔同既論點,贊成與唔贊成都有,其實無話邊種好啲。贊成既認為家長應該同老師一齊教小朋友,所以有家校合作。唔贊成既認為專家就係專家,老師係教育既專家,唔識既人說三道四反而阻礙專家既工作。其實無話邊種好啲。
作者: piglet0529 時間: 18-4-9 08:48
王家爸爸 發表於 18-4-9 08:37 
融合教育只係喺從未做過前線教育工作既理想主義者既烏托邦裡面出現。喺現實世界,最好既做法係將類似既學生 ...
現實世界香港真係充滿歧視,歧視到未了解就去否定,難怪政策舉走難行

作者: 王家爸爸 時間: 18-4-9 09:16
piglet0529 發表於 18-4-9 08:48 
現實世界香港真係充滿歧視,歧視到未了解就去否定,難怪政策舉走難行
歧視係不合理政策做成的,以SEN為例,融合教育根本唔係辦法,係做成歧視既根源。首先資優學生有唔同既專長,而呢啲專長根本係融合教育制度底下係發揮唔到,不但發揮唔到而且會係對學生自己、其他學生、老師既困擾,所以話融合教育制度係一個多方都輸既政策,白白將原本係某方面精英既學生平庸化。如果將佢哋集中埋一齊,分類(記住上帝係公平既,某方面既資優,通常係另一方面不足,所以即使係資優都唔可以全部放埋一齊教),然後按照不同種類因材施教,呢個先係解決問題既辦法。
可惜官員唔承認現有政策係錯既,錯既政策當然難行。
作者: akys 時間: 18-4-9 10:19
王家爸爸 發表於 18-4-9 09:16 
歧視係不合理政策做成的,以SEN為例,融合教育根本唔係辦法,係做成歧視既根源。首先資優學生有唔同既專長 ...
用雙老師,分set教係可以解决,不過全港一齊改都幾甘,如果為了慳錢group 埋一班教亦有標籤效應。
唔理效果如何,最後班官話有融合教育去吹水。
作者: piglet0529 時間: 18-4-9 11:03
王家爸爸 發表於 18-4-9 09:16 
歧視係不合理政策做成的,以SEN為例,融合教育根本唔係辦法,係做成歧視既根源。首先資優學生有唔同既專長 ...
融合政策根本完全未處理到資優,現在資優生根本未能係政府學校得到支援,杯水車薪,唯有成舊錢放資優教育學苑

作者: 王家爸爸 時間: 18-4-9 11:10
akys 發表於 18-4-9 10:19 
用雙老師,分set教係可以解决,不過全港一齊改都幾甘,如果為了慳錢group 埋一班教亦有標籤效應。
唔理效果 ...
點解你認為用雙老師,分set教係可以解决?第一,老師數量不足夠;第二,資源不能有效利用;第三,如果改咗雙老師,之後又出現點解唔係三個,四個,...既問題,沒完沒了,永遠解決唔到問題。
作者: 王家爸爸 時間: 18-4-9 11:13
piglet0529 發表於 18-4-9 11:03 
融合政策根本完全未處理到資優,現在資優生根本未能係政府學校得到支援,杯水車薪,唯有成舊錢放資優教育 ...
因為融合政策根本就係錯既,點可能期望錯既野可以處理到資優問題。現在資優生根本就係政府學校政策既受害者,喺錯既政策之下,無論投放幾多資源落去都係杯水車薪。其實資優教育學苑更加係搞笑,根本解決唔到問題。
作者: scyauchris 時間: 18-4-9 12:13
回覆 王家爸爸 的帖子
我小朋友昨晚同我講為何要返學,掂解唔可以在家自學?我答佢一定要返學,唔返學邊個教你野和識朋友!最尾佢話如果這個世界可以比小朋友在家自己學習就好,以大人個個都好有知識就好!
作者: akys 時間: 18-4-9 12:19
王家爸爸 發表於 18-4-9 11:10 
點解你認為用雙老師,分set教係可以解决?第一,老師數量不足夠;第二,資源不能有效利用;第三,如果改咗 ...
我覺得教育除了學業外還有人際關係。資優,讀障,ADSD等是可以共存的。分set嘅好處係因材施教,不用任何一方遷就其餘。其實每個人都有其專長,唔一定用成績來分。
我唔係咁鍾意精英班制度和母語教育政策,這種系統只是歡迎各科平均的學生,例如我專精數學或英文語文就只能讀B2/3母語教學。以前公司有個秘書入唔到大學,但讀名女校,科英文超勁,幫到同事好多工作。
睇下SPCC家長分享,中英數通分好多個set教,上堂時分課室,其餘時間一同上課,咪幾好?
阿仔中學沒有精英班,中英數只有分大班和小班,津校資源唔夠只有呢個省略安排,即是有補底冇拔尖。
教育資源唔夠,又想搞,最後得個搞字,大家痛苦。
作者: 王家爸爸 時間: 18-4-9 13:57
akys 發表於 18-4-9 12:19 
我覺得教育除了學業外還有人際關係。資優,讀障,ADSD等是可以共存的。分set嘅好處係因材施教,不用任何一 ...
SPCC可以將中英數通分好多個set教,問題係其他學校唔可能,亦都唔可以東施效顰。原因係上堂時分課室,即係校內都有標籤,SPCC可以同學生講即使係弱班,都係最強中既一份子,唔會影響學生既心理。
作者: 王家爸爸 時間: 18-4-9 14:07
scyauchris 發表於 18-4-9 12:13 
回覆 王家爸爸 的帖子
我小朋友昨晚同我講為何要返學,掂解唔可以在家自學?我答佢一定要返學,唔返學邊個 ...
我哋當年都面對類似問題,我小朋友唔想返學,想自學。真係要慢慢教,教識佢謙虛、合作,多啲同其他家長聯繫,週末一齊去玩,令同學變成小朋友校既朋友,減少校內既無助感。
作者: YanKanMom 時間: 18-4-9 14:58
scyauchris 發表於 18-4-9 12:13 
回覆 王家爸爸 的帖子
我小朋友昨晚同我講為何要返學,掂解唔可以在家自學?我答佢一定要返學,唔返學邊個 ...
阿囝每次放完長假就說最好學校已被炸掉,那他就不用再返學了。他問我為什麼不待到真正工作時才學有關知識,我答有那個老闆出錢請工人時還比時間你慢慢學呢。
作者: scyauchris 時間: 18-4-9 15:40
回覆 王家爸爸 的帖子
我對住佢都好無奈同無言!
作者: 王家爸爸 時間: 18-4-9 15:44
scyauchris 發表於 18-4-9 15:40 
回覆 王家爸爸 的帖子
我對住佢都好無奈同無言!
唔好覺到無奈同無言,多啲玩,多啲傾偈。
作者: scyauchris 時間: 18-4-9 15:50
回覆 YanKanMom 的帖子
我女不是因為長假後不想返的,佢反而是某些特別日子先唔想返!逢不用上課,只是返去玩,佢就唔肯返!不過上年一開學就開始扭唔返,話自己在家都可以學習!
作者: YanKanMom 時間: 18-4-9 16:02
回覆 scyauchris 的帖子
我囝比較慵懶,除非是他有興趣的東西,否則最好不要煩他。他不想返學除了自覺(其實要學總有東西可學的)在校學不到太多東西外,社交弱加上缺乏志同道合者也有很大關係。
作者: 王家爸爸 時間: 18-4-11 10:38
YanKanMom 發表於 18-4-9 16:02 
回覆 scyauchris 的帖子
我囝比較慵懶,除非是他有興趣的東西,否則最好不要煩他。他不想返學除了自覺(其 ...
先訓練佢既社交能力,由身邊既同齡朋友、同學開始,然後睇下朋友間有無共同興趣,咁就可以同時加強社交能力,訓練專注力,又可以做佢有興趣既野。
作者: YanKanMom 時間: 18-4-11 11:24
王家爸爸 發表於 18-4-11 10:38 
先訓練佢既社交能力,由身邊既同齡朋友、同學開始,然後睇下朋友間有無共同興趣,咁就可以同時加強社交能力 ...
謝謝關心,努力中。難就難在身邊同輩包括同學及教會同齡少年皆乏與他志同道合的,他不擅長打機也不擅長運動,跟這一代男孩是有點格格不入。他比小學時已有進步,在校算找到人閒聊,偶然也到同學家玩玩,但知心朋友就沒有。
作者: mandy_ng207 時間: 18-5-3 14:37
回覆 omg012 的帖子
少少離題,唔好意思~
想問問你會唔會同你仔一齊睇d Youtube去找共同話題,幫助佢學習?定係由得佢自己學?
我仔其實只係K1,因為爺爺嫲嫲湊,所以有不少Youtube時間,他晚上回家我們是不准看的。佢酷愛工程車,有時會同我講d我完全聽唔明的工程車術語(仲要係英文),佢好想同我傾,但我真係無能力傾!有一齊睇下工程車繪本,但我真係追唔上佢嘅學習速度...可以點做?
作者: 20160901 時間: 18-5-3 15:17
YanKanMom 發表於 18-4-9 16:02 
回覆 scyauchris 的帖子
我囝比較慵懶,除非是他有興趣的東西,否則最好不要煩他。他不想返學除了自覺(其 ...
其實學校就係學習社交最理想嘅地方

作者: omg012 時間: 18-5-3 21:00
回覆 mandy_ng207 的帖子
是他自學的,他很會選擇節目,一步步自己將問題搞通。
作者: YanKanMom 時間: 18-5-4 09:20
20160901 發表於 18-5-3 15:17 
其實學校就係學習社交最理想嘅地方
認同,一定程度上學校就是社會的縮影,況且比起職場,同學已經是相對易應付。
作者: 964000 時間: 18-5-4 09:47
mandy_ng207 發表於 18-5-3 14:37 
回覆 omg012 的帖子
少少離題,唔好意思~
我女五歲,我冇比iPad/電腦佢用,電視DVD都少看,我知很多小朋友在you tube學到好多野,但現階段我不想用咁多電字產品。
你話追不上佢工程車的知識,你咪睇番佢看了甚麼y-tube,自己又看一篇囉。我女最近同我講德文,似是而非,我都即刻買書上網學。

作者: 964000 時間: 18-5-4 09:53
20160901 發表於 18-5-3 15:17 
其實學校就係學習社交最理想嘅地方
本帖最後由 964000 於 18-6-17 16:39 編輯


作者: mandy_ng207 時間: 18-5-4 13:10
回覆 964000 的帖子
我其實都有偷偷睇番佢追開的卡通的, 咁先搭到咀,起碼佢介紹我知個主角我都知係邊個......
佢未識字,爺爺嫲嫲無能力伴讀,睇Youtube都係一種學習方法。我只要求他晚上和我一起玩玩具,讀幾本書就好。
這個年紀的孩子似乎好奇心很重,講野又永遠半桶水,睇來我都有排學有排捱!
作者: mandy_ng207 時間: 18-5-4 13:17
回覆 omg012 的帖子
其實你怕不怕他和朋友相處不來?我自己小時候都是這樣,所以小學至初中都無乜朋友,甚至被當成怪人。你兒子有遇過這情況嗎?
作者: 王家爸爸 時間: 18-5-4 13:22
964000 發表於 18-5-4 09:53 
學校社交其實學到好多野,我女k2已學到negotiation同trading, 例如那天消防員探訪送貼紙和key holder, 我 ...
K2已學到基本既negotiation同trading技巧,其實已經好叻。
作者: omg012 時間: 18-5-4 19:15
mandy_ng207 發表於 18-5-4 13:17 
回覆 omg012 的帖子
其實你怕不怕他和朋友相處不來?我自己小時候都是這樣,所以小學至初中都無乜朋友,甚 ...
他知道自己是資優生,也知道他的興趣跟其他小孩不同。我們(家長)從來不強調他是資優生,不想令他有與眾不同的感覺。他的行為和同齡小孩差不多,在班裏有很多朋友,常常一齊玩。他的最好朋友,也是個資優生。可能大家説話,思想和行為都比較投契。在學校,他不常跟同學甚至老師講他學到的數學。因為一來別人不—定明白,二來也不—定感興趣。他已經學會接受自己跟別人的差異,在—個人時看看youtube,自得其樂。同學也接受他,算他是個小博士。社會是由不同人組合而成,我們樣他和不同的人相處。現在看不到有問題。
作者: mandy_ng207 時間: 18-5-6 18:25
回覆 omg012 的帖子
謝謝回覆,父母的輔導是關鍵,也說明了孩子知道自己資優也有一定的好處。(利申:本人沒有做資優測試,也從未跳班,只是班中的頑皮分子)
作者: 王家爸爸 時間: 18-5-7 09:47
mandy_ng207 發表於 18-5-6 18:25 
回覆 omg012 的帖子
謝謝回覆,父母的輔導是關鍵,也說明了孩子知道自己資優也有一定的好處。(利申:本人 ...
頑皮資優,唔係個個小朋友都識得點頑皮。
歡迎光臨 教育王國 (/) |
Powered by Discuz! X1.5 |