教育王國

標題: 小一派位填表前瞻　拆解熱門聯繫學校「大抽獎」成功率 [打印本頁]

作者: elbar 時間: 18-1-23 17:11 標題: 小一派位填表前瞻　拆解熱門聯繫學校「大抽獎」成功率

小一統一派位（俗稱大抽獎）將於2月3日至4日遞交表格，統一派位的結果將於今年6月公布。適逢龍年出生率高企，小一派位成功率估計會較往年低。小一「大抽獎」的填表又何策略，是否應該繼續搏熱門學校？

首先重溫去年11月公布的小一自行派位結果，42.2%學童成功獲配學位。根據教育局資料，在自行分配學位階段中不獲取錄的兒童，下月要填表參加統一派位，父母可以根據校網選擇心儀的學校，電腦會編號碼，再由號碼先後順序決定成功率。

TOPick歸納自行分配學位結果的資料，至少有42間學校在自行派位階段都出現超收學額，當中不少更是深受家長歡迎、有聯繫中學的官津小學，「大抽獎」的中獎率或大幅降低。

從上表可見，位於14校網的香港嘉諾撒學校，其聯繫中學為Band1英文中學的嘉諾撒書院，該校於第一階段「自行分配學位」超收情況最嚴重，超收25個學生。根據教育局的資料顯示，嘉諾撒學校的學位總數為180個，自行收生已經錄取了115人，估計統一派位的學額僅剩下65人。

此外，浸信會沙田圍呂明才小學、保良局錦泰小學、馬頭涌官立小學及沙田崇真學校等受歡迎的聯繫小學，分別抄手11人至23人不等。

超收學額為何會影響大抽獎？

根據現行的小一入學制度，在自行收生階段（俗稱計分制），學校至少要錄取50%的學額，當中30%要預留給「甲類」申請人（俗稱世襲生或必收生），包括教職工子女、在讀學生的弟妹等。

正常情況下，自行派位超收人數愈多，學校的總學額不會因此增加，變相令「大抽獎」學額減少，減少「大抽獎」中獎的幾率。

浸信會沙田圍呂明才小學總學額有150個，原本預計自行收生階段及統一派位學額各佔50%，即75個。浸信會沙田圍呂明才小學在自行收生階段已經錄取了99個學生，「大抽獎」的配額就只剩下51個。

其他學校的超收情況。

由於自行收生階段，每個學生只能往一間小學遞交表格，父母往往會將表格遞交往最心儀的小學，搏被錄取的機會，因此交表人數愈多，學校愈受歡迎，競爭也愈大。在「大抽獎」階段，這批家長極大機會將最心儀的小學放在甲部或乙部首選。

「一條龍」VS「直屬」VS「聯繫」

為何有聯繫中學的小學特別受歡迎？根據教育局制定的中學學位分配辦法，全港小學與中學有「一條龍」、「直屬」及「聯繫」三種不同的關係。

「聯繫學校」是指經中學校方扣除重讀生及自行分配學位後，可最多保留餘額 25% 學位予其聯繫小學的學生，每間中學可以聯繫多所小學。

以港島區傳統名校皇仁書院為例，除了灣仔區軒尼詩道官立小學外，皇仁書院與東區的「愛秩序灣官立小學」、及灣仔區的「軒尼詩道官立小學（銅鑼灣）」同樣有聯繫關係。

要注意的是，由於教育局的指引只是提供最多保留預額，但學校因應情況，未必會保留足25%的學位，所以家長須留意每年教育局公布的數據。

至於直屬學校，每年會預留85%學位給直屬小學；「一條龍學校」，即小學和中學結合成「一條龍」，只要小學成績達到中學基本要求，小六畢業生毋須考試或參加升中派位，便可直升「龍」內的中學。

作者: hkpapa852 時間: 18-1-23 17:30

elbar 發表於 18-1-23 17:11
小一統一派位（俗稱大抽獎）將於2月3日至4日遞交表格，統一派位的結果將於今年6月公布。適 ...

佢地連Ｄ學校會係統一派位扣埋留班位都唔知

作者: Felix223 時間: 18-1-23 17:44

咁...即是D料又係唔實....

作者: hkpapa852 時間: 18-1-23 17:51

本帖最後由 hkpapa852 於 18-1-23 17:52 編輯

Felix223 發表於 18-1-23 17:44
咁...即是D料又係唔實....

DPS, 通常又會再扣起一班一個留班位，即係實際得番 20-2=18個位

灣仔3大女校同St Joe一樣，所以年年無超收，3大女校都只有56個位(60-4), St Joe只有70個位(75-5)

仲有不少學校會咁做, 如LS, MCS .......
連呢D基本資料都唔知又扮專業...... 唉!

仲有 「一條龍」VS「直屬」VS「聯繫」

解釋又係唔update兼有錯

作者: se6b03 時間: 18-1-23 17:56

其實今年缺位情況咁嚴重，教育局已經四圍咁撲位，點解仲容許學校扣起留班位而唔拎出黎抽呢？應該今年唔准小一學生留班，所以中英數唔合格既都可以試升。

作者: Felix223 時間: 18-1-23 18:01

se6b03 發表於 18-1-23 17:56
其實今年缺位情況咁嚴重，教育局已經四圍咁撲位，點解仲容許學校扣起留班位而唔拎出黎抽呢？應該今年唔准小 ...

咁又無可能？邊有學校預知一定無人留班㗎？

作者: hkpapa852 時間: 18-1-23 18:01

本帖最後由 hkpapa852 於 18-1-23 18:01 編輯

se6b03 發表於 18-1-23 17:56
其實今年缺位情況咁嚴重，教育局已經四圍咁撲位，點解仲容許學校扣起留班位而唔拎出黎抽呢？應該今年唔准小 ...

上年幾間原本派咗8-1X班既短命小學, 最後咪又係開得4/5班左右......

位一定夠, 只係差在派去邊同係咩學校啫!

作者: Charlotte_mom 時間: 18-1-24 07:15

hkpapa852 發表於 18-1-23 18:01
上年幾間原本派咗8-1X班既短命小學, 最後咪又係開得4/5班左右......

位一定夠, 只係差在派去邊同係咩學校 ...

佢有責任要原區安置丫嘛
派左，家長唔要寧願老遠返學，就唔關佢事啦（拿，總之我有offer過，無欠你架）

作者: Charlotte_mom 時間: 18-1-24 07:19 標題: 回覆樓主

其實每年都講足幾個月超收超收超收，覺得無咩意思。
只避開超收果間就可以增加入學率？以12網為例，軒官超收呀，咁揀mps係咪勝算大d? 揀軒銅好過揀軒官？咁又其實軒官競爭幾大？mps/軒銅又競爭幾大？根本參考價值係minimal

作者: hkpapa852 時間: 18-1-24 07:54

Charlotte_mom 發表於 18-1-24 07:15
佢有責任要原區安置丫嘛
派左，家長唔要寧願老遠返學，就唔關佢事啦（拿，總之我有offer過，無欠你架）
...

如果真係諗原區安置，就唔會攪同隔離校網借位呢種玩意。

而且有D校網，同區都學校都可以攪到人唔想返學，好似得兩間小學既99網，一間係愉景灣，一間係坪州。

住愉景灣既學生，會唔會寧願去東涌返學呢？

作者: hkpapa852 時間: 18-1-24 07:56

本帖最後由 hkpapa852 於 18-1-24 08:05 編輯

Charlotte_mom 發表於 18-1-24 07:19
其實每年都講足幾個月超收超收超收，覺得無咩意思。
只避開超收果間就可以增加入學率？以12網為例，軒官超 ...

咪係，灣仔3大女校，MCS, St Joe等年年無超收，咁應該唔算受歡迎，競爭應該唔大先啱

作者: Charlotte_mom 時間: 18-1-24 08:13

hkpapa852 發表於 18-1-24 07:54
如果真係諗原區安置，就唔會攪同隔離校網借位呢種玩意。

而且有D校網，同區都學校都可以攪到人唔想返學 ...

本帖最後由 Charlotte_mom 於 18-1-24 08:16 編輯

係坪洲嘅會返愉景灣（應該無倒轉掛！）。我識人住坪洲，係日日搭船去愉景灣，坪洲嘅連坪洲人都唔揀

事實係，校網有咩只能揀咩。18網家長夠望住港島北d學校流晒口水，但校網就係咁玩

作者: hkpapa852 時間: 18-1-24 08:18

Charlotte_mom 發表於 18-1-24 08:13
係坪洲嘅會返愉景灣（應該無倒轉掛！）。我識人住坪洲，係日日搭船去愉景灣，坪洲嘅連坪洲人都唔揀
...

其實原因可能係：坪州間小學，中學網係離島NT9，但愉景灣間小學，中學網係中西區HK1

作者: Charlotte_mom 時間: 18-1-24 09:51

hkpapa852 發表於 18-1-24 08:18
其實原因可能係：坪州間小學，中學網係離島NT9，但愉景灣間小學，中學網係中西區HK1
...

本帖最後由 Charlotte_mom 於 18-1-24 09:52 編輯

你岩！
又係校網闖嘅禍

歡迎光臨教育王國 (/)