教育王國
標題: 點解有啲人仔女會讀到書? [打印本頁]
作者: asd456 時間: 18-1-19 18:45 標題: 點解有啲人仔女會讀到書?
點解自己果個讀得咁差
,點樣可以捱到畢業呀!

作者: yesthomas 時間: 18-1-19 18:50
asd456 發表於 18-1-19 18:45 
點解自己果個讀得咁差,點樣可以捱到畢業呀!
咩具體情況?

作者: Yanamami 時間: 18-1-19 18:56
根底唔好?語文基礎差?学習态度不正確?
作者: chun媽 時間: 18-1-19 19:23 標題: 回覆樓主:
係囉,要說清楚吧!又或者是什麼的障礙,如讀寫障礙?

作者: IloveJJ 時間: 18-1-19 19:55
提示: 作者被禁止或刪除 內容自動屏蔽
作者: Anniemun 時間: 18-1-19 20:03
睇過一個post, 說家長愛閱讀的話,子女讀書成績比較好,本人十分認同。
作者: asd456 時間: 18-1-19 20:19
Anniemun 發表於 18-1-19 20:03 
睇過一個post, 說家長愛閱讀的話,子女讀書成績比較好,本人十分認同。
真的嗎?

作者: RiboMM 時間: 18-1-19 20:24
建議去讀一本大陸很受歡迎的書《好媽媽勝過好老師》,裏面講了區別在於細節。重點是,你是天天罵,還是天天真心鼓勵和欣賞,以及陪伴小朋友一起度過各種難關。
作者: asweetmom 時間: 18-1-19 20:25
asd456 發表於 18-1-19 18:45 
點解自己果個讀得咁差,點樣可以捱到畢業呀!
你本身的成績好嗎?

作者: Soundervolt 時間: 18-1-19 20:27
asd456 發表於 18-1-19 20:19 
真的嗎?
家庭生活環境十分重要,而且家長需要幫仔女由細開始培養學習動機同其他學習條件。祈望子女天生鐘意讀書係有可能,不過機會唔高。

作者: yesthomas 時間: 18-1-19 20:29
asd456 發表於 18-1-19 20:19 
真的嗎?
未見過唔係

作者: asd456 時間: 18-1-19 20:32
asweetmom 發表於 18-1-19 20:25 
你本身的成績好嗎?
細隻個唔好,但大個出嚟做嘢讀書就好咗

作者: asd456 時間: 18-1-19 20:34
Soundervolt 發表於 18-1-19 20:27 
家庭生活環境十分重要,而且家長需要幫仔女由細開始培養學習動機同其他學習條件。祈望子女天生鐘意讀書係 ...
你意思係後天培養,多過先天,天生讀書叻?
真的嗎?有機會後面改變到嗎?

作者: asweetmom 時間: 18-1-19 20:41
asd456 發表於 18-1-19 20:32 
細隻個唔好,但大個出嚟做嘢讀書就好咗
那麼還擔心甚麼,大了自然好。

作者: Yanamami 時間: 18-1-19 20:44
asd456 發表於 18-1-19 20:34 
你意思係後天培養,多過先天,天生讀書叻?真的嗎?有機會後面改變到嗎?
...
先天後天都重要……後天要細細个就开始,上左小学都有d遲……
作者: asd456 時間: 18-1-19 20:49
Yanamami 發表於 18-1-19 20:44 
先天後天都重要……後天要細細个就开始,上左小学都有d遲……

好怕上中學跟唔上,大家中學仲跟唔跟到小朋友學術方面的嘢?

作者: Charlotte_mom 時間: 18-1-19 20:52
Anniemun 發表於 18-1-19 20:03 
睇過一個post, 說家長愛閱讀的話,子女讀書成績比較好,本人十分認同。
咁我用第一身身份話你知唔一定岩

作者: Soundervolt 時間: 18-1-19 20:55
asd456 發表於 18-1-19 20:34 
你意思係後天培養,多過先天,天生讀書叻?真的嗎?有機會後面改變到嗎?
...
大人會明白「書到用時方恨少」,如果可以令小朋友細細個就需要知識喺日常生活中應用,佢地會對知識產生渴求。例如小朋友要玩日本版電玩,入面嘅日文佢地都會千方百計翻譯到,呢種就係對知識尋求動機。呢個係一個比喻,而唔係建議您咁做。當然除咗學習動機,仲有好多其他條件去配合提升學習動力。

作者: HaYi 時間: 18-1-19 20:56
天生個個小朋友都有好奇心, 點樣將好奇心轉化為真正的學習我覺得是要保持興趣. 點保持就各師各法, 有的小朋友有好成績會分外開心, 有的覺得自己有解難能力就更起勁. 有的情願跟到足穩取高分, 有的硬要自我挑戰難度, 遇強更強. 但最終能在現制度下取得的\好成績, 始終睇小朋友同個考核制度的配合度. 升學順利的小朋友未必是能力最好的, 但起碼迎合到個大制度先.
作者: Yanamami 時間: 18-1-19 21:09
Charlotte_mom 發表於 18-1-19 20:52 
咁我用第一身身份話你知唔一定岩
X2
我懶到出汁
作者: Yanamami 時間: 18-1-19 21:11
asd456 發表於 18-1-19 20:49 
好怕上中學跟唔上,大家中學仲跟唔跟到小朋友學術方面的嘢 ...
上到中学仲点会跟?都唔知佢学紧乜、幾时要做乜……所以要細細个就开始train好,升上中学就自动導航了……至於跟唔跟得上,語文能力高差極有个譜。
作者: Anniemun 時間: 18-1-19 21:17
Charlotte_mom 發表於 18-1-19 20:52 
咁我用第一身身份話你知唔一定岩
我都係第一身感受,自己愛閱讀,兩個小朋友都愛閱讀,而且成績十分好,所以我說個人認同。
作者: Soundervolt 時間: 18-1-19 21:41
Yanamami 發表於 18-1-19 21:11 
上到中学仲点会跟?都唔知佢学紧乜、幾时要做乜……所以要細細个就开始train好,升上中学就自动導航了…… ...
Agree! 

作者: 1998Ruby1998 時間: 18-1-19 21:42
身邊朋友 d 媽媽都好有修養,睇好多書,但係 d 仔女讀書成績差。 
我阿爸鍾意睇書,但係我中學成績差。
另外我幾個同學成家人都係鍾意睇電視,臨考試前幾天先溫書,但係佢地成績排全級 20 內。
作者: Anniemun 時間: 18-1-19 21:43
asd456 發表於 18-1-19 20:19 
真的嗎?
我認為係是有個果,所以認同個因,自己自小愛閱讀,直到現在都keep 住每天看書,子女可能十分自然看到家長看就跟著看,很多知識,寫作手法(尤其金庸小說那類),令到同學很自然對中文有更深入的認識,中文底子自然打好了。好像剛剛看電視節目內有一場戲是兩人在馬上對戰,我和小朋友自然討論起來,由用的兵器講到土耳其戰役和三國的八陣圖等,大家是互動,不是家長單向輸出的,因為在某年某月大家都曾經看過,大家才能討論起來。所以,我認為書本對自己和家人來說真不可缺少的精神食糧。
作者: 王家爸爸 時間: 18-1-19 22:02
Yanamami 發表於 18-1-19 18:56 
根底唔好?語文基礎差?学習态度不正確?
態度決定一切。
作者: 王家爸爸 時間: 18-1-19 22:03
RiboMM 發表於 18-1-19 20:24 
建議去讀一本大陸很受歡迎的書《好媽媽勝過好老師》,裏面講了區別在於細節。重點是,你是天天罵,還是天天 ...
低年級就係。
作者: Anniemun 時間: 18-1-19 22:17
王家爸爸 發表於 18-1-19 22:02 
態度決定一切。
《態度,決定你的高度》😄
作者: YDLFATHER 時間: 18-1-19 22:36
關鍵係有個身教既母親做榜樣
作者: 王家爸爸 時間: 18-1-19 23:09
YDLFATHER 發表於 18-1-19 22:36 
關鍵係有個身教既母親做榜樣
要有個讀得多書既阿媽。
作者: YDLFATHER 時間: 18-1-19 23:13
生不教, 母之過
作者: kirstyau 時間: 18-1-19 23:23 標題: 回覆樓主:
本帖最後由 kirstyau 於 18-1-19 23:25 編輯
咁我屋企係大人唔睇書,電話不離手,但細路書不離手,出街係一定袋本書。
不過屋企電視只開都係新聞中/英, 96台既節目 /masterchef/AGT.....,TVB都會睇學事學非個類。
但我唔睇都有由細培養小朋友睇書,點讀筆都有3支,書籍最捨得買,6歲後玩具只留Lego, 依家任何人話送禮物比佢地,佢地令願去書局都唔去Toysrus(有比佢地選擇)。
結論:暫時成績好好,2個都在上遊。

作者: RiboMM 時間: 18-1-19 23:51
王家爸爸 發表於 18-1-19 22:03 
低年級就係。
睇完先講啦,終生有用噶,我阿媽識得g話,我都會進步

作者: Penipony 時間: 18-1-20 01:09
1998Ruby1998 發表於 18-1-19 21:42 
身邊朋友 d 媽媽都好有修養,睇好多書,但係 d 仔女讀書成績差。
我阿爸鍾意睇書,但係我中學成 ...
我媽小學都唔知有無畢業... 年年考尾個3名... 佢從來唔跟我返學嘅野...但係我由細到大都無補過習,最差考級19,絕大部分時間考級5內。我哥從來唔溫習,係真係零溫習,但都考班10以內
作者: 小黃豆B 時間: 18-1-20 03:05
每一個小朋友都係不同獨立個體,有不同性格,好難有一個必然方法。但係小學階段,家長係小朋友模仿對象,所以身教係好重要,例如我地要求小朋友的,我地本身做唔做到,等於童話故事中螃蟹問兒子點解唔打直行。
有時多參與小朋友學習,從中觀察有咩問題,想方法解決(當然唔係浄係叫佢勤力d) ,小朋友覺得你幫到佢肯聽你講,就會造成一個良性循環。當然一個良好學習環境和令小朋友有明確目標去努力亦很重要。
作者: artroboy 時間: 18-1-20 08:14
kirstyau 發表於 18-1-19 23:23 
咁我屋企係大人唔睇書,電話不離手,但細路書不離手,出街係一定袋本書。
不過屋企電視只開都係新聞中/英 ...
我屋企設計行去邊最順手就係取到書,有個好舒適的讀書角落。書既內容無限定。事實上習慣影響,佢地一見到書局同圖書館,自然就行入去聞書香。去到台灣入得最多既又係書局。明明附近有幾個遊戲攤位都先入書局先。將來讀書叻唔叻我覺得無乜所謂,只覺得有睇書習慣/嗜好的,衰極有譜,而慢慢肚內墨水自然會多。
作者: RiboMM 時間: 18-1-20 08:36
王家爸爸 發表於 18-1-19 22:03 
低年級就係。
本帖最後由 RiboMM 於 18-1-20 08:37 編輯
正經些講,
這位家長如此提問,以及在貼中的各種回復,其實已經顯示了在教育上缺乏許多認知和方法,自身多讀書再提高些青少年行為心理學基本知識是當務之急。
一個家庭的環境對孩子的三維度學習能力極其重要:知識、意願、技巧,以及三象限交叉最終獲得的是 習慣。
人云亦云不可取,只看表面流于市井之説也是無助于自己孩子的成長。大部分時候,要家長反思,好像比要孩子們反思,難得多啦。


作者: 232 時間: 18-1-20 08:39
RiboMM 發表於 18-1-19 20:24 
建議去讀一本大陸很受歡迎的書《好媽媽勝過好老師》,裏面講了區別在於細節。重點是,你是天天罵,還是天天 ...


作者: 29XX86 時間: 18-1-20 08:42
侄仔讀書好叻, 我向佢媽媽取經, 佢話多睇課外書成績唔會差得去邊, 我囡由細到大KEEP住每日睇課外書, 有時幾佰頁既書一日可KO, 所以, 囡成績確不錯. 其實, 唔好計成績好唔好, 多睇書眼界真係遠好多, 我囡成日講每件事都可以講到背後既故事/起源, 有根有提的, 不得不配服.
作者: Dylanli2017 時間: 18-1-20 08:51
回覆 Anniemun 的帖子
睇得書多對中英2科是有幫助。但理科,例如數學,生物,化學,物理,並唔是簡單睇下書就會叻。除非小朋友將來選定左,只讀文科
作者: crazyhippo 時間: 18-1-20 09:17
本帖最後由 crazyhippo 於 18-1-20 09:20 編輯
Dylanli2017 發表於 18-1-20 08:51 
回覆 Anniemun 的帖子
睇得書多對中英2科是有幫助。但理科,例如數學,生物,化學,物理,並唔是簡單睇下 ...
但如果中英理解及表達能力弱, 任何一科要理解課文內容, 甚至答題也不易.
當然要理科勁, 絕對同意不是單靠多睇書可解決
作者: 2jkidsfather 時間: 18-1-20 10:26
Anniemun 發表於 18-1-19 21:17 
我都係第一身感受,自己愛閱讀,兩個小朋友都愛閱讀,而且成績十分好,所以我說個人認同。 ...
This is your case only.
Not necessarily true to every family. 
作者: Yanamami 時間: 18-1-20 10:30
本帖最後由 Yanamami 於 18-1-20 10:42 編輯
2jkidsfather 發表於 18-1-20 10:26 
This is your case only.
Not necessarily true to every family.
其实Annie都只是分享个人經驗吧~各人狀況也不-样的~她有她的道理,只是凡事总有例外~
作者: littlecath 時間: 18-1-20 10:34 標題: 回覆樓主
這是一個令人傷感的話題

作者: 小黃豆B 時間: 18-1-20 10:59
其實教仔沒有最好方法,只有最適合方法。吾之良藥可能係汝之砒霜。家母目不識丁,家𥚃環境亦不太好,但好緊張小朋友教育,於是唯有一個字”嚴”,但小朋友天資性格各有不同,結果家中各人有非常成功、有平庸、亦有失敗。所以我個人覺得積極參與小朋友學習通過細心觀察去找出最適合方法係非常重要,但方法隨著小朋友年齡增長亦會改變,例如小朋友學習有問題,初小時我會教佢點做,到中小時佢開始有能力我只會教佢方法要佢自己思考,到現在高小我已經會同小朋友反証點解要咁做。環境亦係非常重要,點解好多教育程度高父母,孩子成績會比較好,因為佢地生活環境、習慣(例如閱讀)同思維已經為孩子提供一個較佳身教和學習環境。另外目標亦係小朋友學習原動力,當小兒係學校已經追到前列分子,無左目標心態開始放鬆,我給他看一份名校同級習作(當然係深好多),俾佢知道學校和外面差距,天外還有天,間接激發佢繼續自發向上既動力。
作者: Anniemun 時間: 18-1-20 11:11
Yanamami 發表於 18-1-20 10:30 
其实Annie都只是分享个人經驗吧~各人狀況也不-样的~她有她的道理,只是凡事总有例外~ ...
謝謝回覆,明白做同一件事都會有不同的結果,我一路都係講緊個人感受,兩個小朋友一個已經大學畢業,細仔都中4,揀了全理科+M2, 成績很好,想分享的是個人覺得睇書多後,自學和理解能力強了,大前題是真心愛閱讀,不是迫出來的。我常和小朋友說,你放了什麼落袋子,想用時就可拿出來用了。語文底子好的話,其他科目也自然比較容易理解,當然,小朋友是自小記性好,理解能力強的,再看多書比較事半功倍吧!
作者: October. 時間: 18-1-20 11:37
父母自幼着緊、關注仔女學業,家中營造安定、寧靜的環境俾孩子讀書,對仔女成績有合理要求,讓孩子自幼感受到父母對佢哋有期望,一家子生活有規律,不盲目追求入讀高過孩子能力太多的學校,讓孩子容易在學業上有成功感,成功感會成為孩子自動追求好成績的動力,這樣,小學成為B1生,一點兒也不難。
作者: Yanamami 時間: 18-1-20 12:07
本帖最後由 Yanamami 於 18-1-20 12:08 編輯
October. 發表於 18-1-20 11:37 
父母自幼着緊、關注仔女學業,家中營造安定、寧靜的環境俾孩子讀書,對仔女成績有合理要求,讓孩子自幼感受 ...


Exactly!
作者: chun媽 時間: 18-1-20 12:14
October. 發表於 18-1-20 11:37 
父母自幼着緊、關注仔女學業,家中營造安定、寧靜的環境俾孩子讀書,對仔女成績有合理要求,讓孩子自幼感受 ...
為孩子營造一個適合的學習環境最為重要
在香港考DSE,都係考勤為主,唔需要十分聰明

作者: sukitelfold 時間: 18-1-20 12:21
asd456 發表於 18-1-19 18:45 
點解自己果個讀得咁差,點樣可以捱到畢業呀!
本帖最後由 sukitelfold 於 18-1-20 12:29 編輯
我細那個次次考試平均分1x分⋯⋯遺傳咗我!
我大那個讀書也可以⋯⋯遺傳咗另一半!
大細也一樣錫,培養也是一樣,大細也不會用「捱」來形容,每個人的閃光點不同,條條大路通羅馬,出路多的是,只要一路陪伴尋找興趣,可能最終成就不同,做個好人,那怕最後細那個做基層職業,也是對社會有供獻,又可能細那個最後創業,開發新apps取代700也未頂呢!!!


作者: 王家爸爸 時間: 18-1-20 12:23
29XX86 發表於 18-1-20 08:42 
侄仔讀書好叻, 我向佢媽媽取經, 佢話多睇課外書成績唔會差得去邊, 我囡由細到大KEEP住每日睇課外書, 有時幾 ...
睇課外書
作者: 2jkidsfather 時間: 18-1-20 12:24
sukitelfold 發表於 18-1-20 12:21 
我細那個次次考試平均分1x分⋯⋯遺傳咗我!
"..開發新apps取代700也未頂呢"-------->

作者: 王家爸爸 時間: 18-1-20 12:25
chun媽 發表於 18-1-20 12:14 
為孩子營造一個適合的學習環境最為重要
在香港考DSE,都係考勤為主,唔需要十分聰明
...
教育制度問題,所以香港人啲創造力比大陸還差。
作者: Dylanli2017 時間: 18-1-20 15:00
本帖最後由 Dylanli2017 於 18-1-20 15:02 編輯
回覆 crazyhippo 的帖子
有個奇怪現象。要理科好top既人文科好,唔難。要文科好top既人理科好是好難。其實文科好多時亦包含左邏輯分析及技巧,而理科就是要邏輯分析及小聰明,到中學會更明顯。
作者: silvia_ng 時間: 18-1-20 15:23 標題: 回覆樓主:
其實唔讀書都有第二啲野叻,呢個話題可以引伸到點解人地啲仔女跑得咁快/唱歌咁好聽/點解咁大膽/點解咁高大/點解咁靚仔。。。沒完沒了的。人比人比死人,如果教育真係只有一條formula就可以教到十項全能出黎,咁呢個社會就可能只有醫生/律師/會計師了。

作者: GreenMaDad 時間: 18-1-20 15:49
"就算讀書叻唔代表一切","每人都有自己叻的地方"之類的說話,自己明白也堅信,但見到人地仔女讀書成績好(當中有部份小朋友係讀得輕鬆的),而自己的就努力極都吾好得去邊,吾傷心就假......
作者: Yanamami 時間: 18-1-20 15:51
chun媽 發表於 18-1-20 12:14 
為孩子營造一個適合的學習環境最為重要
在香港考DSE,都係考勤為主,唔需要十分聰明
...
Yeah~~~我大女都係个中等生,將勤補拙呀~~DSE都算OK呀~
作者: Yanamami 時間: 18-1-20 16:01
GreenMaDad 發表於 18-1-20 15:49 
"就算讀書叻唔代表一切","每人都有自己叻的地方"之類的說話,自己明白也堅信,但見到人地仔女讀書成績好( ...
各有前因莫羨人,所以唔好成日望住人地果d, 自己痛苦~Focus下自己果个问題出係边好过,若然佢学习态度良好又盡左力,只好接受佢係佢。有得揀边个唔想叻叻,話哂佢叻与唔叻都係你既基因,唔調轉怨你算偷笑了~
作者: IloveJJ 時間: 18-1-20 16:22
提示: 作者被禁止或刪除 內容自動屏蔽
作者: jumphigh 時間: 18-1-20 16:35 標題: 回覆樓主:
提示: 作者被禁止或刪除 內容自動屏蔽
作者: October. 時間: 18-1-20 18:16
Dylanli2017 發表於 18-1-20 15:00 
回覆 crazyhippo 的帖子
有個奇怪現象。要理科好top既人文科好,唔難。要文科好top既人理科好是好難。其實 ...
同我觀察及體會到既一樣。
作者: 樂在其中 時間: 18-1-20 18:21
父母身教相當重要! 小學皆段要陪作戰!
作者: YuYuMother 時間: 18-1-20 19:09 標題: 回覆樓主:
本帖最後由 YuYuMother 於 18-1-20 19:10 編輯
我覺得每人性格同能力都唔同,後天努力培養,但未必可以得出相同結果。
我本身極愛睇書,大女被我熏陶成愛書之人,書不離手,但細仔就麻麻。至於成績,兩個分別都大.....大既由細到大唔駛點理,細既要緊貼mon住。
不過我又咁睇,肯努力的話成績一定唔會太差。但每人能力真係唔同,千祈唔好強求,壓力太大小朋友讀得唔開心,成績事培功半,得不償失。

作者: greentea000 時間: 18-1-20 20:02 標題: 回覆樓主:
對於我地死讀書家族黎講,會慨歎點解人地既仔女入水能游出水能跳?

作者: October. 時間: 18-1-20 20:16
本帖最後由 October. 於 18-1-20 20:17 編輯
greentea000 發表於 18-1-20 20:02 
對於我地死讀書家族黎講,會慨歎點解人地既仔女入水能游出水能跳?
可能人哋讀到到半夜,操到傷晒,我哋唔知呢。
我仔都係花好多時間讀書類型,冇辦法天份唔夠,就要勤力搭夠,又一樣OK.
作者: jessimm 時間: 18-1-20 20:32
本帖最後由 jessimm 於 18-1-20 20:33 編輯
October. 發表於 18-1-20 11:37 
父母自幼着緊、關注仔女學業,家中營造安定、寧靜的環境俾孩子讀書,對仔女成績有合理要求,讓孩子自幼感受 ...
贊同. 凡事順其自然, 不要隨波逐流, 人生路會有崎區, 讀到書只是條路會平坦D, 並不是理所當然及必定優越.
作者: greentea000 時間: 18-1-20 22:43
October. 發表於 18-1-20 20:16 
可能人哋讀到到半夜,操到傷晒,我哋唔知呢。
我仔都係花好多時間讀書類型,冇辦法天份唔夠,就要勤力搭 ...
點會唔知,唔想承認/面對之嘛!

作者: akys 時間: 18-1-21 01:13
自己年青時每逢考試死鋤爛鋤,但見啲同學好輕鬆,因此覺得書唔應該咁讀,太冇效率。阿仔出世後訂立培育方針,從幼稚園開始培養中英閱讀興趣,提倡廣泛閱讀。因為是中文小學,所以加咗個英語授課的文法班。從來唔預課唔温習,小學考試前2週開始温習和做補充練習,成績中上。剛剛中學期考超Hea温,仍然係中上。小學初中唔使拉咁緊,到高中先開始操練。
如果孩子本身有少少聰明,好嘅方法可令讀書容易一些,多閲讀可以加強理解能力,詞彙累積,我孩子特別喜歡閱讀理解和unseen dictation,因為唔使温又可保障成積。有理解能力和語文能力,文科唔會有問題。
數學最緊要係明白原理,唔明要講到明,識就多操都無謂。初小時careless mistakes 唔會做多啲就冇,一般高小或初中會覺醒,考試前提下覆卷及小心就算。
但如何開心讀書都好,求學就是求分數,要教孩子考試技巧,如何揾出課文重點,要温番錯咗嘅功課或測驗,所以我從來唔主張改孩子功課,圈住試卷題目重點,以防答錯或離題。。等等。
暫時孩子沒有重蹈自己的覆轍,輕鬆上學。
作者: 1998Ruby1998 時間: 18-1-21 02:23
回覆 October. 的帖子
我有一個同學 A,佢真係明顯唔夠人「醒目」,有少少反應吸收遲鈍,佢自己都話要笨鳥先飛,將勤補拙。另一個同學 B,佢醒目邏輯好,亦好緊張成績,所以成日溫書,中六果年壓力大到喊。
另外三個同學 C、D、E,一個就不斷睇 TVB(佢講得返所有情節、對白),另一個就咩都唔理,日日訓覺。E 就日日煲韓劇追星,會為接機、演唱會而請假。
結果同學 A 5 科 20 分、 BCDE 30 分。大家都係聯繫小學派位上。有天資真係慳返唔少。以前班入面有好多同學都好似同學 A 咁,不斷讀書,諗住以勤搭救但係都唔得。望住同學咩都唔做就可以平步青雲,自己多少心裏都唔舒服,只可以話鬼叫自己冇資質。
我覺得自己都算係比同學 A 果類同學好彩。唔多溫書,半放棄狀態,都可以有兩三科 5。我班同學真係死操爛操都係得個 3、4。
作者: crazyhippo 時間: 18-1-21 09:07
本帖最後由 crazyhippo 於 18-1-21 09:07 編輯
以前一位大學同學, 吾洗點讀, 大學最後一年到大陸攪生意, 最後First Hon 畢業!
作者: October. 時間: 18-1-21 10:57
本帖最後由 October. 於 18-1-21 11:11 編輯
1998Ruby1998 發表於 18-1-21 02:23 
回覆 October. 的帖子
我有一個同學 A,佢真係明顯唔夠人「醒目」,有少少反應吸收遲鈍,佢自己都話要笨鳥 ...
讀書有天份真係輕鬆好多。
你ABCDE同學,佢哋讀咩科(大概就行),可分享下嗎?
我仔中三,佢話級一(一年兩次計,試過級二)位同學,考試溫到9點就結束,但我仔就要溫到滾瓜爛熟半夜三更先擺休,我幾次叫佢停都唔肯停,但係,佢都做唔到級一, 呢哋就係分別。
但今次有個發現,中三唔知係唔係要選科了,M1/M2要一定名次選有得讀,數學明顯深咗,見平時好好既同學分數都有哋跌,但我仔保持穩定,佢自己話做咗好多書內邊既練習,我就醒起勤力補救。
作者: 1998Ruby1998 時間: 18-1-21 11:59
回覆 October. 的帖子
A 讀 Poly Design,B 讀中大 Quantitative Finance,CD 讀港大 Law+Finance 雙學位,E 讀港大物理治療。雖然大家都係首志願入(A 本來想讀中大 Arts,但係奈何唔夠分),但係 A 同 B 條路相比之下行得辛苦得多。
我讀左 BAFS 同 Econ,兩科半桶水都冇,我操 5 年試題都不及我同學操兩題。一題 BAFS 小則 10 分鐘,大則 45 分鐘,「浪費」左嘅時間其實可以去溫其他科。C 同學日日到廣告時間就 WhatsApp 我 TVB 劇情內容,我之前自修堂同佢玩「猜猜明星」,講藝人做過嘅兩套戲,佢即刻估中曬。同學D 就會半夜訓醒 message 我,問我聽日有咩測驗、功課要交,然後我可以呢段時間「問功課」。E 同學坐我後面,因為坐後排,上堂佢開電話睇 MV,然後係度「還原重整」舞蹈。
BCDE 全部都考級 20,而我永遠都係望塵莫及,不過我都算好彩暫時付出同收穫都係成正比,甚至更好。大學就更加見到邊 d 同學真係天資「贏在起跑線」,出席率一半都冇,都可以文科攞 First。自己教學生都見到,同樣年紀同教法,一個 10 分鐘已經上手,另一個就要用 2-3 堂嘅時間去消化,仲要係不斷 trial and error 慢慢學。
可惜的是,天資聰穎果堆,有一半都會為爭第一而勤力,資質唔夠果班,要出再多一倍力先追得上。
作者: silvia_ng 時間: 18-1-21 13:23
GreenMaDad 發表於 18-1-20 15:49 
"就算讀書叻唔代表一切","每人都有自己叻的地方"之類的說話,自己明白也堅信,但見到人地仔女讀書成績好( ...
你有呢個諗法,潛移默化自然影響到小朋友,覺得自己就算努力多幾多都唔會夠人叻,慢慢佢會放棄自己(青春期果段時間更加要小心處理), 唔好同人比較,每個孩子都有自己的路。

作者: Charlotte_mom 時間: 18-1-21 13:43 標題: 回覆樓主
我算讀書快上手,中學時曾經攪喊同學,因為佢用我兩倍三倍時間但成績同我相近。仲俾同學寫紀念冊話大家好朋友唔好咁傷感情(怨枉啊大人,我係有求勝心就唔係咁分數啦)
我女腦筋似男家
,蠢!睇得出佢花左時間但成效唔顯著
教佢數學幾乎打仔咁滯,講極都唔明
讀書成功所以真係先天後天缺一不可

作者: Soundervolt 時間: 18-1-21 14:56
1998Ruby1998 發表於 18-1-21 11:59 
回覆 October. 的帖子
A 讀 Poly Design,B 讀中大 Quantitative Finance,CD 讀港大 Law+Finance 雙學位 ...
多年前中大Arts係超級水泡科,今時真係唔同往日。

作者: October. 時間: 18-1-21 15:11
1998Ruby1998 發表於 18-1-21 11:59 
回覆 October. 的帖子
A 讀 Poly Design,B 讀中大 Quantitative Finance,CD 讀港大 Law+Finance 雙學位 ...
天份高以及資質差果啲,都係佔小數,平凡人佔大多數,所以,冇人哋咁聰明、冇人哋咁有錢(出國留學), 就唯有比人哋更努力。
作者: October. 時間: 18-1-21 15:19
Charlotte_mom 發表於 18-1-21 13:43 
教佢數學幾乎打仔咁滯,講極都唔明 ...
數學core 比較有得救,要加賠努力操卷,肯去下功夫,取5還是可以做得到。
取* 就真係要睇資質了。
作者: 1998Ruby1998 時間: 18-1-21 17:18
回覆 Soundervolt 的帖子
今時今日,Engineering 係水泡科(然後好似班教授話班同學程度太差)
作者: jessimm 時間: 18-1-21 20:02
古語云:學業進步 , 有進步就足夠. 名列前茅的同學可能是狀元級數, 做比較會好危險.
作者: kwankwanchun 時間: 18-1-22 10:53
1998Ruby1998 發表於 18-1-19 21:42 
身邊朋友 d 媽媽都好有修養,睇好多書,但係 d 仔女讀書成績差。
我阿爸鍾意睇書,但係我中學成 ...
小朋友讀書態度好重要。以我家姐個女同我個女就知差別。我家姐個女好緊張學校d 野,要佢溫書俾好用心。佢都係測驗考試前幾日先溫書,但可以好高分由小一到小五都考全級3名內。久而久之溫書好快默書前一二日溫可以一百分。但我女完全相反,默書早二星期溫都係九十幾,點都要錯。

作者: little_yolky 時間: 18-1-22 11:24
asd456 發表於 18-1-19 20:19 
真的嗎?
假的。
作者: little_yolky 時間: 18-1-22 11:25
yesthomas 發表於 18-1-19 20:29 
未見過唔係
呢度有一個。
作者: Soundervolt 時間: 18-1-22 11:36
1998Ruby1998 發表於 18-1-21 17:18 
回覆 Soundervolt 的帖子
今時今日,Engineering 係水泡科(然後好似班教授話班同學程度太差) ...
選科或多或少都會考慮畢業後嘅前途,今時今日Engineering喺香港基本上式微,工業差不多喺哂大陸,而且大陸Engineer更平靚正,讀得辛苦但冇工作前景,自然冇吸引力。以前唔少成績摱車邊入大學嘅學生會㨂中大Arts,然後讀一年再申請轉其他學系,宜家據知Arts已經好多人報,所以門檻已提高了唔少,再唔係水泡科嘞。

作者: little_yolky 時間: 18-1-22 11:45
Soundervolt 發表於 18-1-21 14:56 
多年前中大Arts係超級水泡科,今時真係唔同往日。
就算點水泡, 20分都入唔到的。
作者: Yanamami 時間: 18-1-22 15:45
little_yolky 發表於 18-1-22 11:25 
呢度有一個。
两个
作者: little_yolky 時間: 18-1-22 15:50
Yanamami 發表於 18-1-22 15:45 
两个
兩個? 你兩個女都好似好叻喎!
作者: Yanamami 時間: 18-1-22 16:08
little_yolky 發表於 18-1-22 15:50 
兩個? 你兩個女都好似好叻喎!
都係唔睇書
作者: little_yolky 時間: 18-1-22 16:29
Yanamami 發表於 18-1-22 16:08 
都係唔睇書
咁唔睇書有咁既成績都好猛喇, 我就唔會奢求喇, 點都好過我兩個年年花咁多錢買書, 但咁既成績呢。阿細都唔係唔睇書, 佢睇書好雜, 係唔睇D對成績有幫助啫。
佢睇埋D咩偵探、恐龍、科學實驗、尋寶記果D。
作者: Eat_Sleep_Play 時間: 18-1-22 16:33
little_yolky 發表於 18-1-22 16:29 
咁唔睇書有咁既成績都好猛喇, 我就唔會奢求喇, 點都好過我兩個年年花咁多錢買書, 但咁既成績呢。阿細都唔係 ...
唉......我果個上到中學都唔係好睇書,我在書展買嘅書塞到滿屋都係 
作者: mcl203 時間: 18-1-22 16:36
Eat_Sleep_Play 發表於 18-1-22 16:33 
唉......我果個上到中學都唔係好睇書,我在書展買嘅書塞到滿屋都係
因為D書係你買既? 中學好忙,無咁多時間睇書了,ig, snapchat,仲要㷛埋劇先有得瞓~~~

作者: Doula 時間: 18-1-22 16:36 標題: 回覆樓主
我仔讀牙醫,佢D同學DSE全部考到35-42分(計6科),佢成日講佢D同學考到咁嘅分,除咗好勤力之外,全部都係好聰明,而且佢地本身非常自律,唔係家長迫先去做(我覺得呢個先係重點),依家太多家長行一步跟一步,不停睇住/提住小朋友去做功課,最後小朋友就等等等......等家長叫先做(emoji)

作者: Yanamami 時間: 18-1-22 17:10
little_yolky 發表於 18-1-22 15:50 
兩個? 你兩個女都好似好叻喎!
好彩你加左“好似”两个字
作者: 1998Ruby1998 時間: 18-1-22 17:14
回覆 Eat_Sleep_Play 的帖子
我中三開始直接放棄書展,睇書率跌到零。
不過寫書率就高左好多 
作者: October. 時間: 18-1-22 17:16
Doula 發表於 18-1-22 16:36 
我仔讀牙醫,佢D同學DSE全部考到35-42分(計6科),佢成日講佢D同學考到咁嘅分,除咗好勤力之外,全部都係好 ...

同意, 卓越的成績, 離唔開天份 + 勤力.
咁讀書勤力已差不多 = 自律了.
作者: S1Parents2017 時間: 18-1-22 17:16
回覆 October. 的帖子

作者: S1Parents2017 時間: 18-1-22 17:20
October. 發表於 18-1-20 11:37 
父母自幼着緊、關注仔女學業,家中營造安定、寧靜的環境俾孩子讀書,對仔女成績有合理要求,讓孩子自幼感受 ...
非常正確,我所以我身邊朋友的孩子升中時基本都是BAND1A的學生,未來路還長,就不知道了。
作者: artroboy 時間: 18-1-22 17:24
Yanamami 發表於 18-1-22 16:08 
都係唔睇書
咁點學到寫作?
作者: Yanamami 時間: 18-1-22 17:31
artroboy 發表於 18-1-22 17:24 
咁點學到寫作?
唔知呢?应該無乜技巧可言~
作者: artroboy 時間: 18-1-22 17:34
Yanamami 發表於 18-1-22 17:31 
唔知呢?应該無乜技巧可言~
但你女好似出名叻喎
作者: Soundervolt 時間: 18-1-22 17:41
artroboy 發表於 18-1-22 17:34 
但你女好似出名叻喎
通常上電視受訪問嘅狀元都話自己唔係太勤力,有打機又煲劇....
歡迎光臨 教育王國 (/) |
Powered by Discuz! X1.5 |