教育王國

標題: 轉左兼收班我反而仲覺得好唔開心好大壓力！ [打印本頁]

作者: zarita 時間: 18-1-12 17:38 標題: 轉左兼收班我反而仲覺得好唔開心好大壓力！

我個囡囡就黎五歲，係三歲左右已經評估有語言障礙同同齡差半年左右但好好彩搵到間村校讀k1 係村校k1個年都讀得好好老師間中都會提及下佢講野差左d 其他大部分都好大進步臨退學時老師仲話佢呢一年進步左好多叻左好
多

但到左k2 就轉左讀兼收班由九月到而家次次去見兼收老師同心理治療師次次都話我個女唔得同同齡既小朋友差好遠表達溝通大小肌肉社交全部都唔得成日叫我轉特殊學校(emoji)話而家同佢既評估同三歲既評估一樣無進步過(emoji)(emoji) 我好辛苦啊

但係係我角度佢由九月都而家講野真係進步左好多但我唔明點解間學校會覺得佢唔得追唔上同齡成日要佢同其他小朋友睇齊(emoji)(emoji) 有冇同路人可以解答下我我真係好唔開心 (emoji)(emoji)

作者: KCHK 時間: 18-1-12 18:35 標題: 回覆樓主

樓主, 現實d 來講真係會用同齡小朋友比較, 因為讀主流係讀普通課程, 如果I 位覺得真係各方面都差同齡好多就真係要正視一下, 可能真係讀S 位好一點, 另外有無問老師可唔可以家長在家也做些訓練, 又或者去上一些私人治療。

作者: BibiT 時間: 18-1-13 09:34

zarita 發表於 18-1-12 17:38
我個囡囡就黎五歲，係三歲左右已經評估有語言障礙同同齡差半年左右但好好彩搵到間村校讀k1 係村校k1個年 ...

明白你的壓力，不要單靠l 位的訓練。因為訓練的時間真係好少。快D在外找言語治療師上堂，加上家庭教育，會快很多，加油(emoji)(emoji)(emoji)

作者: Letter_lalaland 時間: 18-1-13 11:51

本帖最後由 Letter_lalaland 於 18-1-13 11:52 編輯

BibiT 發表於 18-1-13 09:34
明白你的壓力，不要單靠l 位的訓練。因為訓練的時間真係好少。快D在外找言語治療師上堂，加上家庭教育， ...

訓練密度少，係因為兼收位本來係俾大小肌感統情況輕微嘅學童，OT、PT 社署派落黎3-6月先一次，重要做埋評估。

當身體不在狀態（肺部較弱、唔夠氣）同整體肌力弱亦都會影響發音，而且小肌弱亦有機會影響到寫字同做功課動機。現階段盡快同兼收位老師講要求見社工，一齊商討點樣會對小朋友最好，就算要入E/S 都要排。而家咁快有得處理係好事。

平時自己帶小朋友去多啲公園，去參加社福機構自費計劃或者私營嘅小組頂住先。

作者: sandysandypoon 時間: 18-1-21 15:18

I位不是應該有位老師幫小朋友天天上訓練的嗎?為什麼還要出外找言語療治師呢?可否告知那學校?

作者: Letter_lalaland 時間: 18-1-21 19:57

本帖最後由 Letter_lalaland 於 18-1-21 20:04 編輯

sandysandypoon 發表於 18-1-21 15:18
I位不是應該有位老師幫小朋友天天上訓練的嗎?為什麼還要出外找言語療治師呢?可否告知那學校? ...

老師嘅專業係按正常發展以豐富嘅環境同活動引導小朋友成長; 治療師嘅專業係按情況評估再給予適當既治療、跟進及訓練。

兩者嘅專業訓練、角色都唔同，如果小朋友需要更多嘅專業治療方面嘅協助，兼收位老師就算每日有時間單對單同小朋友做訓練，都不等同或者取代治療師嘅訓練。

兩者同樣重要, 亦無衝突, 可以並存。

我唔係當事人，不過通常聽到其他人話，當小朋友平時返學想成績好啲咪出去搵其他人補習囉。

作者: sandysandypoon 時間: 18-1-22 20:33

之前打去問過一些學校， I 位每天都有半小時上課，還有小早訓練，可以互相學習。我小朋友等緊位

作者: Letter_lalaland 時間: 18-1-22 20:48

本帖最後由 Letter_lalaland 於 18-1-22 22:54 編輯

sandysandypoon 發表於 18-1-22 20:33
之前打去問過一些學校， I 位每天都有半小時上課，還有小早訓練，可以互相學習。我小朋友等緊位 ...

能夠搵到合適自己小朋友需要嘅服務就最好

歡迎光臨教育王國 (/)