教育王國

標題: 問純專注力不足 [打印本頁]

作者: chanwendy 時間: 18-1-4 11:35 標題: 問純專注力不足

係咪有啲小朋友, 尤其女仔, 冇過度活躍的表癥, 但係專注力不足? 我女11 歲, 3 年級經學校做過一次初步評估, 填完問卷後話表面睇冇嘢, 冇再轉介兒童心理學家.  最近我又再思考到底佢係唔係專注力不足.
佢上學校功課班就可以做晒功課先返嚟, 除非當日真係好多功課除外.  但冇功課班的日子, 一份唔係太難的功課都分分鐘做一個鐘, 已經係自己房做, 冇手機冇電視的影響.
在學校測驗考試就經常性做唔晒份卷, 少則幾分, 最多試過超過廿分做唔切, 但佢又唔係唔識做喎, 只係睇得慢, 寫得慢, 諗得慢.  佢做咗的題目又唔係錯太多咋喎.
咁樣算唔算係專注力不足呢?

作者: angels'mom 時間: 18-1-28 12:31

chanwendy 發表於 18-1-4 11:35
係咪有啲小朋友, 尤其女仔, 冇過度活躍的表癥, 但係專注力不足? 我女11 歲, 3 年級經學校做過一次初步評估, ...

首先，過度活躍同專注力不足係兩件事，可以分別出現，亦可同時出現。

小朋友在家做功課慢，可以試下叫佢計時，睇下做某份功課要幾耐。又或者定個時限，要求佢幾耐要完成，完成到可給予獎勵。

置於做卷問題，有冇問過小朋友到底係咩原因做唔哂呢？要知道問題所在才可對症下藥。

作者: yumi.aa 時間: 18-10-12 21:21

專注力唔係咁簡單，其實專注力係一個高層次嘅認知能力，如果你懷疑小朋友有呢啲情況，真係建議你搵返治療師睇睇，因為有好多成因會導致到你小朋友咁

作者: YolandaTam 時間: 18-10-16 11:17 標題: 回覆樓主:

日常生活自理有無困難？會唔會學咗嘢轉頭就忘記？我經歷係以上兩項專注力不足嘅人最顯著嘅毛病。
家母係專注力不足嘅成人，佢經常唔記得自己啲嘢放喺邊，成日要我爸或我幫佢揾，我爸過身後佢獨居，屋企亂到不得了，衫褲鞋襪亂放。讀唔到書，成日留班，讀到十六歲都只係小五，學大部分嘢幾乎即忘，十年前至今我爸，我老公，我同阿姨都教過佢用手機，但佢連阿伯手機都唔識用。

歡迎光臨教育王國 (/)