教育王國
標題: 有無2016年出世港島區混血B /外籍華人家長討論入學攻略？ [打印本頁]
作者: teresav 時間: 18-1-3 15:22 標題: 有無2016年出世港島區混血B /外籍華人家長討論入學攻略？
本來無諗住BB咁細個就要打算盤揾學校，但係香港個制度真係好顛，尤其係幼稚園嘅選擇會主宰小學嘅選擇。。。
我有幾個諗法同煩惱，希望大家有興趣可以俾下意見一齊討論：
1. 我想個仔學好中文（廣東話+普通話，聽、寫、讀），唔係就咁咦學下嗰啲， 國際學校中文教得好嘅好少，有嘅如弘立又太貴
2. 希望讀本地學校（阿媽我都係本地薑），私立、直資、官津都無所謂，但係又怕入咗間勁催谷嘅，或者太hea 到時中學難跟
3. 非常認同蒙特梭利教學，今年四月會由DMS嘅playgroup 升 Little Casa (等同坊間嘅PN)，但係一諗到將來涵接小學就頭都大，同埋國語應該都係教得一般般。
4. 對香港辦學嘅蒙特梭利小學無咩信心（之前有朋友夫婦嚟香港之前係教師，個仔讀到grade 2轉走，情願返夏威夷讀，中文自己教）
5. 最好可以留返係港島區，話哂兩公婆係港島返工，如果搬太遠，返工前同放工后都未必見得到個仔（未瞓醒or已經瞓咗）。
6. 將來如果個仔係讀書叻，再考慮中學安排。唔叻，就希望到時可以轉間普普通通嘅IS，最壞打算返家鄉讀免費書（加拿大or西班牙）
目前有關注過：Victoria、救恩、蘇浙、港同
希望有相同背景JM一起討論。就算唔係混血B，外國回流，或外地來港工作華人父母，都可能有類似煩惱（家庭環境英文强過過中文，但係又注重中文涵養）歡迎討論。
作者: 1162694sd 時間: 18-1-27 23:20 標題: 回覆樓主:
蘇浙，港同
作者: Fishhh88 時間: 18-1-30 14:53
teresav 發表於 18-1-3 15:22 
本來無諗住BB咁細個就要打算盤揾學校，但係香港個制度真係好顛，尤其係幼稚園嘅選擇會主宰小學嘅選擇。。 ...
我們都幾相似背景 我也是希望女兒中英雙語教學
我報了Victoria
蘇浙miss了deadline 我知道很多人鍾意
作者: Tinkermami 時間: 18-6-5 10:37
teresav 發表於 18-1-3 15:22
本來無諗住BB咁細個就要打算盤揾學校，但係香港個制度真係好顛，尤其係幼稚園嘅選擇會主宰小學嘅選擇。。 ...
我個女係2016混血b...我一心想佢去ESF ...但最近越嚟越想佢識得講廣東話..所以決定PN 俾佢去一間非常之本地嘅幼稚園( 灣仔堂) ...睇吓佢嘅造化
作者: teresav 時間: 18-6-5 11:05 標題: 回覆樓主
我哋升咗DMS嘅Little Casa個半月，勁唔掂。太多人（之前PG8人，宜家22人，兩個老師+一個auntie）。我個仔日日返到學校就好似靈魂出竅咁，space out。老師根本照顧唔到，第一個禮拜個仔就出現regressive behavior，咬自己，咬鞋；咬完老師先發現。雖然話老師都有愛心同算有經驗，但就賴我哋係屋企無教好佢。蒙特梭利兩歲涵接班咁多人，咁不如我去讀本地N班？！
IMS 人少（15人）但上環campus勁細，同埋要俾debentures，學費又貴好多，上堂時間短好多。
Woodland 好啲，涵接班允許家長陪讀1.5小時，另外半小時小朋友自己，我覺得呢個最好。無奈地點唔適合我哋，同埋如果我哋打算讀本地K1，唔想係咁轉校。
作者: teresav 時間: 18-6-5 11:07 標題: 回覆樓主
我老公希望搵間學校多diversity，唔好90%唐人，又唔好90%鬼仔。DMS呢樣好，聯合國咁，好平均。大陸人台灣人日本人韓國人印度人混血兒鬼仔ABC全部都有。
蘇浙我JM話太嚴，適合比較安靜聽教嘅小朋友，我仔應該唔啱，同埋都係太遠。
Victoria 其實有幾催谷，有無JM可以分享？
救恩我有興趣小學部，但幼稚園只有少於一半/30% 係直升。如果讀救恩K，要出去補習先可以應付小學interview （主要因為小學多人爭），咁不如讀Victoria？
FairChild 同 Mightly Oak 大家點睇？
作者: lhzgigi 時間: 18-6-20 23:00 標題: 回覆樓主
我女間學校好似都配合到你阿仔同你嘅要求，pm你
作者: cwchun 時間: 18-9-8 23:13
回覆 teresav 的帖子
我同你case 差唔多, 都煩惱緊. 想問下你最後去邊間?
作者: teresav 時間: 18-9-8 23:32
cwchun 發表於 18-9-8 23:13
回覆 teresav 的帖子
我同你case 差唔多, 都煩惱緊. 想問下你最後去邊間?
仲係DMS上環。
抵擋唔到佢係正我公司用屋企5分鐘步行距離嘅誘惑。
同埋今年開學班上人數少咗啲，暫時16人。加上換咗個兒童行為/心理學家/治療師做副校長，信心多咗。
我嚟緊會報Victoria西寶城，同救恩幼稚園K1，其他未有心水。入唔到會明年再報K2、K3，一日未入到，都繼續俾佢留係蒙特梭利體制。目前打算係K3一定會轉本地，希望可以幫助過渡去本地小學。
我仔呢期好多嘢講，本嚟中英文係一半半咁都OK，但自從我出咗差兩個禮拜，佢依家基本上係90%英文，10%中文，普通話（學校教嘅）已經係古天樂口音，好驚嚇。所以再次確定一定唔會俾佢讀國際學校。
作者: cwchun 時間: 18-9-10 02:36
teresav 發表於 18-9-8 23:32
仲係DMS上環。
抵擋唔到佢係正我公司用屋企5分鐘步行距離嘅誘惑。
作者: teresav 時間: 18-9-10 13:10
cwchun 發表於 18-9-10 02:36
你打算讀local 小學?
本帖最後由 teresav 於 18-9-10 13:13 編輯
係呀。國際學校平嘅唔係好有信心中文教得好，貴嘅怕第日俾唔起。
其實本地學校都有好多唔錯嘅，但係就要自己發掘、了解，所以上嚟呢度睇下有無差唔多處境/ 想法嘅JM可以一起討論下。一個人知嘅嘢有限。
作者: teresav 時間: 18-9-10 13:16 標題: 回覆樓主
其實有無JM知道，香港到底係咪無以中文為主嘅嘅蒙特梭利學校？
作者: beacondad 時間: 18-10-2 22:48
提示: 作者被禁止或刪除 內容自動屏蔽
作者: teresav 時間: 18-10-16 20:30
beacondad 發表於 18-10-2 22:48
過來人...
近這四年, 救恩我唔太recommend, 因有幾個朋友d小朋友最後不歡而散 (或許是個別例子)
若local小 ...
我好鍾意St Margret Co-Ed. ❤️
作者: Patate 時間: 18-10-23 17:28 標題: 回覆樓主:
我和你一样情况，最后选了苏浙。不过我的原因主要是因为普通话是我的母语。也计划将来可以继续上苏浙的小学。
作者: zukieem 時間: 18-10-30 15:44
好似SDM 里類的HAPPY SCHOOL 都幾谷
作者: teresav 時間: 18-10-30 15:45
zukieem 發表於 18-10-30 15:44
好似SDM 里類的HAPPY SCHOOL 都幾谷
What’s SDM?
作者: teresav 時間: 18-10-30 15:56 標題: 回覆樓主
最近對SPC聖保羅堂（中環）好有興趣。鍾意佢地重德育多過學術，而且師生比例低，同埋鍾意收學校附近嘅學生，同我唔贊成小朋友需要搭車返學的概念相符。唔知大家對呢間幼稚園有無comment？
如果可以入到，慳番嘅學費可以俾個仔每星期兩次去Oaktree玩國語版Montessori ，或者搵私人老師嚟屋企同佢班 play mate 一齊上mandarin Montessori play date。我地有小朋友媽媽係俾Professional Child Educator 可以負責教。
作者: Immomo 時間: 18-11-12 14:58
KCS 蘇浙應該係one of the best choice.
KCS好多MIX / foreigner family而小朋友都manage 到中文. 冇咩邊間local school會有鬼仔讀.
退一步又可以轉去國際部考GCSE/ IB.
作者: teresav 時間: 19-6-19 17:54
回覆 Immomo 的帖子
最後係DMS讀了一年幾，見到個仔同其他讀傳統PN班的小朋友的確晤同，優勢好明顯，例如自律、邏輯、好奇心/好學心、閲讀、耐性。
但都係擔心本地小學銜接問題，因爲都係1. 語言（普通話教得幾好，但語境差D）2.學術 程度問題。
今日收到Victoria Offer兩文三語K1班，好開心，又好落寞（因爲要離開蒙特梭利體制）。。。
如果唔係想target小學讀救恩、港童或VSA，我都會繼續留係DMS讀Montessori。
其實玫瑰崗係好好，本地學校+蒙特梭利+西班牙語（我地西班牙國籍可直接錄取），無奈地點吊脚，校巴都唔方便。
#點解香港咁少Happy School，搞到就算有都鬼咁難入
作者: imMrsLee 時間: 19-6-23 09:12
teresav 發表於 19-6-19 17:54
回覆 Immomo 的帖子
最後係DMS讀了一年幾，見到個仔同其他讀傳統PN班的小朋友的確晤同，優勢好明顯，例如 ...
我都有興趣比小朋友讀蒙特教學幼稚園。見你讚話邏輯嗰d學得好，想問問佢既教學同傳統有咩大分別可以訓練你提及既幾方面？
| 歡迎光臨 教育王國 (/) |
Powered by Discuz! X1.5 |