教育王國

標題: 確診ASD但情況不嚴重, 見精神科有什麼幫助? [打印本頁]

作者: Franceschingyi 時間: 18-1-3 00:58 標題: 確診ASD但情況不嚴重, 見精神科有什麼幫助?

仔才剛確診ASD, 未確診前已在私家去做不同服務, 亦有改善. 我們覺得問題不太大, 但確診後CAC給我們一封信去見精神科,
先生有點不太願意, 覺得即使去見精神科, 也是只有食藥, 所以希望不去。

請問大家覺得去見精神科是否好重要?

作者: KCHK 時間: 18-1-3 08:00 標題: 回覆樓主

未必一定要食藥, 因為我仔從來見兒童精神科都只係睇下有咩治療小組可以上, 無開排過要食藥, 有d 堂係小朋友上, 有d 堂係家長上, 好有用的, 錢也不貴(當一次覆診價)不過如果要返工就麻煩點, 因為一定在辦公時間上的。

作者: Franceschingyi 時間: 18-1-3 22:31

KCHK 發表於 18-1-3 08:00
未必一定要食藥, 因為我仔從來見兒童精神科都只係睇下有咩治療小組可以上, 無開排過要食藥, 有d 堂係小朋友 ...

謝謝回覆。可否分享他們會提供那類型的治療小組?

作者: YY（芝芝媽咪） 時間: 18-1-4 14:12

Franceschingyi 發表於 18-1-3 00:58
仔才剛確診ASD, 未確診前已在私家去做不同服務, 亦有改善. 我們覺得問題不太大, 但確診後CAC給我們一封信去 ...

小女3歲時確診自傾，排期兩年剛剛見了精神科醫生，無話要食藥，只是話有機會安排訓練給她。不過要等她上小學後，睇吓學校有沒有相關的訓練先。

現排期今年底才覆診，這段期間乜都無俾她。

作者: KCHK 時間: 18-1-4 17:52

Franceschingyi 發表於 18-1-3 22:31
謝謝回覆。可否分享他們會提供那類型的治療小組?

都安排左好多, 有d 多到姑娘打電話比我問我, 我話無時間唔去上,有地板時間遊戲治療(先家長上堂,然後安排小組比家長同小朋友上), 有入小學的小備班(紅十字會姑娘上), 又有另一個為期跨一年的小一準備班(有心智解讀, 有言語治療, 又評估預計上左小學時有咩需要處理的堂, 我唔記得叫咩, 好似叫”開開心心上小學”, 今天亞仔讀一年班都仲繼續跟進的。

作者: lobb2015 時間: 18-1-4 18:38

KCHK 發表於 18-1-4 17:52
都安排左好多, 有d 多到姑娘打電話比我問我, 我話無時間唔去上,有地板時間遊戲治療(先家長上堂,然後安排小 ...

唔知係咪間間醫院都有呢。聽你咁講，去睇精神科都有啲意義。

作者: KCHK 時間: 18-1-4 22:23

lobb2015 發表於 18-1-4 18:38
唔知係咪間間醫院都有呢。聽你咁講，去睇精神科都有啲意義。

我唔知其他醫院有無, 但我係住觀塘區, 聯合醫院都跟得幾好, 我問過其他媽咪, 佢地話佢住個區無咩呢方面的服務, 又或者我仔應該算係嚴重case，因為我仔由轉介信開始排期, 只係大約等左半年就第一次見醫生,其他人應該係大約等一年或以上。我陣經聽過好多人講政府安排的治療無咩用，但我真心覺得有用，只不過係全部都在office hour，要上堂就對要返工的家長要請假

作者: jj100c 時間: 18-2-22 21:53

我仔之前都有在精神科覆診，都不用食藥，之後我覚得佢有好多事都想不通，之後叫精神科醫生轉介看心理學家，他教左亞仔點樣解決一些焦憂，因A仔會有固執及想不通的事放大，心理學家在傾計過程，幫仔解開心中結。

作者: 小冬 時間: 18-2-23 23:55

回覆 KCHK 的帖子

政府醫院給家長上的堂教什麼?我小朋友幼稚園時上過社署的講座，現在小朋友讀高小，不知道兒童精神科的家長講座教什麼?因我份工好難請假。

作者: chowqv 時間: 18-2-25 01:51 標題: 回覆樓主:

自閉症係無藥食。
精神科醫生話睇佢，佢只能寫信做轉介同開藥。
不過阿仔既醫生好好，有出信俾學校，寫阿仔既情況（咁樣就可以有學校既課程），又寫信俾社處，阿仔就有傷殘津貼（$2車），仲會關心我既情況，必要時寫轉介信俾我。

作者: KCHK 時間: 18-2-25 18:10

小冬發表於 18-2-23 23:55
回覆 KCHK 的帖子

政府醫院給家長上的堂教什麼?我小朋友幼稚園時上過社署的講座，現在小朋友讀高小，不知 ...

通常都係教家長點同小朋友溫書同有可能出現的問題, 例如默書，做功課，又或者情緒方面等等

作者: DENNIS201 時間: 18-2-26 03:46

見過精神科但覺得無乜用
似比政府拎數據多
排一次都成年

作者: funghon 時間: 18-2-26 20:16

chowqv 發表於 18-2-25 01:51
自閉症係無藥食。
精神科醫生話睇佢，佢只能寫信做轉介同開藥。
不過阿仔既醫生好好，有出信俾學校，寫阿仔 ...

有部分ASD學生上課坐吾定，學校又有微言，精神科醫生可開藥。另外，有部分ASD學生有自殘行為，精神科都可開藥

作者: chowqv 時間: 18-2-26 23:52

funghon 發表於 18-2-26 20:16
有部分ASD學生上課坐吾定，學校又有微言，精神科醫生可開藥。另外，有部分ASD學生有自殘行為，精神科都可 ...

哦。可能我個仔無呢d情況，我問咗幾年，醫生一口拒絕開任何藥，叫我唔好諗多咗。

作者: 小冬 時間: 18-3-3 22:46

回覆 KCHK 的帖子

謝謝你，那麼是否政府醫院的講座每次都一定要同一個家長去聽?我打電話問姑娘，姑娘話一定要同一個人去聽，他們是否會有一本類似教科書的書本去教?如果去不到醫院聽講座，坊間那裡會有相關講座?因小朋友是輕徵的A仔，但越高年級做功課時越見抗拒，不是能力問題，是他覺得太多功課要做。

作者: KCHK 時間: 18-3-4 09:56

小冬發表於 18-3-3 22:46
回覆 KCHK 的帖子

謝謝你，那麼是否政府醫院的講座每次都一定要同一個家長去聽?我打電話問姑娘，姑娘話一 ...

我又無留意呢樣野, 因為通常都係我去, 不過陣經我老公都去過, 我諗應該同一主題的講座(會寫由幾時到幾時的)就同一家長去, 因為會有功課同小冊子

作者: 小冬 時間: 18-3-4 16:17

回覆 KCHK 的帖子

共要上多少堂?謝謝。

作者: KCHK 時間: 18-3-4 16:23

小冬發表於 18-3-4 16:17
回覆 KCHK 的帖子

共要上多少堂?謝謝。

通常都係8至12堂。有d 先係家長上頭4堂, 後面小朋友上。剛剛近期全部係家長工作坊，星期六早上上堂

作者: kb3e 時間: 18-3-9 23:08

費用多少呢?

歡迎光臨教育王國 (/)