教育王國

標題: 沙田區小二想轉小學,請問邊間小學比較容易入到曾肇添中學? [打印本頁]

作者: yin0121 時間: 17-12-30 05:55 標題: 沙田區小二想轉小學,請問邊間小學比較容易入到曾肇添中學?

本帖最後由 yin0121 於 17-12-30 05:55 編輯

沙田區小一考到級1,想小二轉小學,
第時中學想入曾肇添,應該轉邊間小學比較好?唔該俾d意見我...
本來想試下去沙胡同朱小面試,
但網上資料好像沙田主風和馬鞍山主風比較多學生入到曾肇添中學??

作者: CCelia 時間: 17-12-30 08:48

yin0121 發表於 17-12-30 05:55
沙田區小一考到級1,想小二轉小學,
第時中學想入曾肇添,應該轉邊間小學比較好?唔該俾d意見我...
本來想試下 ...

馬主，大家都係聖公會。

作者: 小曳人 時間: 17-12-30 08:58

一定係馬主！

作者: yin0121 時間: 17-12-30 14:41

馬主真係會因為聖公會而收多d學生?我見2017年有13個入左曾中,請問馬主級幾多名內曾中會收?名次級10幾都收??
我上網睇其他小學級前5先大機會入到,級前10先可以面試...
除左主風,仲有邊間小學多學生入到曾中?聽講聖心同愛禮信??唔該

作者: 小曳人 時間: 17-12-30 15:27

本帖最後由小曳人於 17-12-30 19:35 編輯

除咗自行，仲可以抽入嘅，只要係band 1就得
學校多唔多人入，同各下運氣完全有關

建議分析學校band 1 生比例較實際

作者: yin0121 時間: 17-12-30 16:14

不是太清楚中學抽籤既排序係點樣?係按呈分試成績排定係好似小學咁電腦抽no.?唔該

作者: JM仔 時間: 17-12-30 16:25

yin0121 發表於 17-12-30 05:55
沙田區小一考到級1,想小二轉小學,
第時中學想入曾肇添,應該轉邊間小學比較好?唔該俾d意見我...
本來想試下 ...

想轉唔係易事，上年沙田區好多間都無插班位，有得考都幾十人爭，出名的仲要九龍私校生來爭

作者: assado 時間: 17-12-30 17:34

yin0121 發表於 17-12-30 05:55
沙田區小一考到級1,想小二轉小學,
第時中學想入曾肇添,應該轉邊間小學比較好?唔該俾d意見我...
本來想試下 ...

如考到级一, 沙呂都好有機會, 不一定主風。

作者: RunningPig 時間: 17-12-30 17:42

assado 發表於 17-12-30 17:34
如考到级一, 沙呂都好有機會, 不一定主風。

本帖最後由 RunningPig 於 17-12-30 17:44 編輯

有冇咩原因曾(emoji)添? 如冇沙呂一呂都好好，考全港名校能力超强。

作者: siden 時間: 17-12-30 17:45

本帖最後由 siden 於 17-12-30 17:45 編輯

JM仔發表於 17-12-30 16:25
想轉唔係易事，上年沙田區好多間都無插班位，有得考都幾十人爭，出名的仲要九龍私校生來爭
...

同意

有得考都要爭，不如你漁翁撒網所有區內一線都報咗先，有offer再揀la

作者: assado 時間: 17-12-30 17:56

RunningPig 發表於 17-12-30 17:42
本帖最後由 RunningPig 於 17-12-30 17:44 編輯

有冇咩原因曾(emoji)添? 如冇沙呂一呂都好好，考全港名 ...

曾肇添是沙田最好津中之一, 收最多是馬主學生。

作者: yin0121 時間: 17-12-30 18:16

本帖最後由 yin0121 於 17-12-30 18:42 編輯

RunningPig 發表於 17-12-30 17:42
本帖最後由 RunningPig 於 17-12-30 17:44 編輯

有冇咩原因曾(emoji)添? 如冇沙呂一呂都好好，考全港名 ...

因為一開始小學大抽籤已經skip左呂小,而呂中多數收呂小生,所以就諗曾肇添,宜家呢間小學係抽籤派到,不是太理想,當時心儀是朱小和沙胡,因為近居所和成績不錯...
上網看到呂小往年1至2月報名插班比其他學校早,其他學校多數6月報名插班,而且不一定有位,所以都想試試報呂小,如果呂小收的話中學都會揀返呂中...

作者: yin0121 時間: 17-12-30 18:39

siden 發表於 17-12-30 17:45
同意

有得考都要爭，不如你漁翁撒網所有區內一線都報咗先，有offer再揀la

因為唔知道d學校小二有冇位收插班生,所以都想報多幾間,如果學校未有收插班生資料,應該寫求位信加成績表寄去先? 1線學校全部都寄?同埋諗封求位信好頭暈,要寫埋鐘意間學校邊d野咁樣?跟住講小朋友專長,有d咩值得收個小朋友?唔該...

作者: 1998Ruby1998 時間: 17-12-30 19:36

回覆 yin0121 的帖子

先寫小朋友學業，證明自己學業一定夠班，然後寫品德（有品行獎就一流），再寫社會服務、比賽、興趣。
插班有 d 家長會漁翁撒網，寄埋成績表，有冇位呢樣野就睇學校啦。上年學生報插班，St Paul Covent 表示冇位，叫家長唔好等佢而浪費機會。另外有學校直情音信全無，果 d 你當冇位／reject 就算，唔好一廂情願諗佢一定仲考慮緊你。

作者: 小曳人 時間: 17-12-30 19:42

yin0121 發表於 17-12-30 16:14
不是太清楚中學抽籤既排序係點樣?係按呈分試成績排定係好似小學咁電腦抽no.?唔該 ...

分兩部份，自行唔分區，自由揀，學校可以面試揀人抽獎，甲部/乙部，同小一派位一樣，分別係先抽band 1，再抽band 2，最後抽band 3

所以，只要你係band 1成績，填乙一係曾，你就有機會入

作者: 小曳人 時間: 17-12-30 19:45

回覆 yin0121 的帖子

其實好似寫求職信咁，講明你寫信為乜，講下自己有乜好，再禮貌地讚對方兩句，附上CV

作者: babytai 時間: 17-12-30 20:57

yin0121 發表於 17-12-30 14:41
馬主真係會因為聖公會而收多d學生?我見2017年有13個入左曾中,請問馬主級幾多名內曾中會收?名次級10幾都收? ...

迦密多唔多就唔知，佢網頁無寫明，我淨係知學校係唔會講你全級考第幾，幾多 % 入 band 1 都唔會知，老師只會可揀邊啲，同大概 banding。。舊同事個仔剛升中一

作者: JM仔 時間: 17-12-30 23:16

yin0121 發表於 17-12-30 18:39
因為唔知道d學校小二有冇位收插班生,所以都想報多幾間,如果學校未有收插班生資料,應該寫求位信加成績表寄去 ...

基本上學校網頁有公怖插班資料，如果無，基本上寄資料去都無用，經驗所得，報九龍區插班易過沙田，上年九龍區大部份揀人筆試的都有得考，反而沙田俾機會你考既不多

作者: yin0121 時間: 17-12-30 23:46

本帖最後由 yin0121 於 17-12-30 23:46 編輯

1998Ruby1998 發表於 17-12-30 19:36
回覆 yin0121 的帖子

先寫小朋友學業，證明自己學業一定夠班，然後寫品德（有品行獎就一流），再寫社會服 ...

有張品行獎狀係k1時的,小一有張關愛獎狀有冇用?冇比賽,有参加興趣班,k3成績表需唔需要?但英文方面不是太好。
如果打去學校話未知有冇位收插班生,應唔應該寄左求位信同成績表先?定係留意學校網頁有插班資料先?唔該...

作者: yin0121 時間: 17-12-30 23:49

小曳人發表於 17-12-30 19:42
分兩部份，自行唔分區，自由揀，學校可以面試揀人抽獎，甲部/乙部，同小一派位一樣，分別係先抽band 1，再 ...

自行係唔係一般都要面試先收?抽獎係按band排序都比小學時公平,唔該

作者: 1998Ruby1998 時間: 17-12-31 00:00

回覆 yin0121 的帖子

幼稚園嘅野全部都已經無關，要小一開始計算。英文方面唔好就好今年快快脆提升返。興趣班唔計算，除非係出面 d 有名氣嘅 XX 兒童合唱團，樂器考到 Distinction、兒童朗誦／辯論隊（即係可以代表學校參賽，出得街果 d）。關愛獎是否豬肉獎？如果冇都唔大問題，最主要都係成績夠 top，成績表品行有 A-。
學校一出插班通知就可以去馬。如果你真係唔安樂的話，寄左先算，但係當果 d 係 bonus。有時候話有位但係佢個位未必係想畀你（有機會係覺得你間學校唔夠「名氣」／學校只喜歡收 SFA 等學生），有時候話冇位但其實係有位。

作者: Lu324 時間: 17-12-31 00:53 標題: 回覆樓主：

本帖最後由 Lu324 於 18-1-7 16:09 編輯

見到呢個post, 其實我都想知，沙田區點樣插小二。

作者: yin0121 時間: 17-12-31 01:18

1998Ruby1998 發表於 17-12-31 00:00
回覆 yin0121 的帖子

幼稚園嘅野全部都已經無關，要小一開始計算。英文方面唔好就好今年快快脆提升返。興 ...

小一第一次考試英文有95分,但我覺得佢拼音方面唔係太識,平均分92點幾,操行未有寫,關愛獎狀係每一班有一個得獎,係自己班內同學選出來,可以代表到佢樂於助人,受同學喜愛?應唔應該俾學校睇?...

作者: 1998Ruby1998 時間: 17-12-31 01:34

回覆 yin0121 的帖子

單睇分數，92 分很好啊！那個關愛獎可以照樣寫，列名是同學之間選舉，代表到你小朋友八面玲瓏，各方都能討好，不會惹麻煩。
拼音唔識係點唔識？是否很多 careless，應該識串但係串錯？係 fit 串成 feet、thin－fin 果隻，定係 meat 串成 meet、定係 strawberry 變 straberry、spaghetti 變 spagehti？

作者: yin0121 時間: 17-12-31 01:51

1998Ruby1998 發表於 17-12-31 01:34
回覆 yin0121 的帖子

單睇分數，92 分很好啊！那個關愛獎可以照樣寫，列名是同學之間選舉，代表到你小朋友 ...

本帖最後由 yin0121 於 17-12-31 02:02 編輯

本帖最後由 yin0121 於 17-12-31 02:00 編輯

佢宜家係靠記性背生字,佢唔識用phonics去拼個生字出黎,以前幼稚園我都留意到phonics書教既字母,佢係唔識個發音...

宜家down左個app俾佢學下haha,黎緊考試要考普通話,我覺得佢都唔係好識拼音...

作者: 1998Ruby1998 時間: 17-12-31 01:56

回覆 yin0121 的帖子

我都遇過呢種學生，唔願意先苦後甜，只喜歡死記，要迫我教深、未見過嘅生詞先肯用 phonics。真係激死我！

不過呢種方法都唔係唔得嘅，唯有多 d 畀佢睇書，等佢見得多隻字，唔洗用 phonics、死記都可以串到。

作者: yin0121 時間: 17-12-31 02:06

1998Ruby1998 發表於 17-12-31 01:56
回覆 yin0121 的帖子

我都遇過呢種學生，唔願意先苦後甜，只喜歡死記，要迫我教深、未見過嘅生詞先肯用 ph ...

10月時同佢溫默書,look字佢會loo跟住唔記得係咩,teacher串左幾次都唔記得係cher,或者佢會寫ter,因為生字有默computer....

應該係佢幼稚園時未記低phonics字母既發音,尾k音,尾t音好簡單都唔識,應該點樣教佢?聽得多就會識多d?...

作者: yin0121 時間: 17-12-31 02:15 標題: 回覆樓主:

宜家溫默書多聽多寫幾次都記到,但到學校默書時一次like寫左liek,一次hands寫左hamds,佢話唔記得左....

作者: 1998Ruby1998 時間: 17-12-31 02:20

回覆 yin0121 的帖子

應該係幼稚園果陣接觸得唔夠多，用廣東話去思考（廣東話冇明顯尾音），會唔會講野果陣都係咁：I look at the books 變成 I 碌 at the 卜s？make、moose、walk 都會有機會漏 “e”／“l”？之後自己每次默書，只記得前面，冇意識到後面尾音？
可以的話，屋企放多 d 英式英語音樂（美式好多時候會食左 d 音，冇咁容易聽得出有尾音）。再同佢一齊讀下詩，要佢每隻嘅尾音都要讀曬出黎，睇下邊個讀得好 d。我同個幼稚園妹妹玩法就係我同佢錄音，等佢爸爸媽媽聽返，決定邊個讀得好聽，對方邊句好聽（當然我要讓少少賽）。玩左幾次之後，佢讀圖書畀我聽，雖然唔係讀得好好，一個字會讀幾次先滿意（例如：I jumped and took my mother's hat -> I jumP-ED anD tooK my mother's haT. ）係演繹得好好笑略略誇張

，但係 d 尾音全部都有讀到。你可以試試。

作者: 小曳人 時間: 17-12-31 06:57

yin0121 發表於 17-12-30 23:49
自行係唔係一般都要面試先收?抽獎係按band排序都比小學時公平,唔該

yes, 絕大部份會面試，但面試/成績/活動計分比重，間間唔同

作者: kwunpa 時間: 17-12-31 17:37

主風。扣門機會比其他小學都大好多。

作者: yin0121 時間: 17-12-31 18:04

1998Ruby1998 發表於 17-12-31 02:20
回覆 yin0121 的帖子

應該係幼稚園果陣接觸得唔夠多，用廣東話去思考（廣東話冇明顯尾音），會唔會講野果 ...

初初考oral,I am six years old.尾音冇晒,我教完佢之後,佢有注意返要讀返尾音,但默書除左s音識,其他果d尾音當佢背既唔記得,佢就冇意識去靠個音黎串返出黎,例如佢識dictation,但默station 佢唔記得點串,佢冇意識個tion同dictation既tion係一樣...有冇d歌或者app或者youtube上既片啱初小學中英文?
佢同細佬都鐘意開youtube聽tvb主題曲,或者睇片...
上次家姐家長日,老師話佢比其他同學係中文比較高分,識既字多d,問係唔係成日睇書,我話好少睇書,佢鐘意唱歌,可能睇得多歌詞haha...

作者: yin0121 時間: 17-12-31 18:10

kwunpa 發表於 17-12-31 17:37
主風。扣門機會比其他小學都大好多。

但馬主係89網最top,應該好難入...如果瀝源果間扣門係唔係都會比其他小學收得多學生?

其實主風同其他小學係曾肇添收生方面,分別在邊part?
報自行果時,會唔會級排名後d都收(例如其他小學級10內,但主風級20內?)
定係抽獎後派得唔好,再去叩門時,會主風有優勢?唔該

作者: 1998Ruby1998 時間: 17-12-31 18:30

回覆 yin0121 的帖子

我知有一套 Alphablocks 唔錯，Youtube 有，不過畀幼稚園小朋友睇，唔知你小朋友仲啱唔啱洗，嫌唔嫌低 B。
我之前教個師妹有同樣情況，默 Stamp 變 stapn，snail 串 smale，lunch 串 lumch。自問我英文發音都準確，d 字又唔係難，全部見過，咁都可以亂黎，激死！

佢媽媽又話幼稚園上過 phonics，但係導師話佢冥頑不靈，唔想再浪費時間教佢。最後我用左成個暑假同佢只學 phonics，每堂都會默 d 未見過嘅字，例如 pitch、ditch、hatch，cheek、crunch、chunk、munch 呢 d。佢冇見過，我又只係畀佢望一眼，冇得死記，唯有自己摸索。初初 15 題，只能夠答到 5 題，後來唔知點解突然可以 15 題全部答中，有錯最多都係錯一兩題，下一堂會重溫上堂字詞嘅小測，我知佢唔會刻意去溫去記，但係佢都可以全部答到。我都唔清楚點解佢突然「開竅」，大概係因為次次都係唔識嘅深字，「死記模式」冇開啟，所以就用 phonics。

可以試下讀詩，然後畫 "／" 分音節同 phonics，做得多自然入腦。同佢講「唱歌好聽其中一個原因係發音咬字清楚」，希望佢有少少動力去做好。

作者: yin0121 時間: 17-12-31 20:14

1998Ruby1998 發表於 17-12-31 18:30
回覆 yin0121 的帖子

我知有一套 Alphablocks 唔錯，Youtube 有，不過畀幼稚園小朋友睇，唔知你小朋友仲啱 ...

本帖最後由 yin0121 於 17-12-31 20:17 編輯

我頭先俾左份英文試卷佢做,佢hair寫左hria,nose寫左nase,five又寫左fiev,之前默書都識默,但佢默書死記完,過一排又唔記得點串...
我教佢na係anna個na音,yes no個no同nose個no一樣音,
horse個se同nose個se一樣音,我話唔記得點串就諗下邊個字有呢個音
頭先教佢hand,佢識個歌手叫hana,我話han後面a就han(拿),前面都係一樣咁串...
five同have 後面個音都係ve音...
唔知佢下次記唔記得...
中文寫字又筆劃錯晒...

作者: 1998Ruby1998 時間: 17-12-31 20:32

回覆 yin0121 的帖子

睇緊溏心風暴 3？

同我果位小妹妹一樣，叫佢串字慘過咩，串 stand 可以串做 sdan！

我有教 magic e，例如 five 個 i 本身唔係讀 “I”，係 “it‘ 入面個 ”i“，加左 magic e 先可以變音。畀好多個 rhyme 例子佢，叫佢分別蓋住同唔蓋個 e 讀，drive、live、arrive，然後加 side、hide、ride、wide、slide 等。其他入 cake、bake、make、take、snake、shake 一樣道理，要分清楚加 e 同唔加 e，讀音會有咩唔同。

如果係 hand，可以叫佢諗下有咩字尾音一樣，例如 sand、band、land、stand。

不過 horse 同 nose 尾音睇落一樣，讀音唔一樣，horse 係 s，nose 係 z。

話時話，咁樣去考插班有 d 危險。

作者: yin0121 時間: 17-12-31 20:55

1998Ruby1998 發表於 17-12-31 20:32
回覆 yin0121 的帖子

睇緊溏心風暴 3？

本帖最後由 yin0121 於 17-12-31 20:57 編輯

我自己都唔識呢d,我細個都唔讀書既,magic e唔識教佢....
佢中英閱讀理解都麻麻地,係咁啱考試果篇容易d佢先識,唔轉校,我過多一兩年都唔識教佢,驚佢升上去成績越黎越差,轉間叻少少,應該都好過宜家呢間...
試下轉,人地學校冇位,或者佢考唔到入學校都無辦法...

作者: JM仔 時間: 18-1-1 11:40

上年經驗馬主插小二...插班FORM已大半頁寫課外活動同得獎紀錄...如果2樣都無...得成績都係無得筆試

朱小...上年到6月時都未公怖有無小2插班位...所以唔好死心祗報佢一間...叫7月再打去問下有無位

作者: JM仔 時間: 18-1-1 11:42

yin0121 發表於 17-12-31 01:18
小一第一次考試英文有95分,但我覺得佢拼音方面唔係太識,平均分92點幾,操行未有寫,關愛獎狀係每一班有一個得 ...

好老實..級一平均分得92.X...真係唔高...如仲要唔係一線學校

作者: JM仔 時間: 18-1-1 11:45

上年沙祟, 沙湖, 沙循, 朱小, 一胡, 馬陳, 沙主...都表明無小2插班位 (以公開計)

作者: yin0121 時間: 18-1-1 12:01

JM仔發表於 18-1-1 11:40
上年經驗馬主插小二...插班FORM已大半頁寫課外活動同得獎紀錄...如果2樣都無...得成績都係無得筆試

朱小.. ...

本帖最後由 yin0121 於 18-1-1 13:15 編輯

我知道好多小學都唔收小二插班,唯有去呂小試左先,雖然我個小朋友唔係真係咁叻,但都試試...
請問交表時要交埋自薦信同個人簡歷?
如果識人係中學名校老師,叫佢寫封推薦信有冇些少作用?thank you...

作者: JM仔 時間: 18-1-1 12:45

回覆 yin0121 的帖子

呂小? 即第一城呂明才? 你要交左成績表先知有無機會筆記...唔係人人有份考...另外你預左佢考得好深...同埋考完面試埋就算收你都要等學期尾先知有無位...過情好漫長

作者: kwunpa 時間: 18-1-1 13:12

yin0121 發表於 17-12-31 18:10
但馬主係89網最top,應該好難入...如果瀝源果間扣門係唔係都會比其他小學收得多學生?

其實主風同其他小學係 ...

從四十年前開始，兩間主風一直同曾記關係密切。自行又好，扣門又好，兩間主風點都比其他小學有優勢。

作者: yin0121 時間: 18-1-1 13:14

JM仔發表於 18-1-1 12:45
回覆 yin0121 的帖子

呂小? 即第一城呂明才? 你要交左成績表先知有無機會筆記...唔係人人有份考...另外 ...

自薦信同個人簡歷要唔要準備左先?
交表時會唔會收?thanks

作者: JM仔 時間: 18-1-1 13:22

yin0121 發表於 18-1-1 13:14
自薦信同個人簡歷要唔要準備左先?
交表時會唔會收?thanks

我地祗係交左成績表, 其他無交, 所以唔知收唔收, 你可打去問下

作者: COE1205 時間: 18-1-2 08:43

JM仔發表於 18-1-1 11:42
好老實..級一平均分得92.X...真係唔高...如仲要唔係一線學校

其實係，我仔當年小一平均分93分，都係排級20幾

作者: leafun 時間: 18-1-2 15:48

馬主成績比沙田主風好，真係target曾記的考馬主會易啲入曾記。不過馬主唔係年年都有位插班。朋友女幾年前搬入沙田，本來想插入馬主(因為係舊生)，但馬主無位畀佢。結果最後插入沙田主風。

作者: kerkermui 時間: 18-1-2 16:21

有朋友早兩年成功插入馬主小三，不過係咪年年有位就唔清楚喇~

作者: siden 時間: 18-1-2 16:40

JM仔發表於 18-1-1 11:45
上年沙祟, 沙湖, 沙循, 朱小, 一胡, 馬陳, 沙主...都表明無小2插班位 (以公開計) ...

好多冇公開話有位其實都收。

照寄。

作者: little_yolky 時間: 18-1-5 17:10

yin0121 發表於 18-1-1 12:01
本帖最後由 yin0121 於 18-1-1 13:15 編輯

我知道好多小學都唔收小二插班,唯有去呂小試左先,雖然我個小 ...

拿, 我唔知你係謙虛定係點, 你最好刨熟個升中玩法至好行動, 勁小學班家長內功深厚架, 你有無信心阿仔入到去可以keep到級頭先? 想入曾肇添, 都係要做級頭至入到架。我唔知你間學校程度點, 但你响呢度級一, 去到好似馬主既學校, 有無信心keep到級十內呢? 如果係兩間呂小去呂中, 比例都唔大, 都係要keep到好好成績, 你有信心至好呀。

作者: leafun 時間: 18-1-5 18:49

回覆 little_yolky 的帖子

其實真係要睇樓主果間係乜嘢學校，因為如果佢係入寶校，就算係級一，都入唔到曾記。我見其中一間寶校，舊年最勁都只係入到林漢光/郭得勝。如果小朋友係谷得起，而又真係想入曾記/呂記，可能轉校會比而家好。

作者: assado 時間: 18-1-7 11:08 標題: 回覆樓主:

樓主可以再看高一線, 考慮沙呂, 每年6, 7 個入LS.

作者: 藍藍媽 時間: 18-1-11 14:17

little_yolky 發表於 18-1-5 17:10
拿, 我唔知你係謙虛定係點, 你最好刨熟個升中玩法至好行動, 勁小學班家長內功深厚架, 你有無信心阿仔入到去 ...

兩間呂小每年都有三十幾人入呂中，另外頭果二三十人已去左區外名校，其實keep 到級五十內已好安全。

作者: little_yolky 時間: 18-1-11 14:22

藍藍媽發表於 18-1-11 14:17
兩間呂小每年都有三十幾人入呂中，另外頭果二三十人已去左區外名校，其實keep 到級五十內已好安全。
...

我都係聽到大概呢個數字。

作者: edutm 時間: 18-1-11 21:14 標題: 回覆樓主:

升中首輪自行報考，曾肇添聽聞要小學全級頭三名定頭五名先有得in。

作者: JM仔 時間: 18-1-12 19:53

edutm 發表於 18-1-11 21:14
升中首輪自行報考，曾肇添聽聞要小學全級頭三名定頭五名先有得in。

曾會in收到既申請內，教育署排名的頭250位

作者: 2隻臭豬 時間: 18-1-17 11:43

回覆 yin0121 的帖子

插呂小的成績起碼要在原校全級頭幾名, 你可以將所有文件夾埋一齊交, 如果合適的,學校會寄信比你考筆試, 插小二係最多人, 因為小一好多人都派得唔好, 讀一年如果成績好就想去插班, 當年我仔去呂小插小三, 見到插小二係有成30幾人排隊上課室考插小2

作者: 2隻臭豬 時間: 18-1-17 11:45

回覆 assado 的帖子

沙呂好多入喇沙係讀書&運動好叻, 特別係游水

作者: ABC-DAD 時間: 18-1-17 11:52

2隻臭豬發表於 18-1-17 11:45
回覆 assado 的帖子

沙呂好多入喇沙係讀書&運動好叻, 特別係游水

沙呂好全面。

作者: ABC-DAD 時間: 18-1-17 11:54

本帖最後由 ABC-DAD 於 18-1-17 12:06 編輯

老師培訓好，資深老師多又好穩定。

作者: 201097 時間: 18-1-25 23:28 標題: 回覆樓主:

馬主今屆小二，有5、6個係插班生

作者: tiffany_wong23 時間: 18-1-27 20:05 標題: 回覆樓主：

本帖最後由 tiffany_wong23 於 18-1-27 20:05 編輯

好老實! 唔係潑你冷水~
平均分92，其實唔係好高!
因為90分先叫做達標~
我諗一線旣小學想插班，
平均分冇97以上都唔駛諗!

聖心小二已經分精英班，
精英班冇96以上，
你都唔駛指意入到精英班!

何況而家先小一，
唔駛咁快諗定邊間中學旣。
到小四，五時先決定邊間~

如果想入讀曾，
應該要全校頭三先有機會!

歡迎光臨教育王國 (/)