教育王國

標題: 註冊日問 [打印本頁]

作者: JlIl 時間: 17-12-25 01:01 標題: 註冊日問

學校註冊果三日 11-13號
係所有免費學校都係果3日註冊嗎？
會唔會有邊間寫明只係邊一日註冊？第二日都唔得當日唔黎就放棄？

call waiting又可以係12/13號嗎？定一定係15號星期一之後？
新手一問 thx

作者: caprichun 時間: 17-12-25 09:24

本帖最後由 caprichun 於 17-12-25 09:33 編輯

JlIl 發表於 17-12-25 01:01
學校註冊果三日 11-13號
係所有免費學校都係果3日註冊嗎？
會唔會有邊間寫明只係邊一日註冊？第二日都唔得 ...

所有參加免費優質幼稚園教育計劃嘅幼稚園，都需要根據教育局指引於「統一註冊日期」11號至13號安排註冊程序，我小朋友即將報讀嗰間學校，就有寫明需分流註冊程序於11號去註冊；總之係嗰三日內所有參與計劃既幼稚園都要完成註冊，否則學校可以當你放棄學位論，讓其他備取生補上，其實嗰幾日都不停會有家長打去學校放棄學位啦，學校知道有人放位嘅話，都會不停聯絡備取生補上，到最後（指定日子）仲有剩餘學位的話，會通知教育局，到時就係家長見到教育局對外公佈既剩餘學額（我工作既幼稚園收生程序係咁），到時仲未有學位既家長，可選擇去所公佈既幼稚園報名申請K1，希望解答到你。

作者: Fluteli 時間: 17-12-25 10:43

caprichun 發表於 17-12-25 09:24
所有參加免費優質幼稚園教育計劃嘅幼稚園，都需要根據教育局指引於「統一註冊日期」11號至13號安排註冊程 ...

如果決定放棄學位，要不要在註冊日前通知學校？

作者: caprichun 時間: 17-12-25 15:02

本帖最後由 caprichun 於 17-12-25 15:05 編輯

回覆 Fluteli 的帖子

你決定左意向既話，我覺得放棄其他學位就愈早講愈好（當然你可選擇等到統一註冊日才放棄），好讓學校/其他備取生家長可安排學位，因為有d小朋友暫時未獲學校取錄的，做家長都希望快d有好消息啦。ps. 我自己會27號寄信+電話通知放棄學位既學校。

歡迎光臨教育王國 (/)