教育王國

標題: 面試對答如何反映小朋友能力 [打印本頁]

作者: kbi    時間: 17-12-20 10:27     標題: 面試對答如何反映小朋友能力

好多時聽到有人話,識答唒d問題都唔收,唔答既就收左,唔知學校點揀學生。最近我都諗下,可能大家太注重個答案,而忽略了過程中如何反映了小朋友既能力。例如,老師問,你今日食左咩早餐?小朋友可能答:
1)包包
2)麵包
3)提子包
4)我食左麵包
5)我今朝早餐食左麵包
6)我今朝早餐食左麵包,好好味。
7)我同媽咪一齊食麵包做早餐。

高下立見。純分享。

作者: Erin2015    時間: 17-12-20 10:33

kbi 發表於 17-12-20 10:27
好多時聽到有人話,識答唒d問題都唔收,唔答既就收左,唔知學校點揀學生。最近我都諗下,可能大家太注重個 ...

有好多小朋友係識但唔肯講

作者: SabrinaR    時間: 17-12-20 10:47     標題: 回覆樓主

好多小朋友in果陣唔講野,一出門口變開籠雀。

作者: ricky0223    時間: 17-12-20 11:09     標題: 回覆樓主

你應該加多兩個選擇,唔識答同識答但唔回答。
我最近都有反省,點解有人咁多offer,有人無offer,相信家庭背景有影響,小朋友表現有影響,面試個老師都有影響。
但有個問題係,兩歲幾既小朋友你期望佢點叻?點樣可以好輕鬆面對面試?始終對佢來講陌生人,佢可能根本唔知發生緊咩事,但知同平時唔同。
去in一間,又要等,人又多,又嘈,有d地方仲好細,我自己都覺得唔太舒服,何況小朋友,而且今年出生率同龍年少左三萬個小朋友,一定有書讀。
In左9間令我感觸良多,有d學校安排好好,有d學校好差,面試既老師有d唔耐煩、趕時間、無表情等等,有d好有耐性引導,好有笑容,總的來講,我自己都覺得好辛苦好大壓力。
最後我諗緊,小朋友性格各有不同,兩歲幾正是麻煩時候,教育者唔係應該有教無類嗎?性格比較差無咁叻既就唔教?


作者: tammtamm    時間: 17-12-20 11:11

眼緣,同overall impression, K1 面試講嘢叻d 係絕對有優勢。
作者: Jennybearbear    時間: 17-12-20 13:03

kbi 發表於 17-12-20 10:27
好多時聽到有人話,識答唒d問題都唔收,唔答既就收左,唔知學校點揀學生。最近我都諗下,可能大家太注重個 ...

我小朋友超大B,講野叻,有用句子同老師對答,連waiting都冇,係rejected!真係老師先知準則
#純討論

作者: Jennifercheung    時間: 17-12-20 13:43

Jennybearbear 發表於 17-12-20 13:03
我小朋友超大B,講野叻,有用句子同老師對答,連waiting都冇,係rejected!真係老師先知準則
#純討論
...

我仔四月b in 7間得2間waiting 我都好灰

作者: edniebridge    時間: 17-12-20 13:47     標題: 回覆樓主

其實真係好難講。

囡囡見過一間,佢剛瞓醒,有啲呆,都肯參與的,但那天表現不是非常標青,唔算好主動同多嘢講。諗住多數都無啦,因為嗰間學校都係收高端人口的但又好意外,第二次面見時校長說老師評她第一次面試好專注,認真,後來還有正取am offer。所以多言主動,又未必一定係有絕對優勢。

講到尾,都係人夾人同睇學校取向。有啲又主要收弟妹優先,所以難講。緣份遊戲!

作者: bluejadeball    時間: 17-12-20 14:55     標題: 回覆樓主

真心覺得呢個遊戲同見工無分別,永遠都唔知interview 嗰個人要咩。可能仲慘過見工嘅喺可以控制到嘅成分再細d。現有有兩個offer 加現時N班直上,算好好彩,但今次我見到嘅係小朋友嘅成長最緊要。

每個人都有自己條路要行,有自己座山要抓,我哋嘅小朋友都一樣,無必要迎合哂所有嘢。個個起步唔同,際遇不同,最緊要身心健康,家長都係。

佢今日答包包兩個字,過兩個月答到全句,已經值得開心,他們需要我們沿路為他們打氣。^_^共勉之。

作者: DengCK    時間: 17-12-20 14:59

ricky0223 發表於 17-12-20 11:09
你應該加多兩個選擇,唔識答同識答但唔回答。
我最近都有反省,點解有人咁多offer,有人無offer,相信家庭 ...

本帖最後由 DengCK 於 17-12-20 15:08 編輯

如果要有教無類,就應該不分校網大抽獎,唔計背景分添

同埋係香港唔會有小朋友想讀書無得讀,政府都有學券提供,爭在學校是否家長心儀既唧。

人人都想入名幼神幼,人人都入到咩。位就係有限,想入的人就遠超位所有的數目,如果唔面試篩選,一係就全部報名者都好似聖誕派對咁搞個大抽獎。咁或者達到所講的「公平」

至於面試篩選標準點為之「公平」,又會引起另一個討論,人人所認為的不同。


作者: yiyi222    時間: 17-12-20 15:05     標題: 回覆樓主

Totally agree(emoji)(emoji)(emoji)
我仔細B但入到名龍幼,當時老師問佢咩顔色,佢話red之餘,仲指住枱面個蘋果:呢個蘋果都係red colour架...可能老師就會加分

作者: lilywong2016    時間: 17-12-20 15:36     標題: 回覆樓主

老師除左考語言能力,有時考埋小朋友嘅觀察力。
例如老師好普通咁指住一兩樣野,我女試過答bb banana,大蘋果....如果小朋友答到啲形容詞...老師好會buy的!(即使中英夾雜都好)

作者: Eunice0203    時間: 17-12-20 15:44     標題: 回覆樓主

我女慢熱型 面試無岀過聲 真系無準則 講眼緣 3間熱門學校都有2間收呀

作者: lollylolly    時間: 17-12-20 16:26

Eunice0203 發表於 17-12-20 15:44
我女慢熱型 面試無岀過聲 真系無準則 講眼緣 3間熱門學校都有2間收呀

你女係咪好靚女?

作者: manlingling    時間: 17-12-20 16:40     標題: 回覆樓主

我仔去一間熱門幼稚園面試,當日老師問佢顏色(黃色),佢好冷靜咁講左句:我唔知道呢個咩色。就咁,得左。

其實果刻我都諗住實唔得,顏色都唔識分。但原來我都用左成年人眼光去望件事,其實兩歲人仔唔識好平常,反而點應對更加重要(我覺得)。

作者: islychiang    時間: 17-12-20 17:46

manlingling 發表於 17-12-20 16:40
我仔去一間熱門幼稚園面試,當日老師問佢顏色(黃色),佢好冷靜咁講左句:我唔知道呢個咩色。就咁,得左。 ...
睇完笑咗,同我個仔好似,不過佢係刻意玩野所以答唔識,問番老師,咁係咩丫(一係古惑樣一係寸爆樣,只有第一間最正常似番個2歲樣),最後係5個OFFER 3WAITING,全名幼 (見咗10間1REJECT),可能老師種意啲寸掛

作者: Eunice0203    時間: 17-12-20 18:32

lollylolly 發表於 17-12-20 16:26
你女係咪好靚女?

吾敢講好靚女所以我有offer都好surprise 因為表現奇差

作者: manlingling    時間: 17-12-20 18:37

islychiang 發表於 17-12-20 17:46
睇完笑咗,同我個仔好似,不過佢係刻意玩野所以答唔識,問番老師,咁係咩丫(一係古惑樣一係寸爆樣,只有第一間最 ...

其實佢地真係講咩你係預唔到,我記得有一間個老師拎住個馬(好肉酸),我仔係咁話似長頸鹿,問足三次都話長頸鹿,我就話,佢平時見啲馬可愛啲(希望老師你唔好再迫佢認同你)

最好笑係佢地一離開,就突然識晒面試內容,返屋企係咁講

作者: eating15    時間: 17-12-20 19:52     標題: 回覆樓主

我有做幼稚園朋友話,佢地都好睇家長行為,有啲語言行為會估到家長性格,佢地都算服務性行業,未來3年都要面對家長,佢地妹怕啲麻麻煩煩家長!另外有啲學校要成日拍片做ptomote, 都會先揀靚仔靚女得得意意小朋友,所以係好多因素

作者: islychiang    時間: 17-12-20 20:03

manlingling 發表於 17-12-20 18:37
其實佢地真係講咩你係預唔到,我記得有一間個老師拎住個馬(好肉酸),我仔係咁話似長頸鹿,問足三次都話 ...
我都係,有個老師攞住個五毫子大既綠色水果玩具問佢係咩,佢答pear,老師聽唔明再問佢再答,我心諗又細又樣衰我都未估到係咩,跟住老師真係唔知佢講咩望住我,我答pear,啤梨,老師先答,哦。。。不過係蘋果,我個仔聽到八字眉望住個老師,個樣係“唔係呀?!“
作者: kln922    時間: 17-12-20 23:51

我心儀全日班 暫時有一個offer 雖然不是最心儀既學校 但比我感覺呢間學校欣賞同鐘意我個女 所以即使心儀既排到waiting都吳讀 因為重視我既小朋友比佢做正選 我好開心 純粹我睇法^_^全部in村校 11月細b




歡迎光臨 教育王國 (/) Powered by Discuz! X1.5