教育王國
標題: 有分離焦慮，係米直私無望。 [打印本頁]
作者: mywedding1980 時間: 17-12-17 15:39 標題: 有分離焦慮，係米直私無望。
k2小朋友一知道會離開屋企人，無論返教會，上學跳舞都一定會喊，喊5分鍾先會定番，如何面試。。。而家無上興趣班，本人不是虎媽，自己湊。有無經驗媽媽分享。
作者: assado 時間: 17-12-17 16:02
mywedding1980 發表於 17-12-17 15:39 
k2小朋友一知道會離開屋企人，無論返教會，上學跳舞都一定會喊，喊5分鍾先會定番，如何面試。。。而家無上 ...
吾一定, 我小朋友都有, 都有學校offer。好视付面試形式, 学校在等待區安排, 家長方法去分開小朋友注意力etc.....
作者: cattz288 時間: 17-12-17 21:44
mywedding1980 發表於 17-12-17 15:39
k2小朋友一知道會離開屋企人，無論返教會，上學跳舞都一定會喊，喊5分鍾先會定番，如何面試。。。而家無上 ...
k2返學仲喊?
作者: elvina_lmk 時間: 17-12-17 22:33
cattz288 發表於 17-12-17 21:44
k2返學仲喊?
唔奇，有位小妹妹，芭蕾舞班的，最初來學每次都喊，喊足幾個月。現在終於停喊了，點知上星期媽咪無帶佢來，又再喊過。她已7歲，小二了。
樓主或者試多d不同活動，分離得多d會否有改善？或者考下筆試為主嘅會唔會好d(好似宣小SFA係，如有錯請指正）。
作者: mywedding1980 時間: 17-12-17 22:54
cattz288 發表於 17-12-17 21:44
k2返學仲喊?
今年轉左學校 上個月先無喊 但興趣班 教會 都有喊。。。
作者: 1998Ruby1998 時間: 17-12-17 23:02
又唔可以咁講話冇希望，離小學面試仲有半年時間。喊 5 分鐘我覺得唔係咁大問題。記得以前讀書果陣有好多小一開學仲係度喊，喊到放學為止。不過喊兩個禮拜就已經冇。當時老師處理方法就係由佢地係度喊，自己冷靜。
唔知呢個方法得唔得，不過以前我 K1 開始阿媽成日出街買野，我 2 個鐘頭獨自一人。中間阿媽會打一次電話返黎，話佢 X 點會返到屋企，如果我唔喊唔闖禍，會畀雪糕我食。有時候擺我係鄰居度，然後返黎同樣有野食。小朋友幼稚園開始有時間觀念，識得望鐘，可以由 2 分鐘、5 分鐘咁訓練。自自然然每次佢都知道父母出去返黎，唔喊會有獎勵。我之前教過個幼稚園小朋友，佢都係咁，望鐘見到過左 X 點，會有少少唔開心，就打電話畀佢媽媽，佢媽媽就會話 X 分鐘後返，如果佢乖女做曬 d 野，返黎有得開餐，佢即刻聽話唔心散。
作者: rabbitmingming 時間: 17-12-17 23:05
mywedding1980 發表於 17-12-17 22:54
今年轉左學校 上個月先無喊 但興趣班 教會 都有喊。。。
我仔仔都同你女兒有d似，而且慢熱，所以k2我安排佢上了面試班，熟習面試模式。我並經常伴讀，仔仔中英文都唔錯，又愛閱讀。今年有幾間直私offer.
作者: mywedding1980 時間: 17-12-17 23:22
rabbitmingming 發表於 17-12-17 23:05
我仔仔都同你女兒有d似，而且慢熱，所以k2我安排佢上了面試班，熟習面試模式。我並經常伴讀，仔仔中英文都 ...
伴讀本身我和先生都有 個女資質唔差 所以佢有對家人，陌生環境既焦慮呢點令我覺得好唔開心 多謝各位意見 遲些會試下面試班
作者: Soundervolt 時間: 17-12-17 23:28
1998Ruby1998 發表於 17-12-17 23:02
又唔可以咁講話冇希望，離小學面試仲有半年時間。喊 5 分鐘我覺得唔係咁大問題。記得以前讀書果陣有好多小 ...
今時唔同往日，宜家獨留子女嘅家中係犯法㗎。
作者: 1998Ruby1998 時間: 17-12-17 23:48
回覆 Soundervolt 的帖子
我冇建議獨留（我出世果陣已經疏忽照顧呢條例），亦都唔建議。去社區中心、任何活動都可以訓練到，主要係帶出畀小朋友知道你去左邊、去幾耐、做咩，確認到幾時返（所以可以開始戴錶、認鐘面），返黎冇喊有獎勵。
作者: Soundervolt 時間: 17-12-18 00:00
1998Ruby1998 發表於 17-12-17 23:48
回覆 Soundervolt 的帖子
我冇建議獨留（我出世果陣已經疏忽照顧呢條例），亦都唔建議。去社區中心、任何 ...
又係您講嘅......
“唔知呢個方法得唔得，不過以前我 K1 開始阿媽成日出街買野，我 2 個鐘頭獨自一人。中間阿媽會打一次電話返黎，話佢 X 點會返到屋企，如果我唔喊唔闖禍，會畀雪糕我食。”
作者: 1998Ruby1998 時間: 17-12-18 00:05
回覆 Soundervolt 的帖子
咁我只係講自身經歷，重點在於父母如何應對，並非要人跟住獨留兒童。或許係我表達得唔清楚，令你以為「呢個方法」係包括獨留兒童。
作者: mcrabbit 時間: 17-12-18 00:38
mywedding1980 發表於 17-12-17 15:39
k2小朋友一知道會離開屋企人，無論返教會，上學跳舞都一定會喊，喊5分鍾先會定番，如何面試。。。而家無上 ...
距離直私面試還有半年，到時又長大了點。之前要準備得好啲，講定比佢知個流程。
作者: 貝珠 時間: 17-12-18 07:27
不如試下遊戲治療
作者: mywedding1980 時間: 17-12-18 09:14
貝珠 發表於 17-12-18 07:27
不如試下遊戲治療
多謝您呀 今日正想去報名試下
作者: Shellyxlk 時間: 17-12-18 09:40 標題: 回覆樓主
我個女都係K2，9月細女，比較缺乏安全感同性格敏感，三歲之前我落街買嘢都會大喊，我冇理，仲多啲落去，慢慢喊嘅時間時越來越少，同埋而家可能大咗，知道我會返嚟就唔會再喊，仲好開心咁同我講一陣見。
細個interview K1嘅時候我簡直冇出現, 全部係爸爸去，因為佢同我分離特別大反應。我覺得依種性格嘅小朋友其實係心思細密，知道環境嘅變化所以好敏感地會大喊, 你囡而家都K2,其實你可以多啲同佢傾計慢慢引導佢講出有乜嘢不安，回應嘅時候要用應同佢感受關懷嘅方式之後再鼓勵佢，我亦都有用圖書講故事嘅時候教佢安為佢。之前我個女見到陌生人唔肯打招呼，我同佢傾計，初頭都會用嚴厲嘅語氣問佢，之後慢慢引導佢講，佢話佢都唔知佢哋係邊個唔識佢哋點打招呼，依種性格嘅小朋友，去街去見人全部要預先打底，預先講比佢知之後會見到啲咩人發生啲咩事，有心理準備表現會好啲，轉變新環境亦都對佢哋影響好大，佢哋需要好大嘅安全感，之前我個女學校有PM轉去AM 位，我驚對佢有影響都唔敢轉，我諗你要慢慢灌輸比佢知小一interview係咩一回事等佢有心理準備，出邊嘅面試班未必會係心理上解釋太多俾佢哋聽。
作者: edniebridge 時間: 17-12-18 14:06
貝珠 發表於 17-12-18 07:27
不如試下遊戲治療
同意，考小學事小，找出原因同埋正面處理才是上策，對小朋友發展有正面影響，一生受益
作者: assado 時間: 17-12-18 14:28
mywedding1980 發表於 17-12-17 22:54
今年轉左學校 上個月先無喊 但興趣班 教會 都有喊。。。
在離開前, 講俾小朋友知, 我去糖俾你(用來分散他注意), 幾時會接番他, 由最初 eg 5分鐘, 再慢慢延長, 俾小朋友有番信心先。
作者: assado 時間: 17-12-18 14:31
mywedding1980 發表於 17-12-18 09:14
多謝您呀 今日正想去報名試下
遊戲治療唔係對分離焦慮症一個有效治療方法。
作者: assado 時間: 17-12-18 14:36 標題: 回覆樓主:
治療過程, 都要一年半載, 急不來, 我自己經驗, 小學返学最初一星期都會發生。
作者: chingchub 時間: 17-12-18 14:39 標題: 回覆樓主:
今年去幾間直私面試，的確見過有幾位小朋友分離時仲喊，相信呢個唔係你小朋友獨有問題。
會唔會搵第個帶會好啲？有啲小朋友特別痴媽咪，換左爸爸帶就獨立返唔喊架喇。
作者: kaki296 時間: 17-12-18 15:35
My daughter cried when I said goodbye to her at school until middle of P1. I share your concern. :)
作者: wbien 時間: 17-12-21 15:09
我女都係咁,上興趣班會喊,k3了,今年開學時入學校唔喊,但老師同我講佢會上上下堂流淚,老師問佢,佢話掛住媽咪,她是好動型,又多咀,無人覺得亞女會係咁,興趣班都半年了,每星期1堂畫下畫,好輕鬆,入去時都係喊
作者: mywedding1980 時間: 17-12-21 15:44
wbien 發表於 17-12-21 15:09
我女都係咁,上興趣班會喊,k3了,今年開學時入學校唔喊,但老師同我講佢會上上下堂流淚,老師問佢,佢話掛住媽咪 ...
我女都是這類型小朋友
作者: littleape 時間: 17-12-22 10:35
同我囡十分相似。以前幼稚園上興趣班入去前又係會喊，到考小一時又係一樣。其實佢一人左去，見唔到我就冇問題。後來面試就由爸爸帶就好啲。最後都有2間私小收（其中一間入去前有喊）
而家小二，好左好多，但都係唔喜歡上興趣班。
作者: fattywing 時間: 17-12-22 11:08
我個囡K3都係咁，性格天生敏感，憂慮較多， 缺乏安全感，去面試前如果我親自带就會喊，爸爸帶表現會好啲，不過都未考到任何直私 
作者: liliankaykay 時間: 17-12-22 13:58 標題: 回覆樓主
我女都係呢類小朋友，試過好多方法都唔得，最後搵心理輔導，幫助好大。由一開始入唔到去面試（佢除左喊，仲會有身體上的唔舒服例如肚痛，嘔、去poo等）、到喊少少（沒身體不適）、到成功唔喊入到去，跟住話好玩，但都仲有壓力唔想去、再到而家叫我報多些學校，好鐘意去面試，不過半年光景。
我也曾失望、灰心，k2暑假要報學校時我完全無報名，但輔導員、心理學家同學校都鼓勵我，好多時家長心理也因受打擊，不懂如何處理自己情緒和對待小朋友，我建議找專業人士幫忙。私人的輔導中心和政府的也試試，希望你不要氣餒。
作者: sunnymama2 時間: 17-12-25 09:04
liliankaykay 發表於 17-12-22 13:58
我女都係呢類小朋友，試過好多方法都唔得，最後搵心理輔導，幫助好大。由一開始入唔到去面試（佢除左喊，仲 ...
你囡囡有好媽媽呢! 真幸福
作者: MrBeast 時間: 17-12-25 10:01
mywedding1980 發表於 17-12-17 23:22
伴讀本身我和先生都有 個女資質唔差 所以佢有對家人，陌生環境既焦慮呢點令我覺得好唔開心 多謝各位意見 ...
作者: MrBeast 時間: 17-12-25 10:06
本帖最後由 MrBeast 於 17-12-25 10:10 編輯
先試下你在小朋友視綫範圍內做些野，如去park 玩，你坐定定在一個位，叫小朋友去地鉄counter 增值八達通，興趣班最好一起上，借家e去廁所走開一兩分鐘
作者: ar_mak 時間: 17-12-25 19:57
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |