教育王國

標題: 小一學額短缺 教局急謀市區加派(程尚達) [打印本頁]

作者: elbar    時間: 17-12-15 14:20     標題: 小一學額短缺 教局急謀市區加派(程尚達)

  小一下學年正值「龍年效應」與「雙非零配額」前的出生潮高峰,參與自行分配學位的學童,增至五萬八千九百六十五人,創下〇三年以來的新高。程尚達在本欄提過,北區小學收表情況不復往年,引起區內不少校長疑惑。有小學校長友好同程尚達傾開,聽聞市區人口增長較北區明顯,近期教育局派員落區,向各區小學校長預告下學年或須「加派」。

  隨着出生率回升,近年小一學額供不應求的情況,已從過去僅在北區、屯門、元朗等新市鎮,蔓延至市區,比如今學年全港「加派」的十個校網之中,市區佔了三個,包括紅磡三十五校網、深水埗四十校網及荃灣六十二校網。友好分析,以往北區等新市鎮「加派」主要原因,是應付跨境生的學額需求,「然而市區則受『龍年效應』與市區發展的影響為主,聽聞九龍城、油尖旺、港島中西區及東區,來年或須『加派』以應付學額需求。」

  聽校長友好講,教育局近日派高層官員落區,與區內校長商討來年「加派」安排,每班派位人數,一般為三十或三十三人。友好坦言,諮詢期間有近年重置校舍的小學指,現時推行小班教學,每班收生上限為二十七人,但課室容額僅三十人,若「加派」至每班三十人便告滿額,「學校課室當初按小班教學計算容額,若派位人數已達課室容額上限,意味學校一個『叩門生』都不能收。」

  友好指,雖然理論上可以申請增加課室容額,但實際涉及校舍消防與衞生問題,「比如校舍洗手間不夠用,難道要學校為『加派』而每層增設臨時洗手間?」他料當局要求這些用盡課室容額的學校,新學年不收「叩門生」,意味統一派位後的學額競爭更為激烈。

  近年不時有意見要求當局提早籌劃各區小學學位,友好指當局按人口推算數字,新學年在大埔、深水埗增設「有時限校舍」,又重用沙田的空置校舍,已見當局費盡心思,但友好坦言有難度,「小學始終不似中學,可參考六年的小學學生人口作為預測,幼稚園階段只有三年,預警時間很短。」友好期望當局規劃上更為完善,避免以往個別學校「大肚班」情況再現。

  「加派」對小班教學的影響甚深,隨着「加派」不再是新市鎮獨有,如何維持教學質素,相信仍須教育局與學校深入研究。


作者: sangria    時間: 17-12-15 16:56     標題: 回覆樓主:

應仲有d留班位可叩門嘅。唔好太心慌

作者: se6b03    時間: 17-12-15 17:04

sangria 發表於 17-12-15 16:56
應仲有d留班位可叩門嘅。唔好太心慌

其實係學額咁緊張既情況下,教育局唔應該再比學校預先扣起留班位,要全數拎晒出黎大抽獎。



作者: sangria    時間: 17-12-15 17:09

se6b03 發表於 17-12-15 17:04
其實係學額咁緊張既情況下,教育局唔應該再比學校預先扣起留班位,要全數拎晒出黎大抽獎。
...

但學校難得有得選學生,我諗佢地反而希望多d叩門位

作者: Charlotte_mom    時間: 17-12-15 18:49     標題: 回覆樓主

放唔放叩門位出黎抽唔係issue。抽入/叩入一班咪又係咁多人

作者: se6b03    時間: 17-12-16 09:25

Charlotte_mom 發表於 17-12-15 18:49
放唔放叩門位出黎抽唔係issue。抽入/叩入一班咪又係咁多人


雖然一班最終人數或者係一樣,但如果一早放晒叩門位落大抽獎到,咁大抽獎階段既位會多d,家長多d選擇,更多人可以係呢個階段獲得學位,唔洗出結果後先四周圍去叩門。



作者: hkpapa852    時間: 17-12-16 10:50

其實加派前年48網,上年40同35網都已實行。要短暫解決問題,全港島同九龍各區加派再互相借位一定可以解決問題,不過唔係好和長遠既方法
作者: wskngai    時間: 17-12-16 12:11

se6b03 發表於 17-12-16 09:25
雖然一班最終人數或者係一樣,但如果一早放晒叩門位落大抽獎到,咁大抽獎階段既位會多d,家長多d選擇,更 ...

學校考試要六月先知有無人要留班,無可能一月就完全唔留低留班位,萬一真係有現讀小一生成績差到升唔到班,到時去邊變多個位出來?

作者: se6b03    時間: 17-12-16 12:45

wskngai 發表於 17-12-16 12:11
學校考試要六月先知有無人要留班,無可能一月就完全唔留低留班位,萬一真係有現讀小一生成績差到升唔到班 ...

留班唔係必須,成績差亦唔一定要留班,可以試升。非常時期,學位咁緊張,當然先要照顧小一入學果班先。



作者: 雲牛    時間: 17-12-16 12:46

wskngai 發表於 17-12-16 12:11
學校考試要六月先知有無人要留班,無可能一月就完全唔留低留班位,萬一真係有現讀小一生成績差到升唔到班 ...

其實小一及官津校好少留班,而且留不留,校方都有方法調配...

作者: Monosaru    時間: 17-12-28 00:11

se6b03 發表於 17-12-16 12:45
留班唔係必須,成績差亦唔一定要留班,可以試升。非常時期,學位咁緊張,當然先要照顧小一入學果班先。
...

相信冇家長喜歡小朋友留班,但如果完全跟不上,都試升會令小朋友更難適應。希望市區多增加限時校舍,解決派跨區問題,小班變大班學額增加不多,叫做好過冇,但不足以解決原區不夠學位問題。





歡迎光臨 教育王國 (/) Powered by Discuz! X1.5