教育王國
標題: 其實阿仔應該讀邊類學校 [打印本頁]
作者: 月餅仔媽咪 時間: 17-12-12 09:27 標題: 其實阿仔應該讀邊類學校
月餅仔有發展遲緩, 但又未做評估. 但係就已經在第一輪就有主流學校收(張煌偉小學). 本身我應該係好開心。但點知佢現在的老師,爸爸,同學仔的家長都叫我唔好比阿仔讀, 驚佢適應唔到,又話會比其他高班學生蝦。個個都叫要比佢讀特殊學校.
我憑該點做好????
作者: 小曳人 時間: 17-12-12 09:33
本帖最後由 小曳人 於 17-12-12 09:35 編輯
你揀之前知唔知張係關愛學校，裡面好多SEN架？！
又知唔知已經係教得好淺嘅學校？
作者: ChocoMilk33 時間: 17-12-12 09:34
本帖最後由 ChocoMilk33 於 17-12-12 09:41 編輯
仲未做評估, 而且特殊學校亦不是做完評估即有位，咁應該讀住張煌偉小學先，等評估有報告才可打算。
現時可找些小一適應班之類，等小朋友有心理準備，多些時間適應小一。
作者: Lilianyu500 時間: 17-12-12 09:42 標題: 回覆樓主:
如你想快啲知評估結果，可到有發展專科的兒科醫生做評估。評估後，如你兒需特殊教育，醫生會撰寫報告，可教你怎排特殊位。如等CAC，可能要等很久，才有位做評估。但在等的過程中，因要太久，評估後，又要再排隊輪特殊位，令你很久以後才輪到特殊位。
作者: Lilianyu500 時間: 17-12-12 09:45 標題: 回覆樓主:
所以我提議你找發展科的醫生，雖要幾千蚊，但可省時間等評估，可快啲輪到位，是值得的。
作者: Lilianyu500 時間: 17-12-12 09:47
Lilianyu500 發表於 17-12-12 09:45 
所以我提議你找發展科的醫生，雖要幾千蚊，但可省時間等評估，可快啲輪到位，是值得的。
...
在等候期間，可先讀 張校，一路 等，一路讀。
作者: cherriesiu 時間: 17-12-12 10:17
提示: 作者被禁止或刪除 內容自動屏蔽
作者: long107 時間: 17-12-12 10:37
月餅仔媽咪 發表於 17-12-12 09:27
月餅仔有發展遲緩, 但又未做評估. 但係就已經在第一輪就有主流學校收(張煌偉小學). 本身我應該係好開心。但 ...
你仔現在主流幼稚園讀抑或在s位讀？
作者: Charlotte_mom 時間: 17-12-12 12:05 標題: 回覆樓主
本身學習情況點？如果智力正常同身體無特別支援需要，一般少少發展遲緩都係會讀主流
作者: Sarahroman 時間: 17-12-12 12:13 標題: 回覆樓主
樓主仔仔發展情況點？我仔以前都係發展遲緩但train左3年 大部份野都追番 佢都係派主流
其實我覺得樓主仔仔純粹係慢d唔係需要特別照顧那些 比佢讀張都ok
作者: AndrewHo_FB 時間: 17-12-12 12:43
Get into the primary school first, then tell the in-house social worker or education psychologist about your concern.
For the time being, you need to find a private edu psychologist or clinical psychologist to do assessment, and see if your kid needs to have training in various area before going to primary school.
Don't wait for gov't service as the queue will take 1 year.
作者: 月餅仔媽咪 時間: 17-12-12 12:43
回覆 小曳人 的帖子
我就係知道呢間係愛心學校, 先同阿仔報
作者: 月餅仔媽咪 時間: 17-12-12 12:44
回覆 long107 的帖子
阿仔現在係讀僅S位幼稚園
作者: 小曳人 時間: 17-12-12 12:56
月餅仔媽咪 發表於 17-12-12 12:43
回覆 小曳人 的帖子
我就係知道呢間係愛心學校, 先同阿仔報
另，想帶出一樣嘢：老師會好了解你孩子，但佢未必了解小學嘅教育制度/資源 (包括張煌偉)，所以，建議你响外面搵多方面專業人士嘅意見
有需要，可以同張煌偉學校傾下，到底你嘅情況，佢地會點安排
作者: 月餅仔媽咪 時間: 17-12-12 13:01
回覆 Sarahroman 的帖子
阿仔係理解力比較差, 唔得專心.同埋有時脾氣比較差
作者: long107 時間: 17-12-12 13:37
月餅仔媽咪 發表於 17-12-12 12:44
回覆 long107 的帖子
阿仔現在係讀僅S位幼稚園
唉！s位咁遲都未有評估，就算入特殊都要CAC評估為有需要入先得㗎！
CAC做野咁慢，難為家長。
作者: 月餅仔媽咪 時間: 17-12-12 14:13
回覆 Lilianyu500 的帖子
有冇發展專科醫生介紹? 最好沙田區
作者: Lilianyu500 時間: 17-12-12 14:20
月餅仔媽咪 發表於 17-12-12 14:13
回覆 Lilianyu500 的帖子
有冇發展專科醫生介紹? 最好沙田區
pm you
作者: tibbar2011 時間: 17-12-12 18:20
long107 發表於 17-12-12 13:37
唉！s位咁遲都未有評估，就算入特殊都要CAC評估為有需要入先得㗎！
CAC做野咁慢，難為家長。
...
好奇一問：點解未做評估可以讀S位？
作者: long107 時間: 17-12-12 18:22
tibbar2011 發表於 17-12-12 18:20
好奇一問：點解未做評估可以讀S位？
係讀小一再評估一次，主要是決定升特殊或主流小學之用。
作者: Lilianyu500 時間: 17-12-12 19:04
long107 發表於 17-12-12 18:22
係讀小一再評估一次，主要是決定升特殊或主流小學之用。
對了。
作者: sharon26788 時間: 17-12-12 19:23 標題: 回覆樓主
可以選擇出去浸一年普通幼稚園再決定上主流亦或特殊學校，首先係要追CAC做評估決定可以讀邊類學校。我仔就係S位之後讀多年普通幼稚園再上主流小學，今年中一了。加油
作者: siden 時間: 17-12-12 20:31
月餅仔媽咪 發表於 17-12-12 12:44
回覆 long107 的帖子
阿仔現在係讀僅S位幼稚園
如果你讀緊S位幼稚園，而幼稚園老師叫你唔好去張煌偉，就算你唔想接受，事實係你好大機會係唔適合主流。
你評估咗先作最後決定la
作者: 雲牛 時間: 17-12-12 23:08 標題: 回覆樓主:
應該在入小學前，CAC 已告知小朋友可否入主流。
如果張已經有很好照顧SEN 的經驗，可以讀住先。趁仲有呢半年，揾間好的centre做 training, 盡追落後。
作者: 月餅仔媽咪 時間: 18-3-13 09:52
月餅仔已經做了評估, 醫生話佢係輕度智障,係輕度自閉的一種, 醫生佢一定要讀特殊學校。
上星期學校家長日，班主任同學校社工都話阿仔一定要讀特殊學校， 點知學校治療師就話阿仔唔係差，可以比佢讀張煌偉， 因為如果要佢入讀特殊學校，雖然有特別照顧，但就冇機會學正常學生的生活， 而且入左特殊學校，就算佢變得好好，都唔可以出番正常學校讀。 我聽完班主任同治療師的說話，雖然，我都有排特殊學校。
但我真係唔知點幫阿仔選邊類學校先係對佢好.
作者: HaYi 時間: 18-3-13 10:16
我識個是Delay 2 年以上在普通3線多SEN官津讀初小, 學校有測考加時同另班戶之類的調適, 有加輔之類. 但功課冇咩少, 要照交. 有次要作文, 佢只有能力抄類似的字, 但字體不可辯認, 老師幾次打回頭要重作 (抄).
其實我唔知讀主流學校對佢地來說是否一個好選擇. 主流學校佢地又盼望可以學到幾多東西.
作者: haihaimom 時間: 18-3-13 13:29
月餅仔媽咪 發表於 18-3-13 09:52
月餅仔已經做了評估, 醫生話佢係輕度智障,係輕度自閉的一種, 醫生佢一定要讀特殊學校。
上星期學校家長日， ...
主流小學對特殊學生都容易出現欺凌問題
作者: long107 時間: 18-3-13 22:23
月餅仔媽咪 發表於 18-3-13 09:52
月餅仔已經做了評估, 醫生話佢係輕度智障,係輕度自閉的一種, 醫生佢一定要讀特殊學校。
上星期學校家長日， ...
S位治療師係邊方面的治療師呢？你小朋友是否某一方面達標但另一方面比較弱呢？
同S位高級導師和中心主任商量下，同一間中心的老師，社工，治療師俾的意見有分歧，問下他們應該點決擇。
作者: 月餅仔媽咪 時間: 18-3-14 10:25
回覆 long107 的帖子
係職業治療師, 佢話阿仔在體能方便和同年小朋友冇大分別。 治療師係有好多年經驗，佢的意見係話阿仔可以入讀張煌偉，佢仲話如果入了特殊學校就冇機會轉番主流學校。其實我想阿仔入正常學校， 係想佢同正常小朋友有多Ｄ接觸，等佢大個時可以同其他正常人溝通.
作者: 月餅仔媽咪 時間: 18-3-14 10:28
回覆 haihaimom 的帖子
其實特殊學校都有機會有欺凌問題
作者: long107 時間: 18-3-14 10:35
月餅仔媽咪 發表於 18-3-14 10:25
回覆 long107 的帖子
係職業治療師, 佢話阿仔在體能方便和同年小朋友冇大分別。 治療師係有好多年經驗， ...
同意呀！其實決定權在父母手(emoji)，不過你要有心理準備跟功課好辛苦。
另外問中心主任如果唔適應主流小學，想(emoji)返特殊，要點做。
作者: 月餅仔媽咪 時間: 18-3-14 11:32
回覆 long107 的帖子
其實我都有同阿仔排特殊學校, 而且已經在教育局做好手續。但係，我都未知想阿仔讀邊類。我已經問了教育局，佢話如果想由主流轉返特殊，要重新做評估，如果，醫生話一定要轉返讀特殊，就要重新排過。
作者: 一手爛牌 時間: 18-3-14 13:22
月餅仔媽咪 發表於 18-3-13 09:52
月餅仔已經做了評估, 醫生話佢係輕度智障,係輕度自閉的一種, 醫生佢一定要讀特殊學校。
上星期學校家長日， ...
醫生是建議，可以自己作最後決定？還是跟專業意見？
作者: Sarahroman 時間: 18-3-14 23:34 標題: 回覆樓主
治療師話可以讀而張煌偉又有依類小朋友就試下 有時候我會覺得雖然有輕度自閉 但上主流可能受到朋友感染會有改變呢
我小朋友之前都有發展遲緩 同有d社交問題 本身可以派去有得每日接受training既學校讀 但我拒絕左 選擇係主流幼稚園繼續(training1星期1次) 因為我覺得我小朋友係比人慢 但入左那些幼稚園每日training好似小朋友每日都比人提住係比別人慢同其他人唔同咁 反而小了正常與人相處的時間
我覺得對自閉的小朋友多與朋輩相處比每日training更好
作者: 月餅仔媽咪 時間: 18-3-15 10:00
回覆 Sarahroman 的帖子
我都有同感, 我一放假都會帶佢出來同其他小朋友玩。其實我都好想比佢上主流學校， 但佢班主任尋日又同我講阿仔一定要去特殊學校先對佢好， 我真係好煩
作者: subb 時間: 18-3-15 10:24
本帖最後由 subb 於 18-3-15 13:47 編輯
都知道家長一定15/16, 但無人比到答案, 細仔去分析想一想
去行動吧 ！
先去了解一下張煌偉對SEN的協助是否足夠,
雖然已經融入教育都一斷時間,
但真正融／容的有幾多呢？？？
學校教師有幾多老師是懂點教／對ＳＥＮ？？
學校在大部份學生都不是ＳＥＮ在教學上對ＳＥＮ又會點做？？？
情緒上學校又會點處理？？？
在ＨＫ一般小學其實對ＳＥＮ只做了好表面功夫，
真正做內裡的小之有小？？！！！
打去問學校／其他讀的家長了解下收下風！
不如好好想下，入主流／特殊都好，有心埋準備比去補上主流／特殊的不足之處 !
邊個不足之處,你會做到, 盡量去平衡到 !
作者: subb 時間: 18-3-15 10:29
Sarahroman 發表於 18-3-14 23:34
治療師話可以讀而張煌偉又有依類小朋友就試下 有時候我會覺得雖然有輕度自閉 但上主流可能受到朋友感染會有 ...
去到小學要面對的問題, 其實好唔同 !
作者: cmchang0927 時間: 18-3-15 23:59 標題: 回覆樓主:
我識有小朋友發展遲緩:8歲入小ㄧ時還不太懂説話，評估是要入特殊。最後去了關愛型小學。之後家長和老師溝通好，對成績不作任何要求(差不多全部零分)，老師也不會勸走和留班的。當然不能對小朋友有要求，功課是家長代做，測考默不能迫。。所以其實讀主流愛心學校應該是可行的
作者: siden 時間: 18-3-16 07:19
subb 發表於 18-3-15 10:29
幼稚園唔同小學, 幼稚園學校仍然是單純一點
去到小學要面對的問題, 其實好唔同 !
Agree
作者: haihaimom 時間: 18-3-16 09:14
回覆 月餅仔媽咪 的帖子
唔係話職業治療師唔專業，不如聽埋教育心理學家嘅意見，佢哋會喺心智及學習能力上評估個小朋友
作者: long107 時間: 18-3-16 12:05
cmchang0927 發表於 18-3-15 23:59
我識有小朋友發展遲緩:8歲入小ㄧ時還不太懂説話，評估是要入特殊。最後去了關愛型小學。之後家長和老師溝通 ...
咁其實個小朋友在主流小學都唔會學到什麼，有什麼具體的調適，等小朋友可以至少學一點。
作者: cmchang0927 時間: 18-3-16 12:26
long107 發表於 18-3-16 12:05
咁其實個小朋友在主流小學都唔會學到什麼，有什麼具體的調適，等小朋友可以至少學一點。
...
係! 所以我只係覆樓主在我朋友的case讀主流是可行，但如果是我，我不會這樣選。。。在我朋友的point，她並不覺得學術、人際等重要。。總之小朋友沒有受傷=沒有欺凌(因為小朋友也不懂覆述學校情況);老師不趕走就算了。。每人的價值觀不同。。如果父母很介意不入主流，旁人也不太好意思比意見
作者: long107 時間: 18-3-16 12:31
haihaimom 發表於 18-3-16 09:14
回覆 月餅仔媽咪 的帖子
唔係話職業治療師唔專業，不如聽埋教育心理學家嘅意見，佢哋會喺心智及學習能力上 ...
其實評估中心評估個位咪係心理學家囉！
作者: waiwai2468 時間: 18-3-17 08:57 標題: 回覆樓主：
本帖最後由 waiwai2468 於 18-3-17 10:32 編輯
我女好似您仔咁，我女係身體有事導致發展遲緩，沒有行為問題，好乖好聽話，評估中心評左佢係輕度弱能，心理醫生話佢有兩部分言語個部分ok冇問題仲話佢幾好，好多野問，而學術個部分話佢拉底了很多分數，心理醫生話可能因為中心冇教，所以佢唔識做到考拉底左分，咁我話咁我去重讀再評可以嗎，佢冇出聲冇應我，之後我唔簽同意讀特殊要求再評，佢話唔可以，佢話你要讀主流既到時比份報告教育局會比學校會有支援咁，我同佢黎緊重讀K3然後再上小一，但會沒有適年齡分，因為佢而家剛6歲3個月，我唔係搵熱門既學校我覺得分數唔係重要，亦搵了幼稚園收左，有兩間下午班和一間全日班收左，我女有K2既程度未去到K3學校幼稚園評估中心話，我想同佢打好基礎再上，然後再搵3線既學校，如果要搵既就搵有支援Sen學生既學校，通常學校會包容有愛心但唔代表冇功課，要周圍問網上睇，我癲到會pm心儀學校既家長直接問，大家都好好好有心，同埋要睇學校報告，直接打去學校問，特殊唔係唔好係比我有一種温空罩罩住咁，評估中心醫生話叫我讀住特殊先，話我女入特殊會係叻個班個d黎，話因為我女身體有事容易照顧佢，但佢其實同正常人冇分別，唔講唔知佢身體入面有事又唔會影響人，佢仲話如果讀得好轉番出主流，我冇出聲，邊有人讀特殊轉主流聽都未聽過，我問一個教中學既老師佢話十年都未見過叫我唔好信，而且如果你想佢讀主流都可以，但就要有心理準備好吃力，大家加油啦，你有咩問題可pm我
作者: waiwai2468 時間: 18-3-17 09:07 標題: 回覆樓主:
當日評估我由9點見左我先然後心理醫生評我女，評到中段出番黎，話我女要休息下話佢話唔專心搵媽咪冇安全感叫佢飲水食下幾一陣再評，我女同我講媽咪您一陣可唔可以陪我呀，我話要問姐姐睇下得唔得，我女話咁一定唔得啦，之後評到12點38分出黎，我女同我講話媽咪好深好難，琪琪唔識做唔好意思呀，我個下攬住個女講唔緊要啦，姐姐同您玩陣ma唔緊要架，你已經好叻女，跟住我話帶埋佢入去聽，心理醫生話唔可以佢聽得明咁
作者: waiwai2468 時間: 18-3-17 09:12 標題: 回覆樓主:
玩左佢成朝，邊間評估中心我唔方便講，但佢比左份野我叫我比中心填，話佢今日表現，唔係咁好，想睇佢平時時情況，份野好大份，項項都評分既，佢叫我攞番中心，話如果中心覺得冒犯佢地既就當冇收過，佢話佢唔會計分既，之後問番中心佢話之前未收過評估中心比既呢份野，所以之前我先會要求重評，唔簽同意轉特殊咁，但得出黎結果係話已評唔可以，但我覺得我知我女既不足，而睇緊黎緊既點幫佢
作者: waiwai2468 時間: 18-3-17 09:14 標題: 回覆樓主：
本帖最後由 waiwai2468 於 18-3-17 09:36 編輯
點解我會重讀係因為佢未讀過主流幼稚園，我想佢重讀主流然後再汁汁佢之後再上，而去面試幼稚園都係問下問題，傾計，默書，中英文，寫自己名，之類咁，其實真係要睇小朋友能力先上主流，我係問過中心同埋周圍人我先會同女咁試，因為我女未去到好差又未係好好咁先煩
作者: waiwai2468 時間: 18-3-17 09:31 標題: 回覆樓主:
我識我屋苑有個媽咪佢仔評了嚴重遲緩，佢照比佢仔去讀主流，佢言語唔得行為唔得，A仔黎既，最後佢讀唔掂因為上活動除褲痾尿，跑來跑去，聽講今個月轉番去讀特殊咁
作者: pekovian 時間: 18-3-17 09:46
waiwai2468 發表於 18-3-17 09:31
我識我屋苑有個媽咪佢仔評了嚴重遲緩，佢照比佢仔去讀主流，佢言語唔得行為唔得，A仔黎既，最後佢讀唔掂因 ...
見到你都好俾心機照顧個女，媽媽都要加油(emoji)(emoji)
作者: waiwai2468 時間: 18-3-17 10:02
pekovian 發表於 18-3-17 09:46
見到你都好俾心機照顧個女，媽媽都要加油(emoji)(emoji)
本帖最後由 waiwai2468 於 18-3-17 10:49 編輯
謝謝呀，點都好都係想搵合適既幫助小朋友
作者: 月餅仔媽咪 時間: 18-3-17 12:37
回覆 waiwai2468 的帖子
其實阿仔K1都係讀主流幼稚園, 但佢D老師就成日同我講阿仔唔OK, 最好同佢退學,點知阿仔又未可以排S位, 最終佢在主流重讀K1, 再讀在半年K2, 先去S位幼稚園讀, 但係就係在S位好叻, 所以我先想佢入讀主流小學, 其實我都聽好多人講, 入讀特殊後, 好難出番去主流, 一來未必有主流會收, 二來佢地小朋友, 由特殊轉返主流仲唔識應。因此， 我先想去上小學時，在一開始就讀主流.
作者: waiwai2468 時間: 18-3-17 12:39
月餅仔媽咪 發表於 18-3-17 12:37
回覆 waiwai2468 的帖子
其實阿仔K1都係讀主流幼稚園, 但佢D老師就成日同我講阿仔唔OK, 最好同佢退學,點知 ...
本帖最後由 waiwai2468 於 18-3-17 12:46 編輯
唔緊要呀，試左先唔得既再轉番去特殊，係怕吃力搞到情緒問題啫，心理醫生同我講，但我覺得如太差我會試特殊，但又唔係情況太錯點解唔試主流先啫
作者: 月餅仔媽咪 時間: 18-3-17 12:54
waiwai2468 發表於 18-3-17 12:39
本帖最後由 waiwai2468 於 18-3-17 12:46 編輯
唔緊要呀，試左先唔得既再轉番去特殊，係怕吃力搞到情緒 ...
我其實都怕佢會有情緒問題。不過都想試下先
我見到你都好有心機教個女，大家一齊努力。
作者: waiwai2468 時間: 18-3-17 13:00
月餅仔媽咪 發表於 18-3-17 12:54
我其實都怕佢會有情緒問題。不過都想試下先
我見到你都好有心機教個女，大家一齊努力。
...
大家加油呀
作者: waiwai2468 時間: 18-3-17 13:02 標題: 回覆樓主:
其實我都係朋友睇到您個post 傳左條link我，我先會係到留言比您
作者: 月餅仔媽咪 時間: 18-3-17 13:46
waiwai2468 發表於 18-3-17 13:02
其實我都係朋友睇到您個post 傳左條link我，我先會係到留言比您
其實我出呢個post,係想d同路人比d意見，因為我真係唔知點，學校老師同其他同學家長都話阿仔一定要去特殊，就算唔講，都會whatsapp好多a仔去主流小學讀的唔好的資料比我睇
作者: waiwai2468 時間: 18-3-17 13:53
月餅仔媽咪 發表於 18-3-17 13:46
其實我出呢個post,係想d同路人比d意見，因為我真係唔知點，學校老師同其他同學家長都話阿仔一定要去特殊， ...
本帖最後由 waiwai2468 於 18-3-17 13:57 編輯
其實都好多一面倒，正如我女應該要上小一，我地都比佢重讀一樣咁，冇人知對與錯，但我地做父母既都係想搵岩既比自己既小朋友，冇人知結果會點，可能讀特殊有特殊既好，讀主流既有主流好，冇人知因為讀個0個係自己個仔自己個女，最緊要唔好格硬黎，係舊年我女返醫院覆診，有兩個後生醫生黎同我女打氣，靚女醫生細個係發展遲緩的，佢話我知冇人知道第時會點，但唔行出第一步就咩都做唔到，試左先啦，唔得既再轉吧
作者: waiwai2468 時間: 18-3-17 13:54
月餅仔媽咪 發表於 18-3-17 13:46
其實我出呢個post,係想d同路人比d意見，因為我真係唔知點，學校老師同其他同學家長都話阿仔一定要去特殊， ...
您應該係特殊板到出，個邊多d人睇
作者: pianist2 時間: 18-3-18 23:30
本帖最後由 pianist2 於 18-3-18 23:57 編輯
樓主，
做得評估的心理教育學家，首先要基本心理學三年，再讀兩年碩士，另仲要再修讀方面專科先可以去做；另外一面，係一個讀職業治療，對教育的認識有多少，評估一個小朋友可以有多全面呢？
請慎重考慮。
作者: 月餅仔媽咪 時間: 18-3-19 09:08
回覆 waiwai2468 的帖子
我去醫院覆診時, 醫生同樣都有同我小朋友打氣, 佢話其實都有好多傑出的人物, 細個的時候都有自閉証, 但大個的時候都好出色, 叫我唔好灰心。其實我聰到醫生禁講， 我就更想阿仔讀主流， 真係第時的事冇人會知， 但如果唔比阿仔試， 有可能害佢一生.
作者: mytambb 時間: 18-3-19 09:13
月餅仔媽咪 發表於 18-3-14 10:25
回覆 long107 的帖子
係職業治療師, 佢話阿仔在體能方便和同年小朋友冇大分別。 治療師係有好多年經驗， ...
本帖最後由 mytambb 於 18-3-19 09:25 編輯
其實已經有專業的治療師評估及建議，而且又有學校收，何不放心就讀？
日後，學校會就治療師對SEN個案的報告作出有關安排。我見過SEN的學生也升到band 1頭的中學。
作者: mytambb 時間: 18-3-19 09:17
月餅仔媽咪 發表於 17-12-12 09:27
月餅仔有發展遲緩, 但又未做評估. 但係就已經在第一輪就有主流學校收(張煌偉小學). 本身我應該係好開心。但 ...
EK 有 special education的forum. 不如你去看看，可能更多有用的資訊。
作者: yyycheng 時間: 18-3-25 08:42
Lilianyu500 發表於 17-12-12 14:20
pm you
請問可pm医生聯絡電話给我嗎？
| 歡迎光臨 教育王國 (/) |
Powered by Discuz! X1.5 |