教育王國

標題: 林鄭保證學術自由（左丁山） [打印本頁]

作者: elbar 時間: 17-12-8 14:02 標題: 林鄭保證學術自由（左丁山）

十二月四日南華早報頭版報道科技園主席羅范椒芬女士涉嫌「學術干預」，呢段新聞都幾好笑。事緣上任特首梁振英出力邀請到瑞典 Karolinska Institutet到香港設立醫療研究所，搵到劉鳴煒捐款四億港元，在科學園設立一個「劉鳴煒復修醫學中心」，去年十月開幕，係呢間具備207年長遠歷史嘅瑞典頂尖醫學研究所之海外第一家分支。呢間研究所咁有來頭，又有大把資金，瑞典人唔會犧牲聲譽，來香港玩遊戲嘅啫。

但我哋羅范女士，董事責任心大過天，樣樣親力親為，今年八月，聯同科學園生物科技研究主管，登門拜訪該研究所主管，要求匯報研究進展情況，但主管不在噃，羅范不肯罷休，直情飛咗去瑞典首都斯德哥爾摩，搵研究所之上頭卡羅琳斯卡學院（醫科大學）嘅頭頭傾，羅范走咗之後，該醫科大學副校長Ole Petter Ottersen在大學網頁嘅blog發表簡短聲明，指該校之研究人員有全面學術自由，不會容忍任何限制研究人員學術自由之條件。

校長之聲明與羅范之探訪，有無關連呀？點解咁事有湊巧嘅？大學自然識做，唔會回應查詢，但奇事又嚟嘞，特區政府行政長官林鄭月娥之後就致函Ottersen校長，保證香港一定尊重卡羅琳斯卡研究所之自主權及學術自由，校長對南華早報表示，得到林鄭特首之保證，甚感快慰。

醫學研究一事，非一時三刻就有結果嘅，科技園主席羅范椒芬未免急於求成，基本上係冇耐性，由佢推廣STEM教育嘅話，啲科學院院士都會畀佢玩死！

港大校友A睇完呢段新聞，竟然擔心港大嘅學術自由，在飯局上問我哋：「港大請新校長張翔喎，你哋有乜意見？蘋果有報道話佢嘅英文麻麻，咁點代表港大呀？大陸學者會唔會好聽政府話？」哦，張翔嘅英文好唔好，未見過，唔敢講，但以佢之學術資歷，應有資格做港大校長啩，港大校長遴選委員會，唔會揀個低水平人士啫，港大夠有不少威猛教授及中國科學院院士啦。朋友A就關注到張翔係內地人，在南京大學畢業，唔多慣有學術自由噃，會唔會係羅范一類？哎吔，真難講，要以後聽其言，觀其行至得，但同時係美國籍嘅張翔主張與內地加強合作，向國家教育部申請資助，就會處於微妙位置，為免生是非，由張翔主政嘅港大，似會專注科研，少理香港政治社會。注重實惠嘅建制派，一定鍾意。

左丁山

作者: 凝聚態 時間: 17-12-8 17:27

提示: 作者被禁止或刪除內容自動屏蔽

作者: ANChan59 時間: 17-12-8 20:25

凝聚態發表於 17-12-8 17:27
新港大校長能否好好守護港大學術自由就未知，而羅范野心及權力慾之大就路人佳見，自從她俾CY政治酬庸安排 ...

而實際上，科學園根本就沒有Technical Expertise參與或提供任何技術顧問或支援予園區內公司的研發項目。

*****

你提出的支援是否 STP 的 Mandates ?

外國的科學園是否一樣呢？

作者: 凝聚態 時間: 17-12-8 22:44

提示: 作者被禁止或刪除內容自動屏蔽

作者: ANChan59 時間: 17-12-9 08:50

凝聚態發表於 17-12-8 22:44
外國的科學園的確也是類似的運作，但不像STP在不同範疇也請了不少Technical Staff但那些Technical staff其 ...

我最初誤會你的意思，我都認為STP不應挿手園區公司的實際研究及發展，但他們要了解入了國區的公司是否真的從事R&D的工作，還有申請入園區的初步篩選，有科技背景是必須的！

個別 cluster head 的性格較特別，才會有人陪同主席去踩 Kl 香港研究所的場！

歡迎光臨教育王國 (/)