教育王國

標題: 懷疑失用症 [打印本頁]

作者: Taviata 時間: 17-12-7 20:27 標題: 懷疑失用症

朋友個女2歳半，好多音都發唔到，又模仿唔到，佢上網睇過，懷疑係失用症，有無媽媽有經驗分享？點樣確診？

作者: feifei_baby 時間: 17-12-8 13:00 標題: 回覆樓主

果啲「好多音」係咩音？兩歲幾，應該要識簡單嘅音，如爸、媽、飲、玩、開呢啲音，有啲難啲嘅音可能會錯，如車變爹，水變隊....

如果連簡單嘅音都唔得，要睇下小朋友發展係咪遲緩，例如語言理解係咪慢咗，定係理解好好，只係講唔到嘢，講唔到嘢係因為口肌弱，定其他問題...

最好搵言語治療師做個評估。

作者: a6u1 時間: 17-12-9 00:28

我個仔係懷疑言語失用症，當時兩歲10個月都係得5個單字，但言語理解力跟同齡差唔多，經過一年半多既訓練，現在可以講到3至4元素既句子，但係算係進步慢，到現在四歲多，仲有好多音發唔到，所以講到咩晒，而且仲有好多BB話，好多時阿仔講野只有父母先會明白。
訓練方法都係靠不斷密集式操練。

作者: jessica118 時間: 17-12-11 10:20

提示: 作者被禁止或刪除內容自動屏蔽

作者: Taviata 時間: 17-12-14 10:02

a6u1 發表於 17-12-9 00:28
我個仔係懷疑言語失用症，當時兩歲10個月都係得5個單字，但言語理解力跟同齡差唔多，經過一年半多既訓練， ...

佢個女連韻母都講唔到，d 合唇音都唔係個個得，外人完全聽唔明

你仔仔喺邊度評估? 同埋訓練要幾密? 治療師會點教?有咩可以喺屋企做?

作者: Taviata 時間: 17-12-14 10:02

jessica118 發表於 17-12-11 10:20
我侄仔2歲幾個時都發唔到簡單音，之後去左做評估發現有發展遲緩，宜家係私人中心度做緊密集訓練，語言同理 ...

plz pm

作者: a6u1 時間: 17-12-14 11:13

Taviata 發表於 17-12-14 10:02
佢個女連韻母都講唔到，d 合唇音都唔係個個得，外人完全聽唔明

你仔仔喺邊度評估? 同埋訓練要幾密? 治療師 ...

我個仔兩歲11個月時係CAC評估為整體發展遲緩，之後上午番幼稚園，下午星期一，三，五上密集訓練（包每星期一次言語治療），之後自己在外面再額外加多每星期一次言語治療。治療方法都離不開要對小朋友不斷操練，對於發不準或發不到嘅音，就要佢望著媽媽嘅嘴形來學試講，如果望著都唔得，就要用些小道具或用手指幫一幫，例如用手指按一按小朋友嘅嘴唇來發某些音。

作者: pugpugyan 時間: 18-2-12 23:21 標題: 回覆樓主

我囡都是言語失用症，三歲半才開始叫爸爸媽媽，之前真係冇乜發音，現在四歲，這半年好好彩因爲轉了言語治療師才開始講嘢，雖然很多發音還需要時間斗正，但比起開初的絕望，起碼知道她不是不會說話

歡迎光臨教育王國 (/)